------- كيف قيضت طيرك ؟؟

[قلب ذيب]

ارحبوا ياصقاقير .
ودي نتناقش حول تقيض الطيور , البعض قيض طيره عنده في البيت والبعض ربطه لدى مختصي مقيضين الطيور , احد يشوف طيره كل يوم واخر يراه في الشهر او الاسبوعين مره
المهم نبي نعرف وين قيضت طيرك او طيورك ؟ ومانوعها ؟ وماذا حذفت من ريش ؟

-- بالنسبه لي عندي ثلاثة طيور , اثنين جير مقيضات في مستشفى سويحات هدد , والاخر حر مقيض في مربط مقناص في مدينة العين , ومنذ ان ربطن ماشفتهن ولاسألت عهن !

[وَسَام!]

احسن شي لاتشوفهن الا سوءال بالتلفون اما انا مقيض اثنين فروخ حرار وشيهانه جبليه في مقيض ماجد الدوسري بالخرج طلق يحومن الصبح والعصر ومرتاح من مشاكلهن والمرابطه دايم في البيت واقدر اروح على كيفي لاني قيضت سنتين في البيت ولا عاد اتعودها

[نواف السبيعي]

يا مرحبا.
والله يا اخي انا حاطه في مكان متخصص بالشغله هذه
عشان ارتاح سته شهور من تعب المقناص وشقاه
وكل مافظيت رحتله يعني كل اسبوعين مره
بس في مشكله انه ما حذف تاخر وانا رابطه بدري في مقيض زين
ولكن الصبر علاج ومفتاح الفرج.
بس يا اخي لازم تروحله وتشوفه بعينك.
لان في بعض الاحيان الشوف احسن من السوال.
وتقبل مروري[نواف السبيعي]

[نايف الخالدي]

بالنسبه لي عندي ثلاث طيور
قرناسي مزيون وثنين فروخ
مزيون معه 3 واحد من الفروخ 4 والثالث ماحذف للحين
ومقيضهم عندي بالبيت اشوفهم كل شوي

[قلب شاهين]

بالنسبة لي أنا

ماقيضت طيور الموسم هذا لا عندي ولاعند غيري ،،

بيعت طيوري آخر الموسم لظروف وعدت ،،

وأنشاء الله مع بداية رمضان تشوفون الفرخ حقي مع حباراه <<< واثق الرجال :)

والله يسهل عليكم ،،

لاهنت على الموضوع ،،

تحياتي / قلب شاهين ،،

[alajmi110]

اما انا واعوذ با الله من كلمة انا عندي حر وشيهانه
الحر ربطته في بدايت شهر ثلاثه فا الحفر الباطن مربط طلق عند الرشيدي
والشيهانه ربطتهاا اول شهر اربعه فا الحسا عند شايب مربط فا القاع
والحقيقه ما عندي علم فيهن الثنين لكن متأكد ان الشاهين ما هيب حااذفه اللحين لازم أتدلع شوي ههههههههه

الله لايهينك علة الموضوع الجميل

[الفيتو]

بسم الله الرحمن الرحيم
السلام عليكم ورحمة الله وبركاته
صباح الخير ياخوي / قلب ذيب
الصراحه انا مقرنس طيرين بس ماهيب لي . حاطها تمويه
شايب كنت اقنص. معه واجهته قبل سنتين نشدني عن المقناص
قلت تركته والطير إموادعه وداع بن عون للطير
قال آفا بس آفا لا أسمعك تقول هالكلام .ترى من الاشيا اللي تونسني ليا
سمعت إنك قانص. لاتضيق صدري بهالكلام
قلت ليه؟ قال بس
...
قرنستها عندي وكل شيء الا زعل الشايب
ليا ردوا له علم قالوا شفنا عنده طيور
والا انا مالي فيها طير.. سمحت من الطيور
*
والسلام
الفيتو
الحجاز
9/4/1429هـ

[عين النداوي]

السلام عليكم ,,
لاهنت اخوي قلب ذيب ..
اما بالنسبه لي انا مقيض طيوري عندي بالبيت لي ولخوياي شرواكم..
الطيور الي فالمربط سته اربعه لي وثنين للربع .. طيوري انا كلها جيره واحد بيور خالص واحد جير بحر وعندي شياهين ثنتين امريكيات الشياهين ماقطن للحين اما الفرخ الجير قط ثنتين وطيور الربع للحين ماقطت ..
وسوالم..

[وقاااااد]

يعطيك العافيه ياقلب ذيب على الموضوع
عندي طيرين قرانيس مقيضهن عند بندر الدرع واحد ربط واحد طلق
ولاادري عنهن منيوم ربطتهن

[طيرحوران]

حياك الله ياقلب ذيب
الطيور اثنين حرار واحاذفات على ثنتين مادري ثلاث
وجير شاهين تبع حاذف ثنتين
ورابطهن في مربط واحد من الربع اثنين طلق وواحد الا الحين مربوط
مشكور

[قناص الفيافي]

قلب ذيب . أنا مقيض طيري في سويحان . لكن لو قيضته عندي كان أبرك . لاني أريد أشوفه كل يوم .

[قلب ذيب]

يامرحبا بالشباب .
حقيقه ردود طيبه ومختلفه ومونسه .
اله يبارك للجميع و ونتمنى لجميع الطيور الصحه والسلامه وعدم الضياع وان شاء الله تنقلون طيوركم في الموسم وهي جاهزه ومستعده لذبح اللفو من كروان وحبارى وارنب .
الاخ / الفيتو - انت صقار حسب ماسمعت عنك لك باع طويل في الصقاره وخبره طويله مع الطير , والحقيقه مانعرف ظروفك ودنا انك ماتترك الطير ولا المقناص ولا الرجال المطليق الحريصين على نقل الطير وشبة النار والدوجه في البر .
الله يوفق الجميع لما يحبه ويرضاه , ودام تواصلكم الطيب .

[نبع الدموع]

تسلم اخوي قلب ذيب على الموضوع هالسنة انا شرح اخوي الفيتو
ما قنيت طير لاكن عندي بكر حر لواحد من اخوياني سافر و خليت
الطير عندي الطير حاذف ثلاث