هل يمكن تركيب مكيف خلفي للباث فايندر

[ابوعبدالله678]

السلام عليكم اخواني هل من الممكن عمل تمديد من مكيف الباث فايندر الأمامي للركاب في الخلف اما عن طريق التمديد في السقف او تمديد ارضي او اي طريقه ممكنه بإنتظار من لديه فكره او معلومه او هل سبق ان تم عمل مثل هالطريقه والسلام عليكم

[salehhd]

السلام عليكم

اذكر احد الاخوة ذكر ان سواها في مجموعة السلام وضبط معاه فترة

مع الاسف حاولت البحث عن الموضوع وماوجدة

[لن أمل من العطاء]

ممكن وشغل على الضمان وديكور مثل الوكالة في كل شيء حتى في المفاتيح

لكن في الرياض ما اعرف
في جده في طريق مكه ستجد عالم ن الاثارة



اخوك


لن
امل
من
العطاء

[.أبوعبدالرحمن]

متابع وبشدة

[alkongrs]

وانا بعد متابع وبقوه للأهميه

[zzz714]

متابع وبعنف لهذا

[عادل القرشي]

طيب الله يجزاك خير عطنا موقعه الجغرافي بجدة لأننا محتاجين له

[ابوعقل]

الله يوفقك وتلقا المحل

[أبو الحارث 4]

السلام عليكم اخواني هل من الممكن عمل تمديد من مكيف الباث فايندر الأمامي للركاب في الخلف اما عن طريق التمديد في السقف او تمديد ارضي او اي طريقه ممكنه بإنتظار من لديه فكره او معلومه او هل سبق ان تم عمل مثل هالطريقه والسلام عليكم

أخي الكريم لما كنت عند فيليب الفلبيني كهربائي جيد في رياض الخبراء أخبرني أنه يركب مكيف خلفي، للتواصل خذ من توقيعي تركيب مثبت السرعة للاندكروزر عنوانه ورقم جواله واتصل عليه.

[بوخليفه2005]

وأنا أنتظر بعد وبلهفه
:)

[ابوعبدالله678]

ما شاء الله تفاعل ونشاط الله يجزى الجميع خير الجزاء لكن لا زلنا ننتظر المزيد من الخبرات والمشاركات

[شروكي ربع]

لا اتوقع انه سيجدي معك لأسباب ..

أولها ان السيارة مصممة للدفع الأمامي ققط بمعنى انه اذا ركب للخلفي تمديدات ستقل البرودة والدفع للجانبين , الا في حالة تركيب ثلاجة أخرى ودفع خاص بالمكيف الخلفي , ولا اعتقد انك ستصل لهذه الدرجة لانه وببساطة ستدخل في فئة العشرات من الألوف لتنفيذ طلبك .

ثانيا فيما اعلم لا الفل ولا غيره لا السعودي ولا غيره مايجي مكيف خلفي فمهما سويت من التمديدات ستظل قبيحة ومكلفة جدا .

ثالثا ان المرتبه الخلفية ضيقة والسقف ارتفاعه بسيط وستزيد على ذلك ضيقا للمكيف , فماذا برأيك ستكون النتيجة .

هذا ما استحضرته على عجل ..


ووفق الله في حلك وترحالك .

[التعـ King ـديل]

انا اوافق اخوي شروكي ربع وتبي نصيحتي لاتفكر تتعبث بالموتر بكره اذا جيت تبيع لقوه عيب في الموتر

وتكون خسران بالاوله والتاليه

[بن محفوظ]

متابع بدون عنف

لكن بالنسبة للدفع عن طريق الثلاجه اعتقد ماله دخل

لأن المكيف لو حطيته على مروحه رقم 3 يصير دفعه قوي مره فما بالك برقم 4 ...

لكن يمكن مشكلة التمديد هي الي بتعيق العمل

[ناوي نيه]

حاولو تسوون تمديد زي الفكتوريات والكوابرس واللومينات
انا اشوفه افضل يكون في التكايات
والا اقول وشوله:d

[abode.3]

وأنا معكم ...:d :d

[طلال العنزي]

أولا السلام عليكم ورحمة الله وبركاته مكيفات السيارة الخلفية تجي نوعين
النوع الاول مراوح وثلاجة منفصلة
وهذا مثل مكيفات الجموس والجيوب شد البلد وهذا افضل.
النوع الثاني توصيلات داخلية مخفية داخل ديكور السيارة على مراوح وثلاجة المكيف الامامي مثل اللومينا والكراون فيكتوريا والكوامري .
هناك ورشةفي صناعية الرياض القديمة يركب المكيف الخلفي بالطريقتين لكن بحكم التجربة انا معي باترول ستاندر(سياحي اربع ابواب ) ركبت عنده مكيف وحدة منفصلة مع فتحات مكيف مشابهة لشد البلد والمكيف له اكثر من سنة والحمد لله والشكر وعنوان الورشة مدخل الصناعية من جهة الملز وانت جاي من الملز متجه لألبان الصافي امسك الخدمة بعد كبري سكة الحديد بأتجاه الجنوب يجي مسجد كبير على طريق الخدمة لف قبل المسجد يمين وروح سيدة بعد 300 متر الاختصاصي للتكيف المعلم ابو جمال . وعلى فكرة تراه غالي من 4000 الاف وطالع لكن الموتر النظيف يستاهل.

[أبو مسفر]

يا شروكي لو تلاحظ فيه سيارة من تويوتا اسمها أنوفا داخليها اصغر من البرادو والباث فايندر ومع ذلك يوجد بها مكيف خلفي وتوزيع للهوايات ممتاز عبارة عن فتحتين في وسط السقف للراكب الخلفي وفتحتين للي في الشنطة يعني توزيع ممتاز للمكيف ومع ذلك للمكيف مفتاح تحكم خاص .
\
خلاصة الكلام ارى ان لامشكلة من ترهيم المكيف الخلفي للباث فايندرمثل ما قال طلال العنزي

[حوطي بحت]

الله يعينكم يا اصاحب الباث

[ابو وافي 444]

متااااااااااابع وارجوا ادراج صور للي سبق وركب