مستدخدمي تانكي الماء الألمنيوم

[ذيب عنيزه]

السلام عليكم ورحمة الله وبركاته
الموضوع باختصار أخذتلي تانكي ماء ألمنيوم من عند السنيدي هذا الحتسي أول الشتاء المهم مالكم بالمطوله إلى يومكم هذا والماء فيه طعم يعني تنقد عليه بالشاهي.

يالربع الي مرت عليه هالمشكله وعنده حل لا يبخل علينا .

[سرهيد]

شف طال عمرك

انا عني دائما اضع جيك للشاي خاص فقط بالماء واعبيه من فلتر البيت اللي يجي حلو ( فلتر خاصة يجعل طعم الماء حلو كالمطر :) )

او اخذ دبة ماء صحة من البقالة

لان الشاي كيف وانت خابر مياهنا هالأيام لك عليها الكلورررررررررر لاعب (ن) فيها طال عمرك .

علشان كذا انصحك بوضع جيك للحلو او تاخذ دبة

مجرد رأي

تحياتي لك

اخوك

ابو عبدالله

[وضاح الرياض]

اخوي التوانك اللي عند السنيدي مهيب ستيل ستيل بل (( الومنيوم)) الستيل غيررررررررررررررر وان مجرب حتى ان توانك السنيدي خفيفة مرررررررررررة بعكس الستل ستيل
هذا للمعلومية

[ذيب عنيزه]

شف طال عمرك

انا عني دائما اضع جيك للشاي خاص فقط بالماء واعبيه من فلتر البيت اللي يجي حلو ( فلتر خاصة يجعل طعم الماء حلو كالمطر :) )

او اخذ دبة ماء صحة من البقالة

لان الشاي كيف وانت خابر مياهنا هالأيام لك عليها الكلورررررررررر لاعب (ن) فيها طال عمرك .

علشان كذا انصحك بوضع جيك للحلو او تاخذ دبة

مجرد رأي

تحياتي لك

اخوك

ابو عبدالله
راي طيب من رجل طيب لكن يا ابوعبدالله ما شريته ب 600 ريال على شان انقل دباب ماء

[ذيب عنيزه]

اخوي التوانك اللي عند السنيدي مهيب ستيل ستيل بل (( الومنيوم)) الستيل غيررررررررررررررر وان مجرب حتى ان توانك السنيدي خفيفة مرررررررررررة بعكس الستل ستيل
هذا للمعلومية
أشكرك على المرور لكن لم تفيدني في مشكلتي .

[مجتهد***]

أنا ماخذ قاعدة أبو عبد الله
و مخلي التانكي للغسيل و الوضوء

[سرهيد]

السلام عليكم

اخي الكريم ما اعنيه ان ماءنا هذه الأيام غير طبيعي يعني فيه املا ح وفيه كلور وكل شيء

هذي نقطة

النقطة الثانية اخوك ابو عبدالله مركب تانكي بقيمة الألف ريال ومع ذلك ما اشرب منه او اصلح شاي منه

حتى لو لقيت تانكي صح ، الماء عندنا مو صح .


تقبل احترامي

[سوبر152]

ركب ستانلستيل من الرياض أنا مركبة بالباترول لي أكثر من8 سنوات جدا ممتاز {ورشة العدل بالصناعية الرياض 800 ريال}

[سيف نجد FJ]

انا الي اعرفه ان الالمونيوم غير صحي اولا سواء طبخ او غيره

الصحي و الصح هو الاستانليس استيل وازين من البلاستيك بعد

عشان كذا الاخوان يقولون لك لازم تانكي ثاني لمياه الشرب سواء طبخ اوشاي

وللمعلوميه الشاي من افضل الطرق لكشف جودة الماء المستخدم في تحضيره

نصيحتي لك ( لو انا في مكانك ) اخلي هذا التانكي ماء وضوء وغسيل بس

و الباقي من التانكي الثاني الاستانلس يتسل ( وانا عن نفسي قاعد افكر بواحد للموتر عندي بس مافظيت له)

[ذيب عنيزه]

اخوي ابو عبدالله
الزملاء معهم توانك نفس الي معي وماعندك احسن من ماهن

اخوي سوبر اشكرك على المرور
بس الستيل فيه مشكله انه يصدي ليش يصدي لاناللحام الي فيه لحام حديد ما فيه لحام ستيل .

[س هـ ى دماكس]

أخي حفظك الله أتوقع و العلم عند الله أن الطعمه التي في التانكي من الماء نفسه ، أو قد يكون من اللي ( الهوز ) فقد يطعم في الماء

أنا عدي تانكي له قرابة 3 سنوات ما تغير ولله الحمد مفصله في بريده بحجم 180 لتر

[ذيب عنيزه]

أخي حفظك الله أتوقع و العلم عند الله أن الطعمه التي في التانكي من الماء نفسه ، أو قد يكون من اللي ( الهوز ) فقد يطعم في الماء

أنا عدي تانكي له قرابة 3 سنوات ما تغير ولله الحمد مفصله في بريده بحجم 180 لتر

اشكرك على المرور
وهذا الي توقعته لان التانكي الي معي فيه حنفيتين الغيت وحده وغيرت اللي

[ذيب عنيزه]

أبشركم لقيت العله
العله صارت باللي على كلام أخوي المكشاتي بارك الله فيه .

[أبو الحارث 4]

أنا عندي تانكي ألمونيوم من ريح الشمال بالقصيم، وظهر عندي بعض القطع البيض من اثر اللحام فغسلته كثيرا ودائما أملاه ماء حيث لا يبقى فارغا. ورأيت فيه تحسنا واضحا.

[ذيب عنيزه]

أنا عندي تانكي ألمونيوم من ريح الشمال بالقصيم، وظهر عندي بعض القطع البيض من اثر اللحام فغسلته كثيرا ودائما أملاه ماء حيث لا يبقى فارغا. ورأيت فيه تحسنا واضحا.

بارك الله فيك أخي ابا الحارث
لكن مالحكمه من ملئه بالماء وهو من الألمنيوم ومعروف أن الألمنيوم لا يصدأ

[الوايلي100]

السلام عليكم
انا عندي واحد مثله له سنتين .. عبه وغسله كم مره ويروح الطعم ..............

[سنجااار]

توانك الماء لنا سنتين مركبينهن ماشفنا فيهن اي شي يعذربه

[الكايف2]

اخوي ذيب عنيزه المشكله من حاجتين الاولي من الحنفيات اذا كانت حديد
والثانيه لا تعبيه الاتحليه واشرب واطبخ وغسل واكثرماكثرالله حقين التحليه ان كانك في القصيم
مع العلم انك لقيت الحل لكن للفائده وتقبل تحياتي

[s.s.s]

اخوي ذيب عنيزة انا معي تانكي الامنيوم له اربع اسنين وليس عندي اي مشكله

من الممكن ان تكون مشكلتك باللي او الحنفيه