جميع الصقارين نبي الشور

[نبع الدموع]

السلام عليكم و رحمة الله و بركاتة

مساكم/ صبحكم الله بالخير

لي يومين و النوم معيي لا يجيني :( اخذوا عقلي و قلبي و نور عيني :D

قلبت قصيدة: شوركم و طاعت الله يا رجال تعرفون ان الصقار ما يرتاح الا
و هوا يشوف طيرة قدامة و انا هالسنة انقردت و بعت الطيرين الي عندي
و من شفت القنوص يربطون و علوم الربطة زانت و كلٍ يشاور و يسال وانا
ما ارتاحت عيني بالنوم المهم قمت الاربعاء الماضي و انا انزل للشمال و اقلب
يمين و يسار ابيلي طير يطيب الخاطر و يسر الناظر و للاسف ما لقيتلي غير

طير طيب ما شاء الله تبارك الله قرناس شاهين ثنو لاكن عيبة ما صفى الا قبل شهر

سؤالي هوا اذا اني ابي اربط الطير الحين ممكن الطير يحذف و يصفي مع
باقي الطيور؟؟؟

و الطير الثاني لاقية البارح في الرياض : الطير حر لاهوا اشقر ولاهو حمر
17 طول و يزود شوي راسة تقدر تقول ولا تقول كاشف الطير مهما تغزلت
فية ما اوفية حقة لاكن ربي بلاني بشئ و هوا ان الطيرين الي بغيتهم معيوبين
:j لا تقولون مقرود

هذا عيبة سلمكم الله اذنبتة مكسرة و الطير مرووع من قليتة على يدي و هوا
بداء يكفخ و يضرب الارض و رجعت و رفعتة ثاني على يدي و يعود يضرب
لاكن من جيت ابرقعة برقعتة ولا كانة سوى شئ المهم ولا ابي اطول عليكم

الطبع هذا ممكن يتغير بعد الربطة؟؟

انا اخبر ان بعض الطيور تغير طبعها و البعض ما يغير
لاكن ابي شورتكم تنصحوني اخذة
الطير مسيوم بالف و راعيه يبي الزود
و ابي احط سومتي الف و نص
هالسومة زينة؟؟

[الفيتو]

بسم الله الرحمن الرحيم
السلام عليكم ورحمة الله وبركاته
مساء الخير ياخوي / نبع الدموع
عليك بالقرناس 17 * 17 هذا ِسٌيد الحبارى وحسب كلامك ما خلى من الزين شي
ويكفيك نصف زينه .. القيمه يا رجال تطمع حط على الالف الف
وتوكل على الله وطبع الطير ان تركه هذا مناك وإن ما تركه
ماهوب ضارك ولا ضاره
والشيهانه كان قيمتها رخيصه خذها
أنت الظاهر طحت على شي ما طاحوا عليه الصقاقير
اشترها قبل يدرون ويشرون
وذب ريع زبن
*
والسلام
الفيتو
الحجاز
12/4/1429هـ

[أبو رداد]

خذ الحر والسعر بلالالالالالالالالالالالالالاش

[نبع الدموع]

:d يا اخواني و يلوموني في حب مكشات و فيكم خصوصا يعطيكم العافية
<<< جيتوا على هواـــــــهـــــ

ان الله كتبلي الطيور باحط صورها لكم

:( و الله يستر من المكافخ ياهوا ذابحني يا انا ذابحة

لاكن ما احد علمني عن الشيهانة يمكن تقرنس مع الطيور لو رصيت عليها
بالعلف؟ و اذا في طريقة اني احفزها تكفون لا تبطون علينا لاني ابيها طراد

[الساهر1]

هلا اخوي طبعا تنويع العلف والاهتمام بالطير

في المقيض من الاسباب اللي تجعل الطير يصفي بدري

ولكن لاتنسى بأن الشياهين بطبيعتها تتاخر في المقيض

والله اعلم

[alajmi110]

يا مرحبا يا نبع الدموع وزانت علومك
با النسبه للحر والمقاس اللي ذكرته وقيمته اللي هو مسيوم فيها انا اقول فا الطير شكه..
1. اما ان الطير مريض وصاحبه بيتخلص منه.
2. او ان الرجال محتاج وبيبيع بأي سعر وهذا من حظك
اما با النسبه لشاهين ما فيه شك انها بتأخر فا القرنسه ولكن على قولت الربع انكان قيمتها رخيصه وهي وافيه
اخذها ولاا منها حذفت لها ريشتين من كل جناح عطها كورس حرار وبأذن الواحد الاحد بتصفي


وشف الحر انكانه سليم وزين تراني بكسبك ههههههههههههههههههه


جعل ربي يرزقك با الطير اللي يوسع صدرك

[نبع الدموع]

يعطيك الف عافية اخوي سعد1 على المرور و هذا بلا بوك يا عقاب و هذي
مشكلة الشواهين (يلوموني في الوكارى)

[وَسَام!]

طير حر 17*17
ماسيم الا بالف ريال!!!!!! اعتقد حتى لو راعيه مهوب منحد! منقلب مايعقل لكن تأكد اما انك فاهم السوم خطأ او ان الطير خابور بتيله.
انصحك لاتنشب نفسك الا انت واثق من الطير وانكانه صاحي وش الالفين فيه والا الفين وخمسميه

[نبع الدموع]

يا مرحبا يا نبع الدموع وزانت علومك

با النسبه للحر والمقاس اللي ذكرته وقيمته اللي هو مسيوم فيها انا اقول فا الطير شكه..
1. اما ان الطير مريض وصاحبه بيتخلص منه.
2. او ان الرجال محتاج وبيبيع بأي سعر وهذا من حظك
اما با النسبه لشاهين ما فيه شك انها بتأخر فا القرنسه ولكن على قولت الربع انكان قيمتها رخيصه وهي وافيه
اخذها ولاا منها حذفت لها ريشتين من كل جناح عطها كورس حرار وبأذن الواحد الاحد بتصفي


وشف الحر انكانه سليم وزين تراني بكسبك ههههههههههههههههههه



جعل ربي يرزقك با الطير اللي يوسع صدرك


يعطيك الف عافية اخوي
ma0z
الطير مثل ما قلت عيبة الترويع و ترويعة ماهوا بهين و اتوقع ان الي مروعة
هوا سبب تكسير جميع ريش الذنبة لاكن من اطرافها و بعض الريش مكسر لين
نصفة و الحر و بهالحجم لا تروع مشكلة لاكن صحة الطير ما شاء الله تبارك الله
ما يبيلها و الطير عضل متعافي لاكن عرضة ماش مع طولة ما قستة لاكن اتوقع
عرضة حول 16 او ينقص و اتوقع ان هذا الي مهجج الرجاجيل منة

[صارووم]

كلام أخوي وسام صحيح .. ونصيحتي لك أفحص الطير
وعسى الله يكتبلك الي فيه خير

[نبع الدموع]

اخواني وسام11 و صارووم الله يجزاكم خير على المرور و النصيحة و ان
شاء الله بافحصة و اشوف و الله يكتب الي فية الخير

[عين النداوي]

السلام عليكم ورحمه الله وبركاته ,,,
اخوي نبع الدموع الله يكتب لك الي فيه الخير ويرزقك بالطير الي ينومسك ...
لاكن المكافخ يمكن لان الطير في المربط وتعرف الطير المربوط لازم يتغير طبعه حتى لو انه راكد هاذ1 شي عادي بس انت اسئل راعيه عن علومه وطبايع الطير والله القيمه الي قلتها فيه على حسب وصفك للطير مهي قيمته ولهي بسومه لطير مثل هاذ1 (( لاكن انتبه للطير لايكون يكوش ويخبط على علفه )) ترى الطير الي يكوش على علفه اذ1 كان مقيض ترى تحصله مايكوش على علفه انت اسئل الرجال وتئكد منه ....
والله يبارك لك فيه كانك خذيته .... تحياتي للجميع

[نبع الدموع]

الله يسلمك اخوي عين النداوي انا الحين رجعت بالعلم الوافي عن الطير
الطير ما حذف للحين ولا ريشة و الرجال ما يشرطة على شئ لانة شارية شرى

الطير خليت نسيبي في الرياض يروح و يقيسة الطير 17.5 طول للمعلومية
يمكن ازود لاني مثل ما قلت ذنبة الطير مكسرة و نسيبي الي قاس مالة في الطيور
ما غير اعلمة بالجوال الطير يميل للاشقر و هالكلام عن نسيبي و انا في الليل
تخيلتة بين و بين اما المدامع سود كحل و الطير ماهو صافي فية جير ( طير
مزارع) :( السوم وصل 2500 و ما هناك من علوم غير انة يطرح الحمام
المنجم في السماء
(العلم اختلف الحين و اتعذر اني اشغلتكم معي)

:D لاكن ارجع و اقول ان الطير يشق الوجة

[قلب شاهين]

أخوي نبع الدموع ،،

أبقولك شوري وكل واحد له وجهة نظر ،،

لو أنا مكانك أبشري الشيهانة وبعطيها كورس وبتحذف أنشاء الله وأنقلها أذا صفت وانبسط عليها ،،

وبالنسبة للحر أبتركه وبخلي قروشي لين رمضان وأزيد عليها وأشتري طير حر مصفي ومابه عيب ،،

وكان الله غفور رحيم ،،

هذا كلامي أنا ومثل ماقلتلك كل صقار وله وجهة نظر ،،

وعسى الله يكتبلك الي فيه الخير ،،

تقبل مروري ،،

تحياتي / قلب شاهين ،،

[ذراع الذيب]

ان كان شريتهم الله يطرح البركه فيهم وان ماشريتهم الله يرزقك بالطيور
اللي توسع خاطرك.......

[نبع الدموع]

أخوي نبع الدموع ،،

أبقولك شوري وكل واحد له وجهة نظر ،،

لو أنا مكانك أبشري الشيهانة وبعطيها كورس وبتحذف أنشاء الله وأنقلها أذا صفت وانبسط عليها ،،

وبالنسبة للحر أبتركه وبخلي قروشي لين رمضان وأزيد عليها وأشتري طير حر مصفي ومابه عيب ،،

وكان الله غفور رحيم ،،

هذا كلامي أنا ومثل ماقلتلك كل صقار وله وجهة نظر ،،

وعسى الله يكتبلك الي فيه الخير ،،

تقبل مروري ،،

تحياتي / قلب شاهين ،،
يعطيك الف عافية اخوي قلب شاهين

للاسف الطيرين صرفنا نظر عنهم و لا انا كنت مايل للحر و يوم دريت انة طير مزارع
و فية خلطة طابت النفس و الشياهين عز الله انها طيبة لاكن المزاج حر او وكري

و يعطيك الف عافية مرة ثانية على مرورك و نصيحتك

لا خلا ولا عدم
اخوك ابو بدر

[نبع الدموع]

ان كان شريتهم الله يطرح البركه فيهم وان ماشريتهم الله يرزقك بالطيور
اللي توسع خاطرك.......
اخوي ذراع الذيب شرفني مرورك يالغلا و الله يسمع منك ان شاء الله. لا خلا ولا عدم