لمن لديه الخبره في قرنسة الشياهين! يفيدنا

[وَسَام!]

من لديه المعرفه من واقع تجارب عديده
ماهو افضل كورس لقرنسة الشياهين واين يوجد وكيف طريقته

[نبع الدموع]

اخوي وسام11 كان ودي اخدمك لاكن للاسف مالي غير القرنسة الطبيعية
ولا ليومك هذا ما قد شفت ولا عرفت وش هوا الكورس

[عين النداوي]

السلام عليكم ,,
مسيكم بالخير جميعاا
اخوي وسام 11 والله حنى جربنا حبوب القرنسه للشياهين البحريات الي اكثرها مايقرنس والله ونفع معهن
الكورس الي عطيناهن اياه ... بالضبط بالضبط ماعرف اسمه لانه مهو انا الي جابه لاكن تحصله عند الدكتور فارس التميمي الي بالدمام ويعطيك الطريقه كيف تعطي الطير الحبوب لان الطيور تختلف بحجامها
وبعدين حنى عطينا شيهانه وافيه بحريه وقال لنا الدكتور عطوها اليومين الاولى حبه حبه وعقب عطوها كل يوم تدبل الحبوب يعني اذ1 اليوم الاول حبه يصير اليوم الثاني حبتين والثالث ثلاث وهاكذ1 .. بس والله انها نفعت مع شياهين الربع ..
........................
هاذ1 الي عندي وعساني افدتك بشي
تحياتي للجميع

[وَسَام!]

ياخوي انت النداوي بنفسه مهوب عينه ! بس انا جربته العام في فرخ وقرنست قرناس الشياهين العادي تاخرت بعد رمضان شهرين لكن صفت .
انا اقصد كورس يخليها تقرنس مع الحرار

[مدرب الطير]

والله ونخوك هج عن الكورس انا جربته دمار
وله اضرار اكثر من نفعه

[عين النداوي]

السلام عليكم ,,
ماعليك زود وسام11
انت جرب الكورس هاذ1 وصدقني انه فعال بشكل حتى ان في ناس يجيبونه من الدمام ويتاجرون فيه عندنا بالكويت ويبيعونه حول (( الف وخمس ميه ريال )) خمسه عشر دينار في مكتب الصباحيه
انت رح للدمام ولا بلغ احد من ربعك هناك يرسله عليك وبعدين الطير الي تعطيه الكورسات هاذي باذن الله يطلع بدري سوى شيهانه او حر ونا ان شاء الله اسئلك عن اسمها وعلمك فيه
.................................................. .................................................. ..............
مدرب الطير حياك الله يالغالي انا معك كلنا مانداني نعطي الطيور حبوب قرنسه لاكن الحبوب هاذي مصنوعه خصيص للطيور الي ماتقرنس والي مسويها الدكتور فارس بنفسه على كلام الي يعرفونه ونها احسن من الي تجي مصدره من برى ماتدري وش مكوناتها وش حاطين فيها الي نشتريها من الصيدليات بعضهن صح انه تزيد الطير وفيتامين ولاكن يمكن تئثر على جهازه التنفسي ويصاب بالنهيته الله يبعدها عن طيورنا جميعاا
والله اعلم ... تحياتي للجميع

[عين النداوي]

تصحيح تباع بالكويت بمايقارب (( بميه وخمسين ريال )) خمسه عشر دينار

[أبو ممدوح]

أفضل شي القرنسه الطبيعيه
وان بغيت الحل خذ وان شاء الله ينفع معك ومجرب من قبل رجل ثقه ما ودي اذكر اسمه اذهل البريطاني المشهور لكن ما يحضرني الأن اسمه اذهله في انه خرج شيهانه بحريه من الربطه مصفيه وريشتها من احسن ما يكون ومع الطيور بقرنسه طبيعيه
والطريقه هي انه قرنسها لحالها ما تشوف لا انس ولا جن ولا يقربها نهائيا والعلف يعطيها ايه من خارج الغرفه والماء مسوي فتحهه يغير المويه منها وطلعت مصفيه من ابدع ما يكون جرب ومنت خسران شي
والله يوفقك

[عاشق الشاهين2]

اخوي ابعدابعد ابعد عن الكورس
وانا عندي شاهين لها مايقارب4سنوات وما اقرنسها الى قرناس طبيعي وهو افضل انواع القرنسه
وشكرا

[وَسَام!]

أفضل شي القرنسه الطبيعيه
وان بغيت الحل خذ وان شاء الله ينفع معك ومجرب من قبل رجل ثقه ما ودي اذكر اسمه اذهل البريطاني المشهور لكن ما يحضرني الأن اسمه اذهله في انه خرج شيهانه بحريه من الربطه مصفيه وريشتها من احسن ما يكون ومع الطيور بقرنسه طبيعيه
والطريقه هي انه قرنسها لحالها ما تشوف لا انس ولا جن ولا يقربها نهائيا والعلف يعطيها ايه من خارج الغرفه والماء مسوي فتحهه يغير المويه منها وطلعت مصفيه من ابدع ما يكون جرب ومنت خسران شي
والله يوفقك
والله انك قربت للدعوى انا سولف علي صقار شايب قديم (الله يرحمه) وفعلا جرب الطريقه اللي تقول ونجحت بدون مكيف في غرفه طين صغيره ومثل ماتفظلت معزوله عن العالم وقرنست بدري لكن ماجربتها قلت الكورس افضل واسهل.

[alajmi110]

والله يا اخوي وسام 11... ولا يهونون الربع
انا عندي شاهين ومثلك متوهق.. ولكن شار على واحدً من الربع قال اربط الطيره واتركهاايلين تحذف من كل جناح ريشتين ويلا منها حذفت عطها كورس حرار وبأذن الله انها تصفي يقول ان كورس الحرار اخف من كورس الشواهين والريشه الاطلعت تطلع قويه..... بس المشكله ان الطيره اللي عندي يابس راسها هههههههههههههههه ما حذفت شي ايلى اللحين.......


تقبل مروري

[قلب شاهين]

أنا الحقيقة ما عمري جربت كورسات مع الشياهين ،،

لكن فيه عندنا بالدمام مثل ماذكر عين النداوي فارس التميمي رح عنده واشرحله موضوعك ومومقصر معك نهائيا ،،

والله يطعمك من صيدها ،،

تحياتي / قلب شاهين ،،