سؤال عى الحر الفارسي

[حراا اشقر]

السلام عليكم و رحمة الله وبركاته
ترى يا ربه هاذي اول مشاركو لي
حبيت اسال لو في احد عنده صورة للصقر الحر الفارسي؟
و كم اسعارهم بالكويت بوقي الشبك؟




يعطيكم العافية

[صقر الرحيبة]

حياك يالحر الاشقر بالمنتدى
بالنسبة للحرار الفارسية هي من النوع الطيب بالفعل والشكل

اما بالنسبة للاسعار بالكويت فاترك الاجابة لاعضاء الكويت ((طبعا كل طير وله سعر ))

انا بس حبيت ارحب بيك بالمنتدى حياك الله معانا

[عاشق الشراييس]

والله انا ما عندي فكرة بهالشي لأني صغير صراحة عمري 13
بس اعرف سعرة لأن مرة رفيج ابوي باع واحد و كان سعرة ما يقارب 40 أو 50 الف دينار كويتي
بس لحد يجيبة من ايران لأن اذا جبت من هناك يحكمون عليك اعدام لأن ه الصقر يعني قريب من الانقراض
و شكرا

[حراا اشقر]

يعطيكم العفية ااجميع بس معقولة الحلا الفرسي يا عاشق الشراييص 40 او 50 الف دينار....يمكن قصدك ريال

[عاشق الشراييس]

لا اهو سعرة جذي و يمكن اكثر اذا كان متدرب بس اذا كان مو متدرب يمكن يكون سعرة 20 الى 30 الف دينار

[عين النداوي]

السلام عليكم ,,
حياك الله اخوي حرااشقر والله الطيور في الكويت والسعوديه سعرها واحد لان الشراطيه يعرفون بعض كلهم وبالنسبه لكم سعر الطير الوحش والله الوحش غالي وبعدين محد يقدر يحكم على طير وحش مانطرح للحين ويعلمك بسعره كل طير قيمته فيه ...
تحياتي للجميع

[المزروعي]

أي شخص يعطيك سعر قبل لا يسأل شو لون الطير و شو سنه و شو حجمه تراه غشيم ! والسلام

[Shadw]

ما يتعدا سعر الحر الفارسي 2000 دينار كويتي

http://www.alganasah.com/test/up/k/441.jpg

[المزروعي]

shadw . على أي أساي تقول أن الفارسي ما يتعدى 2000 دينار !!!
يحدد سعر الطير لونه وحجمه وسنه ! ليس لانه فارسي المفروض انه ما يتعدى 2000 دينار .
أنا أتاجر في الطيور الايرانيه من سنين و أزور الطواريح في اماكنهم مثل شمال طهران و بوشهر و قم والاهواز واماكن لايسعني ذكرها الان . فقط الطير الاحمر يمكن يوصل سعره إذا كانت وسرته طيبه السعر الذي ذكرته انت . فما بالك لو كان أشقر و جرناس بكر !!
هو توضيح فقط !! و الاختلاف لايفسد للود قضيه .

أخوك المزروعي

[عين النداوي]

السلام عليكم ,,
مسيت بالخير اخوي shabw مالك لواا
وين طير الشيخ سلمان الحمود الصباح الي انتشر في البلوتوث انباع بسبعه وعشرين الف دينار كويتي وبعد
وين الطير الي انطرح قبل العام وشراه الشاعر حمد السعيد ب (( خمسه الف دينار كويتي ))
تقبل مروري.....
اخوك الصغير عين النداوي

[عليه العلم60]

للمهتمين بالصقور الفارسية


http://www.mekshat.com/vb/showthread.php?t=133739

[الشاطر ماطر]

اتمنى من العرب يفيدونك

[عاشق الشراييس]

مرات حتى ما يشوفون الطير وش لونة و كم عمرة بس يشوفونة سريع بالصيد و قوي و هذا الي يبونة وايد من الناس و أولهم عمي بس يشوف قوة الصقر و سرعتة شرى صقر فارسي ب30 الف دينار و مو مدرب بعدها 3 اشهر و بعدها قالوا له تبيع بـ60 الف قال لا 70 الف و انا حاضر قال اوكي و خذا و طل عمي من الرجال و اهو يضحك يقول اشهد ان ما يفتهم بالصقور هههههههههههههههههه

[قلب ذيب]

السلام عليكم .
سؤالك ياالطيب عام ! ولا ادري ماهي الاسباب لطرحه بهذه الصيغه .
الحرار انواع خاصه الفارسيات , ويمكن ان يصل الحر الفارسي الوافي الاشقر او الابيض الى 500000 الف ريال ويزيد , والطير يحدد سعره شكله وسنه وحجمه وما الى ذلك من المواصفات التي يعرفها الكثير من الصقاره .
- - والحر للي على يد المزروعي في الصوره ايراني , ولاشك ان المزروعي ادرى بطيور ايران من الجميع بحكم مقناصه ومشترياته وتواصله مع الايرانيين .
- - طيب انت تسأل عن الفارسي , هل تريد ان تشتري طير حر فارسي في هذا الوقت ؟
في الكويت الكثير من الصقاره , وهناك مرابط طيور مشهوره قم بزيارة احداها وستجد الاجابه وسوف ترى الطيور مربوطه لديهم .

[المزروعي]

قلب ذيب . العين ما تعلا على الحاجب . أنت أكبر مني سن و أعلم مني بأمور الطيور و أسعارها ما نرد على كلامك .

أخوك المزروعي

[حراا اشقر]

يعطيكم العافية للجميع

[قناص الفيافي]

لا يوجد سقف محدد لسعر الحر الفارسي . يمكن يوصل الاشقرالطيب بين 30000 الف ريال إلى 75000 الف ريال .

[قنيص غبر]

انا مع اللي يقوول ان الحر الفارسي تختلف قيمته حسب شكله ولونه وطوله وعرضه .. يعني مجرد اتقول ان سعر الحر الفارسي مايتعدى 2000 دينار غلط .....
وشكرا