المساعد الشخصي الرقمي

مشاهدة النسخة كاملة : فتحت عيني على سعره وغيمان


ذباح الصيد
19/04/2008, 06:01 PM
السلام عليكم ورحمة وبركاته

أمسي على الكنترول والأعضاءوالأخوه المشاركين وخصوصا خالي الفيتو
مساك الله بالخير ياطويل العمر
أحب أشارك بموضوع يعز علي وهو تقريبا بداية مع الصقورالعنوان يمكن يكون غريب عند الكثير لكن أكيد مهو غريب عند الفيتو



أقول فتحت عيني على سعره وغيمان
وسعره هذه شيهانه جبليه وغيمان وكري وتعلمت الصقاره عليهم والفضل لله ثم لشيخ الصقاقير الفيتو
وبدأت مسيرتي مع الفيتو وطيوره ومن ذاك اليوم إلى ذا اليوم ماأذكرإني نقلت طير أوقنصت من غير الفيتو هذا بالنسبه لأول طير أما بالنسبه لأول مقناص كان في مجيرمه عام1997 ومن الغريب في المقناص كنا نتقنص كراوين وما قد شفت الكروان وأبطينا مالقينا كراوين وفجأه قلت لخالي وش ذا الطيرالمخمر قال اشششششششششششششششششششششششششششششششششش لاتتحرك وقال كروان كروان وأعطاني الطير وهديت وصيدت ياربي لك الحمد وكانت بداية موفقه وفال زين ومن سعره وغيمان أبشركم وصلنا إلى ريمان
وماأذكر إني شريت طير من يوم عرفت العلم اللي عند خالي عندي
وبيني وبينكم ياحظيييييييييييييييييييييييييييييييييييييييييييييي ييييييييييييييييييييييييي بالفيتو
المعذره على الإطاله
مع تحيات ذباح الصيد
نبع الدموع
19/04/2008, 06:23 PM
و عليكم السلام و رحمة الله و بركاتة

حياك الله اخوي ذباح الصيد و النعم بك و بخالك نورت المنتدى بوصولك
و نتشرف بتواجدك بينا و ان شاء الله نفيدك و تستفيد و اهم شئ انك تتوصالنا
عند خالك في المواضيع الي نصحى من صدمة موضوع الا و هوا ما شاء الله
علية طالع بالي اقوى منة :)

حياك الله مرة ثانية اخوي
بروفسر
19/04/2008, 10:37 PM
يعطيك العافيه علهالسالفه
سوبر152
19/04/2008, 10:52 PM
عليك بالسلوقي
فرخ الشياهين
20/04/2008, 12:30 AM
هلا والله بمحمووووووووووووود مكه نور مكشات بوجودك هلا ومرحبا فيك عندي سؤال هل غيمان الي هاوشوك فيه وصاد ثنتين بوقت واحد؟؟؟؟؟؟؟
تقبل مروري معك عبدالعزيز ((تراك خذيت شاحن الجوال ولاراجعتة))
نايف الخالدي
20/04/2008, 12:32 AM
والنعم فيك وفخالك
ومرحبا ومسهلا بين اخوانك
ونتشرف بمعرفتك
ذباح الصيد
20/04/2008, 02:21 AM
الأخ / نبع الدموع
أبقاك الله ومشكور على هذا الترحيب
الفيتو
20/04/2008, 02:25 AM
بسم الله الرحمن الرحيم
السلام عليكم ورحمة الله وبركاته
صباح الخير / ياذباح الصيد
كفو .. كفو ..مفاجأه كيف طرى عليك التسجيل والموضوع أقرا وأتبسم ..
أخترت اسم صراحه اعجبني . وأنا بنيابه عن الاداره والمشرفين
والأعضاء ارحبك في منتدى مكشات وعساك تكون عضو
فعال تفيد وتستفيد ..واشكر على الأطراء
واشكر جميع من رد عليك واثنى
دمت وعشت سالما
بالمناسبه فيه كم صوره
اتمنى تنال اعجابك واعجاب اهل مكشات


ذباح الصيد يحمل قرناس شاهين .. بعد ازمة الخليج ..وخلفه صور للفيتو يحمل الحوت فرخ حر صايد فصيل
http://www.mekshat.com/pix/upload02/images67/mk8575_ty.jpg
ذباح الصيد يتفقد ريمان اول يوم من وصوله (لسان حاله يقول هذا اللي كنت ادور عليه هقوتي فيه مايخيب )
http://www.mekshat.com/pix/upload02/images67/mk8575_ty (1).jpg


خرص العوارف مثل شوف عيونها قنص وصاد
http://www.mekshat.com/pix/upload02/images67/mk8575_ty (2).jpg
صوره على العقم يم الفليج الشمالي ( ريمان قطعك العقوم الله يستر عليك وعليه)
http://www.mekshat.com/pix/upload02/images67/mk8575_ty (3).jpg
صوره اعجبتني وإحتفظت بها
http://www.mekshat.com/pix/upload02/images67/mk8575_ty (4).jpg
شلفا ذياب أول طير صاد الحبرو معنا وهي طيرة ذباح الصيد
http://www.mekshat.com/pix/upload02/images67/mk8575_ty (5).jpg
*
والسلام
الفيتو
الحجاز
14/4/1429هـ
ذباح الصيد
20/04/2008, 02:56 AM
الأخ / بروفسر
الله يعافيك
الأخ / سوبر
أبشرك السلوقي قريب
الأخ / فرخ الشاهين
يهلا بك يالفايز وان شاء الله انك بالجنه فايز
اما بالنسبه للطير اللي صاد اثنين شبوط اسمه قماش وغيمان تام
والشاحن زحلطن
الأخ / نايف الخالدي
الله ينعم بحالك والشرف لنا طال عمرك
ذباح الصيد
20/04/2008, 03:14 AM
مشكور طال عمرك على هذا المرور وتصدق ياخالي ان بعض الصور اللي حطيتها مهي بموجوده عندي
ولكن مهو غريب عليك طال عمرك انت نادر وماتجيب الا النوادر وتراني كتبت هالبيتين ان شاء الله تنال اعجابك
مع العلم اني لا افقه في الشعر شي لكن اعرف ان بالك وسيع وتتقبل مني اي شي تصبح على خير يالفيتو
ياطير بلغ فرحتي لبوصالح وقله تراك علمتني حب ثنتين
الأوله نقل الحرار الفوالح والثانيه صيد الحبر والكراوين
صقر الرحيبة
20/04/2008, 06:09 AM
ذباح الصيد جعلك سالم وغانم

خلاص دام انه خالك الفيتو مايحتاااااااااااااااااااااااااج

تراك نشمي وراعي خير وراعي طيور وصقار جزل وشاعر

الله يوفك يعطيك الخير والصحة

وسلاااااااام من الاعماق الى الفيتوواقوله ادهشتني بالصور الرائعة وانتظر منك الجديد

الله يوفق الجميع
صارووم
20/04/2008, 09:21 AM
والله ونعم ياذباح الصيد فيك وفي خالك .. والي خاله مثل ابو صالح يحقله يتنومس
الولد ان طاب طيبه من خواله ......
أبو رداد
20/04/2008, 09:34 AM
يقول المثل (ثلثين الولد على الخال وخال الخال لونفايل لو خصايل)
ونعم منك ومن خالك وخال خالك
معدن طيب وخصايل طيبه واعلام في عالم الصقاره
الله يحفظك ويحفظهم من كل شر
والله يحيك في مكشات بين ربعك واخوانك
وان شاء الله نستفاد من علومك مثل ماستفدنا من علوم خالك الفيتو
وخال خالك (ابن عون) الي نسمع قصيده بالطيور يوم احنا صغار
قشاع الرمث
20/04/2008, 11:36 AM
السلام عليكم ورحمة الله وبركاته

مرحبا ومسهلا .
ونعم بك وبخالك .
ولاكن وانا اخوك انتبه لخالك
قام يخربط هالايام كنه يقول كبيت الصقاره .
وبالتوفيق ..
المري
20/04/2008, 12:58 PM
حي والله ذا العين ياذباح الصيد ..

شاعر بعد !!! هذه والله ابرك الساعات..

انضمامك الى اخوانك في مكشاااات ومرحبا بك ومسهلا..

اخوك - المري
راعي الجير
20/04/2008, 01:36 PM
مرحبا فيك وخالك ابوصالح عزالله كفو

لاصرت نسل الشريف وخالك الفيتو *** ماتذبح الا السمين وتترك الناحل
وريمان فعله يسرك يوم هديتو * ** يروع اللي لفو وضيوف ف الساحل
تواق
20/04/2008, 05:51 PM
هلا ومرحبا بذباح الصيد


من زمان وانا اقول وراه مشترك معنا في مكشات لاكن مابطى بسيل الا كبره


انعم واكرم فيك وفي خالك
ابوشعيل
20/04/2008, 08:06 PM
هلا وغلا ذباح الصيد

والله والنعم بك وبخالك

وعز الله ان الفيتو ينومس وعلومه كلهااااااااا غانمه

والله يخليكم لبعض على عز ومعزه
ابرق العزاف
20/04/2008, 08:33 PM
كفو كفو يالاثنين ذيابه ولاعليكم قصور 000 مشكورين
محمد الفهيد
20/04/2008, 10:28 PM
حياك الله يا مرحبا بك وبخالك
خالك له حضور مميز ويبين عليك طيب راسك من عمامك وخوالك واعتقد انك ماتخلى من التمييز ايبين من ( اييييييييييييش )
تحياتي لكم وحياك الله بين اخوانك
رامى السيد
20/04/2008, 10:42 PM
اهلا بيك بين اخوانك يا غالى
صياد الوعل
21/04/2008, 01:09 AM
تستاهل كل خير ,,,, قالوها الاولين ((((((((وثق الخال )))))))
ذباح الصيد
21/04/2008, 04:44 AM
الأخ / صقر الرحيبه
الله يعافيك ويطول عمرك
الأخ / صاروم
الله ينعم بحالك ويطول عمرك
الأخ / أبورداد
الله ينعم بحالك
الأخ / قشاع الرمث
ماعليك زود أما بالنسبه لترك المقانيص لااااااااااااااااااااااااااااااااااااااااااااااااا ااااااايهمك
الأخ / المري
الله يطول عمرك ويبقيك
الأخ / راعي الجير
الله يطول عمرك ومشكور على المرور
الأخ / تواق
ماعليك زود وعلى قول الحضر {كل ماراقت احلوت}
الأخ / أبوشعيل
آمين وماعليك زود ومشكور على المرور
الأخ / ابرق العزاف
مشكور على المرور واالله يطول عمرك
الأخ / محمد الفهيد
أبقاك الله ومشكور على المرور
المزروعي
21/04/2008, 05:42 PM
بيض الله وجهك و نعم فيك وفي خالك . لا أعرف خالك معرفه شخصيه لكن رجل قمه في الادب و التواضع و لا أزكي على الله أحد لكن تعرف الرجل من خلال ردوده و مواضيعه الطيبه . وهذه من حسنات منتدى مكشات معرفت الرجال الطيبه .
ذباح الصيد
21/04/2008, 06:09 PM
الأخ / رامي السيد
أشكرك على المرور
العم العزيز / صياد الوعل
الله يطول عمرك ومشكور على المرور ولاتحرمنا من مرورك
الأخ / المزروعي
وجهك أبيض وطول الله عمرك وفعلا مكشات له فضل على الجميع قرب البعيد ونشكرالقائمين عليه
ألدهناء
23/04/2008, 01:31 AM
الخال الفيتو و العم صياد لوعل
اشوفك مطرطع على جبل الليث !!!!!!!!
لا يغرك شكلي
البدر000
23/04/2008, 03:18 AM
مشكور طال عمرك
ذراع الذيب
23/04/2008, 06:27 PM
صح لسانك والنعم فيك وفي خالك والله يجمعكم على عز ومعزه