المساعد الشخصي الرقمي

مشاهدة النسخة كاملة : سنوركل+تجليب= كارثه!!


NowOrNever
20/04/2008, 02:25 AM
احب اعرفكم بنفسي انا هاوي سنوركل وصيد با المسدس يعني التجليب والدايف
في جهه وانا في جهه اخرى;) عندي شباب يطلعو تقريبا كل خميس صيد تجليب ماعمري طلعت معاهم والله ماعندي خلق اقعد انتظر لما يلقم الجلب ساعه ساعتين الخ واقعد اغير الطعم :no: وياعالم وش راح يلقم شعور بياض لقيطه انت وحظك :p
الشباب اللي عندي يقولون الصيد با الجلب له متعه خصوصا لما تحس بسحبه الجلب في يدك. لسى حكايه التجليب ماهي راكبه في راسي :rolleyes:

المهم علشان ماطول عليكم الحكايه وما فيها ذاك اليوم طنت في راسي انزل سنوركل ومعايا جلب علشان اشوف السمكه تلقم في الجلب!! العلف كان معلق في الحزام طبعا العلف كان سرديين :eek: ويدي الثانيه ماسك الجلب احط علف جديد كل ما السمك الصغير نتف السر ديين.....هي بصراحه كانت فكره غبيه انزل سنوركل ومعي علف!!!

تدرون ليش!!

شوي واشوفلك عقام واسحب نفسي على ورا بشويش دقيقه والا اشوف دجاجه بحر من النوع الكبير اللي يحبه قلبك جايه علي...يعني الحبابيب اتجمعو المهم احط رجلي........

الحكايه وما فيها اتعلمت درس لاتنزل سنوركل ومعاك علف (طعم) :no2: علشان لاقدر الله انت راح تكون الطعم :)

ملاحظه: قريت موظوع للكاتب الرائع عمادعن وضع الطعم بواسطه السنوركل ثم العوده مره اخرى الى الشاطىء!!! لا اعتقد انها فكره سديده!! وش بيصيير لو رجعت بتغير الطعم يمكن راح تشوف بلاوي :D وسلامتكم
عاشق البحر5
20/04/2008, 06:44 AM
مشكوور اخوي والله استفدت من موضووووعك الكثير
ابو الحلول
20/04/2008, 11:49 AM
الحمدلله على السلامة , فعلا ً مصيبة لو تكون انت الطعم لا سمح الله .
عم سعيد
20/04/2008, 12:18 PM
الحمد لله على سلامتك
tawmw
20/04/2008, 12:20 PM
البحر غدار وماله صاحب..الله يحفظنا جميع
المحتسب
20/04/2008, 03:20 PM
حمد لله على سلامتك ومشكور اخي الحبيب على التنبيه
مدمن بحر
20/04/2008, 03:32 PM
بس انا شايف انو هي نفسها لو نزلت تصيد بمسدس لانو السمك بيكون معاك في الهوك واكيد بيجذب المصايب الاخرى زي العقمان والقروش والشاقه والخ
يالله اهم شي سلامتك
احمدوعبود
20/04/2008, 03:58 PM
شوف انا اشوف اكبر متعه الصيد بالسنارة عن طريق السنوركل والصيد فيها يكون دائما مرضي حسب اختيار الموقع
NowOrNever
20/04/2008, 11:21 PM
مشكوور اخوي والله استفدت من موضووووعك الكثير


العفو اخوي با العكس منكم نستفيد الواحد يتعلم من اغلاطه :good2:
NowOrNever
20/04/2008, 11:26 PM
اخواني:-

ابو الحلول
عم سعيد
tawmw
المحتسب

الله يسلم حالكم شكرا لمداخلاتكم الطيبه
( برى بحرى)
20/04/2008, 11:30 PM
اولا الحمد لله على سلامتك

اخى الغالى قبل لا تنزل يجب المعرفه بالمكان اللى تنزل من تنوع الاحياء المائيه ( يعنى نوع السمك )

تخيل لو كانت الشاقه ( حيه البحر ) والله تهجم عليك وما تخليك

انتبه انتبه انتبه

وهذا درس لنا جميعا طال عمرك
NowOrNever
20/04/2008, 11:53 PM
بس انا شايف انو هي نفسها لو نزلت تصيد بمسدس لانو السمك بيكون معاك في الهوك واكيد بيجذب المصايب الاخرى زي العقمان والقروش والشاقه والخ
يالله اهم شي سلامتك


اخوي مدمن بحر:-

كنت متوقع انه راح يجيني مثل ردك!!
بس اعتقد انه لايوجد مقارنه بين الجلب والهوك!!
اولا الجلب فيه طعم واغلب الاحيان الطعم يكون شيء مصنوع او سمك ميت وفي الحالتين الاثنين ذو رائحه نفاثه تجذب السمك با انواعه طيب لو قلنا رائحه الدم فرضا....الدم ماراح يستمر لاكثر من ثواني معدوده عندها راح تكون قريب من القارب او الشاطيء تقدر تفضي الهوك من صيدك.
ثانيا انت عندما تجلب راح تكون في مكان واحد با انتظارالسمك يلقم في الطعم بعكس الهوك راح تكون في حركه مستمره ومساحه الرؤيه اكثر بكثير من التجليب يعني عيونك راح تكون مركزه في الطعم!!
ثالثا شد الجلب داخل البحر له خطوره يمكن لاقدر الله يشبك في الزعنفه او رأس او رقبه الصياد لك ان تتصور لو كان حجم الجلب من النوع الكبير!
رابعا لاتنسى انه في يدك مسدس صيد تسخدمه كأداة رد!
والقائمه تطول................

اتمنى للجميع صيد موفق وامناً
NowOrNever
21/04/2008, 12:20 AM
شوف انا اشوف اكبر متعه الصيد بالسنارة عن طريق السنوركل والصيد فيها يكون دائما مرضي حسب اختيار الموقع


اخوي احمد:-

وش تقصد بحسب اختيار الموقع!!
اذا كان قصدك من الشاطىء الى الكساره الى العميق فأنصحك لوجه الله عيد حساباتك!!
الله يستر عليك ويحميك
NowOrNever
21/04/2008, 12:27 AM
اولا الحمد لله على سلامتك

اخى الغالى قبل لا تنزل يجب المعرفه بالمكان اللى تنزل من تنوع الاحياء المائيه ( يعنى نوع السمك )

تخيل لو كانت الشاقه ( حيه البحر ) والله تهجم عليك وما تخليك

انتبه انتبه انتبه

وهذا درس لنا جميعا طال عمرك


اخوي بري بحري:-

الجمعه اللي طافت طلعت با البوت الى منطقه ابو الطير الحمدلله والشكر له عينا خير
طلعت حبه طرباني ;) بس من النوع المتوسط مازالت في الثلاجه شكلي بحنطها :D
المهم اللي سمخني راسي من احجام الشاقات والله احجام تخوف اكيد الشباب عندهم خبره اكثر مني في تلك المناطق الله يستر علينا وعليكم ويحفظنا وياكم بحفظه اللهم امين
احمدوعبود
21/04/2008, 01:17 AM
اخوي احمد:-

وش تقصد بحسب اختيار الموقع!!
اذا كان قصدك من الشاطىء الى الكساره الى العميق فأنصحك لوجه الله عيد حساباتك!!
الله يستر عليك ويحميك
حياك اخوي وشاكر حرصك على سلامتنا لكن اقصد بالموقع انك تشوف سمك وتحاول تصيده ماتنزل بمحل مافيه شي
NowOrNever
21/04/2008, 01:37 AM
[quote=احمدوعبود;1549271]حياك اخوي وشاكر حرصك على سلامتنا لكن اقصد بالموقع انك تشوف سمك وتحاول تصيده ماتنزل بمحل
مافيه شي

والله اخوي المفروض اني انصح نفسي اولا اعتقد اني متهور اكثر مما تضن!!
هي حكايه وحصلت حبيت اشارككم قصتي!!
اخوي اكيد ماراح تنزل بجلبك في محل مافيه صيد الا لو كان مسبح :p
بس ماقلتلي وش لون تجلب!! الطعم معاك؟؟ كيف تغير طعم؟؟ كيف تسحب!!
الوسمي44
21/04/2008, 11:04 PM
الحمد الله على السلامه ونصيحه طيبه :butt3: :butt3: :butt3:
mackhalid
23/04/2008, 12:34 AM
سلامتك يا ابو المغامرات .... وتجربة مفيدة لنا ... معالشكر والحمد لله على السلامه.....
ابوتركي1
23/04/2008, 01:15 AM
000حمدلله علي السلامه وفكرة رمي الجلب سنوركل اكبر غلط فالحذر اخوي ماتدري بعد الرميه مباشرتنا وانت ماسك الجلب ايه تصيد ممكن قرم بياض وزنه 50 كيلو يسحبك الي تحت والموضوع سبق اني عارضة فكرته وبشده فلا تتهور وكفانا الله وياك والمسلمين التهور والبحر000
الحجازي2000
23/04/2008, 08:39 PM
الحمد لله على السلامة
عقام جدة
24/04/2008, 01:05 AM
شكرا على الموضوع
والتنبيه
ابو الوسمي
24/04/2008, 01:12 AM
الحمد لله على السلامة عدك تروح بين الدجاجة والديك
هههههههههههههههههههههههههههههههههههه
انا ملك الصيد
24/04/2008, 04:34 PM
موضوعك في استفاده حتى خليت الوالد يقراه قالي الموضوع مرة حلو