محول كهرب ؟!

[ذود من الابل]

السلام عليكم ورحمه الله وبركاته

انا شاري مكيف صحراوي للبر صغير و وذف ( سدس )
المهم انها شغله كل ما بغيت اطلع أخذ معي ماطور ؟ :mad:
عشان كذا أنا قالي واحد من العيال ان فيه محول يحول بطاريه السياره ويشيل 300 واط :eek:
مع العلم انه المكيف 125واط بس ؟
فـ وش تنصحوني به يالأجواد :D

[ديزب]

انا قد سألت قبلك عن محول للفرامة 600 واط ودلون الاخوان على محول 1000واط وهو صناعة صينية ولكن عملي انصحك بشرائه وثمنه في حدود الخمسمئة ريال ينفعك للمكيف والضوء والتليفزيون والرسيفر وغيرها
لا تقول من وين اشتريته لان اللي اشتريته منه قال لا تعلم احد وكان الشرط من ضمن شروط البيع والمسلمين على شروطهم
تحياتي ...

[ذود من الابل]

يعطيك العافيه اخوي
بس هل لاحظت أضرار على البطاريه ؟
يعني انا ناوي أنام والصحراوي شغال ؟ هل يخلص البطاريه في 7 ساعات ؟

[ذود من الابل]

???????????????????????????/

[abd-107]

أخوي فيه محول يجي لونه أزرق صناعة شركة سينار اليابانيه خطين 110 -220 وقوته 500 واط ويجي مثله بالظبط بالشكل والمواصفات والجوده كونكورد وهو معي له خمس سنوات ما عمره خالف أبد
لكن هالشكل من المحولات وباهالقوه لابد من أنه يسحب البطاريه مع الإستعمال الطويل لإني إذا نسيت المحول بالليل ما طفيته وقمت الصبح بعض الاحيان ألقاه ساحب البطاريه وأحيان لا
ما أنسى إنه فيه ميزه ممكن تقدر تشحن بطارية السياره من كهرب البيت 110 - 220

[ولد وايل]

الافضل ركب بطاريه اضافيه يكون اريح لك عشان ماتستهلك الاساسيه

[راعي المقانيص]

اخي الكريم

محلات ساكو بالرياض عندهم محول كهرباء جديد بالسوق وباسعار مناسبه جدًا وممتاز وانا مجرب

والمحولات عندهم من نفس النوعية انواع واتوقع انها خمس انواع ( 50 واط - 250 واط - 350 واط - 500 واط - 1000 واط )

المحول المنيوم بلونه الطبيعي

[wewe150]

125 واط بتسحب البطارية

قبل ما تفكر في المحول ركب بطارية أضافية لموترك

لان عندي لمبة 30 واط لازم أشغل كل ساعتين ولا ألقى البطارية فاضية

فما بالك ب125 واط ألا أن تبقي الموتر شغال هذا شي ثاني

[rmalteen]

الا قل منين شريت المكيف
وكيف شغله

[Mohammad]

مكيف بالبر فكره رائعه
تكفى دلنا عليه بارك الله فيك

[ذود من الابل]

يعطيكم العافيه أخواني
ولكن وش الحل معه ؟
الماطور مزعج وياخذ مكان
والبطاريه الاحتياطيه يقولون بـ 700 ريال ؟
طيب اقدر اشتري بطاريه بـ 120 ريال و اشغل عليها ولكن كيف اعيد شحنها ؟

اللي يسأل عن المكيف /

60×60×60سم
صغير وخفيف والقاعده تصفطها
حط به ماء بارد وشف البراد اللي يطلع
وبدون راس
يعني ما فيه زوائد ( مربع )

[altamimi98]

ابقول الصدق
اللي بيروح للبر ومعه مكيف يقعد بالديره ابرك له عند الكهرب وكل شي.
البرّ حلاته البعد عن حياة الرفاهية لو شوي بس. ولكن بعض الاخوان وده ينقل الحضارة معه لكل مكان.

آسف على الأسلوب لكن هذي وجهة نظري ولك مني كل تحية.

[Mohammad]

طيب وش موديله وين نحصله بالشرقيه ؟؟؟

[إمرؤا القيس]

ما يحتاج مكيف في البر يا الغالي ,

عليك بالشرشف وبله موية وأحسن تكيييييف ,

وإذا بغيت عن محول الكهرباء تجدها في محلات الجمعان بصناعية النسيم والصناعة يبانية ولكن إنهم غالين بقوووة ,

ويوجد كذلك في محل لعليان على طريق خريص ويكون على يدك اليمين وأنت متجة إلى معارض النسيم ,

وطب وتخير عندك من 100 واط وحتى 2000 واط

تحياتي

[ذود من الابل]

يعطيكم العافيه اخواني جميعا

واللي يسأل من اين شريته من البطحا بالرياض

اما اللي يحكي هذا ويقول حضارة وخنبقه يا اخوي حنا نطلع اماكن معروفه بحرارتها في الصيف ونمسي فيها .

[rmalteen]

مشكورا
من اي سوق اومحل
رقم الهاتف من الفاتوره ان وجد

[xahmaedx]

ياخي انت طالع من البيت لييش ؟
مو على شان تغير جو
صح والا انا غلطلان