مطلوب اصغر مولد كهرباء

[جلوبلستار]

السلام عليكم . الي عنده معلومات عن اصغر مولد كهرباء ( على البنزين او الديزل ) لا يبخل علينا وياليت يكون فيه صور .. مع ذكر السعر ومكان البيع اذا امكن ..وجزاكم الله خيرا .

[العاذر]

حسب معلوماتي القديمة ..

نوع المولد : هوندا

الســــــــعر : 400 ريال تقريباً

الطاقـــــــة : 800 فولت ( 7) لمبات تقريباً

المحـــــرك : بنزين

الصــــــوت : هادئ

الحجــــــــــم : صغير ( مثل : كرتون برتقال )

مكان البيع : لا أعلم ( لكن عند محلات المواطير والدبابات )

00
00



وشكراً &

[أبو صلوح]

السلام عليكم ورحمة الله،،،،،،،

النوع اللي ذكره العاذر سئ سئ سئ جداً مع احترامي للعاذر.

انا شريته قبل سنه وماجلس معاي اسبوعين وخرب علينا التخييم وسألت ناس متخصصين وقالولي انحش.

نصيحه اخوي جلوبلستار لاتشتري الى شي عليه العلم وحبذا لو كان ديزل لانه اقتصادي وقليله خراباته مقارنه بالبنزين.

تقبل تحياتي.

[العاذر]

بصراحة أشكرك أخي ابوصلوح على هذا التنبيه ،، علماً أنني ذكرته على سبيل الإخبار عن الموجود
وليس على سبيل الثناء وذكر الأفضل ،، المهم ماعلينا :cool: بغيت أورط جلوبلستار لكن ربك
سترها في الدقايق الأخيرة:D مع النشمي ابوصلوح;) وانقذ الموقف :rolleyes:

عموماً لا أخفيكم سراً أن أكره شئ عندي في البر الماطور لأنه يذهب صفاء الصحراء
ويفسد سكونها ويزعج رومنسية :p الكشاته ،،

واحاربه في الكشتات وأمنع من يريد أن يأخذه :cool:

لأنني أستخدم حسب حاجتي وبس :)

أما أن تكون الكشته كنها قصر أفراح:mad: كلها:light: :light:

هذا غير مقبووووووووول ،،

ولا أطيل عليكم أنا أستخدم أسلاك طويله مرهمها في نهايتها لمبات !!!!!!!!!!!!!!!

سوف أشرحها لاحقاً &&

من ضمن مبتكراتي $$$$$


ولله الحمد

[جلوبلستار]

وأرجو من باقي الأخوة يشاركوننا و يفيدوننا بمعلوماتهم .

[مفتش الريضان]

أخوي ليس ما طور وجع راس لماذا لا تفكر في محول كهرباء على بطارية السيارة فهو أخف وأفضل ويعطي نفس نتيجة الماطور.......تحياتي.

[جلوبلستار]

لكن حبيت اعرف بعض المعلومات عن المواطير الصغيره

[الأشهـــــب]

الأخ جلوبلستار .

فيه بارك الله فيك نوع من شركة سزوكي حجمه صغير أصغر من كرتون البرتقال .

والحقيقة إنه قوي ويتحمل ، وحجمه حلو بالحيل ، لكن للأسف بحثت لك عن صورة له ولكن مالقيت ؟.

بالنسبة للأماكن تلقاه موجود قي شارع الرين في الرياض ، وأيضاً تلقاه في الصناعية الي جنب حي الخالدية بالرياض .

هذي المعلومات الي عندي يالغالي .

أتمنى إني أفدتك .....

تحياتي لك ،،،،،،،،،،،،،،،،،،،،،،،،،

[صقر]

ارجو من الاخوان مراجعة هذا الرابط اضغط هنا من فضلك (http://www.mekshat.com/vb/showthread.php?s=&threadid=4552)

ومشكورين واذا احد عنده زيادة فليتفضل ويفيدنا....

[اخو نورة]

السلام عليكم

فيه يا اخوي ماطور هوندا 2000 شمعه كاتم صوت مجرب وعملي وممتاز بنزين طبعاً ويكفي البنزين لعدد ثلاث لمبات ورسيفر وتلفزيون ومكيف صحراوي لمدة 6 ساعات
قيمته 2450 مع ضمان مدة سنه
مكان البيع وكالة هوندا بشارع الريل بالرياض

وفيه 1000 شمعه ب 1200 ريال ولكنه نص كاتم ولم يسبق لي تجربته