المعلومات السخية عن الدبابات البرية.... كلام قبل الربيع.

[مفتش الريضان]

صراحة اخواني احترت في هالموضوع هل أكتبه في خيمة السيارات ام في خيمة عدد وأدوات المقانيص البر والخيرة فيما اختارها الله:ابي نتكلم عن الدبابات البرية اللي عنده علم عنها وانواعها وأسعارها ... الربيع على على الأبواب والكبار والصغار يبون يفرحون بالربيع وأعتقد أن الدبابات البرية لها متعتها الخاصة في الربيع وخاصة في تلقيط الفقع والدخول إلى الأماكن الصخرية أو الرملية الضيقة فما رأيكم في أن نفتح موضوع الدبابات واللي عنده علم يقول لنا وعلى فكرة انا اليوم شفت محل يعرض نوع جديد من الدبابات نوع امريكي بضمان الخريف حيث أنه هو الوكيل وشكلها ما هو بطال وأسعارها بين 5000 و 8000 ريال.

[راع الكحيلة]

مرحبا يا مفتش
وكل عام وانت بخير

أما بخصوص الدباب
والله يا خوك لو بيدي الأمر ..لأمنع دخولها البلد وبيعها وشراءها
يا خوي والله يا ها الدبابات خربت الأرض وضيعت الأرواح وكم من ورع ضاع زوله عن عين أمه وابوه من الدبابات .
ولا منها نفعه إلا لأصحابها اللي يؤجرونها.

قد تقول لي أن لها بعض الاستخدامات المسلية أو المفيدة ...أقول لك....يمكن.

لكن والله يا شرها على الصغار ما يقارن مع فايدتها.

أقول لك هذا الكلام عن علم بسبب ما نراه ونسمع به من أصابات خطيرة ووفيات تحصل للصغار في أوقات الربيع خاصة.

أتلاها... أخ عزيز شرواكم أستأجر ها الدباب لإبنه ذو التسع سنين من ساحة الإيجار وبالرغم من أن سرعته كانت محدودة ومقيدة ولكن حدث المقدر فانقلب الدباب على الطفل واخرجه من تحته مكسور العنق وقد فارق الحياة.

أسأل الله أن يحفظكم وغالينكم من كل شر.

[مفتش الريضان]

مشكور اخوي راع الكحيلة........... ولكن هي شر لابد منه مثلها مثل السيارات هذا بالإضافة إلى اننا نهمل وسائل السلامة............ والحق على الجهات التي تعطي ترخيص للمراكز لماذا لاتجبرهم أن يستخدموا خوذات للأطفال ووسائل سلامة أخرى ضد الكسور أو الاصابات ............. وعلى العموم قبل استخدام الدباب أنصح الأخوة بتعليم اطفالهم وسائل السلامة وغرس ثقافة السلامة فيهم سواء في المنزل اوالسيارة اوالشارع وعند استخدام سائل الترفيه المختلفة في الملاهي وفي كل شي نحن فعلا تنقصنا هذه التربية والتي يحرصون عليها في الغرب فهم لا يمنعون الشئ وإن كان استخدامه خطرا ولكنهم يتعلمون كيف يتجنبون وقوع الخطر والتعامل معه فمن منا قام بتدريب أهله في المنزل كيف يتصرفون في حالة حصول حريق وقام بتجربة حريق وهمي وأحضر كتب أو افلام لتعليم اهل بيته التعامل في حالة حصول الخطر...... أخوي راع الكحيلة قضية مخاطر استخدام الدبابات يجب ان تقودنا للحديث عن التعامل مع الآلات بصفة عامة والوقاية من مخاطرها وتعلم الاطفال فن التعامل معها ومن ثم لا نحرم انفسنا من استخدامها وإنما نحدد مكامن الخطر فيها وننبه اطفالنا ونغرس فيهم ثقافة التعامل مع الخطر ولا نهملهم ثم نلوم هذه الآلات الصماء....شكرا لمرورك على الموضع وإثارتك لهذه النقطة المهمة.

[ذيب البر]

هلاااااااااااااااااااا والله أخيرا لقيت لي واحد يحب الدبابات مثلي :D

تصدق كنت ابقترح على المشرف يكون فيه خيمه للدبابات البرية:p


انا هوايتي الدبابات وتصدق عجزت اتركها يعني الان عندي دباب وكثير من الجماعه يشرهون

علي يقولون وش تبي فيه هذا للوراعان بس :D

لكن وش تقول

عموماً أنا ما فهمت وش تبي تبي شي للبزران والا شي خاص فيك وهل عندك خبره سابقة

والا توك تبي تعلم

وبعدين وش ميولك اربع كفرات والا كفرين صحراوي

اذا انك راعي خبرة سابقة ومحترف انصحك بالياماها (( بانشي)) سعره

جديد موديل 2003 بخمسة وعشرين الف ريال25000 تقريبا

تمشي جنب السيارة 120 كلم بالساعة وانت تضحك:D هذا بدون اضافات او تعديلات

والا بعد الاضافات الي يخلف على السيارة الي جنبك:D بعدين جب اعلى طعس في باللك

ترقاه وانت تضحك وشفهن في تل المرعب وام دباب ياصلن اماكن ما تاصلها الجيوب

اما ان كنت تبحث عن الصحراوي ابو كفرين فيبيلك وقت علشان تتقن سواقته وليس تعلم

فقط لانه خطير جدا

واذا كنت تبي شي للاطفال فالسوق مليان كان فيه السزوكي الازرق الياباني

هو افضل شي ولكن انقطع بدا يجي تجميع واشكال واللوان


ولا ودي اطول اذا بغيت معلومات اكثر عطني رسالة

تحياااااااااااااااااااااااااتي

[مفتش الريضان]

شكرا اخوي ذيب البر والواضح انك ديب البر والدبابات والبحار .....والله اخى انا ابيه (محقان قناه) للورعان ولجار وأخو وأبو الورعان....يعني اربع كفرات ولكن ليس بالسرعة التي ذكرت خوفا من سوء استخدامه من الأطفال يعني يرقا له طعيس صغير وينمشي فيه بالبر لمسافات طويلة 10 كيلو مثلا للتنزه بالبر ولدراسة الأرض وتلقيط الفقع............ وشكرا على تعقيبك المفيد

[الخبير]

السلام عليكم
انا عن نفسي عندي دباب سوزوكي شريته ب 13000 قبل 4 أو خمس سنوات، الصراحة انه ممتاز.
لكني أسمع بالبانشي ( ياماها ) من زمان و يمدحونه ولكن 25000 كايدة شويتين. ولا؟؟؟؟

[بن قطر]

http://www.yamaha-motor.com/products/atv/500/04BANSHEE_BLK_3.jpg






http://www.yamaha-motor.com/products/atv/500/04BANSHEE_wht_1.jpg



http://www.yamaha-motor.com/products/atv/500/04banshee_blu_06.jpg

[مفتش الريضان]

شكرا على مرورك على الموضوع اخوي الخبير.
شكرا على الصور الجميلة أخوي المرعب.

[googl11]

نصيحة لجميع الكشاته اللي يتعمقون داخل الصحراء بحمل دباب للاحتياط وليس للتسليه وقبل ما ترجعون بيوم كرو مذهبه مايخالف

[مخرب طلعات]

أولا ً

يا أخوان اللي يقول أن الدباب له سلبيات فهو غلطان

الدباب ليست لديه أي سلبيه من ناحية الإصابات

وإذا قال مات فلان وفلانه أقوله :) سوء تعامل مع الدباب ويروح يسرع فيه ويفحط بعدين مات فلان أكيد مات فلان

ولكن هناك دبابات مثل ماتفضلوا الأخوان له سلبيات وهي الغير مفيده

والغير مفيد واجد إحنا بنقول المفيد

الدبابات الصينيه بأنواعها حتى الكبير منها ( يمنع شرائه لأن صناعته ليس بها أي نوع من الجوده )

دبابات الياماها غير مفيده إلا دباب واحد وهذا هو

جيريززلي 700 4×4 هو الوحيد من الدبابات بياماها قوي ويحمل الجدارة <بس هو مو أقوى من الدباب حق سوزوكي اللي بتشوفونه بعد شوي
http://www.yamaha-motor.com/assets/content/images/600/07grizzly700_ducks_3_6ab6fe67.jpg
686 سي سي
=
لديه نظام التحويل من 4×4 إلى 2×4 ولديه الدف لوك
=
شاشة إل سي دي للعداد والسرعة
=
قير تماتيك (H,L,N,R)
=
فتحه 12 فولت \ 120 واط
=
--------------
السعر 32 ألف ريال وأنصحكم بشراء بعض الإكسسوارات مثل (الونش جر 3ألف باوند-صدام أمامي خلفي.إلخ)
------------------------------------
الرينو من ياماها
http://www.yamaha-motor.com/assets/products/sxs/general/media_content_unit01600ed145.jpg
=
=
جميله وقوية وراسية
=
المواصفات
=
660 سي سي ويبين أنه أضعف من الدباب مع أنه أكبر منه ؟
=
لديه نظام التحويل من 4×4 إلى 2×4 ولديه الدف لوك
=
شاشة إل سي دي للعداد والسرعة
=
قير تماتيك (H,L,N,R)
=
فتحه 12 فولت \ 120 واط
=
---------------
السعر حوالي 40 ألف ريال وأنصحكم بالأكسسوارات
--------------------------------------------------------------

دبابات السوزوكي ومع كثرة أنواعها لايوجد أي دباب مفيد إلا هذا

كينج كويد 700 4×4 هو الوحيد الأفضل ويجد فئتين =العادي÷الكامو= والكامو أقوى من العادي شكلا ً

http://www.suzukicycles.com/images/ProductImages/logo/500/LTA700XCK7.jpg
=
=
دباب الكامو وتجدون التمويه بالطبقه والمفروض مانسميه دباب مفروض أنسميه "الوحش"

=
أليكم بعض المواصفات

695 سي سي وهو أقوى من الياماها
=
لديه نظام التحويل من 4×4 إلى 2×4 ولديه الدف لوك
=
شاشة إل سي دي للعداد والسرعة
=
قير تماتيك (H,L,N,R)
=
فتحه 12 فولت \ 120 واط
=
-------------
السعر حوالي 29 ألف ريال مع أنه أقوى من جميع الموجود ؟ :confused: وأنصحكم بالأكسسوارات
---------------------------------
جزاكم الله خير عالمتابعة


-
غير منقول :D

[a.الخثلان]

مخرب الطلعات

أما دباباتك هذي أول مرة أشوف دبابات مفيدة ماهي لشغلات الرجة

بس دباب الياماها أحسن انه أحسن تجهيز

لو بس فيه مكان للبندق للتثبيت غير المكان الخلفي بحيث يسهل انتزاعه بسرعة كان يا سلام

باقي شغله وحدة اذا هي مزعجة ما تنفع بريال

[عاشق السيل]

أنا أشوف إن السلبية الوحيدة بالدباب : الإزعـــــــــــــــــــــــــــــــــــــــاج !!
الواحد رايح للبر يبي يطلع الصجة اللي براسة ويستمتع بالهدوء والهواء النقي ..

طبعا اللي يسوقونه بهبال ورجة وعدم مبالاة على كذا يطلع الدباب كله سلبيات ،،

أما الإيجابيات كثيرة وعلى رأسها المتعة خاصة إذا كانت الأرض ممطورة ( وأنا ماأخفيكم من الناس اللي يحب ركوب الدباب ) لكن بركادة ولازم يصير معي أكثر من واحد علشان نقلبها تمشية ...

تقبل مروري .....



عاشـقhttp://www.mekshat.com/pix/upload/sign/images/mk49539.gifالسيل

[مخرب طلعات]

أخوي الزينون حتى دباب السوزوكي له تجهيزات ؟

وهذي صور إكسسوارات دباب السوزوكي (دباب السوزوكي أقوى من ياماها من ناحيه الماكينه ولايغرك شكل دباب ياماها)وفي النهايه ياماها أغلى سعر ؟ ليش ماندري مع أنه أضعف من السوزوكي ؟؟؟
=
=
http://www.suzukicycles.com/cache/Accessory/detail/65ef4869-94d3-46da-95b4-51be651ecd52.jpg
لمبات أمامية وبعد تشغيلها يصبح 4 لمبات أمامية
=
http://www.suzukicycles.com/cache/Accessory/detail/85e9a39e-631d-4663-b727-f602a54dd3ef.jpg
ونش ضخم للجر
=
http://www.suzukicycles.com/cache/Accessory/detail/1addd7ca-a159-4621-a00d-7a74114d4e61.jpg
شنطة طوارئ
=
http://www.suzukicycles.com/cache/Accessory/detail/b9253d1a-117d-4d7f-8f5a-e2433833825a.jpg
صدام أمامي
=
http://www.suzukicycles.com/cache/Accessory/detail/a0276322-e012-4d3c-8b5d-45114e9a6ffa.jpg
صدام خلفي
=
http://www.suzukicycles.com/cache/Accessory/detail/17b01c1a-634c-4737-b65d-1f2ce29e476c.jpg
http://www.suzukicycles.com/cache/Accessory/detail/420f4056-4697-46f2-9062-b51464b87d82.jpg
دروع سفليه لكي لاتنخدش الماكينه من الأحجار وعدم ملامستها للطين ولها فوائد عظيمه
=
http://www.suzukicycles.com/cache/Accessory/detail/8b37f417-6a87-418f-985b-e254aba1d207.jpg
مثبت بندق قابل للدوران المحوري
=
http://www.suzukicycles.com/cache/Accessory/detail/4fd57eca-a002-4c60-9195-f273743e9e49.jpg
شنطه خلفيه
=

[مخرب طلعات]

http://www.suzukicycles.com/cache/Accessory/detail/15abc9e2-44d7-46ea-a81f-f9615e14d1be.jpg
مثبت الجي بي أس (قارمن وماجلان وأخوانه)
=
http://www.suzukicycles.com/cache/Accessory/detail/e36a643c-15bc-419c-80e8-a261018190c5.jpg
لنبه إضافيه
=
http://www.suzukicycles.com/cache/Accessory/detail/0460361a-b692-4e13-9646-a06b98b98462.jpg
زجاجه أماميه لصد الهواء أثناء السرعه العاليه
=
http://www.suzukicycles.com/cache/Accessory/detail/aca574be-bb36-498d-82c2-24b2b5829358.jpg
علم خلفي للدباب إرتفاعه مترين وفي راس العلم لمبه حمراء (للإشارة أثناء الليل)
=

هاه وش رايكم بالإكسسوارات وترى هذي الإكسسوارات شد بلد غير كذا وكيل السوزوكي حق الدبابات مايجيب الإكسسوارات هذي فيجب أن تطلبها من موقعهم ويوصلنها عن طريق شركات النقل
=

[ملك الغضى]

يا اخوان انا لي فترة طويلة وانا ادور دباب طبعا من مقاس ميه وتحت وسالت محلات التاجير فشارو علي بالتيواني اما الصيني واحذرالاخوان من الصيني عن تجربة اشتريت واحد من البسوق الصيني اللي بدبي وانواع الخرابات فيه دباب مقاس 50 عند الحضيف صناعة اوربية الصراحة روعة ايضا الخريف عندهم نوع اسمه دينلي امريكي تجميع تيواني من ابدع مايكون وناوي اخذ واحد لسلومي