ارجو المساعده بخصوص الشاص

[333]

السلام عليكمك ورحمت الله وبركاته
يا أخوان انا نويت اشتري شاص ونا
راعي مقانيص يعني بل عربي
احمل واجد يعني كل عفش المقناص بصندوق
ابي ازين نوع من انواع الشاصات اللي تتحمل الشيل
يعني (سعودي_خليجي_برومان)اي واحد يتحمل اكثر

وارجو الجواب الشافي والعاجل



اخوكم 333

[ناوي نيه]

كلها زينه بس المعروف الي يتحمل اكثر السعودي ولخليجي برضو اما البريمي السست اقل منهم
وانشاءلله الشباب مو مقصرين معك


تقبل مروري...

[جزاء الشمري]

كلهن فيهن البركة وعليك بالخليجي ثم السعودي

[مدمن فتك]

اسمع الكلام من واحد راعي شاص مهب الدعوى خراص
معي شاص 2006 بريمي 11 سسته ماشاء الله حمل الين تمل مافرقت معه بعدين البريمي ثم الخليجي ثم السعودي
والترتيب هذا بالمواصفات وبرغبة الناس بالبيعه
واما التحمل كلهن واحد

[عبدالله الضويان]

كلها زينه بس المعروف الي يتحمل اكثر السعودي ولخليجي برضو اما البريمي السست اقل منهم
وانشاءلله الشباب مو مقصرين معك


تقبل مروري...
اخوي ودي اصحح المعلومه اللي عندك البريمي 11 سسته الا اذا كان ابو رفارف
الفطيمي هو اللي يجي اقل سست
تقبل تحياتي

[عبدالله الضويان]

السلام عليكمك ورحمت الله وبركاته
يا أخوان انا نويت اشتري شاص ونا
راعي مقانيص يعني بل عربي
احمل واجد يعني كل عفش المقناص بصندوق
ابي ازين نوع من انواع الشاصات اللي تتحمل الشيل
يعني (سعودي_خليجي_برومان)اي واحد يتحمل اكثر

وارجو الجواب الشافي والعاجل



اخوكم 333
اخوي انت يمكن قصدك بريمي مهب برومان انا اعرف البرومان فنايل رجاليه يعني ملابس
وسوالك عن الشاص
اذا تقصد علشان الحمل اهم شي يكون 11 سسته ولاكن اذا تبي المرغوب واللي ماشي سوقه لا تتعدى البريمي ابو رفرف لانه اريح من الثاني وبالنسبه لاغراض المقناص فهو بيكفي الااذا انك تحمل اكثر من 1000 كيلو
واتمنى اني افدتك
تقبل تحياتي

[عين الداب]

واخذ كلام الثاني انا معي شاص بريمي بدون رفارف اشيل عليه توانك بنزين وماء البنزين اعبيه800ريال والماء120لتروعزبه ثقيله مابين الطبخ واغراضه وذبيحتين والغازوالحطب السمروثلاجه ثقيله والفرش واروح لربع الخالي ومن احسن مايكون لافي خط لافي نفود وطحت في ربيظه وسحبت الهوا وطلع ماكن عليه شي وانشاءلله اني افتك

[شاص&نص]

بالنسبة للفرق بين السعودي و البريمي فهو
السعر / السعودي أرخص بواجد 117 ألف في المعارض و ب 107 في الوكالة لكن يحتاج حجز
المواصفات الأصلية من المصنع/ في 2008 نزل السعودي مثل البريمي ( ونش + دف لوك + 11 سسته + عمود توازن + كفرات بالون)
الزينه/
البريمي= يأتي بأزياق على الاصطبات الخلفية(موجودة في الغرابي) و بتخشيب حول أزرار الدرايش و بريموت
السعودي= يأتي بتلبيس للصندوق و بريموت
ملاحضة مسجل السعودي ليس شد بلد لكنه يقوم بالغرض و بالنسبة لي فأنا غيرته بواحد من الغرابي أصلي مستعمل فيه مسجل مع سيدي ب 300 ريال مع الاحتفاض بالأصل
كذلك السعودي يتفوق بميزة الضمان لمدة 100ألف كلم أو 4 سنوات
----
و الخلاصة في ال 2008 بالنسبة لي فأنا أفضل السعودي للمواصفات و فرق السعر و الضمان
و نصيحة أخو مجرب لا تتخلى عن الونش و الدفلوك أبد أبدا
هذا ما لدي إن أصبت فمن الله و إن أخطأت فمن نفسي و الشيطان
و لا تنساني من خالص دعائك
أخوك أبو عبدالكريم

[خالد030]

فعلا أخوي كلهن فيهن الخير والبركة وأنا عندي السعودي 2008 شكلة حلو وعلية الضمان والصيانة ووزن النور أثناء التحميل (هذا لحالة)وبالتوفيق...

[333]

ياخوان والله اني انلحست
انا انشا الله ناوي 2008
ابي لو اشيل انشا الله طنين مايقول شي

[شاص&نص]

و لا تنلحس و لا شي (خذ لك ونش + دف لوك + 11 سسته + عمود توازن + كفرات بالون) و بتدعي لي إن شاء الله