هل يؤكل الوحر أو قرش الطين

[غسان]

عوافي ياشباب انا محظوظ مع قرش الطين امس اثنين رميتهم سؤالي هل يؤكل يعني لذيذ ماني مضطر لاكله بس مستخسر ارميه ودمتم سالمين

[karam122]

الوحر نعم يؤكل

[طحنون]

صالونه يعطيك رقم -1

[غسان]

صالونه يعطيك رقم -1 اخوي مافهمت اشرح لي اكثر

[ابوتركي1]

000اعتقد انه يقصد ايدام مفلفل حار وهي اكله معروفه للبرماويه وهي لذيذا000

[عاشق تالا]

تؤكل زلذيذه حسب ما يقال
بس عمري ما اكلتها

واذا صدتها وزعتها ويمدحونها اذا عملت عليها صالونه
تحياتي

[( برى بحرى)]

نعم يأكل الوحر ولذيذ

[طحنون]

الاخ العزيز

غسان


طبخها بطريقه المرق بالطريقه الهنديه وتكون لونها احمر من الكشنه والبهارات الحاره مع الفلفل الحار
عندنا بالشرقيه نسميها صالونه على وزن صالون

[smara]

ما احلاها على الفحم ممممممممممممممممممم

[روميووو]

مافي شي مايوكل من البحر
فقط عليك ان تعرف كيفية التعامل معه وهل فيه شي سام ام لا .... وطبعا قابليت النفس لها الشي والي امامه
وها القرش يؤكل .... وانا من الناس الي ما احبه نهائيا ولا اكله

[( ابو تركي )]

زي ما قالو الشباب الوحر لذيذ مع الصالونه ولا تنسا تضيف معاه الصبار

[king of moon]

يا شباب
شنو يعني الوحر او قرش الطين هل هو اللخمة ( rayfish)
وممكن ترفقو لنا صور له

[ابو الوسمي]

يوكل بس مو مرة لذيذ لكن يسد الجوع ههههههههههههههههههههه...

[طحنون]

http://www.mekshat.com/vb/http://www.mekshat.com/pix/upload02/images68/mk9828_0505.jpg


للتوضيح هاذي صوره الوحره او الوحر للي مايعرفها فقط عليك قطع الرأس ومن ثم التفاهم معها على مزاجك وانتبه من الابر اللي على الاطراف من الرأس



http://www.mekshat.com/pix/upload02/images68/mk9828_0505.jpg

[راعي صيد.]

الشباب مايقصرون وش الي يوكل والي مايوكل

[winged]

الاسماك الي عليهة صفط ( حراشف ) تؤكل والي مافيهة صفط ماتناكل

[الواهج]

الاسماك الي عليهة صفط ( حراشف ) تؤكل والي مافيهة صفط ماتناكل

من وين جبت هالمعلومة ؟؟؟

الوحر يؤكل ومن الذ الاسماك والبعض لم يجرب ويفتي

طريقة طبخة افصل الراس وارمة فلايوجد به لحم وعليك بالذيل ((العكره))
صالونة مرق
وبالعافيه

[baracuda]

ما جربتها قبل
لكن واضح من ردود الاخوان انها تؤكل

[ذوالجناح7]

الكثير ياكلها ولحمها وردي وطري يسونها مرق ( صالونه ) بعد فصل الرأس


آنـــا عن نفسي أنقرف من شكلها إذا صدتها أصلخها وسويها طعم للسبيطي والهامور


أتذكر مره في رأس تنورة صادها أحد الشباب الحداقين


وكان بيرميها ماياكلها و قال لي خذها


سويتها صلاخه وعطيته ايها


بعد ربع ساعه تقريباً الرجال مطلع سبيطي ....:good2::good2:

[طويلب]

يععععععع. سمكه مقرفه. انقرف حتى من مسكها. والبارح ضربت معي اربع سمكات منها. حامت كبدي. وكل مره اقص الخيط واركب ميدار جديد.( أنقرف من مسكتها) وهي ارميها برى وما ارجعها للبحر. خوف انها تظرب معي من جديد.



لها مع جوانب الراس شوك خطيرر. انتبهوا منه. يشق جلدك شق

[السهران1]

الوحر من الاسماك المحبب عندي اكلها ومثل ماقالوا الاخوان انتبهة من على جوانب الراس ويازينها مرق ( صالونه )

[accentkool]

جدا مممتااازة لاتفووووتك