حر صايد حصني

[همس الرعد]

السلام عليكم اخواني اعضاء مكشات


الصراحه اثناء تجولي على النت لقيت هالصوره فهل معقول ان الطير يصيد حصني


http://www.alganasah.com/test/up/ar/222222.jpg

[راعي حركة]

سبحان الله كنت احسب انه العقاب بس هو الي يصيد الحصني

[peregrine]

والله يالغالي مااعتقد انه الطير ذابح الحصيني

انظر الى منسر الطير نظيف ومية مية يعني مو الطير الي ذابح الحصيني او حتى علف منه

اعتقد صاحب الطير ذابح الحصيني وحاط الطير فوقه

والله اعلم

[الشاطر ماطر]

ما اتوقع انه هو اللي ذابحه يعتبر انجاز

[ابرق العزاف]

اما تلفيق الفوتوشوب او ذبح الحصني وحط الطير عليه وصوره!!!!!!!

[الباهي]

لا بالله الا راميه ومصور طيره عليه

[صقر الرحيبة]

هذا الطير اصلا مريض ويالله يالله موقف ععمره

طالع عين الطير (( مريض ))

[نبع الدموع]

هذا الطير اصلا مريض ويالله يالله موقف ععمره

طالع عين الطير (( مريض ))
نفس كلمة صقر الرحيبة و الي شفتة ان العقاب يهد على الحصني لاكن الطيور ما اعتقد :no2:

[أبو ممدوح]

السلام عليكم
مشكور يا أبو عزام على الموضوع
وحبيت أأكد انه فيه طير ذابح الحصني وهو طير بندر العنزي والي ماهو مصدق يروح محل بندر العنزي في البطحاء ويسأله أو إسأل العامل الإفريقي الي عنده وهو يجاوبك
وحبيت أأكد للجميع انه فيه طير ذابح الحصني وأنا مثلكم ما صدقت لين سألوا بندر العنزي قدامي في سوق البطحاء وسألنا العامل وقال صحيح وكان الطير ذاك اليوم موجود في المحل يمين بالله طير اش شي ثاني بس ما كان معي جال بكامره والا كان صورته
وشكرا

[وبران المري]

الطيور تهد

على الحصني لاكن ماتصيده

وانا قد شفت هدد لجير على حصني

وهو لواحد من الربع

وخفنا عليه وحذفنا له حمامه

ولا بغى يجيها

وبعض الجيره تصيده

[وقاااااد]

الطير هاذا ماصاد الحصني محطوط عليه والحصني ميت والطير شكله مريض

[الأبرق2008]

ترا كل شئ ممكن ماسمعتوا
(الطير الي هاده على) تريلا!!!!!

[shaheenshah]

اعتقد الصورة لعب بالفوتوشوب وناظر رجل الطير وانت تعرف

[قنيص غبر]

السلام عليكم ...

اول شي هل هذا الطير هو اللي صايد الحصني ؟

انا اقوول على ماقالو الجماعه . الطير شكله مريض . امبين منعينه . وشمناخره نضيفه شكله راعي الطير والله اعلم محصل الحصني ميت وهد عليه او شي من القبيل ...


ثاني شي .. هل الطيور الوحووش اتصيد الحصني ؟
انا شايف هدد لطير حر هذي السنه وهو قناس اربع سنين هادينه على حصني .. وماشالله صاده بضربه وحده طاح ميت ....

هذا وشكرا

[محمد الفهيد]

السلام عليكم
على ماسمعت
فيه طير جير شاهين وحجمه صغير يمكن 16,5 قرناس رابع
ايصيد ثعالب وسموه ( ثعالب ) عند الشيخ حمدان بن زايد وعلى حد علمي ان رصيده فوق الستين

ممكن بعض الطيور نزر وشجاع واذا ضرب الحصني في موقع خطير وخاصه في راسه ايموت ، يعني انتم استغربتوا ان الحصني صعب وش رايكم بالي صاد الغزال ، كان يضربه في عيونه لين يعميه ويطيح تعبان

واذا العقاب ايصيد الثعلب ، فسمعنا ان فيه طيور تهد على العقاب وخاصه قرانيس الهوا

تحياتي لكم

وممكن ايكون الطير عينه تعبانه بعد مداوس الثعلب وبعض الطيور ماتنسر من صيدها الى يوم ترد نسمها من التعب ، وجايز تركيب

[ابو الوسمي]

الطير عينة باردة هذا دوب يجى لدعو هههههههههههههه.

[همس الرعد]

مشكوورين اخواني على المرور والردود

واختلف العلماء في ذلك لكن ابو ممدوح عطاكم العلم الاكيد هو والاخ محمد الفهيد

[العمراني]

والله تصير ليش لا دامه يصيد الضبي وش ضل عليه ما يصيد الحصني
مشكووور

[عين النداوي]

ترا كل شئ ممكن ماسمعتوا
(الطير الي هاده على) تريلا!!!!!

ههههههههههههههههههههه


والله في جير شاهين مع رجال اعرفه يقولون انه قانص العراق والشاهين ذابحه من الحصاني .. كلام الرياجيل عن شيهانه فلان انا جالس معهم يوم يسولفون عنها في مقناصهم بالعراق

[333]

والله هزمن كلش يصير

[عصا الترحال]

مع التدريب ممكن ذلك ليش لا

[جارح العين]

والله كل شي جايز
لاكن هذا شكله مصوب وحاطين عليه الطير

[العررراب]

مش معقووووووووووووووووووووول

[قلب شاهين]

الطيور تهد

على الحصني لاكن ماتصيده

وانا قد شفت هدد لجير على حصني

وهو لواحد من الربع

وخفنا عليه وحذفنا له حمامه

ولا بغى يجيها

وبعض الجيره تصيده

أنا مع أخوي وبران ،،

وأقدر أني أصيد فيل وأحط طيري فوقه يعني صاده ؟؟

بيض الله وجيهكم ،،

تحياتي / قلب شاهين ،،

[سندهم]

http://www.alganasah.com/test/up/ar/222222.jpg
مشكور:أخوي ابو عزام على هالصورة
كلش معقول مع التدريب وليش لا :

يضربه بس مايعلف منه .

[همس الرعد]

حياك الله يا سندهم ومشكور على المرور والرد

[501]

الموضوع كتب بواسطتي منذ مبطي
والشكر موصول لك

501

[همس الرعد]

حياك الله 501 بس وين الموضوع فيه

[501]

الموضوع في خيمة الصيد بلصقور ادخل على بحث عن مواضيعي وراح تحصل الموضوع في الصفحه الاولى او الثانيه
والموضوع ما يفسد للود قضيه
وبيض الله وجهك ياابوعزام
501

[همس الرعد]

لا وش دعوه يا اخوي بس اني حبيت اسال واعرف متى يمكنه قديم وانا ما شفته
ومتاسف منك اخوي

[عتيج الصوف]

لا تجازف بطيرك ....

[قصااااف]

هذا ماهو غريب
قبل تقريبا خمس سنوات كان عندي طير
يهد على الثعل ومره فكيته طلع من بعيد وسوق وراه وخفيته بذيك الجفره وقفت حروة ماخفيته الا طير ظاهر من جحر الثعل من حدر الموتر هذي الاولى


الثانية: الثعل شوف العين وكسر عمره الطير ومرديته عنه ويلحقه وشيل وحط مع الثعل ثلاث مرات يقضبه الطير ومداوس معه ويفك لين قضبة الطير عنه والوقت الضحى اول الصفري العبور


الثالثة:وكانت القشه التى كسرة ظهر البعير
خذو الربع الطير قانصين للشمال يم سماح حد العراق وانا ماني معهم وأول يوم مع الصبح اطلع الطير معهم ويسوقون وراه حول الربعه كيلو ويحول الطير ولاشافوه الا يوم اشهر الطير وحدره ذاك الثعل كبر (الجعري) اكرمكم الله من كبره على حد وصفهم ويخمه الطير مره ثانيه مع راسه ونشب الصايد براسه ويحولون عليه الربع ويفك الثعل منه ويحذفون له الحمامه ويقضبون الطير وجاني الطير بيد وحده والثانيه منخلعه عالجته شهر ولا فاد وعرضته بالحراج وبيع بالف ريال فقط لاغير؟؟؟؟؟؟؟؟
(وسلامتكم)


اخوكم
قصاااااااااااااااااااااااف

[راكان 11]

عاد لآ ذبح الحصني !!!! وش الزود اللي بيصير بالطير
الطير الطيب يكرمة راعية عن ذا الأمور
وبعدين لآ تعود الطير على الحصني كل شوي وهو كافخ والا تارك لة صيدة من كثر الحصاني عندنا

[ابو سفيان]

مدريييييييييييييييييييييييييييييييييييييييييي ييييي
لكن نسال بندر العنزي وعطيكم خبر الموضوع اعتبروة منتهي الي ما شاف بعينة لا يقول على لسان الناس ان فيه طير لفلان يقولون طارح فيل شركة يقلون كثرت هذي الايام ورايح تطرح اسهمها خلال المقناص الجاي السهم الواحد بريال ههههههههههههههههههههههههه

[ابوفهيدان]

من عين الطير ماظنتي انه صايده
قول رامينه وبعدين هدوا عليه وماظنتي هدوا الا حطوا الطير فوقه وثبتوه بعد
وين الدم من الحصني علي منسر الطير ؟؟

[نايف الخالدي]

يصير ياخوان ليه مايصير بغض النظر عن الصوره
انا عندي طير قد هديته على كروان ولا شافه
وصار يحوم ومادريت الى الطير نزل وصار يضرب ويشهر يرتفع
الى ذاك الحصني تحت والله واسوق على الطير بعد طرد
وادعيه بحمامه يالله جاء يبي الثعل والله فكني ان الثعل زبن في جحر ولا كان ييمكن ذبح الطير
وقد شفت جير هدوه اخوياناء من الامارات ولحق الثعل ويضربه وماعنده خلاف
ومشكوور على طرح الموضوع

[ذراع الذيب]

الطير ماهو فحمان ولاتعبان مرتاح ماهوب صايده........

[لعّاب المنايا]

أتوقع إنه صايده ليش لأ وممكن الصوره ما التقطت صح وقت ما برد الطير وصل راعيه وصورهـ بس حسب علمي يقولون إن قلبه مضاد حيوي للطير ,,

[حراا اشقر]

مو مفروض الصقر الي يخاف من الحصني؟؟؟؟ هههههه

[همس الرعد]

مشكورين اخواني على المرور والتعليق على الموضوع

[بو هاشم]

كل شي جايز معني ماني مصدق