ابي اعرف شي يا الصقاره

[عاشق الدحروج]

السلام عليكم

الله يعكيم العافيه وطوله العمر انشالله
انا اخوكم بواردي راعي شوزن وطرد يعني مالي بالطيور كلش بس اعرف شوي يعني مو وايد
وبخاطري اخذلي طير وخاصه ابي شيهانه بس كلمت جم واحد وسمعت انه الشيهانه صعب تدريبها
ومتعبه يقولون اذا ما تدعيها كل يوم او بالاسبوع مرتين تنسى وتنحاش وقولون بعد يمكن ترد
تصير وحش (( وحشيه )) فمادري شنو تنصحوني في ترى الجيب مليان ومادري شسوي في :D

وشكرا

[بو الخرب]

السلام عليكم
اخوى عاشق الدحروج ................ اذا تبى تقنص اخذلك طير احسلك (تبى تسوى شى سوه عدل ولا بطل)
لانه الطير اقوى من الشيهانه ويتحمل مرض اما الشيهانه تستمرض بسرعه......... اخذلك طير طايح وهداد
لانه الطير الوحش يبى مده ومجابل....... واذا تبى شيهانه وحش ترى بسرعه تطيح.........
تبى اشور عليك اخذ شيهانه بحريه او جبليه حق الكراوين شهر 2 وحتى الحبارى ..... شيهانه سريعه
لانه انت شكلك مال رمى وراعى الرمى مومال ام جابل طير..... واذا صار نص شهر 3 بيعها وجابل الدحروج والحميره صدور قبل لا يدخل عليك الصيف ( المقيض).

[عاشق الدحروج]

حبيبي والله
بس ما دري شنو اخذ طير ولا شيهانه انا ابي حباري ما يهمني الكروان عرف شلون بس ابي اعرف اسعار الطيور الزينه الهداده
وشكرا

[بو الخرب]

السلام عليكم
اخوى عاشق الدحروج الاسعار تختلف ........ مثل سعر السوق يختلف عن سعر المعرفه................ مثل اخوى اخذ شهر 9 طير وحش نوع حرار ( حمر) من افضل انواع الطيور بسعر معرفه 450 دينار بس طير الطايح يكون سعر اقل يكون بحر 200 وساعد ( نوع الجرودى اقل بسعر ) وبعدين كل ماكبر الطير عمر يكون غير مرغوب ويقل سعره.
ترى طق مطر خليك زاهب الخميس والجمعه حق الدحاريج انشاء الله (ترى راح يبين الدحروج انا حاس قلبى انشاء الله).

[عاشق الدحروج]

مرحبا

اول شي مشكور على المعلومات الحلوه الى مثل راعيها ;)

وثاني شي انا توني راد من البر رحت السالمي والله طاح حضي وانا افتر ما شي الا ام سالم بس وانا ماسك الجار جهه محطه السالمي يم المطافي كانع الدنيا مظلمه عبر على كروان بس الشوزن مو زاهب عبر من البر اليمين لي البر اليسار جهه البنزين بس فتريت طاح حضي وانا افتر مالقتيه الله كريم بس والله للحين ما
بين الدحروج :(

[بو الخرب]

السلام عليكم
اخوى عاشق الدحروج تصبر وخليك زاهب ..........والله كريم خيرته بنرميه انشاء الله............... ترى انا مثلك ويمكن اكثر للحين ماشفته (انا حلوم وخرابيط بالليل سبه هالقنص).... انا انشاء الله بروح القنص بسعوديه بس بالطيور اخر شهر 12 اخاف القى زروف دحاريج هناك وانا مارميتا ولا كلتا............. ولا اقدر اخذ اجاز من الدوام تونى ماخذ 4 ايام فى شهر 10 حق الحبارى فى الكويت وماتوفقنا وبعدين اجازتى معروفه شهر 3 كله ونص 4 لانه دوامى عسر موعلى كيفى اخذ اجازات........... فصبر وماعليك ارزاق فى السما سبحانه.

[ابو مساعد]

اذا تطيع الشور أنحش عن الطير والشيهان وخلك على مجنونك لا يجيك أجن منه .....

راعي البندق يمشي على كيفه وعلى السرعه الي يبها والارض الي يطرب لها ويصيد ما شافت عينه اما راعي الطير هاوي يمشي على مزاج الطير ويتبع جرة الحباره واذا طير الطير ما يدري هو يطالع للطير والا للسيارة ..

تحياتي ..

[عاشق الدحروج]

مشكورين

ابشرك يا اخوي (( بو الخرب ))

ترى بين الكدري شمال الربع امس صادو 6 واليوم صادو ثنتين

مبروك يا الربع

[بو الخرب]

السلام عليكم
الله يبشرك ياعاشق الدحروج
بس انا كنت يوم الخميس هناك اول شى نزلة من ام المدافع الى الخبارى ادور جره بس ماكو شى الى هويمليه وبعدين باريت الروف مال 5 كيلو ومريت على بحرة حوشان الى اول الرتقه اتحرى الكدرى بس ماغير درج وبعدين نزلة من مطربه الى صقيهيه مره وحده الى الشقايا ادور الدحاريج بس ما الله قسم . انت شفت الكدرى بس ماصت منه الله كريم يعوضك بس وين شفته بالرتقه ولا فى بحرة حوشان .

[مولع بالصقور]

مشاء الله على المعلومات والله خبرااااء