لاصرت في الصمان والقيظ حاديك واشتهيت الببسي باردومامعك ثلج

[عين الداب]

لاصرت في الصمان والقيظ حاديك واشتهيت الببسي مع الغداء ومامعك ثلج ولا ثلاجه وش تسوي انا اقولك جبلك سطل وعبه ماء ثم حط عدد الببسي الي انت تبغا في وسط كيس واربطه زين ثم حطه وسط الماء ثم جب الغاز وليه معه ثم حط الي وسط الماء وافتح الغاز لمده ثلاث دقاءق ثم طف الغاز وبالهنا و العافيه اخوكم عين الداب مجربها وخصيصن مقناص الضبان وانشاءلله اني افتكم وفرت عليكم مشوارالثلج

[ابو سفيان]

لا كنت في الصمان والقيض حاديك اشرب حليب نياق وخل عنك المرندة
مشكوووووور وما قصرت مجرب يبعدي وقبل مروري

[الحر جساس]

يعطيك العافيه ,,,
اخوي ,,
والله اني ادورهالطريقه من مده ,,
سمعت فيها لكن مدري وش لون الطريقه ,,
وموضوع هذا ,,
وضح كل شي الله لا يهينك وان شاء الله بجربها الخميس هذا بروح اقنص ضبان,,
,,,,,,,,,,,,,,,
بس عندي سؤال ,,
هل الببسي يصير له طعم == اي تطلع له نكهه من الغاز ,,
يعني يأثر بريحته لان الغاز ., قوي,,
وشكرا

[عين الداب]

الله يبارك فيك اخوي الحر جساس حط الببسي في كيس واربطه زين يبرد من برودت الغاز وماله ريحه ولا اي تاءثير وبيض الله وجهك

[عين الداب]

حياك الله اخوي ابو سفيان وبيض الله وجهك علا الشهاده

[الفتكي]

السلام عليكم

هذي قديمة ياخوي عين الداب محصلينها في كتاب التعايش لكن نريد من رأسك اذا عندك واليوم اكثر السيارات فيها ثلاجة بين السواق والراكب على العموم كفيت وفيت

[Dr.PRO]

مشكور اخوي والله انك جبتها ,,

او اشتر ميرندا تفاح ما يتغير طعمه حتى لو صار حار مهوب مثل الحمضيات ’’

فمان الله

[عين الداب]

مساكم الله بالخير والموضوع لمن يهمه الامر اخوي الفتكي(لاصرت ممطور كل الناس مهب ممطوره)واكثر المواتر بدون ثلاجه. ومشكورررررررين على مروركم

[راعي شرار]

مشكور اخوي عين الداب ماقصرت عزالله انك جبت عين الكلام بيظ الله وجهك وتقبل مروري

[عين الداب]

مشكور راعي شرار

[عين الداب]

مشكوووووووور

[واكس]

بيض الله وجهك يا عين الداب
عزالله انها طريقه بس ما قط جربتها والله وانا اخوك

[واكس]

لك رساله على الخاص

[رفاع الحزم]

بسم الله الرحمن الرحيم
الحمد لله والصلاة و السلام على رسول الله أمابعد:-
السلام عليكم ورحمة الله وبركاته
جزاك الله ألف خير، على هذه الفكرة، يا أخي في الله، لكن يبقى سؤال يتبادر في الذهن، ألا وهو هل تصلح أنبوبة الغاز الصغيرة ( الدافور) لهذه العملية أم تحتاج أنبوبة أكبر ؟ودمت أنت وبقية الأعضاء بود...

[الخادم]

طريقة حلوة و مجربة
لكن بقيمة الغاز خذ ثلج بثلاجة
و اذا صدت الضبان حطهن بالثلج اطعم لك

[عين الداب]

ارجو من الاخوان الاعضاء تعليق علا الموضوع وبيظ الله وجيهكم

[عين الداب]

مشكورين علا المرور واكس ورفاع الحزم والخادم اما المبوب كله ناجح ولا الدافور وجزاكم الله خير

[محلات الكشاتة الرئيسي]

جزاك الله خير ...

[عين الداب]

مشكوووووووووور علا مرورك اخوي عاشق الخبوب