حفرلوجيا
01/12/2003, 09:43 AM
سلام يالربع
بعد نهاية الإجازة وعودتي للبيت من البر .. وأول ماستلمت الإنترنت أخذت جولة بمنتدى مكشات .. بعدها انتابني احساس غريب .. قشعريرة ونشوة ورغبة عارمة اتسدح بسطح البيت .. (هذي النكبة اذا كان ادمان النت :confused: ) .. انجبرت او انا مسحور اطلع السطح ( الله يستر هذا الادمان عقبه اكتئاب ثم من فوق السطح انتحار :( ) .. بمجرد ماحطيت رجلي على أول درجة صار الدرج ( يتهفش ) تقل قطن وطلعتي الدرج صارت اوتوماتيك بدون مجهود .. وصلت السطح ( منتشي ) وأسمع أم الجيران تلجلج ( كعادة الحريم التاليات ) على الجار : ياأبو فلان خزان الماء له يومين مسدود .. شف لك دبرة أو جب سباك .. وأسمعه يقول : تعبان خليها بكرا .
جاني دافع غريب واخذت مفتاح ( أبو جلمبو ) :( وباقي العدة وأنط على خزان الجيران ( اتحورف به ) وأكسر الماسورة .. وبدأ الماء يخرخر ( الله أعلم من اللي يخرخر ) .. جاء جاري مستغرب وقبل يتكلم قلت : كان ودي اصلح لكم الخزان .. لكن الله يعينك تروح اللحين تجيب سباك يحل المشكلة .. لكنه قال : انقلع وارجع سطحك قبل يجي علم ثاني ( بيني وبينه أحترام متبادل ) .. وإلا تعال انزلك من عندنا .. وطلعت من بيتهم ( وما زلت كأني على قطن ) وشفت جارنا الثاني يهاوش سواقه : تغير الزيت اللحين تروح ومعك نص ساعة لاتتأخر مثل كل مرة ..
أنا توليت الأمر مباشرة حطيت تنكه تحت وأجيب ( مفتاح 14 ) :( وافك صرة الزيت بعجلة والمشكلة ان السنه ( بازت ) .. قال جاري وش لقفك انت انهبلت .. قلت لا .. بس جب سطحة أو ونش يجر سيارتك للورشة ..
وتوي أبرجع للبيت وإلا الجار اللي قبالنا واقف خلف سيارته يكلم بالجوال يقو ل : ماقدر أجيك لان عيالي اللحين بالسيارة .. اوديهم الخرج عند أهلهم وارجع .. ولا تكلم بالجوال ترى ماقدر ارفع صوتي عندهم ..
( صحيح عياله بالسيارة ).. نقزت محل السواق وأعشق وقلت لجاري لاتهتم انا أوديهم لك وأنت على كيفك رح وأرفع صوتك ..
عمى .. يقولونها بنيات الجار وبدو يحلتون علي شي ( ماأقدر أقوله ) :mad: :( .. وأم عياله تقول : حول أجعل صوتك عقبك .. عاد ان قلت ( بإبتسامه ) هذا الصوت النثري يعطي بخثرة ( على وصف السمح ).
تلني جاري مع علباي وقال احمد ربك انك جار والا كان شفت اللي مايرضيك .. رح شف لك طبيب يداويك .. بس (الطبيب) هو اللي تسبب لي ولا عالجني .. وخلاني أطلع من شخصيتي الحقيقية ( وأدعي المعرفة وتسنيع كثير من الأمور ) وأنا ليس كذلك.
بس هذي أحلام يقظة ( الله يكفيكم شر بعضها ) لاحت لي بعد ماقريت موضوع أخوي الطبيب
(لا لا لا لا يا حفر لوجبا ما اتفقنا على كذا (http://www.mekshat.com/vb/showthread.php?s=&postid=89458&t=3400#post89458)!)
وفيه رسم صورة خيالية لأخوه ( حفرلوجيا ) يمكن أرجاعها إلى حسن ظن المكشاتيين ببعضهم من جهة .. وذوقة ولباقته باسلوبه الرائع من جهة أخرى .. ولكن ..
هل يمكن معرفة الأشخاص من خلال مايكتبون ؟
الواقع في كثير من الرسائل الإعلامية ومنها ( المقالات ) يسعى كثير ممن يكتبون إلى إستخدام المؤثرات النفسية في رسم أو تحسين مايعرف بـ( الصورة الذهنية ) .. التي تنطبع لدى المتلقين ( القراء ) .. وهنا تكون العملية مقصودة .. ولكن هناك تحفظ وهو عدم القدرة على الإستمرار في رسم ( صورة ذهنية مختلفة ) محددة عن المعتقدات والمنطلقات الفكرية التي تنكشف فيما بعد .. ولكن
هناك بعض الفبركة أو ( الفذلكة ) يمكن اللعب بها .. كما اتقن ورسم أخونا الطبيب بـ( مبالغة ) واضحة..
والأجمل دائما ان ترسم الصورة الذهنية بلا قصد ( تلقائية ) .. لتظهر غير مصنوعة وبالتالي أقرب إلى الصحة ..
طيب ماتعتقدون ان بعضنا بمشاركاته ( يرسم ) ويتميلح علينا .. أنا برئ .. لكن الكشتات والسفرات هي اللي تطلع المستخبي .. وتكشفنا او قل ( تفضحنا )..
وسلامتكم
بعد نهاية الإجازة وعودتي للبيت من البر .. وأول ماستلمت الإنترنت أخذت جولة بمنتدى مكشات .. بعدها انتابني احساس غريب .. قشعريرة ونشوة ورغبة عارمة اتسدح بسطح البيت .. (هذي النكبة اذا كان ادمان النت :confused: ) .. انجبرت او انا مسحور اطلع السطح ( الله يستر هذا الادمان عقبه اكتئاب ثم من فوق السطح انتحار :( ) .. بمجرد ماحطيت رجلي على أول درجة صار الدرج ( يتهفش ) تقل قطن وطلعتي الدرج صارت اوتوماتيك بدون مجهود .. وصلت السطح ( منتشي ) وأسمع أم الجيران تلجلج ( كعادة الحريم التاليات ) على الجار : ياأبو فلان خزان الماء له يومين مسدود .. شف لك دبرة أو جب سباك .. وأسمعه يقول : تعبان خليها بكرا .
جاني دافع غريب واخذت مفتاح ( أبو جلمبو ) :( وباقي العدة وأنط على خزان الجيران ( اتحورف به ) وأكسر الماسورة .. وبدأ الماء يخرخر ( الله أعلم من اللي يخرخر ) .. جاء جاري مستغرب وقبل يتكلم قلت : كان ودي اصلح لكم الخزان .. لكن الله يعينك تروح اللحين تجيب سباك يحل المشكلة .. لكنه قال : انقلع وارجع سطحك قبل يجي علم ثاني ( بيني وبينه أحترام متبادل ) .. وإلا تعال انزلك من عندنا .. وطلعت من بيتهم ( وما زلت كأني على قطن ) وشفت جارنا الثاني يهاوش سواقه : تغير الزيت اللحين تروح ومعك نص ساعة لاتتأخر مثل كل مرة ..
أنا توليت الأمر مباشرة حطيت تنكه تحت وأجيب ( مفتاح 14 ) :( وافك صرة الزيت بعجلة والمشكلة ان السنه ( بازت ) .. قال جاري وش لقفك انت انهبلت .. قلت لا .. بس جب سطحة أو ونش يجر سيارتك للورشة ..
وتوي أبرجع للبيت وإلا الجار اللي قبالنا واقف خلف سيارته يكلم بالجوال يقو ل : ماقدر أجيك لان عيالي اللحين بالسيارة .. اوديهم الخرج عند أهلهم وارجع .. ولا تكلم بالجوال ترى ماقدر ارفع صوتي عندهم ..
( صحيح عياله بالسيارة ).. نقزت محل السواق وأعشق وقلت لجاري لاتهتم انا أوديهم لك وأنت على كيفك رح وأرفع صوتك ..
عمى .. يقولونها بنيات الجار وبدو يحلتون علي شي ( ماأقدر أقوله ) :mad: :( .. وأم عياله تقول : حول أجعل صوتك عقبك .. عاد ان قلت ( بإبتسامه ) هذا الصوت النثري يعطي بخثرة ( على وصف السمح ).
تلني جاري مع علباي وقال احمد ربك انك جار والا كان شفت اللي مايرضيك .. رح شف لك طبيب يداويك .. بس (الطبيب) هو اللي تسبب لي ولا عالجني .. وخلاني أطلع من شخصيتي الحقيقية ( وأدعي المعرفة وتسنيع كثير من الأمور ) وأنا ليس كذلك.
بس هذي أحلام يقظة ( الله يكفيكم شر بعضها ) لاحت لي بعد ماقريت موضوع أخوي الطبيب
(لا لا لا لا يا حفر لوجبا ما اتفقنا على كذا (http://www.mekshat.com/vb/showthread.php?s=&postid=89458&t=3400#post89458)!)
وفيه رسم صورة خيالية لأخوه ( حفرلوجيا ) يمكن أرجاعها إلى حسن ظن المكشاتيين ببعضهم من جهة .. وذوقة ولباقته باسلوبه الرائع من جهة أخرى .. ولكن ..
هل يمكن معرفة الأشخاص من خلال مايكتبون ؟
الواقع في كثير من الرسائل الإعلامية ومنها ( المقالات ) يسعى كثير ممن يكتبون إلى إستخدام المؤثرات النفسية في رسم أو تحسين مايعرف بـ( الصورة الذهنية ) .. التي تنطبع لدى المتلقين ( القراء ) .. وهنا تكون العملية مقصودة .. ولكن هناك تحفظ وهو عدم القدرة على الإستمرار في رسم ( صورة ذهنية مختلفة ) محددة عن المعتقدات والمنطلقات الفكرية التي تنكشف فيما بعد .. ولكن
هناك بعض الفبركة أو ( الفذلكة ) يمكن اللعب بها .. كما اتقن ورسم أخونا الطبيب بـ( مبالغة ) واضحة..
والأجمل دائما ان ترسم الصورة الذهنية بلا قصد ( تلقائية ) .. لتظهر غير مصنوعة وبالتالي أقرب إلى الصحة ..
طيب ماتعتقدون ان بعضنا بمشاركاته ( يرسم ) ويتميلح علينا .. أنا برئ .. لكن الكشتات والسفرات هي اللي تطلع المستخبي .. وتكشفنا او قل ( تفضحنا )..
وسلامتكم