يوسف الخليفة1
27/04/2008, 06:25 PM
مريت سجه مع غدير(ن) وسجيت=واقعيت من دونه وبجاله تبينت
اظهرت ما بي مع سنا الصبح وابديت=نظم(ن) من القيفان مما تهيضت
اخفي جروح الروح واقول يا ليت=من يقعد لحاله من السبت للسبت
يقعد بصحصاح(ن) خليه من الصيت=نفسه عن احوال المداين تلهت
يشرح نواياه بنشيد(ن) وتصويت=ويبين اللي بثومة القلب ينفت
ساويت رمل(ن) دون ظلي وخطيت=قلب(ن) وسهم(ن) حين شفته تكهربت
طرا علي شوق(ن) ذكرته وحنيت=حنت حوار(ن) يرغي لامه وغابت
عايش عزوبي ما لي عيال(ن) او بيت=عمري وصل حد الثلاثين واعزبت
وقربت جرم(ن) في فلاتي وشبيت=ومن عدتي نجر(ن) وابريقات(ن) اخرجت
وحطيت بن(ن) داخل النجر ودقيت=واثري مع الدنات ساهي وهوجست
كني هشيم البن بالنفس حسيت=عجزت اقاوم واشتممت وتنهدت
ودلا يطورق خافقي ماستكنيت=واثري نهيت القلب وعقبه تحسفت
قدمت عذر وقلت رايك وما شيت=اعمل على كيفك ترا عزوتي انت
قم يا فؤادي بالخلا وانظم البيت=واذكر حواسيسي وما قلت لا هنت
وقربت فنجال وقدعت وتقهويت=والشمس صفرا يمت الغرب راحت
وقمت اتوضا من غديري وصليت=وحمدت رب الكون وسبحت وكبرت
سمعت صوت(ن) من بعيد وتوحيت=مدري من وين الصوت ولكن تلفت
وميزت وجهاته ويمه تواسيت=وتليت كشاف(ن) بجنبي وتركت
يا مرحبا بك ياللي خصيت(ن) وجيت=يا ابا الحصين اللي مكرت وتجوعت
معي دجاجه ان طبخته تعشيت=اباكله واللي بقا تاكله انت
ان شفت شي(ن) فنا يمك تعزويت=وابعث لي الاصوات ايضا اليا شفت
ان جيت رجم(ن) وانتهضت وتواسيت=اقفز على جاله ولو جانبه حت
وانا تراني بالطمانه تذريت=عن لافح النسري تراني تدرعت
انا معك يا ثعيلباني تسليت=حقيقت(ن) فرحان فيك وتونست
وداعتي لك يالثعيلب توليت=الصبح ابسري لاتقهويت وافطرت
ان جيت يوم(ن) للمكان وتعليت=ابذكرك في قافي اليا توجدت
دنيا لياليها تعدت بتفليت=ما ترجع ايام الدهر لاتقافت
( يوسف الخليفة )
اظهرت ما بي مع سنا الصبح وابديت=نظم(ن) من القيفان مما تهيضت
اخفي جروح الروح واقول يا ليت=من يقعد لحاله من السبت للسبت
يقعد بصحصاح(ن) خليه من الصيت=نفسه عن احوال المداين تلهت
يشرح نواياه بنشيد(ن) وتصويت=ويبين اللي بثومة القلب ينفت
ساويت رمل(ن) دون ظلي وخطيت=قلب(ن) وسهم(ن) حين شفته تكهربت
طرا علي شوق(ن) ذكرته وحنيت=حنت حوار(ن) يرغي لامه وغابت
عايش عزوبي ما لي عيال(ن) او بيت=عمري وصل حد الثلاثين واعزبت
وقربت جرم(ن) في فلاتي وشبيت=ومن عدتي نجر(ن) وابريقات(ن) اخرجت
وحطيت بن(ن) داخل النجر ودقيت=واثري مع الدنات ساهي وهوجست
كني هشيم البن بالنفس حسيت=عجزت اقاوم واشتممت وتنهدت
ودلا يطورق خافقي ماستكنيت=واثري نهيت القلب وعقبه تحسفت
قدمت عذر وقلت رايك وما شيت=اعمل على كيفك ترا عزوتي انت
قم يا فؤادي بالخلا وانظم البيت=واذكر حواسيسي وما قلت لا هنت
وقربت فنجال وقدعت وتقهويت=والشمس صفرا يمت الغرب راحت
وقمت اتوضا من غديري وصليت=وحمدت رب الكون وسبحت وكبرت
سمعت صوت(ن) من بعيد وتوحيت=مدري من وين الصوت ولكن تلفت
وميزت وجهاته ويمه تواسيت=وتليت كشاف(ن) بجنبي وتركت
يا مرحبا بك ياللي خصيت(ن) وجيت=يا ابا الحصين اللي مكرت وتجوعت
معي دجاجه ان طبخته تعشيت=اباكله واللي بقا تاكله انت
ان شفت شي(ن) فنا يمك تعزويت=وابعث لي الاصوات ايضا اليا شفت
ان جيت رجم(ن) وانتهضت وتواسيت=اقفز على جاله ولو جانبه حت
وانا تراني بالطمانه تذريت=عن لافح النسري تراني تدرعت
انا معك يا ثعيلباني تسليت=حقيقت(ن) فرحان فيك وتونست
وداعتي لك يالثعيلب توليت=الصبح ابسري لاتقهويت وافطرت
ان جيت يوم(ن) للمكان وتعليت=ابذكرك في قافي اليا توجدت
دنيا لياليها تعدت بتفليت=ما ترجع ايام الدهر لاتقافت
( يوسف الخليفة )