دعامات السيارة

[alblsam0409]

السلام عليكم ياشباب الله لا يهينكم وين أجد دعامات الي تحمي مقدمة السيارة خاصة للسيارات الجيوب التايوتا 00000 في الرياض والقصيم أخوكم البلسم مع الشكر

[المحترف800]

حياك الله أخوي البلسم ..
إذا كنت بالرياض عند أكثر من ورشه مثل المواهب الصناعيه القديمه والمميز بصناعيه الدائري ...
أي استفسار انا حاضر...

[سطام vip]

ما قصر اخونا المحترف

اعطاك افضل الورش

وابزيدك عندك شارع الغرابي انواع وأشكال من الدعامات

وخاصه عند محل العليان والسليماني واعتقد محل اسمه اليحيا

بالتوفيق لك

[عاشق أف جي]

أخوي انا من زماااااااان وأنا اسأل موقع المواهب من زمان

ابي اركب الصدام الحديد بس عجزت اوصل لهم

[alblsam0409]

أشكر أخي المحترف وأخي سطام على المبادرة والمشاركة

[شروكي ربع]

والله يالغالي ومن فم صاحب ورشه :

(( انحششششش عن الدعامية ))

ليش ؟ يقول ان كثير من الحوادث اللي تجينا الصدمة بسيطة ولكن ,


الدعامة اللي مركبها صاحب السيارة تدخل على العفش ( الرديتر وما ورائه ) وتدمر الدنيا .

يقول والله ما منها فايدة بل على العكس تزيد من أثر وقوة الحادث (( لا قدر الله ))

[.أبوعبدالرحمن]

فيه ورشة المميز عنده المقاسات المضبوطة واشكال حلوة واللي تجيك بها عده لكن لك عليه شوي في السعر بس لو تتكرم وتشوف صورة موتري في التوقيع وتركز على الدعامية طبعا مركبه من المميز والصراحة افادتني كثيييييييييييييير وتحس انها قوية ماشاء الله تبارك الله

[يزيد_1977]

ياشباب السلام عليكم ورحمة الله

بالنسبه للدعاميات ياركب شي اصلي يتحمل والا لاتقرب لموترك

فيه مثل الدعاميه اللي بتوقيع اخوي ابوعبدالرحمن الصفيان للي يجي بها فاس ومعلاق ذبيحه هذي ماانصح فيها

تخبرون واحد من اخويانا هنا ركب مثلها ومعه نفس الجيب باثفندر الصدمه طعجتها وعدمت عليه الرديتر وغيره وهو يقول السمكري قاله انها هي السبب مع ان صدمه ماكانت جامده بالحيل حتى اتذكر نزل صور عن الحادث
فيه دعاميات جيده اللي انا مركبها خاه بوانيتي صحيح غاليه شوي لكن معليش اركب شي غويلي ويتحمل ولا اركب شي يبهدلني بكره

مجرد رأي

[ddd591]

والله يالغالي ومن فم صاحب ورشه :



(( انحششششش عن الدعامية ))


ليش ؟ يقول ان كثير من الحوادث اللي تجينا الصدمة بسيطة ولكن ,



الدعامة اللي مركبها صاحب السيارة تدخل على العفش ( الرديتر وما ورائه ) وتدمر الدنيا .



يقول والله ما منها فايدة بل على العكس تزيد من أثر وقوة الحادث (( لا قدر الله ))



كيف ذلك وش تنصحنا ؟:eek:

[الرحال96]

السلام عليكم


الله يجزاكم خير جميع على ما أفدتم به من معلومات عن محلات الورش و الماكن التي تبيع الدعامات


لكن تكفون


أنا جالس أبحث عن دعامية للبلترول النيسان 2010 شاص


وين أصحلها


و إذا ممكن وش أفضل ورشة أو محل يصلحها


اسم الورشه أو المحل / المدينة الموجود فيها


وسيلة أتصال رقم هاتف أو جوال


كم السعر


وش المواصفات الموجوده

و إذا ممكن صور للدعامات




و أخيرا تحياتي كم

[شايب حرب]

السلام عليكم ورحمة الله وبركاتة

وين محلات بيع الدعامات في جدة

وشكرا