القرناس البيتي من صقار الى صقار

[الطبشي]

السلام عليكم ورحمه الله وبركاته . اخواني عندي موضوع خفيف ومهم جدا ..... في بعض الاحيان يباع طير من الصقار الفلاني الطير فعله طيب وصايد ومطبعه بطريقته الصقار الاول.............. ويشتريه شخص ثاني يكون له طريقه مختلفه عن الصقار الاول مثل الزياده او النقصان على الطير او اطباع مختلفه .............. او العكس .... وهذي مشكله بحد ذاتها ... يرجع الشخص الثاني ويقول انت بعتني طير مايصيد او او او ... وش رايكم في هذى المشكله هل لها حل رادع انتضر ردودكم اخوووكم

[شبراق]

والله ياطيب موضوع مهم ونعاني فيه اغلب الاحيان مرعلي طير قبل العام قرناس بيتي الطير غايه في القطوع والطيار والسبق والذبح لكن عليه اطباع عيفن الطير الطير مخرب ومجدوع عند ورعان يسحب منه العلف ويقظب عند العلف قبل مايمسك الحمامه يمسك بيدك ويتسلب فيها .
حاولت اغير من طبعه لكن ماعاد يمدي والطير من صقاره

[قنيص غبر]

صراحه انا كان عندي طير وكان هديه من واحد يعز علي . الطير لون وعون . سبوق . بس مشكلته كان صياح .. وهذا العذروب خلاني ابيعه بسعر رخيص ولو انه يعز عليه . سوبب انه كان يصيح ان راعيه كان مغلس بالطير .
فبالضروره الواحد ياخذ علووم الطير قبل لا يشتريه . وشكرا

[alajmi110]

اشكرك اخوي على الموضوع
وانا اعتبر ان الموضوع هذا مهم ولكن ودك الرجال الا منه باع له طير قبل ما يبيعه يحضر له شهود ويقول تراني بعتك الطير وعلومه كذا وكذا.... هذا اللي عندي عن الطير انت رجال شريت اذا قال شريت شهد عليه الشهود انه لا يطلبك ولا تطلبه عشان تحفظ حقك
والبنسبه لطبوع الطير...
كان مع واحد من الربع حر اخضر بكر الطير مواريه مواري اللي ما تروح عليه الشارده
المراد علموه على ثلاث حباري ولا رضى يهد وحطه فا السوق ولا احد بغاه عقب ما درو عنه
كلمني فا التلفون وقالي انه عرض الطير وبيبيعه باي سعر شريت الطير من عنده
ومن فضل الله ما خذيت برقعه على شي وقال لاا
1. الحبارى
2.البط الطيار 3. الكراوين 4. الصلال 5.دجاج الحبش 6. يلحق الحمام مخالى عقب طير
فا سبحان الله الشي توفيق من رب العلمين
شاكر لك طرح الوضوع الجميل

[أبو رداد]

موضوع طيب
مشكور يالطبشي على طرحه
واذا كان الطرفين صقار وصادق ... ماظن يصير خلاف
ولو اختل احد هالركنين عند احدهما (صار خلاف)

[نبع الدموع]

يعطيك الف عافية اخوي على هالموضوع الحساس و الي يصير فية خلاف بين
كثير من الصقارين

بالنسبة للطير تدهيل و تعليم الطير تختلف من رجال للثاني و الي يفعلة معك الطير
مبشرط يفعلة مع واحد ثاني و اذا انك تبي تشري طير مشروط مالك غير انة
يجيبلك شهود او تصوير او اي شئ يثبت و هالشئ كثير من الرجاجيل ما يقدر
يطلب لانة يحس فيها عيب و بيقول انك منت مصدقة لاكن هذا الي لك عندة

و حتى لو انة عطاك الدليل او كنت معة و هوا يطرح مبشرط انة يفعلة معك لان
هذا يرجع للتدهيل و اسلوب تعاملك مع الطير

و لهالسبب انا ما اشري طير مشروط ابد و افضل الوحش لان طيري على يدي
غير من انة يكون على يد غيري

ولا هنتم

[الوايلي100]

السلام عليكم
،،
الصقار الجيد يقدر يتعامل مع اي طير يمر عليه . .

[بعيد الشوح]

والله وانا اخوك مدري لونه عندي اعد تاهيله من جديد قصرت عليه وطوعته على اللي في خاطري والمثل يقول "جوع الطير وناده ...... يجيك"

[بو هاشم]

انا اخالاف رايك يا خوي الرويلي
بس انت ما تعرف ايش طبايع الطير ويمكن تزعله وانت ماتدري ايش اطباعه

[الطبشي]

الله يعطيكم العافيه على الردود الرائعه وماقصرتو000

[خط المقناص]

مساكم الله بالخير
مساك الله بالخير اخوي الطبشي
الطير اللي علومه ثتب ،، كثيرن ذكره ويا قل ماخلوه اهله
لكن ودك لشراي البيتي انه يتركد وينشد عن الطير اهل العرف اللي يعرفونه واللي تشوف انهم اهل للثقه
وتاخذ علومه من اثنين او ثلاثه وان شالله يتبين العلم اللي يعنيك اما تقبل عليه او تصرف النظر
لأن البيتي ماهوب سهم خفي ،، والصقار الصغير تجهله امورن كثيره يحصل منه الرد مثل ما تقدر تشري منه الطيب على قول العجمي 110 ،، واكيد انه ما له حق بالرد إلا لمرض بالطير او عيب ما بين له
،،،،،،،،،،،،، والله يكفينا وياكم ضعيف النفس اللي ما يخاف الله

[طيرالحمــــاد]

توافيق وارزاق والطير الطيب مايردي الا مع صقار مابه طب

واحيانا يكون الطير وجهه مبروك هو اللي يعلم راعيه الصقاره

تحياتي لك الطبشي موضوع في غاية الاهميه

أخوك طير الحماد

[راعي مسكت]

موضوع حلو وسمعنا مشاكل من هاالنوع .
وانا اقول ابورداد اجابته مختصره ومفيده فالصدق والصقاره مهمه لتجنب المشاكل .
اخابر طيور ماتهد لين تستهد من كثر مايهد لها واخابر طيور تلواح وكان الله غفور رحيم وفيه طيور شله من الربطه وهده يهد .والتوفيق من الله.
واذكر واحد من الربع صاد طيره فرخ شاهين في العراق 16 حبارى وهو بكر تقول مايعرفها هده على 5 حبارى والله ماصاد شي منها وهو ثنو رجع وصاد 3 حبارى وماراح عليه شي (نفس الطير ونفس الصقار ) وهو يقول طيري واعرف نفسه واعرف كل شي يحبه او يضايقه فتخيل انك شاري هذا الطير وهو في الربطه بتشك في الرجال او بتشك في صقارتك .فحسن النيه والصبر مهمه

[القرناس المهاجر]

يجب على الشاري ان يسأل عن كل مايتعلق بالطير حتى إسمه وقت الدعوا

ويجب عالى البائع ان يصدق في كل إجاباته

وبنظري ان الصقار المتمرس سوف يسوس الطير حسب التجربه والخبرة ويعوده على طريقته الخاصة .. إن سلم الصيحه :rolleyes: لانه ليس لها علاج إلا السوق :D :D
شكرا اخي الطبشي على الموضوع المهم

[قشاع الرمث]

السلام عليكم ورحمة الله وبركاته

اعتقد ان البيتي السليم الصايد
اذا انتقل من صقار الى صقار ما يتغير !!!

[حسين القحطاني]

السلام عليكم
الصقار الفاهم واللي عنده خبرة ميعسرة شي

[الطبشي]

الله يعطيكم العافيه اخواني على المشاركه

[قلب ذيب]

ارحبوا
موضوع دسم تشكر عليه .
انا مره اشتريت طير من مدينة العين ب20000 الف درهم ,وقنصت به العراق يطالع الحبارى ولايروح لها ( صكيته بشناذره ) وقال بسم الله وصاد صيد طيب وكان طلع , بعد سنتين عطيته لواحد من الجماعه في شرقية السعوديه ,قيضه وباعه على واحد من معارفه شاريه قنص به سوريا ورد منك زعلان !؟ وقام يعذرب في الطير
ويقول لبايعه بعت لي طير مهوب صايد , قال له كلم ابوماجد , اتصلي في وقلت له تعال ابوظبي جاني المجلس وتقهوى وحلف من الكرامه ( رويته صور الطير وهو صايد عدة حباري ! قلت له شنذرة الطير قبل المقناص قال لا , قلت اذن الخطأ منك ! قال صحيح ----- قلت له عط الرجال دراهمه .

[جو الشيخ]

موضوع مهم بس اذا باع الواحد طيره يبع طير مايبيع صقاره يمكن طيب الطير من صقارة راعيه,

[عين الداب]

الفرس من خيالها والطير من صقاره