ما هو الحل مع الشيش الطاووق "" يصبح يابسا بعد الشوي """

[الملك المتوج]

استخدم عادة الشواية الكهربائية مع الشيش طاووق إذا كنت في الإستراحة و أستخدم الجمر عند الطلعات البرية

المهم ألاحظ أن الحم يكون يابسا عند الأكل .

لمن لديه الحل الأمثل لهذه الإشكالية فلا يبخل علينا

والله يحفظ الجميع ويرعاهم ويسدد لدروب الخير خطاهم .

[مافيه مكان]

شوف أو ركز معاي أنا سرقت لك الوصفة وإن شاءالله تكون تمام معاك لأني أحب حركات
الإستراحة ومعها المشويات والطريقة هي
1 . تقطيع صدور الدجاج حسب الحجم المرغوب به والأفضل تكون متوسطة.
2. تتبل بالثوم والبهارات والخل الأبيض ومعها علبة زبادي واحدة وتبقى لمدة نصف ساعة .
3. تضعها بالأسياخ وتشكل السيخ مابين كل ثلاث قطع من الدجاج فلفل رومي وبصل وطماطم وليمون
4. وهي أهم خطوة نقولك بالهنا والشفا وأعطينا النتيجة منك نستفيد هههههههههه ولو حبيت تسأل عن
أكلات ثانية حاضرين بس نكون موجودين أقصد بالمنتدى وكثر الله خيرك

[مجازف2010]

اخوي الحل ما فيه اسهل منه هو انك تضع البهارات بصحن وتحط معها زيت عافيه وتكثر الزيت شوي وتتبل فيه قطع الدجاج وتخليها في الثلاجه قبل الشوي بساعتين او ثلاث لان الزيت يحافظ على رطوبة اللحم وبعدها راح تلاحظ الفرق
والغلط الي يقع فيه اكثر الناس هو انه يحط بهارات مع اللحم بدون زيت والبهارات بطبيعتها تسحب الرطوبه من اللحم لانها مثل البودره

جرب الطريقة الي قلت لك وراح تدعي لي

تقبل تحياتي

[الوهم]

عليك بخل التفاح يخلي اللحم يتمطمط ولايمكن ييبس ..
بس لاتكثره

[الجينتل]

اخوي الحل ما فيه اسهل منه هو انك تضع البهارات بصحن وتحط معها زيت عافيه وتكثر الزيت شوي وتتبل فيه قطع الدجاج وتخليها في الثلاجه قبل الشوي بساعتين او ثلاث لان الزيت يحافظ على رطوبة اللحم وبعدها راح تلاحظ الفرق
والغلط الي يقع فيه اكثر الناس هو انه يحط بهارات مع اللحم بدون زيت والبهارات بطبيعتها تسحب الرطوبه من اللحم لانها مثل البودره

جرب الطريقة الي قلت لك وراح تدعي لي

تقبل تحياتي
الأفضل وعلي طريقة الشوام بلية الخروف ( الشحم ) تستخلص الدهن بعدة طرق السلي ودهن الدجاج
بها او تقطيعها بحجم قطع الشيش طاوق ووضعها معه في سيخ الشواء وينصح خارج المنزل
لأن الدخان حيكون كثيف
وطريقة كباب الدجاج يجيب فرم الدجاج مع الليه مع التوابل المرغوبه وبلهناء والعافيه

[وسيـع البـنايد]

زيت زيتـون - وليمون - خل تفاح ( خفيف ) علشان ما يأثر على الطعم
زيت عافية يعتبر ثقيل ويبقى منه واجد بعد ما يستوي السيخ ..

[الملك المتوج]

ما فيه مكان -ksa-الوهم-الجينتل -وسيع البنايد
شكرا جزيلا هذه الردود القيمة

[مافيه مكان]

يا شباب اكثر الناس تهرب من كثرت الزيوت والدهون والطريقة اللي شرحتها
لك من البداية مافيها اي دهون والأكيد ان كثرت الزيت ينشف اللحم بأنواعه الا
إذا كان قليل من زيت الزيتون وافضل حل انك تجرب وتحكم والله يعينك على
الخسارة واتمنى انك تبلغنا عن الطريقة اللي تصلح معاك واما كباب اللحم صح هو
اللي يفرم معاه شوية شحم ولازم يوضع في الهواء الطلق أو الثلاجة لاتقل عن
ساعتين وشكرا

[حبوب الحبوب]

الخل الابيض يابعدي وتدعيلي ان شالله مع السلامه

[لا يكثر]

الخل الابيض يابعدي وتدعيلي ان شالله مع السلامه


اضم صوتي للخ العزيز عليك بالخل والتتبيل قبل بمده

[mutleb]

الخل الابيض أو تنقيع الصدور بالتتبيلة قبل الشوي بشوي وبتدعيلي ان شاء الله