وين الاقي محل يبيع قصبات "ميتشل" في الخبر؟؟

[amg 55]

السلام عليكم ورحمة الله....
بصراحة لي فترة ادور على محل في الشرقية يبيع قصبات و مكاين من النوع الجيد في الشرقية

المكاين حصلت باناكس sx5000 لكن القصبة دورت عليها في كذا محل ما حصلتها :(


لو فيه احد يدلني على محل يبيع الانواع الجيدة في الخبر او الدمام اكون له من الشاكرين

و لو فيه انواع غير المتشل افضل منها يا ريت الخبراء يساعدونا

[A B D U L L A H]

اخوي الميتشل يبي لك تنتبه لها زين

لأن بعض المحلات ينصبون علينا

اضن والله العالم ان شركة ميتشل فرنسيه (( قصبات + مكاين ))

انا شاري قصبه + مكينه ميتشل (( تنفك جزئين ))

يوم ركبتها وكل شي ورميت ... وانا اسحب ابي اغير الطعم

الا ومدري وش حط عيني على ستكر صغير مكتوب (( صناعه صينيه ))

- - - - -

اما المكاين وانا خوك ... لاتدور غير بانكس ...بالنسبه لي غيرت عندي 4 مكاين كلها بانكس

بعد المعاناه مع غير هـ النوعيه (( والله الله بالتنظيف بالماء الحلو والتزييت و التشحيم دائمآ ))

اما القصبات اللي عندي كلها (( دآيوآ )) فيه نوع يجي ثقيل \ وفيه نوع يجي خفيف ومرنه اكثر

الخفيف واللي انصحك فيه ... لونه ازرق وامام كل حلق بالقصبه لون اسود متدرج الين يصير ازرق

وآخر قصبه (( رآس القصبه )) لونه فسفوري ... هذي حافظ عليها ... وتوكل على الله وادعيلي

والله يرزقك الخير الوفير يارب ...

:)

[amg 55]

الله يسعدك دنيا و آخرة قول آميييين
كفيت ووفيت والله يعطيك العافية انت و اخوي هوى بحري....

و زي ما قلت انا حصلت قصبات متشل في كذا محل لكن كل اللي حصلته صناعة كورية :no2: من بينها الخريف اللي على طريق الدمام...

بس الفرنسي ان شاء الله نلقاها عند المحل اللي وصفه لي حبيبي هوا بحري :D ..

بارك الله فيكم.

[A B D U L L A H]

واياك اخوي ... ماسوينا شي وانا اخوك

واعتقد اللي قلت مايكفي ابدآ في انك اتخدت رآيك الأكيد

لأن اغلب الأخوآن خبراتهم طويله بالصيد وانا مالي 3 سنوآت فقط :)

كنت احدق على خفيف قبل هـ السنوات بس خيوط وميادير صغيره << تسليه :)

ولا حصلت الفرنسي ... تعال هنا وقول لي من وين ...

تحياتي .. ,,

[shisham]

اعتقد ان محل الخريف على طريق الدمام الخبر الكباري به المطلوب
فيه محل بالدمام اسمه عالم البحريات ش الخزان بس لا أنصحك بالذهاب إليه لما تجد من فظاظة في التعامل و رفع السعر على الزبون بشكل غير مسبوق

[amg 55]

اعتقد ان محل الخريف على طريق الدمام الخبر الكباري به المطلوب
فيه محل بالدمام اسمه عالم البحريات ش الخزان بس لا أنصحك بالذهاب إليه لما تجد من فظاظة في التعامل و رفع السعر على الزبون بشكل غير مسبوق

بارك الله فيك اخوي شيشام ( ان شاء الله الاسم طلع معي صح) :D
الخريف عنده زانات ميتشل لكن كورية الصنع واللي انا ادور عليها هي الفرنسية...
اما المحل اللي في شارع الخزان اذا ما لقيت في اي محل ثاني فالله يعيني عليه .....

[Napoleon fish]

اخي العزيز

أعتقد أن مكاين ميتشل الفرنسيه ستجدها عند محل الدوسري (الخبر) غرب مجمع الرحمانيه. وبالنسبه للصناعه الصينيه, معظم الماركات العالميه تصنع في الصين ولكن مع إحتفاظها بالقياسات الدوليه لكل مُنتَج.