ايهما افضل الجير ام الوحش .. شارك معانا

[قنيص غبر]

السلام علييكم جميعا ...

اتخيل انه في ناس من يشوفوون الالعنوان بيشمر عن ساعديه وبيدخل يفزع يدافع عن اللي يميل له قلبه:D
في الاونه الاخيره شفت كم موضووع وكان يووجد خلافات كثيره بين افضلية الجير ام الوحش ... وحبيت من هالمنطلق انا نطرح هالموضوع بسلوب راقي . بحيث كل واحد حاب يشارك يتبع خطوات والمقصد تسهيل الحوار والاستفاده للغير ...
فبيكون الرد على هالموضوع يطلب منك تذكر هالاشياء
ماذا تفضل:
1-نوعية الطير: جير ( وذكر هل هو جير حر ام شاهين وماهي خلطته يعني 50\50 او غير ذللك )
ام وحش ( وذكر هل هو حر ام شاهين )

2- هل اقتنيت واحد ام لا

3- كم خذ منك حتا قنصت به وهل كان الهدد على فصيله

4- اهم ايجابية الطير اللذي انته اتفضله

5- اهم مساوئه او عيوبه
6-اذا كان يوجد صوره حاب اتشارك فيها
7- هنيه فش خلقك للي تريد اتقووله ..

ورجاء بلا تجريح او ذكر اسم طير عضو او اسم عضو .. الموضوع للنقاش العام والحوار والتسليه . لا للتعصب على نوع معين :no2:
جاهزييين !!!!!!!!!!!!!!!!!!!!!!!!!!!

[العمراني]

والله اسف وانا اخوووك ودي اشارك لاكن ما قنيه الطير ادعيلي الله يرزقني مثله وابشر بحلا ردووود مشكووور

[سلفر نجد]

احب الطير سواء كان جير وحش والى حر وحش لى انه عنده مهرات ويكون صاطي اما المهجن ما احبه لو يلحقه في الخضاره وحتا التفريخ مشكور تقبل مرور ولحد يزعل وجهت نضر

سلفر نجد

[شبراق]

والله يالغالي انا جربتهن كلهن بالنسبه لي الوحش ثم الوحش ثم الوحش طبعن الوحش الحر الوافي

[بو هاشم]

-نوعية الطير: جير ( وذكر هل هو جير حر ام شاهين وماهي خلطته يعني 50\50 او غير ذللك )
ام وحش ( وذكر هل هو حر ام شاهين )
والله الي عندي وصقرتهم وموجودين عندي حر وحش وجير ابيض بيور ياحبني له وجير شاهين

2- هل اقتنيت واحد ام لا
نعم
3- كم خذ منك حتا قنصت به وهل كان الهدد على فصيله
موسم واحد
4- اهم ايجابية الطير اللذي انته اتفضله
الحر الذكاء والجير شراهته

5- اهم مساوئه او عيوبه
الحر الوحش مزاجي يوم يهد ويوم لا
الجير الغباء الي فيه
6-اذا كان يوجد صوره حاب اتشارك فيها
7- هنيه فش خلقك للي تريد اتقووله ..

والله الطير على صقره كان جير او وحش
ترى وجهت نظر

[وَسَام!]

مشكور اخوي على طرح الموضوع
انا من هواة الوحوش سواءا شاهين او حر والسبب هو
1 . الوحش اين يعشش في اعالي الجبال والمرتفعات يعني الوحش جاهز للارتفاع ولايحتاج تعليم للارتفاع.
2 . الوحش صايد وهو فرخ اول مانزل مع امه وتدرب على الصيد من البدايه والاعتماد على النفس.
3 . قوة المناعه للامراض عند الطير.
4 . الوحوش اكثر ذكاءا من نظيراتها.
بالنسبه للتفريخ انا اقتنيت اثنين واحد مثلوث من مزارع سانتر فالكون والثاني جير ايضا من نفس المزرعه.
المثلوث طير شجاع ويرتفع لكن كثير الامراض من مرض في مرض اما الجير فكان سبوق بالحيل ولكن الارتفاع اكثر من 30 او 40 متر ماارتفع وفي النهايه ايضا مات مريض . وللعلم انا بديت الصقاره منذ مايقارب 16 سنه ولااتذكر انه مات معي طير وحش بسبب مرض.
ولايعني كلامي هذا ان التفاريخ سيئه عندما لاافضلها فقد اثبتت عند اخواننا اهل الامارات خصوصا انها تستحق الافضليه.

لكن الاصلي في كل شي له ذوقه الخاص ;)

[صارووم]

وعليكم السلام ورحمة الله وبركاته
أخوي ( قنيص غير ) أنتبه تقرب السالب - يم الموجب +
1-نوعية الطير: جير ( وذكر هل هو جير حر ام شاهين وماهي خلطته يعني 50\50 او غير ذللك )
ام وحش ( وذكر هل هو حر ام شاهين )
أفضل الوحش سواً حر ولا شاهين
2- هل اقتنيت واحد ام لا
صحيح
3- كم خذ منك حتا قنصت به وهل كان الهدد على فصيله
والله أقربهن لقلبي فرخ حر .. وهد فصيل
4- اهم ايجابية الطير اللذي انته اتفضله
ويفضله كل صقار لصار ( صامل و هداد )
5- اهم مساوئه او عيوبه
عكس أيجابياته الي فوق
6-اذا كان يوجد صوره حاب اتشارك فيها
يوجد .. في القريب العاجل
7- هنيه فش خلقك للي تريد اتقووله ..
أيييه يارجال .. حنا ندور ذي .. أصلاً وشلون تقارن بين الأصيل و ( ابو الخلطات )
والله لو هو يلحق سارحت أمس لابد ماتشره عليه ويرفع ضغطك . والجير يبقى جير !
وبعدين أنا أعتقد انك لو تفتش ريشه بتلقاه لابس صليب ( أحساسي كذا .!! )
الكلام واجد .. ولكن قاله ابونايف عبدالله بن عون :
خطو أشقرن ماهوب من وارد الجير .. لاطار من عشه مراحه خلاوي


ابو عبدالعزيز

[الباهي]

شكرا لك على هذا الموضوع

وجهت نظري هي

ان كلا النوعين لهم صفات ايجابيه وسلبيه

وقد تجد صفات طيبه تجدها بالجير ولا تجدها بالوحوش

والعكس صحيح

بالنسبه لي جمعت بين الثنين( راسين بالحلال) هههههه

عندي جير وعندي وحوش

[بعيد الشوح]

كنيت فرخ فالكون سنتر الخلطه حر50%جير 50 والله مانفع معي انا الي علمته زين بس طياره ردي وانا افضل الوحش قرناس ثنو واللى ثالث

[قنيص غبر]

ايوااا ياعني انتم من حزب الوحوووش الحرار !!!

والله انا اقوول وعيييد ان الوحش الحر او الشاهين هم كفوء انك تنقلهم . وانه اصمل واقل في الامراض وصايد وهو فرخ .. لكن يا جماعه خلوونا نتكلم ابصراحه ...

الجير . يقولوون عنه انه غبي وانه مايعرف الصيد وانه كثير الامراض ..

طييييييييييييييييييييييييييييب حبه حبه ...

هل الجير غبي ؟
انا اقوول الجير يقدر يكون اذكى عن الوحش بالف مره .. الجير هو عباره عن صفحه بيضا .. راعيه يقدر انه يعلمه اللي يبي وهو وخبرته ؟ لاتحكمون على كم جير صقره واحد مايعرفله وباار ومات ..

قلة الخبره في الصيد .. يقوول خالد الفيصل . القنص بركاده وتسرع جهاله .. تظلم الجير اذا من اول فتره بغيته يهد كالوحش ! اصبر عليه وبتشوف منه العجائب .. وانا عندي الادله انه في جيره فعلت احسن عن الوحووش

شوو ذنب الجير مسكين ينحط في مكان درجة الحراره 30 وتريده يطرد مثل الحرار . اتحدا حر يقنصل في كزخستان كقنص الجير ..

ماعنده مناعه ؟ هذا يمكن النقطه اللي ممكن اتفق معاكم .. بحكم شي واحد . بالعقل هذا ماقد عاش عيشة الوحوش . ومعروف انه الجير كل ماقرنس عندك زادت مناعته ..

عني انا

افضل الجير . وباعلى الصوت الجير ... لدرجه انه الحين يرددون المثل لشافو حر سبوق . يقولون فيه سبق مب طبيعي اتقول جير ! يعني مشهودله بالسبق ..

الحر ايضا له سيئاته .. من اهمها المزاجيه . وانه يكوون تبال . يتم يطرد الطريده مسافه طويله .. والحوم .. يالله عاد اذا هديته في وقت الظهيره وشاف حوم . عبر بلدان ...

واخيرا ..

اشكركم على المداخله ..

[alajmi110]

شكراً لك على الموضوع الجميل
وانا افضل الحر الوحش في كل حالاته
وبا النسبه لبو هاشم يوم انه يقول الوحش مزاجي يوم يهد ويوم ما يهد غير صحيح وانا اخوك
الا منه صقر مضبوط ما يفشل وجه راعيه
وان حصل شاهين قرناس خلويه ما هيب شينه وانا اخوك لتحدي الكراوين والحمام
تقبل مروري /ma0z

[المزروعي]

شوف يا قنيص غبر .. الشاعر الكبير الامير أحمد بن محمد السديري قال

لو كان القنص بالطيار .... كان فضلنا القطا عن كل طير

يعني يمكن الجير أسبق لكن السبق مش كل شي . الجير ما يعرف إلا الطرد مره يجي من تحت الحباره ويرفعها لين السما و مره يسربت وراها كأنه يريد يذلفها ومره كأنه ما قط شافها . وهذا أنا وأنت عايشناه مع بعض . لكن الحر صيدته نادر ما تروح عليه و خاصه إذا كان خلوي . والله أن شفنا فعايل الخلويات يشيبن بالراس فن في الطرد و الصيد . و هذا هو سبب طربت الحر . مقوله قديمه (الحر يصقر و لا ينصقر ) يعني لا تعلمه الصيد بس ربب و هد .

[أبو رداد]

مشكور يالقنيص الغبر على هذا الطرح
والله لولا الملامه كان كتبت :cool:
كتبت سوالف وتجارب رجال قضى عمره مع الوحوش ثم مع الجيره ومعهن وحوش
(نقل اطيب الطيور وقنص اطيب المقانيص)
,,,
لكن كلامي يزعل بعض الاخوه
وزعل اي شخص يهمني (حتى لوماعرفه)
لان الطيور وان علا شانها فهي طيور !!! (سواء تفريخ ولا وحوش)
واساسها تنهدى بين اللحى الغانمه
(يعني ماتسوى ازعل خوي على شانها )
واقول مايصح الا الصحيح ومصير التجارب تعلم العنيد
والجيره المفرخه (طير الصقار المتمكن)
يعني مهما يقولوا عنها ويقللوا من شانها ويبخسوها
لكنهم مايستطيعون بخس قدر صقارها
لانها ماتنجح الا عند (الصقار المتمكن)
والسلام

[قنيص غبر]

المزروعي ... انا ما اعذرب في الحر ابدا . ولكن اقول ان الجير جاك من مزرعه طيبه ومن سلاله طيبه . وجاك صقار عرف يصقره . اعتقد بتشوف الهوايل . صحيح ان فيه جيره تسربد على قوولتك . لكن في نفس الوقت فيه جيره تجعلك تطرب لها . واذكر بالجير ال 50 50 الحمر اللي عند الريال العام :) .. اعتقد عرفته . فسمحلي يا ابن العم . وان لناظره لقريب . نتلاقا معاك انشالله السنه في المكان الموعود :D ..



ابو رداد: انته خلك في صفي والامور طيبه .. الوعد في اللي يشكك في الجيره في شارة سيح الشعيب ;)

الاعضاء الباقيين ..

تاملو الصوره وكان حال لسانه يقول كما قال الشاعر الفراعنه
(( الارض ارضي والزمان زمانيه ))


http://www.mekshat.com/pix/upload02/images68/mk78179_1.jpg

[المزروعي]

أبورداد .. ما في زعل أبد الموضوع و مافيه كان نقاش فقط !! تدري كل واحد يريد يثبت وجهة نظره فقط يعني أنا مش لازم أجبر أي أحد في وجهة نظري !! والموضوع مش عناد أو تحدي !! أنت أكبر مني و أكيد أعلم مني في الطيور لكن أنا يا أخي العزيز حبي للحر مثل حبك للجير !! والنقاش لا يفسد للود قضيه . كل هذي المشاكل سببها و لد العم قنيص غبر !!!
أول ما بدأ الموضوع كنت بكتب لك رساله أن تكون محايد في هذا الموضوع و لا تشارك فيه !! لأني أدري شو كان بيكون ردك .

المهم يا مشرفنا العزيز لا تزعل و لا تفرح علينا قنيص غبر !

[ابو عايد]

السلام عليكم ورحمة الله وبركاته

الجير غبي 100%
هل الجير يعرف يحلل الصيده مثل الوحش

أكثر نسبة لذبح الطيور الجير يتعلف الطيور ولا تقدر تحط الجير مع الوحش لازم تبعد الجير منها

الشباكين أكثرهم في الساحل الخبت لايستقدمون الجير أبداً في الطرادات

وانا في بدايتي أستخدمت الجير بأنواعة وانا حالف ماأشيلة على يدي الجير



مقوله قديمه (الحر يصقر و لا ينصقر ) يعني لا تعلمه الصيد بس ربب و هد .

[وَسَام!]

ايوااا ياعني انتم من حزب الوحوووش الحرار !!!

والله انا اقوول وعيييد ان الوحش الحر او الشاهين هم كفوء انك تنقلهم . وانه اصمل واقل في الامراض وصايد وهو فرخ .. لكن يا جماعه خلوونا نتكلم ابصراحه ...

الجير . يقولوون عنه انه غبي وانه مايعرف الصيد وانه كثير الامراض ..

طييييييييييييييييييييييييييييب حبه حبه ...

هل الجير غبي ؟
انا اقوول الجير يقدر يكون اذكى عن الوحش بالف مره .. الجير هو عباره عن صفحه بيضا 1 .. راعيه يقدر انه يعلمه اللي يبي وهو وخبرته ؟ لاتحكمون على كم جير صقره واحد مايعرفله وباار ومات ..

قلة الخبره في الصيد .. يقوول خالد الفيصل . القنص بركاده وتسرع جهاله .. تظلم الجير اذا من اول فتره بغيته يهد كالوحش !2 اصبر عليه وبتشوف منه العجائب .. وانا عندي الادله انه في جيره فعلت احسن عن الوحووش

شوو ذنب الجير مسكين ينحط في مكان درجة الحراره 30 وتريده يطرد مثل الحرار3 . اتحدا حر يقنصل في كزخستان كقنص الجير3 ..

ماعنده مناعه ؟ هذا يمكن النقطه اللي ممكن اتفق معاكم .. بحكم شي واحد . بالعقل هذا ماقد عاش عيشة الوحوش . ومعروف انه الجير كل ماقرنس عندك زادت مناعته4 ..

عني انا

افضل الجير . وباعلى الصوت الجير ... لدرجه انه الحين يرددون المثل لشافو حر سبوق . يقولون فيه سبق مب طبيعي اتقول جير ! يعني مشهودله بالسبق ..

الحر ايضا له سيئاته .. من اهمها المزاجيه . وانه يكوون تبال . يتم يطرد الطريده مسافه طويله؟؟؟؟ .. والحوم .. يالله عاد اذا هديته في وقت الظهيره وشاف حوم . عبر بلدان ...

واخيرا ..

اشكركم على المداخله ..
ياحبيبي مرحبابك مره ثانيه واناقشك واجاوبك بكلامك اللي فوق:

1 انا من البدايه ليش اخذ طير ذكاءه فيه كلام اذا اخذ طير ذكاءه جاي معه!!!!!!!
2 طيب اذا في نظرك الجير مايهد مثل الوحش ليش اخذه واقعد اعلمه يسوي مثل الوحش افضل اخذ الوحش على طول!!!!!!
3 الجير مايتحمل الحراره يعني الوحش اقوى تحمل يعني هو اللي يتحمل جونا يعني هو مثلنا ياحبيله:D
4 الجير كل مايقرنس تزود مناعته يعني وهو فرخ خابور يعني الحر مناعته قويه من اساسها اذا هو الافضل.

هذي كلها المواصفات الاساسيه وانت معترف بها
شفت انك معترف بالافضل من حيث لاتعلم
اما كلمة المزاجيه مااعتقد ان الوحش مزاجي او انه ينسى صيده وبالنسبه للطرد نعم فيه وحوش دبلة كبد وفيه وحوش صقارها يثق فيها اكثر من ثقته في الشياهين اذا شاف الحبارى روحت وتلحق لحوق يبيض الوجه وهذا حصل امامي واحد شاف الحبارى ارتفعت وعلى يده فرخ شيهانه وفيه قنوص خاف انهم يهدون عليها نزل الشيهانه وهد الحر قرناس سااااااااادس.

انبسط يالمزروعي

[المزروعي]

أبوعايد . والله أن قنيص غبر و أبورداد حرقوا قلبي !!!

[وَسَام!]

تكررة المشاركه وشلت هذي

[مبسوط]

مساء الخير لشباب جميعا صراحة الموضوع حلو المشاركين فيه احلى وعلى ما يقولون لا يفتى ومالك في المدينه اقصد ( المزروعي و ابو رداد وقنيص غير والشباب فيهم البركة )
لكن اذكر تجربتي وو جهت نظري انا قنصت بالجير وبالوحش و بحياد كل واحد فيه ميزات وعيوب من:
الميزات :
الجير لا يختلف اثنين على انه اسبق الطيور
وايضا فيه شراهه مو طبيعيه تحس انه يصيد لدافع الانتقام مو للاكل
العيوب :
اليصحه ثم الصيحه ثم الصيحه اغلب وكثير من التفاريخ
وبعد كذا الكوشه على العلف والدليل كثير من الي يشتري الجير يشرط على الصيحه والكوشه على العلف في حين اول كان الشرط على الصيد والطلع او الحق
ثايا قليل من التفاريخ يذبح فصيل يعني لازم تعلمه قبل على الحبارى وهذي مشكل في قل الحباري في السعودية وهذي ما يعنيها اخونا في الخليج لانهم كثير ما يقنصون ايران وبكستان وغيره

اما الحر كثير منه ركادة وطلع وصمول على طريدته ويكفي انه يذبح فصيل ما احتاج اعلمه قبل.

وهذا الي عندي اخوكم / مبسوط

[نايف الخالدي]

هلابكم اخواني ومشكوووووووووووور اخوي قنيص غبر على الموضوع
بس لو نتناقش في الموضوع سنين ماحد راح يغير رايه ولاحد بيقنع الثاني
الجير سبوق وماقلنا شي بس غبــــي ويبيلك تعلمه كل شي من الصفر تبدا معه
انا بالنسبه لي صقره الحرار وصقر من الجيره اثنين جير ابيض ثري كوارتر وجير شاهين
طبعا الجير الشاهين افضل سبق وركاده وصيد مافيها كلام بس عندي الي يبرد كبدي غيرها 'طيري الحر
واذا هديته اكون واثق انه بيبيض الوجه
وانا معك يالمزروعي توكل على الله انت محامي الدفاع عن الحرار ويعطيكم الف عافيه
اخوكم /نايف الخالدي

[صقر الرحيبة]

السلام علييكم جميعا ...

اتخيل انه في ناس من يشوفوون الالعنوان بيشمر عن ساعديه وبيدخل يفزع يدافع عن اللي يميل له قلبه:D
في الاونه الاخيره شفت كم موضووع وكان يووجد خلافات كثيره بين افضلية الجير ام الوحش ... وحبيت من هالمنطلق انا نطرح هالموضوع بسلوب راقي . بحيث كل واحد حاب يشارك يتبع خطوات والمقصد تسهيل الحوار والاستفاده للغير ...
فبيكون الرد على هالموضوع يطلب منك تذكر هالاشياء
ماذا تفضل:
1-نوعية الطير: جير ( وذكر هل هو جير حر ام شاهين وماهي خلطته يعني 50\50 او غير ذللك )
ام وحش ( وذكر هل هو حر ام شاهين )

2- هل اقتنيت واحد ام لا

3- كم خذ منك حتا قنصت به وهل كان الهدد على فصيله

4- اهم ايجابية الطير اللذي انته اتفضله

5- اهم مساوئه او عيوبه
6-اذا كان يوجد صوره حاب اتشارك فيها
7- هنيه فش خلقك للي تريد اتقووله ..

ورجاء بلا تجريح او ذكر اسم طير عضو او اسم عضو .. الموضوع للنقاش العام والحوار والتسليه . لا للتعصب على نوع معين :no2:
جاهزييين !!!!!!!!!!!!!!!!!!!!!!!!!!!

1- الوحش (الحروالشاهين)

2- الحر والشاهين
3- من اسبوع الى ثنين
4- ربب وهد
5- الشاهين يتاخر حتى يصفي ريشه
6-الصور بموضوعي ((وحوش صقر الرحيبة ))
7- ما بعيب على الجير لاني شايف افعاله بعيني,,لكن القلب وما يهوى
مهما طروا محاسن الجير او جابوا عيوب الحش

الراي نفس الراي

[محمد الفهيد]

مرحبا مليون
بدايه ( اضم صوتي لخوي قنيص غبر )

واقول الجير طير مافيه كلام بس بشرط راح اذكره عقب
انا صقرت من الجيره
جير الشاهين 2ومثلوث جير ( قرموشه ) 50% ، وجير حر (75) ثلاثه ، وتفريخ حرخالص 1

الي باللون الاحمر نجح
واخر واحد ماعجبني

ومن الوحوش :
قرناس هوا ثنو ، قرناس بيت 3 وفروخ 2
من الشواهين:
احبها واعشقها وما اح انقلها _ لأسباب خارجه عن ارادتي:D

واقول ان كلام اخوي ابو رداد في محله يكفيك انه نجح على كفك وتعلم

الوحش مانجح منها الا طير واحد

وليت كل الطيور مثل قرناس الهوا

وبعدين في الامارات مجبورين على الجير لأن الوحش مانقدر انعالجه ولا ايسافر معنا

المهم ( نجحنا ونجح الجير معنا )
تقبلوا تحياتي

[قنيص غبر]

تسلمون على الردود وتحفز في نفسي انه لايوجد الكثير من عشاق الجير هنا .. لكن مصيركم تعرفوون الجير وماهو قادر على فعله

[محمد الفهيد]

هههههههههههههه
افا افا .. انا قلت لك ضميت صوتي
والدليل ماعندي الا جير واحد ورابطه من غلاه عندي شفت فيه الي شفته في الوحوش من الركاده وأبشرك طلع بعد وراكد على التكيه
بس للأسف للحين ماتاح

تدري بشي
اول الوقت بنعلن التحدي معاهم بس بطريقه مختلفه
يعطونا طيورهم ونعطيهم طيرنا موسم كامل ونسمع النتيجه اخر الوقت
( ادري انها صعبه )

تحياتي

[وَسَام!]

من عقلك يابو فهيد بنخليكم تاخذون منا الاصايل ؟ انتوا ودكم بس انا بنعيي
لاتحاولون ولا نقبل واسطه :no:

[الوايلي100]

السلام عليكم

انا جربة الجير( جير شيهان ) مره واحدة يمكن شهرين ماهديته على حبارى مالله جاب شي ، وهو قرناس صايد مع راعيه الاول .
( شوف الصوره يمين توني مطلعهن من الربطه )
http://www.moq3.com/img/upfiles/gKh79864.jpg (http://www.moq3.com/img/)
هديته على الكراوين وعلى الحمام خذ ولد وسبق ويهد على اي شي من الطيور بط حبش رومي ..........الخ


--لاكن مهما فعل الجير لن يغني عن الحر في الطلع والركاده والطبوع . هذا رأيي ولكل اختيار......... حر وبس ولا تهون الشياهين

[((السنياري))]

الفرق بينهم واجد الحر ذكي ولا ينسا شي من الي تعلمه والجير غبي ينسا صيدته ودفش

ياخوك ماعمري جنية جير واسمع عن الجير الاصلي ولا شفته الا بصور

خبرتي بلجير مو واجد

تقبل مروري

[قشاع الرمث]

السلام عليكم ورحمة الله وب بركاته

مساكم الله بالخير

كان فيه موظوع قديم عن الحر والشاهين والنقاش البيزانطي
الظاهر تذكرونه .
هذا الموضوع قريب جدا والمشكله كلن بيعد ما واجه .
يعني مافيه دراسه علميه عليهن .

ولاكن بما ان الموضوع عن التجارب الشخصيه
انا صقرت 3 جيرات طبعا مهجنات ( تفاريخ ) لان
الوحوش منهن ما نطولهن .:D الاكيد واحد جير ابيض
بيور فاشل يجميع المقاييس ارفل يوم يهد ويوم لا
والثانيه جير شاهين ناجحه جدا جدا جدا سبق وركاده
وجساره وتهد على كل شي . ما تتردد .ولاكن بالجو الحار مامعك طير .,
والثالث جير حر من مزرعة ديزرت فالكون .
كان طير عادي لا زين زلا شين و مستواه متوسط .

ولاكن كان الهدف منهن تجربه هذا الجنس الدخيل على الصقاره
ولاكن ما يصح الا الصحيح . لا افلست من الحر الي وسره وقطوع
ومجس تراك مفلس .

حي الذي ماهوب تفريخ من جير الي ليا منه نوى الصيد شاله .



وسلامتكم ....

[نايف الخالدي]

بو حماد
هاذا الكلام الي مظبوط
مايصح الى الصحيح

[راعي لحاق]

طبعاً الوحش يطلع وماينسى لو مايصيد كم سنه