حرارة السيارة

[الظافر]

السلام عليكم ورحمة الله وبركاته
عندي مشكلة فى سيارتي الباترول2002 وهي ارتفاع الحرارة احيانأً تصل الى الثلث و حياناً ما ترتفع و احياناً و انا الف داخل البلد الحرارة طبيعيه و اوقف عند محل و اطفى السيارة و ارجع اشغل بعد عشرة دقائق احصل الحراره على الثلث وامشى اشوي وتنزل الى الربع و اوقات اكون ماشي مع الخط بسرعة 130 تصل الحراره الى الثلث و مجرد مارفع رجلى (اعزكم الله ) عن البنزين تنزل الى الخط الثاني , نرجو الافاده من الجميع خوفاً من ان تحدث مشكلة بالمكينه :confused: . مع العلم بأنه سبق ان خربت طبه الماء وصلحتها على طول ما حركت الموتر حملته على سطحة الى الورشة . و نظفت الارديتر و حطيت ماء جديد اصلى للارديتر

ولكم خالص الشكر والتقدير

[عاشق البسمه]

سيارتك اللي فيها طبيعي جدا والله يعطيك خيرها ويكفيك شرها

[عاشق البسمه]

وتحتاج للتشييك

[مخ سعودي]

لايكون حاط موية زرقاء الماني ـ لانها حصلت معي في سيارتي الماكسيما نفس حركاتك .
قمت وغيرت الموية لانها ثقيلة وحطيت خضراء قليل مع موية مقطر والحمد لله زالت المشكلة .
وبعدين ترى الجو حر عندنا

[متعب القويعي]

الحرارة أذا ماتعدت النصف((طبيعي))
أهم شيء ماتتعدى النصف

[راعي بيشة]

تفاوت الحرارة وطلوعها ونزولها بهذا الشكل بوب طبيعي
اقصد ما هوب طبيعي

أسباب الحرارة كثيرة ومتنوعة يمكن توماتيك المروحة اللي يسمى كلتش

أو الرديتر

أو الراس الله يكفيك

طمبة الماء

أو أو كثيرة فيما أظن

[خالدعبدالعزيز]

خفف موية الرديتر بمويه مقطره ولا عليك ان شاء الله

[ابوفهيدان]

شيك علي الثرموستات
اللي تنظم حركة الماء

[system]

السيارات كلها اذا طفيتها ورجعت شغلتها تلقى الحراره مرتفعه عن الطبيعي وبالنسبه للحراره على الخط اذا موترك قير عادي طبيعي بالباترول اضف على ذلك الحراره اذا بين الربع والثلاث ارباع هذا طبيعي مثل ماهو مذكور بكتيب السياره .

[samfj40]

مع كل ماذكره الاخوان لاتنسى تفحص حساس الحراره الموجود اما في الكوع الخارج من الراس للاديتر او في راس المكينه لان هذا الحساس يخرب احيانا ويعطي قراءه غير صحيحه.

[الاتصال السريع]

شف الرديتر
انا كان عندي يمكن نفس الاعراض اللي عندك وموجودة بمشاركة من احد الاخوان عن اسباب الحرارة وكانت المشكلة من الاديتر
يعني إذا اسرعت بعد140كيلو اثناء السفر توصل حول النصف وإذا هديت تعود الى الربع وفي المرتفعات تتعدى النص وتبخر الماء مع القربه
المهم جيت اسيخه قال ما ينفع انصحك تشتري جديد وشريت جديد من الماضي بالصناعية القديمة رديتر المنيوم ب 1200 ريال بالوكالة بعد التخفيض 1470 ريال

[عععبيد]

1)ممكن يكون من البلف حق الحرارة لانه اذا كان الماء غير نظيف يقفل من نفسه ولا يفتح الا بعد ما ترتفع الحرارة بشكل ملحوظ
2)ممكن الخلل يكون من مروحة التبريد اما ان يكون التوماتيك حقها عطلان او نفس الريش تكسر بعض الاحيان او السير مرتخي




اتمنى ان تستفيد من كلامي والشباب ما قصروا
مع ارق تحيه
عععبيد

[سليمان السرحاني]

تاكد من الرديتر انه وكالته اخوي يمكن سعودي واضن ان السعودي هو اللي يعمل هيك شغله مرت بي الحاله في هايلكس 95 وتاكد من المبرد اللي علي المروحه الطوف البلاستيك
تقبل مروررررررررررررررررررررررررررررررررررررري

[ساهرالليل]

من واقع تجربة غير الأديتر

[dugaish]

اخوي الظافر سيارتك الي فيها طبيعي بس يدل على وجوب التغيير والتشييك
اولاً غير بلف الحراره فهو يحتاج للتغيير بعد انتهاء عمره الافتراضي وهو 3 سنوات وثانياً بما انك بتغير البلف فانصحك تغير موية الرديتر مع الاحتياط انك تظيف مايقارب ثلث كمية ماء الرديتر وتخليها ماء مقطر يعني ثلثين موية رديتر اصلي امريكي وثلث ماء مقطر

ارجوا ان اكون قد افدت
كل الاحترام والود

[عاشق الغضا]

الحرارة طبيعية جداَ خاصة اذا وقفت وانت جاي من مسافة ثم تطفي الموتر على طول عادي اذا شغلت الموتر ترتفع الحرارة ,,وحرارة الباترول الثلث عادي جداَ اهم شي لاتوصل النصف ومافوق

[مخاوي البيئه]

ياخوي موضوعك صار معاي بظبط وساهالات انشالله مايبيله شي

1- نظف الراديتر (تشييش) خلهم يفكونه وظبطونه عند ملوت الراديترات (التكلفه شي بسيط حوالي 100 ريال)

2- بدل الترموستات. (التكلفه حوالي 60 ريال)

3- افحص جميع الهوزات.

4- حط براديتر دواء اخضر او احمر يفضل ماركة (موبار - mopar ) تبع سيارات جيب وكلايسلر

وانا سويتها والحمدلله عال العال وسوها وانشالله يظبط معاك

[سوبر VTC]

اضيف على كلام الاخوان غطاء الاديتر يكون خربان او فيه تنسيم و اذا صار مرتخي يحصل ان علبة الراجع تمتلئ ماء
تحياتي لك;) ;)