المساعد الشخصي الرقمي

مشاهدة النسخة كاملة : ؟؟؟؟؟كم تولد السلقه؟؟؟؟؟


قشاع الرمث
30/04/2008, 02:11 PM
السلام عليكم ورحمة الله وبركاته

عندنا سلقه ولدت قبل كم يوم .

ولاكن بالعادة كم تولد السلقه كحد ادنى وكحد اعلى .

وهل من الممكن ان تكون لاقحة من اكثر من سلوقي ؟

وبعد ما تردون علي .
اعلمكم وش صار معنا ....
الحرالنداوي
30/04/2008, 02:23 PM
السلقه اكثر ماسمعت انها ولدت 13 وادنى شي 2

وبالنسبه للقاح مااظن حتى لو شبك

لان اللقحه مره وحده سوى اشباها سلوقي والا 10

بس من اللي لقحها الله واعلم يمكن الاول يمكن الثاني .. الثالث الله اعلم
راعي الهدبا99
30/04/2008, 02:25 PM
مرحبا اخوي....السلقه مالها حد ...في الولاده

احياناا تالد جرو واحد ...واحيانا ياصل حدها الى 14جرو....

قد صارت...ذي سلقه اجرت وجابت جرو واحد ,,,وسلقه لقحت جابت...14 جرو...
وبخصوص انها تمسك من ذيخين...نعم انا قد صارت معي هاذي وعندي سلقه لقحت من ذيخين..

وولدت بسبعه جراء.....

وفعلا..الجراء طلعن على كل الذيخين...بعضهن على الاول..وبعضهن على الثاني...


يعني تلقح من ذيخين..اكيد..واسال مجرب..
بس لاتنسانا من الجراء....خخخخخخخخخخخ

مشكور وما قصرت...
عبادي 91
30/04/2008, 02:30 PM
السلقه اكثر ماسمعت انها ولدت 13 وادنى شي 2

وبالنسبه للقاح مااظن حتى لو شبك

لان اللقحه مره وحده سوى اشباها سلوقي والا 10

بس من اللي لقحها الله واعلم يمكن الاول يمكن الثاني .. الثالث الله اعلم

لاهنت يا الحر النداوي

وانا اتفق مع الحر في ما قاله

والله يوفقك مع الجرا وتستانس فيهم والله يخليهم لك

ويبعد عيال الحرام
راعي صيحه099
30/04/2008, 06:53 PM
ماظنيت لها حد ولكن تشيل من ذيخين عادي او اكثر
طلو
30/04/2008, 07:43 PM
اقل حد واحد والغالب 1‎‎‎‎‎‎2 او 13
واحتمال ثالث انها ماتجيب شي
واما تلقح من ذيخين كد صارت معي سلقه ريشه لقحها ذيخ ازرق املط وذيخ ابيض اريش وجابت سته ثلاثه زرق ملط وثلاثه بيض ريشات
والله العالم بس لا تاخر علينا وقلنا وش الي صار معكم
جن جون
01/05/2008, 10:55 AM
ماقصروا الشباب في الافاده وكلامهم على متمه بس باقي انت اللي تعلمنا وش صار معكم ولك تحياتي جن جون
قشاع الرمث
02/05/2008, 02:02 AM
السلام عليكم ورحمة الله وبركاته

مساكم الله بالخير
ماقصرتو جميع يمال العافية .

اذكرو الله

هذي يالربع عندنا سلقه حجمها صغير وعوده
وحطيناه مع ثلاث سلق ابيض واحمر واسود
وجابت 17 جرو مات واحد وقت الولاده وطلعن
من كل الالوان . وهذي اول مره تصير .....

ما شاء الله .
القووقسي
02/05/2008, 02:56 AM
هههههههههههههههههههههههههه واشرك شرااه من هالدرزن
عبدالله هدد
02/05/2008, 07:26 AM
مااااااااشااااء الله يا قشاع الرمث والله يكبرهن
واخوي القوقسي ذكر الله زيييييييييييين ويمدحونه
مااااااشاء الله مره ثانه وانت يلي تقراء والي يرحم والديك
اذكر الله سلقة الرجال لا يجيه شي
قشاع الرمث
02/05/2008, 11:30 AM
السلام عليكم ورحمة الله وبركاته

ياهلا بكم

القووقسي ليتك سالم من هالسالفه

عبدالله هدد جزاك الله خير
وماهنا خلاف الي يذكر الله جزاه الله خير
والي مايذكره المنه عليه .

ويا هلا بكم ..
الحرالنداوي
02/05/2008, 04:22 PM
السلام عليكم ورحمة الله وبركاته

مساكم الله بالخير
ماقصرتو جميع يمال العافية .

اذكرو الله

هذي يالربع عندنا سلقه حجمها صغير وعوده
وحطيناه مع ثلاث سلق ابيض واحمر واسود
وجابت 17 جرو مات واحد وقت الولاده وطلعن
من كل الالوان . وهذي اول مره تصير .....

ما شاء الله .

مالها صور الجراء ؟؟؟؟ نبي نشوفها الله لايهينك
ولد حآئل
02/05/2008, 07:50 PM
ماشاء الله قشاع الرمث

بس لاتنسانا من الجراء .......
ابو تمام
02/05/2008, 08:48 PM
ماشاء الله ياقشاع الرمث هذي لازم تدخل موسوعة قينس للأرقام القياسيه لو درو عنها ماشاءالله ماشاءالله ماشاءالله
راعي صيا111ح
02/05/2008, 11:10 PM
ماشا ءالله
الله يبعدهن عن عيال الحرام
ويتربن بعزك
رأفت المصري
03/05/2008, 04:49 AM
الخ قشاع الرمش: عندنا واحد بمصر يشتغل بانتاج السلوئي يديها ادويه تخصيب وولدت عنده سلوئيات حوالي 18 بيبي. ولكن من اكتر من دكر واحد علشان يضمن انتاج كويس. عموماً يتربوا في عزك يعم.
اهداء لك صورة واحده من السلوئي بتاعاتي.
http://www.mekshat.com/pix/upload02/images68/mk79655_takutewalk.jpg

رأفت المصري
الأكيدر
04/05/2008, 01:58 AM
مشاء الله الله لايضرهن انشاء الله يكبرن بعزكم والله يعينكم على البهدله 000
قشاع الرمث
05/05/2008, 11:13 AM
السلام عليكم ورحمة الله وبركاته

مساكم الله بالخير

ياهلابكم وجزاكم الله خير .

الاخ رافت المصري

انا ما اشتغل بانتاج السلق لانه عندنا يالعرب عييب .
وحنا ما نديها ادويه تخصيب هذا كله طبيعي من عمل ربي

ايدا كوله السلوئي بتاعك الله يخليه ليك لاكن شكله
مش لائي ياكول .:D
على العموم مرحبا بك ..
روحي شماليه
24/05/2008, 01:38 AM
اخوي قشاع الرمث: ماشاء الله تبارك الله بصراحه رقم قياااااسي

انا لو جرت عندي السلقه 17 خلص مااشبيها لين يطيحن سنونها وماشالله سلقتك عملت لك معروف الله يعينك على الطعام والحليب

تحياتي
نسناس الهواء
28/05/2008, 12:31 PM
أنا أقول فيه شي غلط تبي تعرف طبق مايلي
حط السلق الثلاث الكبار بأرض كبيرة وأبعدهن عن بعض
وحط السلق الصغار بالنص ، لكن بشرط يكون بالليل
وبعدين شف كل مولود من السلق الصغار وين يروح وبكذا تعرف أبوه
وتعرف طيبه من طيب أبوه
وفيه شرط ثاني أبعد أنت عنهن ياقشاع الرمث وراقبهن من بعيد
سلطان العوني
29/05/2008, 03:51 AM
أنا أقول فيه شي غلط تبي تعرف طبق مايلي
حط السلق الثلاث الكبار بأرض كبيرة وأبعدهن عن بعض
وحط السلق الصغار بالنص ، لكن بشرط يكون بالليل
وبعدين شف كل مولود من السلق الصغار وين يروح وبكذا تعرف أبوه
وتعرف طيبه من طيب أبوه
وفيه شرط ثاني أبعد أنت عنهن ياقشاع الرمث وراقبهن من بعيد


سلامات يالاخو من وين جايب هالمعلومات
-----------------------------------

ما شاء الله تبارك الله
الله يطرح لكم فيها البركه ويسهل امور امهن
EFI.4500
30/05/2008, 03:28 PM
ماشاء الله
محمية سلق
ذيب الرس
30/05/2008, 06:05 PM
الله يخليهن لك ياارب
نمر الرس
30/05/2008, 10:05 PM
|| ما شاء الله الله يطرح فيهن الربركه ,,,,,,,

ننتظر الصور اخوي ............||
دسم الشوارب
30/05/2008, 10:28 PM
ماشاء الله
الصور اخوي
ااابوخلف
30/05/2008, 10:57 PM
ماشاء الله
يبي يصير فيهن 2 سداده 2 قلب 4 كلا 2 دو !!!:D
نمر2008
31/05/2008, 02:20 PM
السلقه اكثر ماسمعت انها ولدت 16 وادنى شي 1؟؟؟؟؟؟؟؟؟؟
الشيحيه
01/06/2008, 02:15 PM
ماشاء الله 17جرو تربو على بالصيد
أبوصنيتان
01/06/2008, 10:34 PM
وعليكم السلام ورحمة الله وبركاته


ماشاءالله الله يعطيك خيرها ويكفيك شرها وعاد لا تنسانا باحد الجراوه




تقبل مرووري
لعّاب المنايا
02/06/2008, 12:51 AM
ما شاء الله اخوي والله عدد موب سهل

الله يطعمك من صيدها
عبد الرحمان68
03/06/2008, 07:21 PM
ما شاء الله يرزق الله من يشاء وبغير حساب ..........
ابو العز بلس
04/06/2008, 02:39 AM
طيب ماتهديني واحد
حتى اذا كان ارداهن
لاني محتاج واحد
S.G.X
11/06/2008, 11:10 AM
ماشاء الله تبـارك الله
نسناس الهواء
27/06/2008, 04:23 PM
الأخ قشاع يعطيك العافية ، وش وصلتو لنتيجة من هالمواليد وكم عمرهن هالحين ، ، ،
وفقك الله
A . J . A
30/06/2008, 06:45 AM
ماشاء الله تبارك الله

واتوقع والعلم عند الله انك ما بتبخل علي بواحد
ولا وش رايك

اتمني الرد؟؟
راعي حركة
02/07/2008, 12:51 AM
انا الى اعرفه انه تولد من 2 الى 13 واكثر ما شفت 10 عند راعي الرام
نسناس الهواء
14/07/2008, 03:56 AM
ماشا الله
’’’’’’’’’’’’’’’’’’’ انتظر الرد ياقشاع
صيدوبس
15/07/2008, 12:11 AM
سلام عليكم اخوي سلق تولد اكثر الى 14 بس احسن شي اذا تبي تختار عند 1234هم اطلق شي وما عليك من الباقي
شيب الشيب
16/07/2008, 03:48 PM
السلم عليكم
ياخوي السلقه< الاصيله>تولد<2>ويوخذ الاول هذا المعروف لان الاول يسمونه القلب وهذا شي معروف
وشكراً

الــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــشيب
راعي حركة
17/07/2008, 01:45 AM
والله على حسب معرفتي انها تلد مابين 1 الى 10 لابس تلقح من سلوقي واحد
الحرالنداوي
17/07/2008, 03:25 AM
عاد صدقتوه انتم ههههههههههه
عبدالله هدد
19/07/2008, 10:36 PM
عاد صدقتوه انتم ههههههههههه

الحر مايكذب الرجال الا ؟؟؟؟
;)
الحرالنداوي
20/07/2008, 05:52 AM
عاد مو لهالدرجه هههههههههههههههههه
قشاع الرمث
20/07/2008, 12:12 PM
السلام عليكم ورحمة الله وبركاته

مساكم الله بالخير

اعذروني على التاخير

والله يالربع السلقه مهي لي لواحد من ربعي
وما اقدر لا اعطي من الجراوه ولا اعرض صور
راعيه ما يبي يعرض صورله .

وراعيه معنى بمكشات وهو الاخ عبدالله هدد.

الاخ الحر النداوي

مساك الله بالخير انت كنت صاحب الرد الاول على الموضوع
وكان ردك رد رجال ثقيل يعرف يازن كلمته قبل يقوله .

وفي الرد الثاني لك طلبت بكل صراحه صور للسلقه
وما رديت عليك للسبب الي ذكرته فوق .

وبالرد قبل الاخير تقول عاد صدقتوه يعني تكذبني
بس عشان انزل الصور وهذي مهي افضل الطرق
في مثل هالمواقف .

المفروض يكون ردي عليك :
الي يصدق يصدق والي ما يصدق بقريح الي يطير به .

ولاكن ابصير اكبر منك واقول لك سواتك عيب . اسال اخوانك
الي اكبر منك . يمكن يهزبونك على هالسالفه .

ومني ملزوم باحد لاكن ابرسل لك رقمي على الخاص تعال تقهو واوريك صور
لهن واوريك الي باقي منهن .



والشكر لكل من شارك بالموضوع .
الحرالنداوي
20/07/2008, 12:25 PM
اخوي قشاع الرمث انا قلتلك ورنا الصور وانت تهربت ومارديت علي وش معناها ذي ؟؟ وتقول لقحت من 3 سلق انا اتحدى اي واحد يقول كذا ... السلقه ماتلقح الا من واحد

والحين تقول الجراوه 17 هل شفتها بعينك ؟؟

اتمنى انك ماتزعل

واذا يحتاج للمكالمه كلمتك
قشاع الرمث
20/07/2008, 12:48 PM
السلام عليكم ورحمة الله وبركاته





اخوي قشاع الرمث انا قلتلك ورنا الصور وانت تهربت ومارديت علي وش معناها ذي ؟؟ وتقول لقحت من 3 سلق انا اتحدى اي واحد يقول كذا ... السلقه ماتلقح الا من واحد

والحين تقول الجراوه 17 هل شفتها بعينك ؟؟

اتمنى انك ماتزعل

واذا يحتاج للمكالمه كلمتك


اول شي مساك الله بالخير

اتوقع اني بالرساله الي قبل وضحت استفسارك عن الصور
راعي السلقه ما يبي احد يشوفه (العين حق ) .


وهل من الممكن ان تكون لاقحة من اكثر من سلوقي ؟

الرجاء قراءة الموضوع مره ثانيه بتمعن .
وراح يبين لك اني
انا باول الموضوع قاعد اسال يعني ما قلت السلقه لقحت من اكر من سلوقي .

وبالعكس طلع عندنا كل الالوان وانا في ردي الثاني قلت غريبه يعني متعجب من هالسالفه
لاني مقتنع ان التلقيح المفترض يكون من سلوقي واحد .

وانا يا اخوك ما انقل سوالف انا اقول عندنا يعني شبك السلق واحد
سلقي وسلق عبدالله هدد بنفس الشبك .
جوابا على سؤالك نعم شايفهن .

والزعل ما ينزعل من النت من ورا الشاشه ما تدري قبيلك وشو من لحيه .

اذا بتتصل حياك الله .
فيصل الدشاش
22/07/2008, 10:03 PM
ولله اتوقع الحد الادنى 1

لكن اعلى حد يقول اخوي 17 والثاني 13

ولله اتوقع مافيه حد يعني لكن اتوقع الله واعلام 20


تقبل مروري
راعي صهيله
23/07/2008, 03:17 PM
هههههههههههههههههه مبروك ههههههه ماشاء الله يتربون بعزك
خياله الجدعا
15/08/2008, 10:52 PM
اايد كلام اخوي طلو وانتم سالمين
الوافي4482
27/08/2008, 10:52 AM
ما شاء الله
وش بقى منها
انتظر ردك
نفاج
13/01/2009, 02:21 AM
ماشاء الله
جميل المغازي
14/01/2009, 03:04 PM
مستحيل السلقه تلقح من ذيخين لابالعقل ولا بالعلم الحديث
فهرنهايت
14/01/2009, 07:50 PM
سبحان الله

الله قادر على كل شيء
الوافي4482
14/01/2009, 11:59 PM
ما شاء الله بشر وش صار عليهن
الصارم1
15/01/2009, 09:29 AM
ما شاء الله


بس الله لا يهينك نبي واحد منهم

كلهم بتربيهم بتتعب معهم
دنيا بلا معنى
15/01/2009, 10:12 PM
ماشاء الله تبارك الرحمن الله يخليها لراعيه ويعينك على ما بلاك ههههههههه وشكرا
قنيب الذيب
16/01/2009, 01:12 PM
السلام عليكم ...
أخوي قشاع ما شاء الله على هالأنتاج والله يعطيك خيرها ويكفيك شرها .
ولكن أبسئلك الفحول وينها الله لايهينك لأن عندنا سلقه مجعله ولا لقينا لها فحل .


أرجوا التعليق
00هواي البر00
16/01/2009, 01:15 PM
ههههههههههههههه

ماشاء الله الاولاد ملونين
أبو هياف تميم
16/01/2009, 08:13 PM
ما شاء الله
aaaa6123
16/01/2009, 10:47 PM
الف شكر ويعطيك العافية