ارجو اعطائي رئيك مهم ؟

[راعي لحاق]

بسم الله الرحمن الرحيم

هذة اول مشاركه لي وارجو التفاعل معي

في مقناص العام تحديد في شهر واحد هجري لقينا جرة حبارى وقعدنا نقصها لين الظهر تطير ونستقطع ونلقها من جديد ،، حتى تغدينا خفايف وكملنا وفي الساعه الرابعه ونصف تقريباً طلعت علينا مواتر مقابلتنا ، راح واحد من الشباب وسترفعهم ( قالهم يشباب عندنا حبارى على جرتها من الصباح ) قالو اوكيه وراسل اخوياه بالجهاز وقالهم .

ومن كمل كلمته حتى طارة الحبارى وهد عليها واحد منهم وهو يدري ومعلمينهم انها لنا .

اخي بصراحه لو انك مكاني وش تسوي لهم

[وَسَام!]

:hot: ادور اشرس طير معي والا مع اخوياي الطير عنده اغلى من الحبارى واهده اخليه يلعن طابور طيرهم غير كذا مافيه

آسف حياك الله ارتفع ظغطي كان الموقف حاصلي الان

[مدرب الطير]

ياخوي مالهم اي حق في هذا الشي والاولويه لك والمفروض يحطون رضاوه
بس ونخوك نحنا اخوان في الله سوى انت او هو وانت انشاء الله بعوضك ربك
بس صف النيه

[الوايلي100]

الله يهديهم وهم والله غلطانين عليكم .

لاكن اقول الله لايجيب مثل هالمواقف لانها تسبب مشاكل كبيره ،،،،،،،،،،،،،،،،،،،،،،،،،،،،،،،

[أبو رداد]

السلام عليكم ورحمة الله وبركاته

مالهم حق ..... والمسامح كريم

[نايف الخالدي]

مالهم حق ومايستحون
بس وش تسوي الى انك تستغفر ربك
وهالاشكال ماعندها شيمه ولاكرامه
بس الله يعين

[alajmi110]

يا مرحبا يا راعي لحاق بين اخوانك وبين ربعك ويشرفنا انظمامك لهذا المنتدى الغالي
اما با النسبه اللموضوع:
فهذي مشكله سمعت فيها كثير وانا اعرف رجال ترك نقلت الطير والسبه كذا مواقف

يقولك الله يحييك انا رجال اقنص من صبح ومتوكل على الله ومعي فرخ والا طيرً وحش ومشفي اني اوريه حبارى
وهذا يجيني اخر شي ويهد عليها ........... والله ما يروح سالم لا هو والا طيره اللي ما يحفظ حقوق الرجال يضيع حقه.

شاكر لك الموضوع الجميل

[الفيتو]

بسم الله الرحمن الرحيم
السلام عليكم ورحمة الله وبركاته
صباح الخير ياخوي / راعي لحاق
ولا لك إلا الصبر وش وداك له (بن فطيس)

اولا حياك الله بين اخوانك وأول موضوع جبته وترنا وحنا نقرا كيف لو في موقع الحدث
الرسول صلى الله عليه وسلم يقول
( ليس الشديد بالصرعه إنما الشديد من يملك نفسه عند الغضب) ,,
حصل الحاصل ,,
لو حسبت تبعاتها تركتهم خيرمن مناقشتهم
الناس اللي هذا تصرفهم نعرف معدنهم
كثير من هالسوالف مرت على الصقاقير في الوقت التالي وخصوصا
لا صاروا مجموعة وهذا إن دل على تلاشي السلوم الشيم من تالي
.. والجبناء لاحسوا بكثرتهم قلوا أدبهم .
*
والسلام
الفيتو
الحجاز
26/4/1429هـ

[همس الرعد]

والله يا اخوي شي يقهر لكن لو هم رجال ما سوو اللي سووه

لكن لاتنسى قوله تعالى
((والكاظمين الغيظ والعافين عن الناس))

[قرناس ارامكو]

بسم الله الرحمن الرحيم

الموضوع هذا للاسف موجود ولاهو من الشخص الغريب ، بس يحصل من بعض الاخويا ، مثل يكون الهدد لك متفقين ويقوم يخطم عليك ويهد على الحبارى ويقول طلع .
وهاذي عادة عند بعض الصقاقير(ألي يحب نفسة أكثر من الازم ) للاسف ،
وأنا الحمدللة ماحصل معاي هذا الشىء ونشاءاللة مايحصل
لكن الخوي تقدر تختارة ، لكن الرجال الاجنبي وش السواة، مالك ألا تقول اللة يهديك ولا ياخذك .

[((السنياري))]

ماله حق يهد الحبارى حبارتكم وغلطان عليك وتطلبه حق



تصير واجد بلمقناص يمكن مطفي جهازه او الطي طالع عليها من بعيد


احتمالات واجد انت وسع صدرك والي رزقك فيه بيرزقك غيرها


صارت معي والي هد على حبارتي رجال ماعرفه وكبير بسن وعذره الطير(( كان مفرع بس اطير زرق من السياره)) وهي تنشاف شوف العين وهي رايحه تدرج استانست بلهداد وجابه لي يوم ذبحه الطير وعطيته ايها وقلتله خله يتعشاها وعشاه ولا عنده تبيني ازعل لا والله الي زعلو الي كانو معي وهاوشوه
ثاني يوم جاب خروفه للمخيم وقال انا غلطان عليكم وانا اسف


وتجي العافيه ياخوك سهالات الرزق ربك

[راعي لحاق]

بيض الله وجوهكم جميع

ورائكم والله حلوه ( وفعلاً هذا الفعل مايفعله واحد يعرف السلوم وطبوع الرجال )

[طيرحوران]

راعي لحاق
مالك الا الصبر والمكتوب ماعنه
انت هد على الحبارى طير
فماذا تقول للي رمى حبارى وهي لك وانت معلمه عنها وعذره اني ماقدرت امسك نفسي يوم شفتها
لكن مانقول الا سبيل الخير
والحمد لله على كل حال
مشكور

[قلب شاهين]

تحصل هذه الحالات كثير لكن هناك الحكيم والصبور ،،

وفيه قصه أبذكرها لكم :

كان فيه رجال طالع مع أخوياه قانصين بالسعودية وعندهم جره جديده حصلوها الصباح بدري وجلسو يقصونها الين الساعه 12 وتعبو لأن معهم شباب صغار وتغدو على السريع وكملو مشوارهم الين الساعه 3وربع تقريبا ولقو الحبارى قدامهم وجو بيهدون عليها الا جاهم واحد من بدو المنطقة وهد قبلهم وهم أنقهرو منه يعني من الساعه 7 الصباح تقريبا الى الساعه 3 وربع يلحقون وراها وبعدين مايهدون عليها !! المهم واحد من الشيبان معهم قالهم خلنا ندور مره ثانية والله معنا انشاء الله ، ويحلف واحد منهم يقول ان لقينا البدوي الي هد الطير أول واحد متعطله سيارته ومعتفس وحالته حاله يقول وقفنا عنده وقالهم الطير ضاع مع الحبارى وموتري تعطل المهم ساعدوه وطلع موتره وروح عنهم ويقولون ان طير من طيورنا طلع على حبارى وهدينا عليها وصدناها وبعدها بنص ساعه الحبارى الثانية واليوم الي بعده صادو 4 حباري وأنبسطو وعينو من الله خير ،،

وهذا جزاء الي يصبر ونيته صافية الله ماراح يخليه ،،

تحياتي / قلب شاهين ،،