الي يشوف نفسه صقار فلا يحرمني رأيه ..

[بن طلق]

بسم الله الرحمن الرحيم
الاخوان اعضاء هذا المنتدى الرائع

اليوم مسكت لي صقر في حوش الأرانب

والحقيقة

الله الي مسكه مهوب أنا

لأنه ذابحني والله
فرقع السمان
وذبح الأرانب
وما خلى ولا بقى
لين جا اليوم وطب الشين طبة شينه



المهم مالكم بطوالتها
أنا والله ماعندي اي خبرة او حتى خلفيه بانواع الصقور أو طرق تربيتها
وقلت انزل له صور
يمكن أحد يفيدني

ودي أعرف بس نوعه (هذا ان كان صقر )
وان طلع مهوب صقر
شويناه :)

انا قلت لنفسي
ان كان يستاهل اهتميت بتربيته
وان كان نوع اي كلام
عالجته وفكيته
لأنه مصاب بجناحه الشمال من اثار المعركه معي :)
ووديته عند البيطري
وعالجه
ثم عطاني بخاخ لونه ازرق
وقال خلال كم يوم تطيب جروحه

وحاليا هو مقفل عليه بغرفه وحطيت عنده ماء وأرنب حي
والعجيب بالموضوع انه لا شرب ماء ولا قرب يم الارنب


وهذي الصور
http://up103.arabsh.com/files/cabo2s8qci6335mwqvhs.jpg


http://up103.arabsh.com/files/n65aa5qxi53kv6zodjus.jpg


http://up105.arabsh.com/my/114266a.jpg

بانتظار ردودكم
دمتم بود

[أبو رداد]

الله يحيك اخوي
هذا الطير (باشق)
وماله قيمه عند اهل الطيور يستخدموه (نقل)
اطعمه وعالجه واطلقه لوجه الله
والله يجزاك خير
لكنه مايقدر يصيد او ياكل الارنب وهو حي
اذبح الارنب وعطه جزء بسيط من الارنب مامقداره(ربع فخذ الارنب)
والباقي حطه في الثلاجه ويوميا اقطع من الارنب قطعه بسيط واتركها لين تصير درجة حرارتها طبيعيه واعطيها لهذا الطير
ولما تشوفه تعافى اطلقه لوجه الله

[alajmi110]

كلام ابو رداد صحيح
وخير ما تفعل عالجه واطعمه واطلقه لوجه الله تلقاء فيه ثوابً في الاخره
تقبل مروري /maoz

[الرّمااااي]

ياخوي مافيه داعي تذبح له ارنب ماهو كفو حده عصافير او فريه لده 5 ايام

[((السنياري))]

هذا باشق ((حميمق)) طيحه وصيد فيه جرابيع بليل ترا بيطربك ولا تذبحه هده احسن

[987]

السلام عليكم هذا شرياص انثي اذا كنت تبي تكون صقار خله معك في ناس كثير اعرفهم قنصوا فيه حمام وفري ويمام وغر تحياتي لك
http://file5.9q9q.net/img/21874529/kes.JPG (http://file5.9q9q.net/preview/21874529/kes.JPG.html)

[جارح العين]

هذا مثل مقالوا وله عدت مسميات
باشق او شبوط او عوسق او شرياص او حميميق
ومايسوا ......
لاكن على فكره (( مافي شي مايتدرب ))
وانا شخصيا دربت واحد من زمان وكان يهد على حمام وفري وجرابيع
واذا تبي تتعلم الصقاره بامكانك تتعلم عليه

[بن طلق]

كل الي ردو بلا استثناء
لا هنتو والله
وبيض الله هالوجيه

أخوي جارح العين
ردك راقي يا عسل
لا عدمتك يا غالي

[@قرناص@]

اخوي.. هاذا شبوط..

وان كانك تبيع انا شراي.

ومشكور

[القرناس المهاجر]

هههههههههه أرنب بحالها :D
أخي الحبيب بن طلق .. اسعد الله جميع أوقاتك
اولاً .. ماني شايف نفسي صقـار :) .. ولكن موضوعك أجبرني على الدخول لأفزع لهذا المسكين .. الذي رأيته من خلال الصورة وكأنه يقول ( إرحموا عزيز قومٍ ذل )

ثانياً .. هذا ياأخي شبوط .. يعيش حتى في المدن

غذائه .. جرذان برية + جراد + عصافير + سمّان+قماري

وحسب علمي فإنه لايهاجم ولايأكل الأرانب والحمام المنزلي والدجاج ومافوق

العلاج .. إذا كان هناك كسر في الجناح فلن يطير مرة أخرى وعلاجه بالعيادات سيكلفك الكثير إلا إذا نويت التضحية وطلب الغفران من ربك

[العمراني]

عندك طير بل المقيض علفه له ترااه يستاهل اكثر الي مثل هل الاشكال

[@قرناص@]

اخوي.. ب طلق وينك؟

ارسلتلك رساله وارجو الرد..

وشكرا

[قلب ذيب]

وحاليا هو مقفل عليه بغرفه وحطيت عنده ماء وأرنب حي!!!!
------ وين تبيه ياكل وانت كاسر جناحه ؟
باين انك هجمت عليه هجوم الاشاوس هههههههه
مادام اوصلته الى هذه الحاله عليك معالجته , وتسلى به وتلقى من يشتريه !!
--بس ارنب حيه ! يعني مكافأه ؟ ولا تكفر ذنوبك اتجاهه .

[الاكستريما 2]

هذا شبوط وعلى كلام الاخوه انه ما راح يطير مره ثانية حنطة افضل لك

[بن طلق]

بسم الله الرحمن الرحيم

أخوي قرناص
قريت رسالتك

ويشهد الله ما تجاهلتك
لكني ما دريت انك جاد لهالدرجة
لو دريت!
كان اتصلت عليك على طول
ع العموم
إسمع مني وان ما عجبك كلامي فأنا حاضر للي تبيه


أنا يخوك شجعني كلام الاخوان هنا
صحيح انهم قالو ما يسوى
لكن فيهم من قال انه ممكن يتدرب
وانا على شورهم
وشفته طاب جرحه تقريبا
وهذا ثاني يوم له مبرقع ومربوط بوكره
وياكل مرتين باليوم من يدي
وصار اذا ناديته يلف راسه
وفيه تطورات ملحوظه
وهي الي شجعتني أكثر أتمسك فيه
أو بالاصح اتمسك بهذي الرياضه الممتعه
الي بدأت أعشقها وانا ما مارستها بعد

فان كنت تسمح لي فأنا بأحتفظ فيه وأعتذر عن بيعه
ولو طابت نفسي عنه اتصلت عليك وتعال خذه بلاش وهذا وعد

هذا علمي يا قرناص
ان زان لك فالحمد لله
وان انت باقي ملزم عليه وتبيه !
فاعتبره طيرك من هالحين
انت بس تامر
وأتمنى اني أكون أرضيتك
لأني شفتك كنك زعلان
شوي وتخش تهاوشني يخوك :)

أما أنت يا القرناس المهاجر
تعال بهاوشك :)
يخوك ناظر الردود من قبلك
كل يخش يعطينا رأيه بدون يضحك
لين جيت انت وضحكت علي
ثم انفلتو الشباب من بعدك يضحكون
السؤال هالحين !

ووش يفكني من الباقين هالحين يخوك :looney:
بعدين بالله قلي
من الي أشوى !
الي عطا الطير أرنب والا الي شواه !!
بعدين على فكرة
ترى الأرنب ما راح
جيت عليه وهو محشور في زاوية تقول انه عفريتة جيب
من الخوف
ههههههههههههههههههههههههه

(انتهت المهاوشه )
وقصم لو باقي أحد يضحك علي لأزعل ثم أرضى :)


اما اخوي العمراني
فوالله اني قريت ردك اكثر من عشرين مره
وما فهمت منه شي :j

مدري يخوك ووش السالفه
باقي شوي
وأنسخ ردك واحطه بالقوقال ادور ترجمه :)

خوي الطير
الله يفتح عليك قل آمين
عندي ذيب بالمزرعه له شهر ونص مدري وش اسوي فيه
يصرف اكل ع الفاضي
وفكرة التحنيط أعجبتني
لكن بسئلك
تعرف أماكن أو محلات للتحنيط !

ان كان حولك رد فلا تبخل علانا لا هنت


وللجميع
دمتم بالف ود

[@قرناص@]

هلا وغلا اخوي..

معليش اخوي لان لي كم شهر ادور لي هالطير ..

لاكن هو من نصيبك..

وبتوفيق في التربية ..

واسف اشد الاسف على الازعاج..

لاكن مارديتلي انت بالرياض والا..

ومشكور اخوك/ ابوخالد

[@قرناص@]

واذا الطير ظايقك او طفشت منها او لقيت ازين منها..

لاتنسى تتصل..

والسلام خير ختام

[بن طلق]

أبشر يبو خالد
ولا هو برايح لاحد غيرك باذن الله
هذا ان راح

أما بالنسبة للأقامه
ففي مدينة أبها حاليا


دمت بكل ود

[بو هاشم]

الله لايحرمك اجره انشاء الله

[al7ur al29eel]

اخوي هذا شرياس والله يعينك اذا مسوي كل هذا هههههههههه

[ذهال]

كفا وفا ابو رداد

والمعذره يابن طلق

مابقى شي الربع ماقصرو

الله يعطي الجميع الصحه والعافيه

[بن طلق]

ذهال
عذر على جميل
تشريفك يكفي
لا هنت والله