هل هذا هو الحل النهائي لمشكلة الSubTank؟؟؟

[NSS]

بسم الله الرحمن الرحيم,,, صبحكم الله بكل الخير

مشكلة الsub tank = انفنوانزا النيسان:D

قبل فترة طرحت موضوع عن عداد البنزين وشلون قام يخرف
http://www.mekshat.com/vb/showthread.php?t=133903

طبعا الشباب ماقصروا واجتهدوا لايجاد مكان الخلل.

طبعا الموتر نيسان باترول 2003 سوبر سفاري

قمت وديته لكهربائي عشان يفحص العوامة قالي المشكلة مو من العوامة المشكلة (بالسنسرات الي بالعداد) قلتله شلون ؟؟ قال ان هذي السنسرات تخرب وتخربط على الsub tank ,, يعني كنها تعطيه قراءات غلط فيقوم يشتغل ويطفي لين يعلق,,

المهم انه فك العداد وبدل السنسر والحمد لله رد عداد البنزين طبيعي وللحين الsub tank ما علق ولا شي.

وان شاء الله أتمنى يكون هذا هو الحل النهائي لهذه المشكلة.

[محسن اليامي]

الله يصبحك بالخير

ياملا العافيه أخوي nss وماقصرت وانا الحمدلله ماواجهت هذي المشكله بس أسمع الشباب يشتكون منها

إن شاءالله يكون هو الحل

وياليت مرفق مع الموضوع صور وشلون شكل السنسر واشلون طريقة فكه

[NSS]

ان شاء الله احاول,,,

بس الي جرب هذي الطريقة من قبل لايبخل علينا برايه.

[NSS]

افااااا مافي تجاوب ابد!!!!!!

[Black VTC]

انا عندي المشكلة وانا سميتها انلفونزا الفتك :):) وما لقيت حل الى هالحين ..

ودي اخوي nss توضح اكثر ... كيف غيرت السنسر ( الحساس ) حق العداد ...

ياليت لو تدلني على الورشة و كم كلفك ...

تكفى تراي خربطت بالسيارة اللين قالت هي بس ...:):)

[NSS]

اخي(blak vtc) القصة ومافيا اني كنت طالع ومريت على الكراجات عندي شغلة,, شفت محل مكتوب عليه اخصائي نيسان قلت خل اساله ماني بخسران شي,, وسالته عند مشكلتي((تلقاها بالرابط فوق)) قال بسيطه هذي سنسرات خربانه(يعني الطرمبة والعوامة كلهم مضبوطين), قال راح يكلفك 40 دينار وشغل نص ساعة ,,قلتله توكل على الله,,

قام فك العداد واختفى 10 دقايق ورجع ركبه وقالي جربه ولك 4 اشهر ضمااان.

القصة كلها صارت بظرف نص ساعة وانا مو حاسب حسابي ,,يعني بصراحة ماشفت شغلة او شكل السنسرات.
بس رجعت سالته قالي هذي السنسرات موجودة بالبورد مال العداد.

واسمحولي اذا كانت الشغلة ناقصة وغامضة بس حبيت الكل يستفيد وينهي المشكلة

[شعيب المسمى]

قام فك العداد واختفى 10 دقايق ورجع



هاه هذا مربط الفرس

الظاهر ياخوك انه غير القطعة الداخلية بمستعمل من عنده واربعين دينار يعني حول الـ 500 ريال غالي الا ان كان سعره بالوكالة اغلى وانا اعني العداد الصغير لحاله

[NSS]

الله اعلم سشوى يوم دخل الكراج,, بس على فكرة رحت للوكالة وقالولي الحل انك تبدل العداد كله ب 250 دينار,,,

قلت اصلحه ب40 ابرك(بيني وبينك انا استعجلت بالتصليح) قلتلك ماكنت حاسب حسابي ,,

وانا طرحت الموضوع للفائدة ان شاء الله الجميع يستفيدون

[مقلع الرمث]

ممكن نعرف ايش السساتر هذي وانا اخوك تراي غشيم

[NSS]

السنسر اعتقد انكم تسمونها حساسات والله اعلم

[متصفح مكشات]

http://www.mekshat.com/vb/images/rating/rating_5.gif

[Black VTC]

اخي(blak vtc) القصة ومافيا اني كنت طالع ومريت على الكراجات عندي شغلة,, شفت محل مكتوب عليه اخصائي نيسان قلت خل اساله ماني بخسران شي,, وسالته عند مشكلتي((تلقاها بالرابط فوق)) قال بسيطه هذي سنسرات خربانه(يعني الطرمبة والعوامة كلهم مضبوطين), قال راح يكلفك 40 دينار وشغل نص ساعة ,,قلتله توكل على الله,,

قام فك العداد واختفى 10 دقايق ورجع ركبه وقالي جربه ولك 4 اشهر ضمااان.

القصة كلها صارت بظرف نص ساعة وانا مو حاسب حسابي ,,يعني بصراحة ماشفت شغلة او شكل السنسرات.
بس رجعت سالته قالي هذي السنسرات موجودة بالبورد مال العداد.

واسمحولي اذا كانت الشغلة ناقصة وغامضة بس حبيت الكل يستفيد وينهي المشكلة


يمكن اخوي nss ركب لك بورد مستعمل والا شي من هالقابيل و عشان كذا سوى عليك الاكشن اختفى ورجع لك :) او يمكن المسألة فيوز او كتاوت و هو يبغي يوهمك انه شغيل عشان كذا زود الشغلة شوي عشان يأخذ الـــ40 دينار :)

على العموم ما دام الموتر ضبط فداه و الله يجعلها آآآآآآآآخر الخرابات :)

[NSS]

والله ياخوي كل شي جايز,,,, اهم شي ان الموتر للحين ماشاء الله مضبوط ولا اشكي من شي

[الفذ]

مشكور أخوي على المعلومة

أرجو منك أن ترسل لي رقم جوال الكهربائي لوتكرمت ومكانه على الخاص

أبغى أتصل فيه وأسأله عن الخلل اللي عندي

ولك شكري ودعائي