ما خاب من استشار

[الرابح الاكبر]

السلام عليكم ورحمة الله وبركاتة .
نبي رايكم ياربع عندي طير يكفخ بقوة يتل عمرة تل كل مجي المقيظ القاه حافر الرمل من كثر الكفخ ربطته برجل وحدة ومانفع بل عور رجله المربوطة ورجعته على السبقين والمشكله اذا كفخ كنه يسبح على الرمل والحين هو حذف السابعة والسادسة والخامسة ولكن اذا حذف الطوال اكيد بيضرها من الكفخ لنه يرتكي على الطوال ولايداري . ودي ابرقعه من اول مايحذف الرابعة لين بدايت الموسم . بس مدري يقرنس عادي او لا ؟
وش رايكم الله لا يهينكم .

[همس الرعد]

والله يااخوي اني داخل متحمس ودي اعاونك لكن افتقد للخبره << مبتدئ

[الوايلي100]

السلام عليكم

اذا كانة المساحه عندك زينه حاول تخليه طلق

[e.j]

فكه طلق وغده وعشه ....

[((السنياري))]

كم عمر اطير

[نبع الدموع]

مثل ما قالوا الرجال فكة طلق و اذا تبي تبرقعة عادي ما به خلاف لاكن
اوقات تشين طبايع الطير اذا قرنس و هوا مبرقع.

[سنجااار]

مانصحك تبرقع الطير كان عند مربط طلق فك طلق آمنله وعندنا طير لا جيته يكسر عمره الحين مكسر ذنيباه لانه كان على حصاه وغيرناه سوينا صبه واذا جيناه مهادا لين نحط العلف عنده والحين اشواء من اول لان ماعندنا مربط طلق ولا فكيناه فيه
تقبل مروري
سنجار

[بعيد الشوح]

اذا كانت مساحته كبيره خله طلق بعد متصنعه صنعه صح واذا كان عنده طيور وهو يشابط خله يقعل واربط مسابيقه الثنين

[بو هاشم]

هو ماله الا طلق اذا ماعدك مساحه وده الى احد المكاتب الي فيه مقياض طلق وفك نفسك من التعب هذا راي
تقبال مروري

[alajmi110]

يا مرحبا يا اخوي الربح الاكبر
با النسبه لطير الطير الله يحييك ما يكفخ منا والطريق
اما ان الطير يشوف حمام والا يشوف شي يمكن في فترة الصباح
ولكن اذا كان المربط وسيع حط الطير فا النص يعني ما حوله جدار والا شبك
وكثر تحته الرمل وحاول تقلل المرور او الجلوس عند الطير هذا
واذا كان الطير قريب من الباب حاول تغير محل مربطه
وحاول تغطي جوانب المربط بخياش رز تراها ممتازه لانها تحفظ البروده اذا رشيتها با الماء

هذا اللي عندي وبيجيك من يفيدك اكثر
تقبل مروري /maoz

[جارح العين]

يا مرحبا يا اخوي الربح الاكبر



با النسبه لطير الطير الله يحييك ما يكفخ منا والطريق
اما ان الطير يشوف حمام والا يشوف شي يمكن في فترة الصباح
ولكن اذا كان المربط وسيع حط الطير فا النص يعني ما حوله جدار والا شبك
وكثر تحته الرمل وحاول تقلل المرور او الجلوس عند الطير هذا
واذا كان الطير قريب من الباب حاول تغير محل مربطه
وحاول تغطي جوانب المربط بخياش رز تراها ممتازه لانها تحفظ البروده اذا رشيتها با الماء


هذا اللي عندي وبيجيك من يفيدك اكثر
تقبل مروري /maoz


:good: :good: :good: :good: :good: :good: :good: :good: :good: :good:

[الاشعل 316]

اما انا اقولك اصنع الطير ترا الطير ما يكفخ الا يبغى العلف لانو هزيل

والطير لازم انك تعطيه غدا وعشاء الطير , اذا ماصار الطير صنيع بمقيظه تشوفه دايم يكفخ

اسأل مجرب والطير اذا صار في مقيظه لا تخلي احد يجي عنده او تتردد عليه بالجيات

لانه يحسبك جايبله علف ويقوم يكفخ عليك اصنع الطير والا تخليه هزيل ونفس ماقالوا الشباب

اذا مكانه مفتوح ويشوف حمام والا غير الحاما عليك انك ما تخليه يشوف شي


اخوك ابو سطام

[أبو رداد]

وعليكم السلام ورحمة الله وبركاته
افهم من كلامك اخوي ان (الطير مستوحش)
وهذه الحاله تصير من قلة التدهيل او الطير طرح في وقت متاخر من الموسم او انه قرناس هوا
وعلى كل حال ماتفق مع الاخوان في اطلاق الطير وخصوصا اذا ماكان عندك مقيض كبير لان ممكن يكسر ريشه
واعتقد ان لك خيارين
الاول انك تجالسه وتعوده على وجودك ويوم بعد يوم تقرب المسافه عليه
والثاني (تتركه على حاله) مع مراعاة انك تخلي الجهه الي يخافق فيها(ودائما تكون عكس جهة الباب او المدخل على الغرفه) خاااليه تماما وبعيده عن الجدار لان الرمل مايضر الريش (الي يضره الاجسام الصلبه) وحاول انك ماتدخل عليه او تخلي حد يدخل عليه الا وقت الغدا او العشا واكرمه مثل ماتفضل ابو سطام عقب مايكمل تبديل الريش دهله واتعب على تدهيله
هذا شوري ....
والسلام

[الرابح الاكبر]

ما قصرتو لا خلا ولا عدم وبيض الله وجيهكم على المرور والافاده , والله يكتب اللي فيه خير . تقبلو تحياتي اخوكم الرابح الاكبر .

[ابوميلاف]

اخوي احسن حل انك تبرقعه
آمن له ولريشه وعطه وهو على الوكر لين
تنتهي الربطه ويمكن مع العلف على يدك يهدى
الطير اكثر ويرتاح ويريحك من الخوف على ريشه
مع انني اعتقد ان برقعته لن تؤثر على مسيرة القرنسه