قصيده((كل النحايا جعلها السيل مدرار))

[أبو حمود]

الاخوه العزاء يسعدني ان اقدم لكم اول مشاركه ارجو ان تنال رضاكم0000



بديــت باللي عــــالم(ن) كل ما صار== ويامر على اللي ما بعد صار ويصـير
عــلام ما يخفى من كــــــبار وصغار= فيــــــك الرجا يا ملتجانا عـــن الــغير
البــارحه كنـــي على واهـــــج النار= يالله تحمـــــــانا عن النار وتـجـــــــير
لا ضاق بالي من عنا الوقت واحتار=وتعومس الخاطر همــوم(ن) وتفـكير
فــــريت دولاب المـــثايل والاشــعار=يالله تدرجــــها على مسـلك الخــــــير
ما ينـــــــفع المهموم مقـــعاد بالدار= يا كود بر(ن) يسهجه صبح وعــصير
مد النظر والشوف من غير منظار = بارض(ن) خلا 00إلا من الذيب والطير
وخــــوة نشاما من طويلين الاعمار= ما يلحقك في مثلهم شــــــك تـــقصير
على الــنقا والطيب وافــين الاشبار = من حبهم لـــــــــــهم مــعزه وتقــــدير
يالله تســــوق الخــير يا وال الاقدار= من مدلـــهم(ن) بامر رب المــــقادير
كل الـــنحايا جـــــعلها السيل مدرار = يعــمها ويخص به ديره( مطـــــــــير)




نسقت بواسطة راعي مرات

[الوهيداني]

أبو حمود.مرحبابك في منتدى مكشات الرائع في رواده واعضاءه والمشرفين عليه وصح لسانك على هالقصيده الرائعه

[ابو عايد]

مد النظر والشوف من غير منظار 0000 بارض(ن) خلا 00إلا من الذيب والطير
وخــــوة نشاما من طويلين الاعمار 0000 ما يلحقك في مثلهم شــــــك تـــقصير
على الــنقا والطيب وافــين الاشبار 0000 من حبهم لـــــــــــهم مــعزه وتقــــدير

مرحبا فيك بين ربعك واخوانك في منتدى مكشات

قصيده رائعه وجميله ....... صح لسانك على هذه القصيده

وتم اضافه البيت السابع ., ومن قائل هذه الابيات

تقبل تحياتي // العاشق الولهان

[راعي مرات]

الغالي00 أبو حمود

هلا مليون وما يكفون000

الجميع يقول لك أهلاً ومرحبا000

أنارت الخيمة بوجودك وأمثالك أيها الأصيل000

مشاركة بصدق رائعة000

حروف ومفردات ومعاني معبرة وسامية000

بلاشك أننا سعداء لإنضمامك إلينا هنا000

تقبل تحيات الجميع000

لاهنت0000

[أبو حمود]

الاخ العزيز ((الوهيداني))

صح بدنك وعساك تسلم يطويل العمر



الاخ العزيز ((ابو عايد))

عساك تبقا يابو عايد وصح بدنك
وشكرا على اضافه البيت السابع
والابيات طال عمرك لاخوك ((ابو حمود))



الاخ الغالي ((راعي مرات))

هلابك مليار
والله يطول عمرك وعمر الجميع على هالكلام الطيب
والخيمه نورت باللي فيها وهذا من طيب عودك طال عمرك

[نقا هشال]

اخوي أبو حمود


صح لسانك ولاهنت

قصيده جداً ممتازه

[فـ(الجـوف)ـتى]

اخى ابو حمود



صح لسانك وتسلم 0

[أبو حمود]

الاخ الكريم (نقا هشال)

صح بدنك وأشكرك على هالكلام الطيب000

والحقيقه اعجبني التوقيع خصوصا (البيتين) ابيات جميله ورائعه