مريت في خب النعام وتهنيت ( صورة وقصيدة )

[يوسف الخليفة1]

http://www.a7bk-a-up.com/pic/nr111410.jpg



مريت في خب النعام وتهنيت=في نجعتن جوه هكا اليوم صافي
قلت اخذ بقفر الخلا ما تمنيت=واطفي لواهيبن نشت بالخوافي
من قال خاويتك فانا اقول يا ليت=منهو يعاف من الصواحيب وافي
وهذاك طعسن في عواليه عديت=وبديت اسطر ما طرا من قوافي
وارويت منهوم الحشا واسفهليت=والدو في عسعس هكا الليل دافي
ناظرت في جهم الجنوب وتعليت=وابصرت نجمن قبل شهرين هافي
قلت اقفت ركوب البراد وتوحيت=درباستن قعه يلج بسوافي
قمت ونزلت بنقرتن لي وشبيت=وضاحكت هذاك الرفيق السنافي
معي زهابي مستعدن من البيت=الدله ونجرن زعج بالرجافي
ويوم اني اديت المواجب وصليت=واوزبت يم النار جنب الاثافي
ومن بعدها جبت السماط وتعشيت=ما حولنا من بين الاجواد لافي
ادنيت لركام الجمر ثم تراكيت=وتكى معي خلي بليا نكافي
وابديت له حلو السواليف واصغيت=ودلا يحاكي بالعلوم الظرافي




( يوسف الخليفة )

[عصا الترحال]

صح لسانك يا خوي

[يوسف الخليفة1]

صح لسانك يا خوي


حياك الله أخي عصى الترحال وصح بدنك والشكر لك

[هواء نجد]

صح لسانك اخوي وبنتظار جديدك
كلن له بالبر مقصد وغايه
الولع والطير ومسامر الليل
لقيته مثل الماء يبعد ضمايه
ومن الهم طشا جبال ن مظاليم
تحياتي هواء نجد

[مريقب العيفار]

صح لسانك اخوي يوسف

قصايدك تعبر عن حال الكثير من محبي البران

بانتظار جديدك

[يوسف الخليفة1]

صح لسانك اخوي وبنتظار جديدك
كلن له بالبر مقصد وغايه
الولع والطير ومسامر الليل
لقيته مثل الماء يبعد ضمايه
ومن الهم طشا جبال ن مظاليم
تحياتي هواء نجد


أخي العزيز هواء نجد صح بدنك واستجدت أيامك بالخيرات والمسرات ولك مني تحية والشكر لك

[أبوصالح الزعاقي]

صح لسانك يا أبا عبدالله قصيدة جميلة الله يعطيك العافية
طلب : آمل ذكر قصيدتك في الباترول الي مشى من عند القشيعين وقد شبهته بالطير (إذا أمكن )

[نبع الدموع]

صح لسانك و سلمت بنانك على هالابيات الجزلة لا هنت اخوي

[أسامي]

انت شاعر يابو عبدالله بالفطره
لكن نصيحتي لك أكثر من الغوص في المفردات والالفاظ المعينه لسبك وبناء القصيده
بمعنى آخر تحتاج الى معاني والفاظ ترفع من مستوى النص
تقبل المرور والتحية من اخيك

[يوسف الخليفة1]

صح لسانك اخوي يوسف

قصايدك تعبر عن حال الكثير من محبي البران

بانتظار جديدك


مريقب العيفار حياك الله أخي العزيز وصح وإذا القصائد أنستم بها فهو المطلوب وأبشر بما يسرك

[يوسف الخليفة1]

صح لسانك يا أبا عبدالله قصيدة جميلة الله يعطيك العافية
طلب : آمل ذكر قصيدتك في الباترول الي مشى من عند القشيعين وقد شبهته بالطير (إذا أمكن )


مرحبا بأخي همام وحزم همام وصح بدنك وأنت معافى وطلبك أمد لك به يميني وخطك أمر لكن إذا كنت تقصد يا

راكب من عندنا فوق نيسان فهي موجودة في قسم الأناشيد بصوت المتجول وإذا كانت غيرها فغالي ويرخص لك

طلبك وأومىء بكفك نجيبك وتستحق كل خير وحياك ربي

[يوسف الخليفة1]

صح لسانك و سلمت بنانك على هالابيات الجزلة لا هنت اخوي


أخي نبع الدموع جعل الله دموعك دموع فرح على الدوام وصح بدنك وأنار الله طريقك في الدارين لا ندمت أخي

[قوي العزوم]

صح السانك اخوي ابو عبدالله
على القصيده الرائعه

[يوسف الخليفة1]

انت شاعر يابو عبدالله بالفطره
لكن نصيحتي لك أكثر من الغوص في المفردات والالفاظ المعينه لسبك وبناء القصيده
بمعنى آخر تحتاج الى معاني والفاظ ترفع من مستوى النص
تقبل المرور والتحية من اخيك


أخي الفاضل أسامي مرحبا بك وبنصيحتك فالنصيحة تؤخذ بالنقود فكيف بمن يهديها لنا بالمجاني جعلها الله في

موازين حسناتك وكما تعلم أخي هذه قصائد مكشاتية تحكي حياة الصحراء الطبيعية فلا بد أن يكون هذا نسقها

فالقريحة تسلك هذا المسلك وللمعلومية لم ندخل بأغراض الشعر الأخرى وإلا لعرض الأمر إلى أبعد مداه ومن

حيث الكلمات فتكلف الشاعر الكلمات الغريبة وتركيبها كلبنات البناء والقصور يخرجها عن كونها قصيدة شعرية

لأن الشعر يخاطب أرق الأجزاء في جسم الإنسان البشري فلا بد من أن يناسبه فتلكف الغموض غير محمود قديما

وحديثا فأحد الشعراء العرب قال :

من لم يمت بالسيف مات بغيره 0000000000 تعددت الأسباب والموت واحد

أين المفردة التي غاص بها الشاعر كلمات متواضعة واضحة دارجة عند جميع الناس الصغير والكبير لكن بعد أيام

أتاه رجل من المشرق يطرق الباب فقال له من قال رجل من المشرق هل أنت الذي قلت هذا البيت أعني السابق

قال نعم قال اخبر أهل بلدي قال نعم وفترة وجيزة ويطرق الباب ثانية فيقول من قال رجل من المغرب وسأله نفس

السؤال وأجاب الشاعر بنفس الإجابة طار البيت شرقا وغربا خلال أيام مع عدم وجوج أي وسائل إلامية ولا

مواصلات ولا قنوات فعجبا ما السبب ترى إنها تركيبة البيت وجزالته ليس فيه غوص في أي مفردة تذكر بل هو

على السليقة ولنتقدم إلى الشعراء النبطيين في العضر الحديث فمثلا قول السديري

يعل دار ما يجيله ظلالي 0000000000 وينهد من عالي مبانيه للساس

كلمات عذبة مبسطة سهلة ليس فيها أي تكلف أو غموض لكن هي تركيبة نمطية معينة وهبها الله لفئة من خلقة

ولنا كذلك في كثير من الشعراء أمثال عبد الله القاضي وابن لعبون وابن شريم وابن سبيل 00000000 إلخ

وكذلك عندما نعرض شعر بندر بن سرور رحمه الله على سليقته الصحراوية وبدون أي تكلف ومع ذلك طارت

قصائده في الخليج العربي وبلاد الشام

فالشعر نبرة وعذوبة تشد السامع وتجعله يتلذذ بسماعه وسأطرح لك أخي قصيدة لي لعلها تفي بغرضك واحكم

بنفسك وإليك هي


حسه بجلسه همس به واختلس=هو نجع نجع العسس ولا تويس
ما دعس دعاسته الا حمس=نفسه اللي تحتبس يم الحبيس
خوفتي رمس المراميس بوهس=وان رمس بالدبس قواسن يقيس
تمرته مدري بلوزن او عبس=او لبس دسن يلايم به يبيس
لو قبس دلا يسرج للقعس=سل سيفن خاض به طاسة مريس
ان لقا الناقوط لطرافه لحس=ضرسه الفاقوس في فاسن فقيس
ماشين بالدرفسه لين التمس=جاض بالنضناض للقفه لحيس
قام يقوعي ثم ينوعي بالتعس=يلحس السحه وذبله بالنهيس
دلا يهوس بالوقم بعده نكس=ما تضحضحبه مراسيم اللعيس
لو ملص لمقولمن ما به حسس=او لجا للدهدوانه له نكيس



( أبو عبد الله )

إن كان هذا النوع من القصائد يعجبك أخي العزيز فنطرح لك أمثالها ودمت بخير والشكر لك على النصيحة

الغالية وسأجعلها بعين الاعتبار إن شاء الله وأعتز بها وأبشر بما يسرك بإذن الله وتقبلني بصدر رجب وحياك ربي

[يوسف الخليفة1]

صح السانك اخوي ابو عبدالله
على القصيده الرائعه


قوي العزوم قواك الله لتدارك كل خير ودمت بعافية وصح بدنك وشكرا لك

[حسيان]

صح لسانك يابو عبدالله بس لو أني معك وجايب تالي لحمة (البتلو) كان مامثله هههههه

[يوسف الخليفة1]

صح لسانك يابو عبدالله بس لو أني معك وجايب تالي لحمة (البتلو) كان مامثله هههههه


مرحبا بالغالي حسيان وصح بدنك وكريم بن كرام ومنبع من منابع الكرم تقول وتفعل أكثر ودمت بخير

[مقدور]

من قال خاويتك فانا اقول يا ليت=منهو يعاف من الصواحيب وافي

بيض الله وجهك ياابو عبدالله وعز الله انك وافي

وصح لسانك ياشاعرنا :good:

[يوسف الخليفة1]

بيض الله وجهك ياابو عبدالله وعز الله انك وافي


وصح لسانك ياشاعرنا :good:



مرحبا بالعزيز مقدور وأنار الله طريقك في الدارين وصح بدنك وكلام طيب من رجل طيب فالشكر لك أخي

[جمران]

صح لسانك يبو عبدالله وليتي داري بك ,,, أثرك حولنا ,,,وتنور خب النعام والشقيقة
كلها بك ,,,,ليتك تعاود الزيارة وترى مكشات الشقيقة غير
بيض الله وجهك وماقصرت

[يوسف الخليفة1]

صح لسانك يبو عبدالله وليتي داري بك ,,, أثرك حولنا ,,,وتنور خب النعام والشقيقة
كلها بك ,,,,ليتك تعاود الزيارة وترى مكشات الشقيقة غير
بيض الله وجهك وماقصرت


يا أهلا وسهلا ومرحبا بأخي العزيز جمران وتستحق كل خير وقولك يتبعه وفاء وخب النعام هادىء وجميل فكيف

إذا زارته سحب الوسم الباكرة فسبحان الله بعض الأمكنة تشرح النفس وتريح الخاطر إيييييه أيام لم يبقى منها

سوى الذكرى بمزدحم الحياة البائدة فحياك الله أخي ودمت بخير