@أبو زيد@
04/05/2008, 09:48 PM
http://www.mekshat.com/pix/upload02/images63/mk43360_mk4786.gif
السلام عليكم ورحمة الله وبركاته
إخواني أعضاء وزوار منتديات مكشات الكرام
في رحلة قصيرة بدأت بعد ظهر يوم الخميس الموافق لـ 1/5/2008
وانتهت بيوم الجمعة بعد العشاء
أحداث جميلة وأجواء نادرة أن تحدث في وقت قصير مثل هذا
بحق رحلة راااائعة جدا جدا جدا
أترككم مع هذه الرواية القصيرة لها لتخوضوا معي في أجواءها النادرة والجميلة
أولا : أعضاء الرحلة وخط السير
أعضاء الرحلة رجال شرواكم كرام .. ما نوفيهم حقهم من الكلام لذا نكتفي بالدعاء لهم بقلب صادق
ونسأل الله أن يجمعنا بهم في مستقر رحمته والجميع .. اللهم آمين
أعضاء الرحلة وهم كالتالي :
(( أبو أسامة )) ومايحتاج نعرفكم به .. كلن يعرفه
أبو أحمد الخريف .. صديق الروح بس لو يخلي عنه البثارة :p
وأبو زيـد (محدثكم)
في الجهة المقابلة ألتقينا بـ :
أبو محمد (صوت السيل أو المبشر أو راعي اشيقر)
وابنه إبراهيم أبو عبدالعزيز
وألتقينا بأبي البراء (راعي البطانة)
كما لا أنسى من كان برفقتنا طوال والوقت والذي لم يهدأ من طراوة الجو
الرادو (عطيشان) أو المونس كما يسميه أخونا راعي اشيقر (المبشر)
http://mohsenhomidan.googlepages.com/IMG_0073_caf.jpg
خط سير الرحلة
من الرياض المزدحمة عبر خط المية (طريق الحجاز) ثم لبخة واحويته
ومنها إلى شقراء فـ أشيقر فـ المستوي فـ أشيقر فـ شقراء فـ الرياض
http://mohsenhomidan.googlepages.com/21.gif
ثانيا : أعتذر عن عدم وجود صور وأكتفي بمقاطع الفيديو لهذا اليوم الرائع
ولعل في الأمر خيرة
بحيث كانت كاميرتي على موعد مع إنطفاء تام
(أذكر اني شاحن البطارية قبل فترة :rolleyes: )
كنت قد عزمت على تصوير بعض المناظر آخر العصر .. لكن أشار علي أبو أسامة بعدم التصوير
وتوفير الطاقة المتبقية للكاميرا لتصوير المناظر المقبلة
ثالثا : الموضوع عبارة عن رواية لأحداث ذلك اليوم
اللي يحب الروايات ارجو أن يستمتع ولا يذهب جمال الموضوع برؤية المقاطع أولا
جاءتني رسالة قبل الظهر وأنا ماخذ قيلولة حول الساعة 11.40 ضحى
ومفادها : تجهز بعد صلاة الظهر مباشرة
أنا يوم شفت الرسالة قلت ياولد الظاهر الرجال شايف شيء وأنا ما ادري
من حسن الحظ أني أحيانا أخلي الجهاز (الكمبيوتر) شغال مانيب اطفيه
شغلته وأشوف سحابة رعدية جنوب غرب الرياض
وطت حلبان ومقبلة على القويعية .. تعال شفني يوم شفت هالمنظر شوي وأطير من الفرحة
قلت ياولد مايبي لها الوضع طيب بإذن الله تعالى
وإن شاء الله مانرجع إلا وماخذين حقنا من الوناسة وسعة الصدر
بعد الصلاة أعددت القهوة والشاي على عجل ومر علي أبو أسامة
ومررنا أخونا أبو أحمد .. وخذينا غدانا ومسكنا الطريق
وحنا نازلين مع القدية (الزديّة) عيوني في السماء (كني خبل لا مهوب كني إلا خبل قاضي :p )
أتحرّى لمقدمة السحابة الرعدية
وبالفعل بعد أن تعدينا المزاحمية بدأ قرص الشمس يتوارى خلف السحب العالية (سدا المزن)
لا تنشد عن النفسية (تمام)
اتصل علينا راعي نعام (أبو راشد) يقول أن الخيال يزين مابين البرة وشقراء
حسب تخييله بالرادو وينصحنا بتلك الجهة
قلنا لا الخيال مقبل من الغرب ونشوف بالرادار أن جهة القويعية أفضل من غيرها حاليا
الشاهد قبل القويعية تقريبا بـ 50 كم
قلت لأبو أسامة
تبيني أخيّل لك العجة وألا الخيال (اختر واحد منهم)
قال قضبني الخيال
قلت الظاهر أني ابقضبك العجة
وبعد عدة ثواني .. بدأت ألمح شيء بعيد اللي مايركز زين مايشوفه
قلت يا أبو أسامة ابشرك قضبنا لك العجّة ويبدو أنها مميزة في نوعها وقوتها
وبعد ذلك دخلنا في هالعجة الطيبة من قوتها ماعاد تشوف كبوت السيارة .. كان لزاماً أن نقف على جانب الخط
نظرا لخطورة الموقف فاليوم خميس والخط سريع والعالم رايحة لمكة فالوضع خطر جدا
المهم هالعجة طولت ماشاء الله
لكن مابعد الصبر إلا الفرج ولا يغلب عسرا يسرين .. دخلنا مع مفرق لبخة واحويته
ونحن متجهون شمالا بدأت تتضح لنا معالم السحابة بعد أن خفت العجة
خذيت عطيشان (المونس)
وشغلته واسمعه يشعطط .. شخخخخخخخ تشخ تشو
وينهي فيه ركّد الرادو .. يمين لا لا يسار .. الظاهر أنه فوقنا ههههه ياخوان والله الرادو متعة الصراحة
المهم شفت أن الخيال شمال مسود قلت أبركز عليه وأنا مشغل الرادو
شوي إلا ويشعط الرادو مع طلعة البرق (الله أكبر)
ركبنا ومشينا شمال والظاهر أن السحابة خلّبت وفي طور التلاشي والتفريغ
مشينا حول 3 كم .. وينزل البرق بشكل جميل جدا ورااااائع تحسفت أني ماصورته
بحيث كان يتركز على الأرض (سبحان الله)
المهم جانا رش كبار وبرد الجو والمطر اللي حولنا اسود الاسفلت (اعزكم الله)
قلت الظاهر أن الشمال مطره أطيب
وركبنا والسحاب يصعق مشرّق
ومشينا شوي ونشوف المطر الزين اللي يمشي الشارع وينقع على خفيف في الأرض الشداد
يازين ريحة المطر بعد العناء الطويل (اللهم صيبا نافعا)
شفنا لنا محطة على اليمين قبل احويته وقفنا للغداء والصلاة
وأول ماوقفنا كان ورانا أخونا أبو محمد (راعي اشيقر)
وش هالصدفة الحلوة ماشاء الله :) ؟؟
الرجل ماشاء الله عليه تخييله مضبوط وعلومه سفرة
خذا منا عطيشان (وقام يخيل به) هذي في القبلة وهذي يسار القويعية وهذي مشرقة
ماشاء الله عليك يا أبو محمد
صلينا وتغدينا وجاءت العلوم أن السحاب اللي شرق قوى مرة ثانية ووطى جنوب البرة ومقبل على حريملاء
ومعه سيل خفيف
هاه يا أبو محمد وش رأيك ؟
الخيال المقبل ضعف واللي شرق قوي والمثل يقول (سحاب عداك لا تستخيله)
وش السواة وش العلم ؟
قال : ماعليكم الشمال طيب والخيال يدور البراد ويتقوى في الشمال جهة شقراء (يتوسع من شمال غرب)
ألحقوني بس ماعليكم ..
يابومحمد خل نروح شرق يمكن أحسن
قال : لا أبد ماعليكم أنتم طيعوا الشور وألحقوني إن شاء الله تشوفون اللي يسركم
لله درك يابومحمد أنت ويا راعي نعام
جهدهم وتعبهم ما ضاع
الشاهد قضبنا الخط وبينا وبين شقراء مايزيد عن 120 كم
والرادو مايسكت ماشاء الله
السحاب طيب ويتزبر في كل جهة ومرة نشوف أثر مطر ومرة غبرة وعجاج
وهلم جرا ..
يوم بدينا نشمل أشوف الشمس في سدا وكل ماله يخف وتصير الشمس أوضح
يا ناس هالبروق اللي في الرادو عجزنا ناصلها كل مالنا ونشمل والشمس تطلع أكثر
الشاهد يوم وصلنا إلى شقراء والا الجو مغبر والشمس ماعليها شيء مصحية
وقرص الشمس واضح جدا
رحنا شمال يم أشيقر ونشوف شمال عنها العبارات تسورب وطتها سحابة جيدة بفضل الله
اشار علينا أبو محمد راعي اشيقر أن نذهب إلى السد ونشوفه (توهم فاجرينه عقب السيلة القوية في 9 أبريل)
ويروح يملاْ النخيل وشكله مع بيوت الطين شيء ثاني
المهم وقفنا على الوادي (وادي المنحنى أو عذيق) وهو يسورب من السد
وجاءت عدة اتصالات ورسايل
أن فيه سحابة بين المجمعة وجلاجل طيبة ..
هاه يا جماعة وش الراي ؟
نروح !!
واتفقوا على انهم يروحون شمال شوي جهة جنوبيات سدير
مشينا المهم مالقينا سحاب أبد ولا شيء والجو مغبر ماتشوف الخيال من كثر الغبرة
والشمس في الغرب قرصها صافي وخالي من الغيوم
المهم نزلنا عطيشان وبروقه طيبة ماشاء الله
يالله يا أبو محمد خيّل لنا وين الخيال فيه ؟؟
ايه القبلة فيها سحاب طيب والدوادمي وجنوبه عليهم بروق طيبة (حقوق)
والشمال الشرقي فيه برق طيب
وأثناء التخييل وإذ بي أتفاجأ بدخول مزن مسدي :eek: .. نعم مزن على قرص الشمس
ويغطيها .. ايه الحين بدا الجو يزين ماشاء الله
يالله خلونا نعود بدل هالطورقة
عودنا يم اشيقر وجلسنا في وادي عذيق الجميل وهو يسورب من السد
ياسلااااام على صوت السيل .. ماتنلام يابومحمد على هالاسم
أقبل المغرب وبدأت الأجواء تظلم وفوقنا الخيال يزين ويطلع مزون
والقبلة كلها سدا من الشمال الغربي وحتى الجنوب الغربي
المهم لفت نظري هالقطعة اللي فوقنا وقالوا الربع هالقطعة ماتخلى من المطر
بدأت هالقطعة تشرق وتزين وقامت ترش علينا حبات كبار
ويخف الرش ومن ثم يعاود بعد دقيقة يقوى وحبات المطر كبيرة جدا لدرجة أنك تسمع حبت المطر تطش في الأرض كأنها حبة برد
قلت للربع الظاهر أن هالسحابة بتبرق بعد قليل بإذن الله لأن الرش قوي وواضح أنه رش مزن بيبرق
شوي إلا ويكشح البرق في راس المزن وقام الرعد يدوي ماشاء الله
تقهوينا وقعدنا نسولف شوي وأظلم الجو وبدأ البرق في الغرب والشمال الغربي يولّع
قمنا نصلي المغرب والعشاء جمعاً وقصرا وعقب الصلاة ركبنا المواتر وطلعنا من اشيقر إلى المستوي
والمشكلة أن الأنوار ما تخليك تشوف قوة الخيال وكيف بروقه لا وفوق هذا البرق نشوفه يكشح بشكل بسيط
لأنه خلف حزم من الحزوم
لكن يوم طلعنا من الديرة وجت الظلمة .. ذهلت من البرق وتواصله
فعلا برق مايفصل ولا للحظة من الزمن سبحان من أنشأه
ونمشي حوالي 60 كم شمال والسحابة توها زالّه
ونشوف الأرض إذا كشح البرق مليانه غدران كبار وجوانب الخط تمشي
والأرض سيل بس المشكلة أن المستوي على اسمه مستوي (منطقة مافيها شعاب بس ينقع الماء فيها)
وخذ من هالبروق .. سحابة زالة وسحابة جاية والرعد نسمعه خافت ومايفصل من تواصل البرق
ومابه إلا كشح .. السحاب مايعقرب أبد
البروق الآن مع جميع الجهات وش نخلي وش نلحق ؟
السحاب بدأ يرتفع ونسمع رعده وبروقه حقايق ويخطف الأبصار وبدأ يعقرب بشكل مخيف
ومايفصل
وخايلناه شمال عنا جهة أم حزم .. ركبنا المواتر ومشينا لأم حزم ويوم رحنا يمين لأم حزم
بدأت حبات المطر الكبيرة بالسقوط وكأنها حبات برد من ضخامتها وخبطها على الزجاج
زي ماقال أخوي أبو البراء (جغم كبااار)
ونتقدم ويبدأ الحقوق ومعه برد تشوفه يطامر على الخط
ونروح يم كبري أم حزم ونزبن تحته خوفا من البرد
ونقعد ننتظر السحابة وهي ترتفع وبرقها حقوق وإذا ناض تشوف الهملول نازل
ووصلتنا ولكن مطرها أقل من اللي قبل
دخلنا الديرة أم حزم والمطر عليها حباته كبار والرعد يزمجر وبدأ يعقرب ويخف
استرحنا شوي في المحطة ثم طلعنا على منطقة مظلمة لنشاهد البروق من جديد وشكلها فعلا رهيييب سبحان الخالق
والبرق قام يشق السماء ويعقرب ورعوده جميلة جدا (أنواع الرعود ماشاء الله)
بدأ الخيال يروح شمال شرق جهة الزلفي والأرطاوية
والبروق طمنت .. وخفت عن قبل
الشاهد تواعدنا جنوب نروح يم شعيب الخويش الشمالي ونشوف هل هو سايل وألا لا
ركبنا المواتر ونزلنا يم الخويشات ويوم وصلنا لخويش الشمالي اعتذر خوينا أبو البراء لأن موتره صغير
ويخشى عليه من الغراز
المهم دخلنا الشعيب حوالي 5 كم .. وكنت مع أبو محمد وقبل لا ناصل الشعيب بـ 200 م تقريبا
قال أبو محمد أنا أتوقع أن الشعيب ماشي
وأنت وش رايك ؟
قلت والله ما أدري لكن ما أعتقد انه ماشي
المهم يوم كبسنا بالعالي على الشعيب ونشوف زبد السيل والشعيب فارش مجراه يمشي
قال أبو محمد أن السيل توه واصل خلنا نلحق على رقبته
ونروح يمين ويسار وليل والظلام حالك ونتقدم إلى أن شفنا رقبة السيل وهي مقبلة
ونباريها ونمشي معها ونصورها وللأسف الكاميرا ذاك الوقت منتهي شحنها
والجوال كذلك منتهي شحنه (وش هالحالة المحقى)
المهم فرشنا بجانب الشعيب وجلسنا والسيل ماشاء الله يزيد والشعيب فارش من الجال للجال
ممشاه طيب
وعزّمنا نروح للخويش الجنوبي ونشوف هل هو سايل وألا لا
المهم وصلناه ودخلنا فيه حوالي 12 كم وندور سيل مالقينا
السحاب القوي الظاهر ماوطى علاويه
بس نشوف فيه أثر مناقع والتلاع كلها محوله لكن مامشى الشعيب
جلسنا جلسة ليلية وبدأت البروق تولع قبلة وغرب وشمال غرب وجنوب وجنوب شرق
بروق حقوق والجو مظلم والسماء صافية والنجوم ساطعة والبرق نشوفه
حقوق برؤس المزن .. ياسلاااام
جلسنا حتى الساعة الثالثة فجرا .. والبرق لا زال يبرق قبلة وغرب برق حقايق سبحان الله
على منطقة معينة خايلناها بين خف وفيضة السر كما ظهر في الرادار
واعتقد أنها واطية ساجر كما شاهدت في الخريطة
قالوا الربع ماحنا براقدين ألين نصلي الفجر
الشاهد نقوم نضف قشنا ونرجع يم اشيقر والبرق لا زال مولع .. والجو كايف وريحة المطر ياسلام
والربيع فاز وريحة النفل تصك الراس
وحنا راجعين بالطريق النوم ذابحنا .. بس ما أقدر أرقد والقبلة تبرق :no:
كل شوي واقفين وفارشين فرشتنا وجالسين نخيل البرق
يمكن وقفنا اربع مرات علشان نشوف البرق وآخر مرة خلاص ماعاد أشوف اللي قدامي
رحنا يم أشيقر وبدأ البرق يرتفع وخيلناه على شقراء
ويوم وصلنا شقراء والسحاب علينا بدأ يضعف وفيه صواعق تهول العقل
ومعه رياح شديدة جدا (إعصار) وغبرة ومعه رش خفيف مشى الشوارع
رجعنا لأشيقر بعد هذه المطاردة وأذن الفجر
وصلينا في مسجد شمال اشيقر والبرق اللي خايلناه بالغرب ارتفع
وصار عنا شمال فيه بروق واجده وتعقرب ,, صلينا وبدأت المطاردة والنوم غالب علينا
وبدأ السفر يطلع والبرق قدامنا مشينا حوالي 40 كم شمال
وجاء المطر علينا والهواء راكد ونقع بالأرض مناقع طيبة
والسحاب فوقنا يبرق ويرعد وحد الخيال قريب فوقنا والشمال صحو تماما
طفينا الموتر وجلسنا نسمع صوت الرعد ونخيل البروق وهي ترتفع وبدت توصلنا
واسمع صوت من بعيد مقبل ماندري وشهو .. قال أبو محمد جاك الوبل
قلت الله يحييه
ونسمع يقترب شيئا فشيئا ويزيد الصوت إلين وطانا وبل غزير وحباته كبار
بعدها رحنا نلحق سحابة ثانية أرتفعت وماشاء الله مطرها طيب مشت الدعوب ونقعت بالأرض
وعدنا إلى اشيقر بعد مطاردة ممتعة جدا قضينا فيها أمتع اللحظات وأروعها
ونحن في طريق العودة شغلنا الرادو والبرق لا زال موجود والتفت للقبلة واشوف راس مزن توه مسدي
وقطع المزون واجده وأشكالها حلوة جدا .. ياسلااااام طلعة ولا اروع عسى الله يعيدها
وصلنا لأشيقر ومن التعب حطينا روسنا الساعة 7 صباحا تقريبا ورقدنا إلين الساعة 11 ونصف
قمنا لصلاة الجمعة .. وصلينا في مسجد بشقراء والجو فيه سحاب خفيف والجو مغبر ما ندري وش الوضع عليه والهواء شرقي نشيط تقريبا
رجعنا تقهوينا وشربنا الشاي ثم تغدينا وجبنا الرادو وعطيناه أبو محمد
والرادو راكد مافيه شيء الساعة حول الثالثة عصرا
دعانا أبو محمد للتجول في أشيقر العامرة وهي بلدة قديمة جدا منذ أكثر من ألف عام وفيها قبور موجهة لجهة بيت المقدس
وهذا دليل على قدمها وكانت تسمى سابقا عِكل بكسر العين
ذهبنا لمنتزه اشيقر اللي على الجبل وخذينا الرادو وفيه بروق بدأت تشعطط وتكثر
صلينا العصر في مسجد المنتزه وبعد الصلاة
اتصل علينا واحد من المشاعلة غرب الرياض يقول علينا بروق ورعود ومطر طيب
شغلنا ومشينا ويوم نزلنا من اشيقر راجعين لشقراء شفنا المزن بدأ يردم ويرتفع
وبدأ السحاب يسدي فوقنا دخلنا شقراء وسمعنا الرعد والسحاب قوته جنوب عنا
بدأت ترشرش والهواء صلف ومعه عج قوي
وكلما اجنبنا قوى المطر والشوارع بدأت تمشي ويوم وصلنا للقراين ومطرها هو الأطيب ناقع في الأرض
حبات المطر كبيرة وسقوطها غزير
والسحابة زلت ورعدها يدوي
فرشنا فرشتنا وجلسنا نخيل بالرادو
واقبلت الاخرى ورعدها قوي ويوم ارتفعت خلبت وجاء علينا منها مطر خفيف
ضفينا عفشنا ويوم جينا عند مفرق اثيثية لقينا العبارات تمشي خفيف والمطر طيب ماشاء الله
وجاءت العلوم أن دقلة عليها مطر طيب
رجعنا لرياض الشهابة والغبرة والحمد لله على كل حال
ولأول مرة الرياض يجيها بروق ورعود ولكن معه عج قوي ومطرها خفيف
وانتهت هذه الرحلة التي قضيت فيها أجمل وأمتع الأقات بصحبة الرجال الطيبين
والحمد لله أولا وآخرا
الآن أترككم مع المقطعين
بروق المستوي الحقوق
»» اضغط هنا لتنزيل الملف «« (http://sh4up.com/down.php?filename=bcb4a41835.wmv)
أمطار غزيرة وبرد
»» اضغط هنا لتنزيل الملف «« (http://sh4up.com/down.php?filename=b09606157f.wmv)
شكرا لصبركم
محبكم
http://www.mekshat.com/pix/upload02/images67/mk43360_kh.gif
السلام عليكم ورحمة الله وبركاته
إخواني أعضاء وزوار منتديات مكشات الكرام
في رحلة قصيرة بدأت بعد ظهر يوم الخميس الموافق لـ 1/5/2008
وانتهت بيوم الجمعة بعد العشاء
أحداث جميلة وأجواء نادرة أن تحدث في وقت قصير مثل هذا
بحق رحلة راااائعة جدا جدا جدا
أترككم مع هذه الرواية القصيرة لها لتخوضوا معي في أجواءها النادرة والجميلة
أولا : أعضاء الرحلة وخط السير
أعضاء الرحلة رجال شرواكم كرام .. ما نوفيهم حقهم من الكلام لذا نكتفي بالدعاء لهم بقلب صادق
ونسأل الله أن يجمعنا بهم في مستقر رحمته والجميع .. اللهم آمين
أعضاء الرحلة وهم كالتالي :
(( أبو أسامة )) ومايحتاج نعرفكم به .. كلن يعرفه
أبو أحمد الخريف .. صديق الروح بس لو يخلي عنه البثارة :p
وأبو زيـد (محدثكم)
في الجهة المقابلة ألتقينا بـ :
أبو محمد (صوت السيل أو المبشر أو راعي اشيقر)
وابنه إبراهيم أبو عبدالعزيز
وألتقينا بأبي البراء (راعي البطانة)
كما لا أنسى من كان برفقتنا طوال والوقت والذي لم يهدأ من طراوة الجو
الرادو (عطيشان) أو المونس كما يسميه أخونا راعي اشيقر (المبشر)
http://mohsenhomidan.googlepages.com/IMG_0073_caf.jpg
خط سير الرحلة
من الرياض المزدحمة عبر خط المية (طريق الحجاز) ثم لبخة واحويته
ومنها إلى شقراء فـ أشيقر فـ المستوي فـ أشيقر فـ شقراء فـ الرياض
http://mohsenhomidan.googlepages.com/21.gif
ثانيا : أعتذر عن عدم وجود صور وأكتفي بمقاطع الفيديو لهذا اليوم الرائع
ولعل في الأمر خيرة
بحيث كانت كاميرتي على موعد مع إنطفاء تام
(أذكر اني شاحن البطارية قبل فترة :rolleyes: )
كنت قد عزمت على تصوير بعض المناظر آخر العصر .. لكن أشار علي أبو أسامة بعدم التصوير
وتوفير الطاقة المتبقية للكاميرا لتصوير المناظر المقبلة
ثالثا : الموضوع عبارة عن رواية لأحداث ذلك اليوم
اللي يحب الروايات ارجو أن يستمتع ولا يذهب جمال الموضوع برؤية المقاطع أولا
جاءتني رسالة قبل الظهر وأنا ماخذ قيلولة حول الساعة 11.40 ضحى
ومفادها : تجهز بعد صلاة الظهر مباشرة
أنا يوم شفت الرسالة قلت ياولد الظاهر الرجال شايف شيء وأنا ما ادري
من حسن الحظ أني أحيانا أخلي الجهاز (الكمبيوتر) شغال مانيب اطفيه
شغلته وأشوف سحابة رعدية جنوب غرب الرياض
وطت حلبان ومقبلة على القويعية .. تعال شفني يوم شفت هالمنظر شوي وأطير من الفرحة
قلت ياولد مايبي لها الوضع طيب بإذن الله تعالى
وإن شاء الله مانرجع إلا وماخذين حقنا من الوناسة وسعة الصدر
بعد الصلاة أعددت القهوة والشاي على عجل ومر علي أبو أسامة
ومررنا أخونا أبو أحمد .. وخذينا غدانا ومسكنا الطريق
وحنا نازلين مع القدية (الزديّة) عيوني في السماء (كني خبل لا مهوب كني إلا خبل قاضي :p )
أتحرّى لمقدمة السحابة الرعدية
وبالفعل بعد أن تعدينا المزاحمية بدأ قرص الشمس يتوارى خلف السحب العالية (سدا المزن)
لا تنشد عن النفسية (تمام)
اتصل علينا راعي نعام (أبو راشد) يقول أن الخيال يزين مابين البرة وشقراء
حسب تخييله بالرادو وينصحنا بتلك الجهة
قلنا لا الخيال مقبل من الغرب ونشوف بالرادار أن جهة القويعية أفضل من غيرها حاليا
الشاهد قبل القويعية تقريبا بـ 50 كم
قلت لأبو أسامة
تبيني أخيّل لك العجة وألا الخيال (اختر واحد منهم)
قال قضبني الخيال
قلت الظاهر أني ابقضبك العجة
وبعد عدة ثواني .. بدأت ألمح شيء بعيد اللي مايركز زين مايشوفه
قلت يا أبو أسامة ابشرك قضبنا لك العجّة ويبدو أنها مميزة في نوعها وقوتها
وبعد ذلك دخلنا في هالعجة الطيبة من قوتها ماعاد تشوف كبوت السيارة .. كان لزاماً أن نقف على جانب الخط
نظرا لخطورة الموقف فاليوم خميس والخط سريع والعالم رايحة لمكة فالوضع خطر جدا
المهم هالعجة طولت ماشاء الله
لكن مابعد الصبر إلا الفرج ولا يغلب عسرا يسرين .. دخلنا مع مفرق لبخة واحويته
ونحن متجهون شمالا بدأت تتضح لنا معالم السحابة بعد أن خفت العجة
خذيت عطيشان (المونس)
وشغلته واسمعه يشعطط .. شخخخخخخخ تشخ تشو
وينهي فيه ركّد الرادو .. يمين لا لا يسار .. الظاهر أنه فوقنا ههههه ياخوان والله الرادو متعة الصراحة
المهم شفت أن الخيال شمال مسود قلت أبركز عليه وأنا مشغل الرادو
شوي إلا ويشعط الرادو مع طلعة البرق (الله أكبر)
ركبنا ومشينا شمال والظاهر أن السحابة خلّبت وفي طور التلاشي والتفريغ
مشينا حول 3 كم .. وينزل البرق بشكل جميل جدا ورااااائع تحسفت أني ماصورته
بحيث كان يتركز على الأرض (سبحان الله)
المهم جانا رش كبار وبرد الجو والمطر اللي حولنا اسود الاسفلت (اعزكم الله)
قلت الظاهر أن الشمال مطره أطيب
وركبنا والسحاب يصعق مشرّق
ومشينا شوي ونشوف المطر الزين اللي يمشي الشارع وينقع على خفيف في الأرض الشداد
يازين ريحة المطر بعد العناء الطويل (اللهم صيبا نافعا)
شفنا لنا محطة على اليمين قبل احويته وقفنا للغداء والصلاة
وأول ماوقفنا كان ورانا أخونا أبو محمد (راعي اشيقر)
وش هالصدفة الحلوة ماشاء الله :) ؟؟
الرجل ماشاء الله عليه تخييله مضبوط وعلومه سفرة
خذا منا عطيشان (وقام يخيل به) هذي في القبلة وهذي يسار القويعية وهذي مشرقة
ماشاء الله عليك يا أبو محمد
صلينا وتغدينا وجاءت العلوم أن السحاب اللي شرق قوى مرة ثانية ووطى جنوب البرة ومقبل على حريملاء
ومعه سيل خفيف
هاه يا أبو محمد وش رأيك ؟
الخيال المقبل ضعف واللي شرق قوي والمثل يقول (سحاب عداك لا تستخيله)
وش السواة وش العلم ؟
قال : ماعليكم الشمال طيب والخيال يدور البراد ويتقوى في الشمال جهة شقراء (يتوسع من شمال غرب)
ألحقوني بس ماعليكم ..
يابومحمد خل نروح شرق يمكن أحسن
قال : لا أبد ماعليكم أنتم طيعوا الشور وألحقوني إن شاء الله تشوفون اللي يسركم
لله درك يابومحمد أنت ويا راعي نعام
جهدهم وتعبهم ما ضاع
الشاهد قضبنا الخط وبينا وبين شقراء مايزيد عن 120 كم
والرادو مايسكت ماشاء الله
السحاب طيب ويتزبر في كل جهة ومرة نشوف أثر مطر ومرة غبرة وعجاج
وهلم جرا ..
يوم بدينا نشمل أشوف الشمس في سدا وكل ماله يخف وتصير الشمس أوضح
يا ناس هالبروق اللي في الرادو عجزنا ناصلها كل مالنا ونشمل والشمس تطلع أكثر
الشاهد يوم وصلنا إلى شقراء والا الجو مغبر والشمس ماعليها شيء مصحية
وقرص الشمس واضح جدا
رحنا شمال يم أشيقر ونشوف شمال عنها العبارات تسورب وطتها سحابة جيدة بفضل الله
اشار علينا أبو محمد راعي اشيقر أن نذهب إلى السد ونشوفه (توهم فاجرينه عقب السيلة القوية في 9 أبريل)
ويروح يملاْ النخيل وشكله مع بيوت الطين شيء ثاني
المهم وقفنا على الوادي (وادي المنحنى أو عذيق) وهو يسورب من السد
وجاءت عدة اتصالات ورسايل
أن فيه سحابة بين المجمعة وجلاجل طيبة ..
هاه يا جماعة وش الراي ؟
نروح !!
واتفقوا على انهم يروحون شمال شوي جهة جنوبيات سدير
مشينا المهم مالقينا سحاب أبد ولا شيء والجو مغبر ماتشوف الخيال من كثر الغبرة
والشمس في الغرب قرصها صافي وخالي من الغيوم
المهم نزلنا عطيشان وبروقه طيبة ماشاء الله
يالله يا أبو محمد خيّل لنا وين الخيال فيه ؟؟
ايه القبلة فيها سحاب طيب والدوادمي وجنوبه عليهم بروق طيبة (حقوق)
والشمال الشرقي فيه برق طيب
وأثناء التخييل وإذ بي أتفاجأ بدخول مزن مسدي :eek: .. نعم مزن على قرص الشمس
ويغطيها .. ايه الحين بدا الجو يزين ماشاء الله
يالله خلونا نعود بدل هالطورقة
عودنا يم اشيقر وجلسنا في وادي عذيق الجميل وهو يسورب من السد
ياسلااااام على صوت السيل .. ماتنلام يابومحمد على هالاسم
أقبل المغرب وبدأت الأجواء تظلم وفوقنا الخيال يزين ويطلع مزون
والقبلة كلها سدا من الشمال الغربي وحتى الجنوب الغربي
المهم لفت نظري هالقطعة اللي فوقنا وقالوا الربع هالقطعة ماتخلى من المطر
بدأت هالقطعة تشرق وتزين وقامت ترش علينا حبات كبار
ويخف الرش ومن ثم يعاود بعد دقيقة يقوى وحبات المطر كبيرة جدا لدرجة أنك تسمع حبت المطر تطش في الأرض كأنها حبة برد
قلت للربع الظاهر أن هالسحابة بتبرق بعد قليل بإذن الله لأن الرش قوي وواضح أنه رش مزن بيبرق
شوي إلا ويكشح البرق في راس المزن وقام الرعد يدوي ماشاء الله
تقهوينا وقعدنا نسولف شوي وأظلم الجو وبدأ البرق في الغرب والشمال الغربي يولّع
قمنا نصلي المغرب والعشاء جمعاً وقصرا وعقب الصلاة ركبنا المواتر وطلعنا من اشيقر إلى المستوي
والمشكلة أن الأنوار ما تخليك تشوف قوة الخيال وكيف بروقه لا وفوق هذا البرق نشوفه يكشح بشكل بسيط
لأنه خلف حزم من الحزوم
لكن يوم طلعنا من الديرة وجت الظلمة .. ذهلت من البرق وتواصله
فعلا برق مايفصل ولا للحظة من الزمن سبحان من أنشأه
ونمشي حوالي 60 كم شمال والسحابة توها زالّه
ونشوف الأرض إذا كشح البرق مليانه غدران كبار وجوانب الخط تمشي
والأرض سيل بس المشكلة أن المستوي على اسمه مستوي (منطقة مافيها شعاب بس ينقع الماء فيها)
وخذ من هالبروق .. سحابة زالة وسحابة جاية والرعد نسمعه خافت ومايفصل من تواصل البرق
ومابه إلا كشح .. السحاب مايعقرب أبد
البروق الآن مع جميع الجهات وش نخلي وش نلحق ؟
السحاب بدأ يرتفع ونسمع رعده وبروقه حقايق ويخطف الأبصار وبدأ يعقرب بشكل مخيف
ومايفصل
وخايلناه شمال عنا جهة أم حزم .. ركبنا المواتر ومشينا لأم حزم ويوم رحنا يمين لأم حزم
بدأت حبات المطر الكبيرة بالسقوط وكأنها حبات برد من ضخامتها وخبطها على الزجاج
زي ماقال أخوي أبو البراء (جغم كبااار)
ونتقدم ويبدأ الحقوق ومعه برد تشوفه يطامر على الخط
ونروح يم كبري أم حزم ونزبن تحته خوفا من البرد
ونقعد ننتظر السحابة وهي ترتفع وبرقها حقوق وإذا ناض تشوف الهملول نازل
ووصلتنا ولكن مطرها أقل من اللي قبل
دخلنا الديرة أم حزم والمطر عليها حباته كبار والرعد يزمجر وبدأ يعقرب ويخف
استرحنا شوي في المحطة ثم طلعنا على منطقة مظلمة لنشاهد البروق من جديد وشكلها فعلا رهيييب سبحان الخالق
والبرق قام يشق السماء ويعقرب ورعوده جميلة جدا (أنواع الرعود ماشاء الله)
بدأ الخيال يروح شمال شرق جهة الزلفي والأرطاوية
والبروق طمنت .. وخفت عن قبل
الشاهد تواعدنا جنوب نروح يم شعيب الخويش الشمالي ونشوف هل هو سايل وألا لا
ركبنا المواتر ونزلنا يم الخويشات ويوم وصلنا لخويش الشمالي اعتذر خوينا أبو البراء لأن موتره صغير
ويخشى عليه من الغراز
المهم دخلنا الشعيب حوالي 5 كم .. وكنت مع أبو محمد وقبل لا ناصل الشعيب بـ 200 م تقريبا
قال أبو محمد أنا أتوقع أن الشعيب ماشي
وأنت وش رايك ؟
قلت والله ما أدري لكن ما أعتقد انه ماشي
المهم يوم كبسنا بالعالي على الشعيب ونشوف زبد السيل والشعيب فارش مجراه يمشي
قال أبو محمد أن السيل توه واصل خلنا نلحق على رقبته
ونروح يمين ويسار وليل والظلام حالك ونتقدم إلى أن شفنا رقبة السيل وهي مقبلة
ونباريها ونمشي معها ونصورها وللأسف الكاميرا ذاك الوقت منتهي شحنها
والجوال كذلك منتهي شحنه (وش هالحالة المحقى)
المهم فرشنا بجانب الشعيب وجلسنا والسيل ماشاء الله يزيد والشعيب فارش من الجال للجال
ممشاه طيب
وعزّمنا نروح للخويش الجنوبي ونشوف هل هو سايل وألا لا
المهم وصلناه ودخلنا فيه حوالي 12 كم وندور سيل مالقينا
السحاب القوي الظاهر ماوطى علاويه
بس نشوف فيه أثر مناقع والتلاع كلها محوله لكن مامشى الشعيب
جلسنا جلسة ليلية وبدأت البروق تولع قبلة وغرب وشمال غرب وجنوب وجنوب شرق
بروق حقوق والجو مظلم والسماء صافية والنجوم ساطعة والبرق نشوفه
حقوق برؤس المزن .. ياسلاااام
جلسنا حتى الساعة الثالثة فجرا .. والبرق لا زال يبرق قبلة وغرب برق حقايق سبحان الله
على منطقة معينة خايلناها بين خف وفيضة السر كما ظهر في الرادار
واعتقد أنها واطية ساجر كما شاهدت في الخريطة
قالوا الربع ماحنا براقدين ألين نصلي الفجر
الشاهد نقوم نضف قشنا ونرجع يم اشيقر والبرق لا زال مولع .. والجو كايف وريحة المطر ياسلام
والربيع فاز وريحة النفل تصك الراس
وحنا راجعين بالطريق النوم ذابحنا .. بس ما أقدر أرقد والقبلة تبرق :no:
كل شوي واقفين وفارشين فرشتنا وجالسين نخيل البرق
يمكن وقفنا اربع مرات علشان نشوف البرق وآخر مرة خلاص ماعاد أشوف اللي قدامي
رحنا يم أشيقر وبدأ البرق يرتفع وخيلناه على شقراء
ويوم وصلنا شقراء والسحاب علينا بدأ يضعف وفيه صواعق تهول العقل
ومعه رياح شديدة جدا (إعصار) وغبرة ومعه رش خفيف مشى الشوارع
رجعنا لأشيقر بعد هذه المطاردة وأذن الفجر
وصلينا في مسجد شمال اشيقر والبرق اللي خايلناه بالغرب ارتفع
وصار عنا شمال فيه بروق واجده وتعقرب ,, صلينا وبدأت المطاردة والنوم غالب علينا
وبدأ السفر يطلع والبرق قدامنا مشينا حوالي 40 كم شمال
وجاء المطر علينا والهواء راكد ونقع بالأرض مناقع طيبة
والسحاب فوقنا يبرق ويرعد وحد الخيال قريب فوقنا والشمال صحو تماما
طفينا الموتر وجلسنا نسمع صوت الرعد ونخيل البروق وهي ترتفع وبدت توصلنا
واسمع صوت من بعيد مقبل ماندري وشهو .. قال أبو محمد جاك الوبل
قلت الله يحييه
ونسمع يقترب شيئا فشيئا ويزيد الصوت إلين وطانا وبل غزير وحباته كبار
بعدها رحنا نلحق سحابة ثانية أرتفعت وماشاء الله مطرها طيب مشت الدعوب ونقعت بالأرض
وعدنا إلى اشيقر بعد مطاردة ممتعة جدا قضينا فيها أمتع اللحظات وأروعها
ونحن في طريق العودة شغلنا الرادو والبرق لا زال موجود والتفت للقبلة واشوف راس مزن توه مسدي
وقطع المزون واجده وأشكالها حلوة جدا .. ياسلااااام طلعة ولا اروع عسى الله يعيدها
وصلنا لأشيقر ومن التعب حطينا روسنا الساعة 7 صباحا تقريبا ورقدنا إلين الساعة 11 ونصف
قمنا لصلاة الجمعة .. وصلينا في مسجد بشقراء والجو فيه سحاب خفيف والجو مغبر ما ندري وش الوضع عليه والهواء شرقي نشيط تقريبا
رجعنا تقهوينا وشربنا الشاي ثم تغدينا وجبنا الرادو وعطيناه أبو محمد
والرادو راكد مافيه شيء الساعة حول الثالثة عصرا
دعانا أبو محمد للتجول في أشيقر العامرة وهي بلدة قديمة جدا منذ أكثر من ألف عام وفيها قبور موجهة لجهة بيت المقدس
وهذا دليل على قدمها وكانت تسمى سابقا عِكل بكسر العين
ذهبنا لمنتزه اشيقر اللي على الجبل وخذينا الرادو وفيه بروق بدأت تشعطط وتكثر
صلينا العصر في مسجد المنتزه وبعد الصلاة
اتصل علينا واحد من المشاعلة غرب الرياض يقول علينا بروق ورعود ومطر طيب
شغلنا ومشينا ويوم نزلنا من اشيقر راجعين لشقراء شفنا المزن بدأ يردم ويرتفع
وبدأ السحاب يسدي فوقنا دخلنا شقراء وسمعنا الرعد والسحاب قوته جنوب عنا
بدأت ترشرش والهواء صلف ومعه عج قوي
وكلما اجنبنا قوى المطر والشوارع بدأت تمشي ويوم وصلنا للقراين ومطرها هو الأطيب ناقع في الأرض
حبات المطر كبيرة وسقوطها غزير
والسحابة زلت ورعدها يدوي
فرشنا فرشتنا وجلسنا نخيل بالرادو
واقبلت الاخرى ورعدها قوي ويوم ارتفعت خلبت وجاء علينا منها مطر خفيف
ضفينا عفشنا ويوم جينا عند مفرق اثيثية لقينا العبارات تمشي خفيف والمطر طيب ماشاء الله
وجاءت العلوم أن دقلة عليها مطر طيب
رجعنا لرياض الشهابة والغبرة والحمد لله على كل حال
ولأول مرة الرياض يجيها بروق ورعود ولكن معه عج قوي ومطرها خفيف
وانتهت هذه الرحلة التي قضيت فيها أجمل وأمتع الأقات بصحبة الرجال الطيبين
والحمد لله أولا وآخرا
الآن أترككم مع المقطعين
بروق المستوي الحقوق
»» اضغط هنا لتنزيل الملف «« (http://sh4up.com/down.php?filename=bcb4a41835.wmv)
أمطار غزيرة وبرد
»» اضغط هنا لتنزيل الملف «« (http://sh4up.com/down.php?filename=b09606157f.wmv)
شكرا لصبركم
محبكم
http://www.mekshat.com/pix/upload02/images67/mk43360_kh.gif