أين أنتم يا أهل الصقور والقنص هديتي لكم

[يوسف الخليفة1]

قم سو من بيض الدلال المدابيح=والبن الاشقر مثل دمن يسيحي
عزاه من عينن سباته شلافيح=عيا الرقاد لموقها يستبيحي
تخيل بالكنه صقورن مواضيح=ما لومها لو من سببها تصيحي
تبكي على المرباع في ساكن الريح=والطير يفرس والحباري تطيحي
يقبل عليها بالكفوف النواطيح=والخرب بالعرفج يلوبد جريحي
يسطه بقشر الكفوف المرازيح=تسمع له بلطم الحباري فحيحي
يودع لحمها بالعدانه مباذيح=اللي تكوبر واللي ثاوي طريحي
وقتن به الصقار شال الملاويح=يدعي به الحر الشعيل الصحيحي
ما هوب جيرن دلعوه بمباريح=حدر المكيف مثل فحل الفريحي
شقر الوحوش بعاليات اللواليح=نطحه سموم القيض يلفح لفيحي
تهفي على الصيده قبل منبت الشيح=تفرس على كيفه بجون فسيحي
واليوم بالعشه قفول ومفاتيح=وقتن على الصقار كنه شبيحي
في واهج الرمضا وحر اللوافيح=ما به غنايم بالمقيض الشحيحي
في حزة الربطه وقفل التصاريح=يعد ريشه ولتمامه طميحي
ان يكتمل ريشه بروس الاجانيح=فهو على نجم النعايم شفيحي
لهبت سقي النسوم اللواقيح=تلقا الرباب بكثرت الما طفيحي
في لايذن ما دوجوه المساريح=ما به من صلوف الذواري لفيحي
ما به يكود صياح فرخ الجواريح=في شوحتن باعلا الطويل السليحي
مقيله لغوفن سواة المقاديح=لزانت الفيه بها يستريحي
هي كيفة القناص ذيك المفاسيح=يطفي وهج قلبن شواه الصفيحي
يريح باله بالنجود المباريح=والضيق عن نفسه يزول ويزيحي





( يوسف الخليفة )

[أبو رداد]

صح لسانك يالشاعر
ابيات جزله ....
لكن ماني شاعر علشان ارد
خلني افزع بن ختروش عساه ينقذ سمعت الجير هههههههههه
مشكورررررررر

[يوسف الخليفة1]

صح لسانك يالشاعر
ابيات جزله ....
لكن ماني شاعر علشان ارد
خلني افزع بن ختروش عساه ينقذ سمعت الجير هههههههههه
مشكورررررررر


يا مرحبا بمشرفنا الغالي أبو رداد فاح الطيب في خيمة القصائد وحياك الله أنت وابن ختروش وصح بدنك

[أبو رداد]

الله يحيك يابو عبدالله
الطيب يفوح منك ومن قصيدك يالغالي
وصلت فزعت بن ختروش هههههه



بيض الله وجه الشاعر ووجهك يابورداد وانا من الصقاقير اللي تحب الطير الأصيل وأحب الطيور الجير ولا ألوم اللي يحب الاصيل ولكن لا يعذرب بالجير لأن الفرق في الصيد والسبق كل صقار لاحظه وشافه نفس الفرق بين السيارات موديل السبعين وموديل الالفين لابد أن الانسان يواكب التطور والجير البيور هوه اصل الطيوروهذا شظ معروف




شاهــين جـــــير ٍ للمعاشير عزام...أبيض وظـــــــهره مايل ٍللشعالي

كنه مصنع مــــــن صهاريج لحام...ومعدلـــــــن حسب الطلب للقتالي
مرســـــول من داره أبتصريح واختام...ومســـــجلله في جوازه مثالي
لحاق شنــــــــاق ٍ خريـــــش ٍ ولطام...ومواصفاته في الهجوم انفعالي
يابورداد ســــــجل اعيوبه بالاقلام...وجهة نظر واسمع على كل حالي
خف الوزن والحجم في كبرالاعظام...وخف الوصوف اللي تزيدالجمال
وخـــــــــــف القطاعه والعداوه والاجرام...اخاف ياكل واحد ٍمن العيالي
وخفف مــــــــن السرعه إذا فيه صمام...قلبين في صدره طبيعي وآلي
هوايته بالصــــــــــــــــــــــيد تحطيم الارقام...بالذاكره مافيه اول وتالي
من فتنته بالصيد ســــــــــــــــــــــــميته اعدام...محال تلقاله شبيهٍ محالي


هذي ابيات من قصيده طويله اتمنا تنال اعجبكم والسموحه أغلي الطيور عندي بجميع انواعها لكن افضل اقنص بالجير والناس مزاجات السموحه يابو ردادمنك ومن الشاعر

[يوسف الخليفة1]

الله يحيك يابو عبدالله




الطيب يفوح منك ومن قصيدك يالغالي
وصلت فزعت بن ختروش هههههه




[/center]


حياك الله يا أبا رداد أنت وصاحبك وذوق وطيبة وفقك الله أنت وابن ختروش وهديتي لكما ردا على القصيدة



حي الجواب اللي شطوره على آم=والعجز في كل القصيده بآلي
من واحدن ما واهس القلب له ضام=ولا عرض له من مناكيف بالي
اهلا هلا في موصل الخط ضرغام=هذاك ابو رداد زحل الرجالي
ويا مرحبا بالشاعر عداد الانسام=واعداد حبات الوبل في خيالي
انا اشهد ان الطير رغبة ولد سام=هي ولعة الصقار في كل حالي
هذي هوايه ما نهى عنه الاسلام=ولا بها عيبن ولا هي خبالي
كم واحدن ينساق للقيله ايام=وكم واحدن ساب الخلا ما يبالي
يا ما حلا شعلن من الجير لك تام=ضاري على جو الحصا والرمالي
يفك نفسه لتولاه حوام=يشبك معه من طيرته لين عالي
يودع كوابير الحباري للاعدام=صاروخ حربين يهد الجبالي
جيرن به الموسيه تشد قدام=سيفن يلولس في يمين وشمالي
والطير ما به دقمة السلف والحام=ولا في خله لنثنى القار مالي
ما له موديلاتن ولا نور قدام=ولا لطاراته تشوف انسحالي
الطير خلق الله شبابيط واقطام=والحر حرن مستحل المعالي
وشلون لصار اشقرن حر لطام=تلقا مقيضه في رفيع التلالي
لو الطيور تقاس بالوان واحجام=كان الغرانيق اسكنت بالهلالي
وكلن له بمفساحة الذوق مرسام=وكلن على كيفه يشد الحبالي
لولا اختلاف الذوق قد هفية العام=وان يمسي بسير الحياة اختلالي
يا حلوها يا صاحبي بعض الايام=اليا استحل الود بالك وبالي
ودهلت انا وياك عثعث ورضام=في هضبتن فيها الحطب والظلالي
فيها الحباري والارانب والارام=في عازلن قفره من الناس خالي




يوسف الخليفة ( أبو عبد الله )

[المان العرب]

صح السانك وبيض الله وجهك انت وابن ختروش
عزالله هيضتوني برووووووح اطلع اطيوري
تقبل مروري

[يوسف الخليفة1]

صح السانك وبيض الله وجهك انت وابن ختروش
عزالله هيضتوني برووووووح اطلع اطيوري
تقبل مروري


المان العرب حياك الله أخي العزيز وصح بدنك وأنار الله طريقك في الدارين وحفظ الله لك طيورك وفي هذا

الوقت مجالس الصقارين عن الريش وكم اكتمل منها وتم فكل وهوايته وفقك الله أخي لكل خير والشكر لك

[المان العرب]

مرحبابك اخوي ابوعبدالله صبحك الله بلخير الله يجزاك خير على دعوه الطيبه

تقبل تحياتي

[يوسف الخليفة1]

مرحبابك اخوي ابوعبدالله صبحك الله بلخير الله يجزاك خير على دعوه الطيبه

تقبل تحياتي


ولك مني تحية وتقدير ودمت بخير وصحة وعافية وشكرا لك أخي العزيز

[ابوالجازي]

ابوعبدالله1 صح لسانك مليون ولا يكفون
انا اشهد انك شاعر مانتب بسيط وبيض الله وجهك على القصيد الطيب
وصح لسان بن ختروش
والشكر موصول لبو رداد

[ذراع الذيب]

صح لسانك ولسان الشاعر....

[بـــن خــتروش]

بيض الله وجهك يابوعبدالله على قصيدك وكل واحد له مزاج واختيار ياخوي في الطيوروانا تراني اجني الاثنين الوحش والجير اما تشبيهي للطيور بالسيارت او الطيارات كما هو وارد في كثير من القصيد فما هو الا تشبيه بليغ واستعاره مكنيه للسرعه وليس للمواصفات الاخرى والرساله كانت خاصه لابو رداد وكانت ابيات من قصيده قديمه ولم تكن مجاراه لقصيدتك وانا ارحب بك مره اخرى وانشالله اكون من المتابعين لقصيدك والسموحه يابوعبدالله

[يوسف الخليفة1]

بيض الله وجهك يابوعبدالله على قصيدك وكل واحد له مزاج واختيار ياخوي في الطيوروانا تراني اجني الاثنين الوحش والجير اما تشبيهي للطيور بالسيارت او الطيارات كما هو وارد في كثير من القصيد فما هو الا تشبيه بليغ واستعاره مكنيه للسرعه وليس للمواصفات الاخرى والرساله كانت خاصه لابو رداد وكانت ابيات من قصيده قديمه ولم تكن مجاراه لقصيدتك وانا ارحب بك مره اخرى وانشالله اكون من المتابعين لقصيدك والسموحه يابوعبدالله


ابن ختروش أقبل الطيف علينا بزهائه فحللت أهلا ونزلت سهلا كم نحن سعداء بوجودك معنا فحياك الله وأسعدك


في الدارين والمعذرة أخي العزيز على التطفل في الرد على قصيدتك فالسبب أبو رداد هو السبب لذلك لا بد أن


نعاقبه لكنه محشوم وأنت كذلك محشوم وحفظكما الله وأصلح لكما جميع أحوالكما فيكفيني فخرا تواضعك وردك علي


بهذه المشاركة فالشكر لك أخي العزيز وبالنسبة للطيور فأعلم ذلك كل ورغبته وما يميل إليه فكل ميسر لما خلق


له لكن الابيات مجرد تسلية وأنس بيننا فحياك ربي أخي الفاضل

[عصا الترحال]

صح لسانك على هذه الأبيات الجميلة

[نبع الدموع]

صحت ابدانكم جميع و سلمت ينماكم على هالابيات و ليت كل تحرش ابو رداد
يطلع ابداع مثل هالابيات.

لا هنتم

[يوسف الخليفة1]

صح لسانك ولسان الشاعر....


ذراع الذئب صح بدنك وحياك الله أخي العزيز

[يوسف الخليفة1]

صح لسانك على هذه الأبيات الجميلة


عصى الترحال صح بدنك أخي العزيز ودمت بخير

[يوسف الخليفة1]

صحت ابدانكم جميع و سلمت ينماكم على هالابيات و ليت كل تحرش ابو رداد
يطلع ابداع مثل هالابيات.

لا هنتم

نبع الدموع حياك الله أخي العزيز وأبو رداد كله بركة ويستحق الشكر وأنت كذلك شكرا لك وحياك ربي

[أبو فهد العيد]

صح لسانك يابوعبد الله ,, الموضوع قديم شوي,, لكن توني اقراه,,بيض الله وجهك قصيد جزل الله لايوريك مكروه..

[يوسف الخليفة1]

صح لسانك يابوعبد الله ,, الموضوع قديم شوي,, لكن توني اقراه,,بيض الله وجهك قصيد جزل الله لايوريك مكروه..



حياك الله أخي ولد حنيظل وعلى الرحب والسعة في أي وقت وأنار الله محياك ورفع الله قدرك وحفظك وطيرك

[عا سبيل بر]

صح لسانك........ ولا هنت

وزي ما قلت أبو عبدالله1

كل واحد وهواه

الحين الطير الوحش وعرفناه بس الجير وش يعني

[يوسف الخليفة1]

صح لسانك........ ولا هنت










وزي ما قلت أبو عبدالله1


كل واحد وهواه



الحين الطير الوحش وعرفناه بس الجير وش يعني



أخي عابر سبيل صح بدنك وحياك ربي وإذا أردت التعرف على الجير فعليك بخيمة الصيد بالصقور


فالنشاما في مكشات ما شاء الله لم يتركوا أمرا إلى بينوه فجزاهم الله خيرا وشكرا لك أخي العزيز

[عبدالرحمن الخالدي]

صح لسانك يا أبوعبدالله أثلجت صدري بها القصيدة الوافية .

[فهد الهلالي]

ابوعبد الله صح السانك بيض الله وجهك اجدت ثم اجدت ثم ابدعت في الوصف
فانت قبل ان تكون شاعر كنت رسام فجمعت بين القصيد والرسم ورسمت لنا لوحة شعريه من وقت الربطه والصيف وتكاليفه حتى اوصلتنا الى الشتاء ومتعته وهدد الطير
فمهما كتبت عنك فلن اوفيك حقك لااستطيع ان اعبر لك اي كلمه فابداعك يفوق مقدرتي على الكلام عرفان وتقدير
وليس لدي الا ان اقول ماشاء الله تبارك الله الله لايضرك
فانت شاعر واناء من المعجبين في شعرك بارك الله فيك ودمت
اخيك الشيخ مسكين

[يوسف الخليفة1]

صح لسانك يا أبوعبدالله أثلجت صدري بها القصيدة الوافية .


مرحبا بك أخي العزيز مذكور وصح بدنك سلم الله صدرك وزادك انشراحا وأنسا ومتعك ربي بالصحة والعافية

[يوسف الخليفة1]

ابوعبد الله صح السانك بيض الله وجهك اجدت ثم اجدت ثم ابدعت في الوصف



فانت قبل ان تكون شاعر كنت رسام فجمعت بين القصيد والرسم ورسمت لنا لوحة شعريه من وقت الربطه والصيف وتكاليفه حتى اوصلتنا الى الشتاء ومتعته وهدد الطير
فمهما كتبت عنك فلن اوفيك حقك لااستطيع ان اعبر لك اي كلمه فابداعك يفوق مقدرتي على الكلام عرفان وتقدير
وليس لدي الا ان اقول ماشاء الله تبارك الله الله لايضرك
فانت شاعر واناء من المعجبين في شعرك بارك الله فيك ودمت


اخيك الشيخ مسكين



في الحقيقة يا أخي العزيز الغالي الفاضل الشيخ مسكين لم تترك لي فرصة فقد أشبعت الرد ولم تترك له بواقي


نجازيك ولو بقليل منها فرفع الله قدرك وعلا شأنك وأنار إلهي محياك فلا يسعني أن أقول كما قال الصديق الأكبر


أبو بكر رضي الله عنه حيث قال : اللهم لا تؤاخذني بما يقولون واجعلني خيرا مما يظنون واغفري ما لا يعلمون


فعسى أن نكون عند حسن الظن وحسن إطرائك نتاج علو ذوقك وسماحة بالك وحسن أخلاقك وطيب معدنك فلا


يسعني إلا أن أشكرك وأدعو لك بالصحة والعافية ودخول الجنة وحياك ربي

[أبو رداد]

اسمحولنا على المداخله هههههه



الحين الطير الوحش وعرفناه بس الجير وش يعني

اخوي عابر سبيل
الي في توقيعك ويطرد الحباره هو الجير

[بلاكستون]

لهبـت سقـي النسـوم اللواقيـح

تلقا الرباب بكثرت المـا طفيحـي

في لايذن ما دوجـوه المساريـح

ما به من صلوف الذواري لفيحـي

ما به يكود صياح فرخ الجواريـح

في شوحتن باعلا الطويل السليحي
----------

صح لسانك وبيض الله وجهك
كفيت ووفيت عز الله

[يوسف الخليفة1]

اسمحولنا على المداخله هههههه

اخوي عابر سبيل
الي في توقيعك ويطرد الحباره هو الجير[/center]


حياك الله يا مشرفنا والبيت بيتك وأنت وجهك وجه السعد وفي الجميع البركة فشكرا لك أخي العزيز

[يوسف الخليفة1]

لهبـت سقـي النسـوم اللواقيـح


تلقا الرباب بكثرت المـا طفيحـي

في لايذن ما دوجـوه المساريـح

ما به من صلوف الذواري لفيحـي

ما به يكود صياح فرخ الجواريـح

في شوحتن باعلا الطويل السليحي
----------

صح لسانك وبيض الله وجهك
كفيت ووفيت عز الله


أخي الفاضل بلاكستون صح بدنك وأنار الله محياك وكفاك الله مصارع السوء ولك تقديري

[شاص2006]

صح لسانك.,,.

[قناص بقيق]

اسلام عيكوم

صــــــــــح لسانك..

عمري ماسمعت نفس قصيتك

ماني بشاعر لاكن ودي اردعيك

بتوفيق انشا الله
قناص بقيق كان معكم

[يوسف الخليفة1]

صح لسانك.,,.


صح بدنك أخي الفاضل شاص وأسعدنا مرورك وحياك ربي

[يوسف الخليفة1]

اسلام عيكوم

صــــــــــح لسانك..

عمري ماسمعت نفس قصيتك

ماني بشاعر لاكن ودي اردعيك

بتوفيق انشا الله
قناص بقيق كان معكم


وعليكم السلام وحياك الله أخي العزيز قناص بقيق وصح بدنك ومرورك يكفي عن القصائد ولك تقديري

[ابو سويدان]

ابو عبدالله مجرد مشاركه لا هانو الاخوان

ياصاحبي روح زمان المساريح خل الطيور وهمها واستريحي
نقل الحرار اليوم مابه مرابيح راحت طراته بالزمان الكليحي
ياما لعبنا بالطيور الملاويح وياما دهجنا كل جون فسيحي
الصيد واجد بلفجوج الصحاصيح وكلن يصيد وفعل طيره صحيحي
واليوم مقناص العيال المشافيح تهد طيره ليل تبي المديحي
من كثر ما يغدون صارو طواريح ليا صبحوكلن برجمه يصيحي
يالله ترزقنا مزون مراويح لا قرب الوسمي جبلنا يسيحي

[MsHcoOoR]

يعطيك الله الف عافيه على هذي القصيده وصح لسانك
وجزاك الله الف خير

[يوسف الخليفة1]

ابو عبدالله مجرد مشاركه لا هانو الاخوان

ياصاحبي روح زمان المساريح خل الطيور وهمها واستريحي
نقل الحرار اليوم مابه مرابيح راحت طراته بالزمان الكليحي
ياما لعبنا بالطيور الملاويح وياما دهجنا كل جون فسيحي
الصيد واجد بلفجوج الصحاصيح وكلن يصيد وفعل طيره صحيحي
واليوم مقناص العيال المشافيح تهد طيره ليل تبي المديحي
من كثر ما يغدون صارو طواريح ليا صبحوكلن برجمه يصيحي
يالله ترزقنا مزون مراويح لا قرب الوسمي جبلنا يسيحي


أخي الغالي أبو سويدانه صح لسانك على هذه الابيات وإليك الرد مشكورا




حي الجواب اللي له الخاطر يميح=من جمتن دلوه زعب ما يزيحي
اهلا هلا يالقرم يا فايح الشيح=يا مهدين قافن كلامه فصيحي
انا ادري الاقفار نشفا المباطيح=المزن يضوي والمطر ما يطيحي
حصبا النجايد وقت قيضه مفاويح=والبرد قبل شباط يلفح لفيحي
والصيد قل ومدهرات السواريح=صحارين شفناه وجهه كليحي
لا نهر ولا غابه كمثرا وتفافيح=ما غير عوشق والشويط القبيحي
فيها الطوال السود وحمرن مشابيح=لا تيس ولا ضبين ولا به وضيحي
والحمد للي من شكر فعله يريح=مقدر الحال الغبر والمليحي
والطير ولعه به عن النفس ترويح=شهاة قلبن للحباري طميحي
ما لوم انا فعل القروم المفاليح=اليا حملوا وحشن بعينه لكيحي
اشقر به المنخر سواة الذرانيح=فيه المدامع مثل كحلن يسيحي
عنيفن قطامي يسابق هوا الريح=والطبع مع راعيه هادي سميحي
لشاف خربن يكفخ بشر ويصيح=خطرن يشق المرتبه كالسريحي
واخير منها لركدن المصابيح=صلاة ليلن ما ظهر به نبيحي
في سهرتن ما به زواج ومفاطيح=ما غير زادن فيه لحم الشريحي
عينه غفت بدري ولا به شلافيح=يرقب جهام الصبح ما يستريحي
دنيا توالت بين سود ومواضيح=الناس فيها بين سلم وجريحي




( أبو عبد الله )

[شاص2006]

صح لسانك ويعطيك العافيه..,,,,....,,,,

[يوسف الخليفة1]

يعطيك الله الف عافيه على هذي القصيده وصح لسانك
وجزاك الله الف خير


سلمك الله أخي مشكور وصح بدنك وأنار الله طريقك في الدارين وحياك ربي

[يوسف الخليفة1]

صح لسانك ويعطيك العافيه..,,,,....,,,,


صح بدنك وسلمك الله والشكر لك

[ابو سويدان]

صح لسانك يابو عبدالله واللي مثلك مايجارا
والله ثم والله اني اتمتع بقصيدك ولاهي مجامله
مع كثرة الشعار وتركيز الاعلام على الشعر بدينا نعاف الشعر بس لا مريت على قصايد وطواريق مثل قصيدك لا بالله انبسط واقول الشعر الزين ما ينمل جعلك تسلم وصح لسانك من قلب

[يوسف الخليفة1]

صح لسانك يابو عبدالله واللي مثلك مايجارا
والله ثم والله اني اتمتع بقصيدك ولاهي مجامله
مع كثرة الشعار وتركيز الاعلام على الشعر بدينا نعاف الشعر بس لا مريت على قصايد وطواريق مثل قصيدك لا بالله انبسط واقول الشعر الزين ما ينمل جعلك تسلم وصح لسانك من قلب


أخي الغالي أبو سويدان ما شاء الله فيكم الخير والبركة وجمل الله حالك وصح بدنك ورفع الله قدرك وهذا من

حسن ذوقك وعسى أن نكون عند حسن الظن والله المستعان وزان فألك وسلمت وغنمت وحياك ربي

[الخيال2006]

صح لسانك ابو عبد الله ابيات جزله لاهنت

[يوسف الخليفة1]

صح لسانك ابو عبد الله ابيات جزله لاهنت


صح بدنك يا مشرفنا الغالي وأجزل الله لك من خيري الدنيا والآخرة ولا ندمت وحياك ربي