يالربع الفرار عجزنا نلقاه

[ممتر البران]

السلاام عليكم
يالربع
بعد المشاورات عن الفرارات للشاص وايهن ازين عن طريق هالموضوع
http://www.mekshat.com/vb/showthread.php?t=134552
وغيره
اتضح الاتي
ان العايدي ازين
توكلت على الله ومريت عبداللطيف وقال مر فرع العليا عندهم ثنتين
رحت لهم وشريتهن
ويوم رحت اركبهن عين يركبن طلعن صغار
رجعت لهم ابا ابدلهن وقالو ما فيه ولازم تبدل العكوس والهوب والدفرنس عشان يركبن
هذا كلام مهوب منطقي
قلت ما عندهم سالفه ابا امر البازعي ومريته
مير هذولا ردوني قالو فرار ما فيه ولا نطلب لك
وقلت مره اخرى لا بد ان اهل هالخيمه بيجيبون العلم بس هذا الموضوع ومافيه
معلومات عن السياره
شاص بنزين من التاليات
تحيتي لكم
ابو سعد

[غضنفر]

هلا بالشيخ
الشاص 2002 الدفعة الاخيرة السعودي
جى بفرارات
لذلك افضل حل
انك تدورها بالتشاليح كود تحصلهن


لكن نصيحة لوجه الله
اذا شاصك جديد
2004 وفوق
لا تركبهن ما يحتاج
الفرار يحتاجه الي موتره قديم
عنده ونة او رجة او بلاوي في الدفرنس
اما الي موتره جديد مهب بحاجتهن

اذكر على موتري الشاص
الفرق بين ممشى الموتر بالفرارات وبدون
100 كلم فقط للتانكيين

ثمن فرارات الشاص وكاله فيهن مشكلة خطيرة جدا
وهي انهن يفصلن اذا عشقت الدبل (اذا فريت الفرار على Auto)
لكن اذا فصلت الدبل ما يوقف عمود الدبل عن الدوران الا اذا رجعت ريوس متر واحد للخلف

لذلك احيانا تنسى ترجع ريوس
يصير الدفرنس مقفول لكن عمود الدبل يلف
شهرين الا وتروس الكارونة ضاربة

[ممتر البران]

مرحبا بغصنفر
موتري 2008
بيض الله وجهك على النصيحه وعلمك غانم
لقيت الاوتو ولا شريتهن
لنفس السبب اللي انت ذاكره
لكن انا ادور العايدي وبيض الله وجهك مره اخرى
واسف على تاخري بالرد حيث اني توي راجع
تخبر نهاية اسبوع وكلن يدور المنهاج
تحيتي لكم
ابو سعد

[عاشق السيل]

وعليكم السلام ورحمة الله وبركاته ،،

النصيحة الأولى : رح للسليماني اللي بالغرابي إن شاء الله تلقى عندهم الي تبي ،،

النصيحة الثانية : مثل ماقال أخوي غضنفر موترك جديد مهب محتاج فرارات ولو تخليه على شد المصنع أحسن ،،

هذا اللي عندي وتقبل مروري يالغالي ....

[ممتر البران]

وعليكم السلام ورحمة الله وبركاته ،،

النصيحة الأولى : رح للسليماني اللي بالغرابي إن شاء الله تلقى عندهم الي تبي ،،

النصيحة الثانية : مثل ماقال أخوي غضنفر موترك جديد مهب محتاج فرارات ولو تخليه على شد المصنع أحسن ،،

هذا اللي عندي وتقبل مروري يالغالي ....



مرحبا بعاشق
قد مريت
السليماني ما عنده الا avm
وهذي ما تصلح مهيب عمليات
الا ان كانه جاب نوع ثاني مثل ايسن ولا وارن
وبالنسبه لنصيحتك الثانيه ما قصرت ولا نويت اركبهن الا وانا عارف وش ازين للموتر ومن مزاياهن
يقللن استهلاك اجزاء الدفرنس والعمود
ويقللن الحمل على الموتر سوا المكينه ولا القير
ويقل صرف البنزيم
ويزود الممشى
هذا اللي يحظرني منهن
عموما ابيض وجه وعلمك غانم
تقبلو تحيتي
ابو سعد

[ممتر البران]

نرفعه لعل وعسى يجي من يدلنا
تحيتي لكم ابو سعد

[alajmi100]

عند السليماني avien
عمليه وجيده
انا مركبها على بليزر 81 وماشيه من احسن مايكون

[عبيثراني]

يامدور الفرار
شف الصمعاني ببريده يركب فرار الوكاله على الشاص والصوالين الديزل
والطريقه يسوي لها تبريز تقريبا 1سم وتركب زي الحلاوه وسبق ان ركبها واحد من الشباب عنده ولالالالالالالالالالالالالالامنها خلاف وبالنسبه لنصيحة الشباب بعدم التركيب اذا السياره جديده عندي تحفض عليها
الفرار ليس لاسكات الاصوات فقط كم ذكروا بل لتوفير البنزين خاصه في الخطوط الطويله
بس لابد من تشغيله لمدة عشر ساعات متواصله كل شهر حتى لايتجمع الشحم بمكان واحد والرواسب

وفق الله الجميع لما يحب ويرضى

[الساهر2003]

اخوي ركب فرار حتى لو السيارة مديلها 2010 من فوائده يحفض الدبل والدفرنس من التاكل واخف للموتر من حاجات كثيرة
ممكن تحصل الفرار البرازيلي ابو طقة النيكل عند السليماني في الشمال على طريق الملك عبد العزيز
مامنه خلاف

[ممتر البران]

ما قصرتو يا رجاجيل
الفرار ابا اركبه والله لا يعوق بشر لكن ما لقيته والبرازيلي مهوب مظبوط قد جربته فيه طقطقه
والترهيم والله ما يندرا عنه اخاف يخرب مع الجور والتحميل
ف وش رايكم وين القا الوارن او الايسن
تحيتي لكم
ابو سعد

[الضاحي]

معليش

بس وش الفرار ؟؟؟

هل هو بديل للدفلوك ؟؟

[ممتر البران]

معليش

بس وش الفرار ؟؟؟

هل هو بديل للدفلوك ؟؟

اقرا الموضوع كامل وتفهم ان شاء الله

[الضاحي]

مشكور ..........

[ممتر البران]

العفو واي خدمه انا حاضر

[ممتر البران]

طيب تشرون الموتر؟؟؟

[ممتر البران]

حتى الشرا منتمب شارين؟؟

[الساهر2003]

اخوي وش مديله وكم ماشي ولونه والبدي سليم

والله يرزقك البيعة الطيبة

[ممتر البران]

الله يجزاك خير يا الساهر
ابا اصبر ان ما لقيت له فرار علمتك وبيض الله وجهك