اول مشاكل ربطة هالسنة (مشكلة غريبة)

[نبع الدموع]

السلام عليكم و رحمة الله وبركاتة


صبحكم / مساكم الله بالخير و الرضى


يا رجال بغيت اسال عندي مشكلة مع حر من ربطتة و هوا زين على زين
ما شاء الله تبارك الله و تبديلة مابه اي عذاريب لاكن الطير له كم يوم اشوف
علفة ماش ما يعلف زي باقي الطيور مثل السمانة ما يكملها اعطية علف
الصبح ما ياكلة و لا عشيتة يعلف لاكن غير احطلة العلف و امسح على ارضيتة
و بالمحاباة لين يبداء يعلف و يوم اطلع عنة و اعودلة الاقية واقف وين ما
تركتة و اوقات يرمي العلف من على الحصاة و يوم اجي انظف الاقي علفة
في الارض علما ان صحة الطير مابها خلاف لاكن نفسيتة ماش و لا شافني مقبل
علية بالعلف يكافخ تقول انة بياكلني ولا جاة العلف يسوي الي قلت من قبل


البارح عطيتة حمامة صغيرة حية (زغلول) و هالمرة الوحيدة الي شفتة
فيها مزوكر من اسبوع او اكثر و اليوم عطيتة زغلولة ثانية قلت يمكن
يبي حي ولا طلبها و تعدت من عندة و ذكاها مشفوح :D (جير شياهين)


احد يعطينا حل يا رجال


الله لا يخلينا منكم

[راعي ام عشر]

والعلم عند الله أقول يمكن الطير مكتفي صنعه000يعني لاتعطيه ألا وجبه
وشف عنه0000هذا على حد علمي المتواضع0
أو ياخوي أفحصه بالمستشفى0000 ولك تحياتي

[وَسَام!]

يمكن الطير صكت عدته ولاعاد يحتاج زود علف الا اذا شفت شنار الطير وعينه متغيره وده للمستشفى يكشف عليه مع انها صعبه شوي وقت الربطه

[أبو ممدوح]

نفس المشكله الي واجهتني مع طيري عزام
هذا وانا اخوك من الصنعه يعني خلاص لا عاد تعلف الطير الا وجبه وحده
واذا اختلف عليك الطير معناته ان فيه عله شوف عينه وحواف البوز وشم ريحة فمه اذا فيها شي معناته الله يعينك
وان شاء الله اني افدتك

[قلب شاهين]

نفس المشكله الي واجهتني مع طيري عزام
هذا وانا اخوك من الصنعه يعني خلاص لا عاد تعلف الطير الا وجبه وحده
واذا اختلف عليك الطير معناته ان فيه عله شوف عينه وحواف البوز وشم ريحة فمه اذا فيها شي معناته الله يعينك
وان شاء الله اني افدتك

أنا أتفق مع أخوي أبو ممدوح ،،

وحاول توديه المستشفى يفحصه لك ،،

والله يشافيه لك أنشاء الله ،،

تحياتي / قلب شاهين ،،

[نبع الدموع]

يعطيكم الف عافية كلن باسمة ولا هنتم يالقروم. الطير لو انة صانع يطلب العلف
ولا يعلف؟؟ خبري في الطير الصانع ما يطلب علف و مثل ما قلت الطير صحته
ما بها خلاف باقصر علية هاليومين شوي بالعلف و نشوف ان شاء الله تتعدل

لا خلا ولا عدم

[alajmi110]

هذا صحيح يمكن الطير صنعته فل
ولكن اقصر على الطير عطه وجبه وحده وانا افضل انها تكون وجبه وحده على طول
بعدين انت ذابحهااا با الحر ما حطيت مكيف ههههههههه عشها الا طاحت الشمس وبارد الوقت
وانكان فيه والا ما فيه كلمني ونوديه يم الدكتور فارس التميمي

[الوبلي]

والله اناصارت معي عندي فرخ نفس الوضعية رحت للبيطري واخذت حبوب سبارتكس حبتين يومياً المجموع اربعة وبعد 15 يوم حبتين مضاد حيوي للفطريات والتجبن والآن الله لايوريك ياكل علف طيرين بالنسبة للي يقول الطير مقفل انا اقول اذا الطير حاذف ريش مستحيل يقفل وشكراً.

[شواهين]

سلام عليكم
الواضح من كلامك ان المشكله في العلف !!
الطير اذا شاف العلف يكافخ واذا ذاقه عافه (السمان)
والحمام الحي ماعنده مشكله معاه !!
اذا السمان الي تعطيه من الثلاجه تأكد انك تذوبه صح
وامسح عليه بعد مايذوب صفار بيض
والعلم عند الله
وسلامتك

[سلطان 1]

اخوى انا صار معى نفس الشى مع طيرى بس طيرك اشوى من طيرى لان طيرك يعلف شوى 0 انا طيرى صام من العلف مره 0 حتى انى فحصته وطلع سليم0 على العموم حط لطير فى محل لحاله وعطه حمام حى وخله يذبحها بنفسه واتركه 0وارجعله بعد ساعه بتحصله عالف شوى ما يذكر واستمر على الوضع هذا لين يرجع يعلف صح 0 حدود 5 ايام 0 هذا ما حصل معى والله اعلم 0 المكيف لا بد منه 0

[القرناس المهاجر]

اخي الكريم تقول أن الطير صحته زينه .. لذا أقول في نظري أن ألأمر بسيط جداً وعادي .. فالطير في مثل هذه الأيام ( وقت الحذف) يبدأ في مرحلة إضطرابات داخلية .. فيقل علفه ويتغير مزاجه وطباعه .. لدرجة أنك لوتقسم السمانه بين طيرين :confused: مايكملونها .. كما أن تتابع العلف على الطير دون حركة يسبب تخمة وقد لايروبج .. وينعكس الأمر إلى أمراض داخلية كالديدان والقلآع .. والحل هو تقديم وجبه واحده صباحاً .. أو مساءاً .. واحرص على تعريضه لأشعة الشمس .. وبعد فترة ستلآحظ بإذن الله تغير ورغبه في زيادة الوجبات :)

[نبع الدموع]

هذا صحيح يمكن الطير صنعته فل
ولكن اقصر على الطير عطه وجبه وحده وانا افضل انها تكون وجبه وحده على طول
بعدين انت ذابحهااا با الحر ما حطيت مكيف ههههههههه عشها الا طاحت الشمس وبارد الوقت
وانكان فيه والا ما فيه كلمني ونوديه يم الدكتور فارس التميمي
:D اشين شئ في الدنيا اذا الواحد كان في اجازة و جالس يعرض خدمات و ناسي ان بكرة بيداوم
بالنسبة للمكيف لا و الله عندها مكيف و مروحة لاكن المكيف للعرض فقط و ليس للاستخدام :D

[نبع الدموع]

والله اناصارت معي عندي فرخ نفس الوضعية رحت للبيطري واخذت حبوب سبارتكس حبتين يومياً المجموع اربعة وبعد 15 يوم حبتين مضاد حيوي للفطريات والتجبن والآن الله لايوريك ياكل علف طيرين بالنسبة للي يقول الطير مقفل انا اقول اذا الطير حاذف ريش مستحيل يقفل وشكراً.
يعطيك الف عافية اخوي الويلي وما يجيك ولا طيورك السؤ ان شاء الله و بنخلي الدكتور اخر حل ان شاء الله


لا هنت.

[نبع الدموع]

سلام عليكم
الواضح من كلامك ان المشكله في العلف !!
الطير اذا شاف العلف يكافخ واذا ذاقه عافه (السمان)
والحمام الحي ماعنده مشكله معاه !!
اذا السمان الي تعطيه من الثلاجه تأكد انك تذوبه صح
وامسح عليه بعد مايذوب صفار بيض
والعلم عند الله
وسلامتك
و عليكم السلام و رحمة الله و بركاتة

هذا الي انا قلتة لاكن يوم رجعت و عطيتة حي طلبة ولا جاة ما يزكي
و انت جبت شئ ثاني الحين ما يبي يشوف البيض ولا عطيتة البيضة
رفسها رفس علما من اول ما يسمع في البيض.

و الله يسلم بدنك و المسلمين من النار

[نبع الدموع]

اخوى انا صار معى نفس الشى مع طيرى بس طيرك اشوى من طيرى لان طيرك يعلف شوى 0 انا طيرى صام من العلف مره 0 حتى انى فحصته وطلع سليم0 على العموم حط لطير فى محل لحاله وعطه حمام حى وخله يذبحها بنفسه واتركه 0وارجعله بعد ساعه بتحصله عالف شوى ما يذكر واستمر على الوضع هذا لين يرجع يعلف صح 0 حدود 5 ايام 0 هذا ما حصل معى والله اعلم 0 المكيف لا بد منه 0
يعطيك الف عافية و ان شاء الله بنجرب و نشوف و الزين فية انة يطلب لاكن ما يذكي لو انة يطلب و يذكي ولا
يعلف هذي هي المصيبة بنحول المربط مقصبة حمام.

الله لا يخلينا من مرورك اخوي

[مدرب الطير]

نبع الدموع الطير صنيع بمعنى الكلمه مشاء الله واقصر عليه بالعلف

[نبع الدموع]

اخي الكريم تقول أن الطير صحته زينه .. لذا أقول في نظري أن ألأمر بسيط جداً وعادي .. فالطير في مثل هذه الأيام ( وقت الحذف) يبدأ في مرحلة إضطرابات داخلية .. فيقل علفه ويتغير مزاجه وطباعه .. لدرجة أنك لوتقسم السمانه بين طيرين :confused: مايكملونها .. كما أن تتابع العلف على الطير دون حركة يسبب تخمة وقد لايروبج .. وينعكس الأمر إلى أمراض داخلية كالديدان والقلآع .. والحل هو تقديم وجبه واحده صباحاً .. أو مساءاً .. واحرص على تعريضه لأشعة الشمس .. وبعد فترة ستلآحظ بإذن الله تغير ورغبه في زيادة الوجبات :)
يعطيك الف عافية على مرورك و تراني صومتة من البارح و باشوف عشاه اليوم كيف بيكون

لا هنت

[نبع الدموع]

نبع الدموع الطير صنيع بمعنى الكلمه مشاء الله واقصر عليه بالعلف
يعطيك العافية الي مشككني انة صنيع هوا طلبة للعلف و ان شاء الله باذبحة بالجوع و اشوف
للمعلومية هذا قرناسة الثالث عندي و ما قد صارت هالسواهـ ابد لاكن الله يجيب الخير

لا هنت

[بو هاشم]

ويش سالفت هالطيور حتى انا عندي نفس الشي
مع ان علفها طازج ومبرد

[وقاااااد]

نبع الدموع انشاءالله ان الطير مافيه إلا العافيه لاتوسسسسسسسوس
وإذا كان يغدى ويعشى من الطبيعي ان تكون الشهيه مقفله وخاصه انه صنيع ومغلق
فالطير مايروبج ويكنز روابيجه وتنسد نفسه من الأكل والروابيج تظر الطير وتغير مزاجه
فأنصحك ان تترك الطير بدون علف إلى ان تشوف روابيجه وبعده تعطيه وجبه واحده فقط وخلال يومين بتشوف الفرق ويرجع طيرك زي ماكان
تقبل مروري
وقاااااااااد

[ذراع الذيب]

والله اناصارت معي عندي فرخ نفس الوضعية رحت للبيطري واخذت حبوب سبارتكس حبتين يومياً المجموع اربعة وبعد 15 يوم حبتين مضاد حيوي للفطريات والتجبن والآن الله لايوريك ياكل علف طيرين بالنسبة للي يقول الطير مقفل انا اقول اذا الطير حاذف ريش مستحيل يقفل وشكراً.
الله يسلمك نفس الطريقه صارت معي .

[ابوفارس 5350]

نبع الدموع كيف حالك . الغالب في الطيور كذا في مثل هذا الوقت لكن ياليت تشوف اذان الطير ممكن تكون ملتهبه