حيرت العيون - محترف تطعيس -في النقا الكبير

[هواوي]

قبل كم يوم وانا في العاذريه وقاعد في موتري اطالع في البانشيات الي ترقى النقا الكبير الي في لاعاذريه الي يسمونه الهرم قاعد اسال نفسي هل فيه احد يقدر يرقى النقا الكبير بسياره طبعا حتى لو ان الارض غرقاه وانا في خضم ((لاحضوا خضم))التفكير الا وذاك الكروزر والله يا شباب انه يرقا بسهوله ما شاء الله عليه رغم واني حدالس جو ناس بعضهم يجرب ولا فيه امل يرقا وبعضهم ياخذها من قاصرها ول ما يوصل تحت الطعس يطق الريوس ويرجع النقا الصغير


المهم راعي الجيب ما شاء الله عليه سواق والاهم من هذا كله كانوا شله قمه في الاخلاق اهل بر من جد

طبعا الكمره ما تنزل من السياره وصورتهم وطبعا استاذنت منهم اني انزل صورهم واخذ عنوان الموقع المكشات واتمنا نشوفهم هنا على الاقل يردون على الموضوع الي فيه استفسار عن كيف ترقى الطعوس الكبار

وهذي مجموعه بسيطه من الصور والباقي في الطريق

طبعا قالوا بيسجلون في المنتدى بالاسم هذا حيرت العيون (( وينك يا مكشات تراني مسيلك دعايه غير طبيعيه )) حطني عضوا على الاقل حديده :D

اليكم لاصور


http://www.moveed.net/hosted/igqc3a8r26itlptnrtv4vgeeefyp8y1f.jpg

http://www.moveed.net/hosted/gvppyfy3z4gaz9sbjgan2dsjxb22xny4.jpg

http://www.moveed.net/hosted/qk9bf4r9n27oa0i0w4fvxotq4nk0ovi6.jpg

http://www.moveed.net/hosted/rjzzm22iw0re836mkhdwlz4xd0karwi9.jpg


http://www.moveed.net/hosted/4qnfloflmd3gnzl3umv6bn1zea4z49lw.jpg

البقيه تاتي الليله

[جرناس]

اخوي هواوي ما قصرت على الصور ( ما شفت شى )
بس الصور ما يطلعن بالموضوعين هذا والي فيه راعي الشاص

[هواوي]

الاخ لعزيز جرناس اولا اشكرك على المرور على الموضوع

ومن ناحيه الصضور ما طلعت فوالله ما اعرف السبب انا حملتها في الموقع هذا

http://www.moveed.net/index.php

وهو مختص في الصور ما حبيت اثقل على سيرفر المكشات لانه بيكون مليان ذا الايام

ولكن انشااء اله الصور الجديده باحملها في موقع مكشات

\ عموما الصور اذا ما انفتحت فمعناها ضغط على السيرفر حق الشركه ولكن اذا تبي تشوف الصور انسخ عنوان الصوره وحطه في متصفح بتضهر الصور بسهوله

[العليمي]

مشكور اخوي هواوي على الصور الجميله .

ماشاء الله تبارك الله على هذا الجيب .. لاكن فيه بعض الاسئله !!!!

هذا الجيب GX-R صح ..؟؟؟

ثاني شي هل تتوقع انه مسوي فيه تعديل من ناحية المكينه و إضافات ؟؟؟؟


شاكر لك هذا الموضوع ....

[هواوي]

اخوي العليمي السلام عليكم ورحمه الله

اولا اشكرك ععلى المرور على الموضوع والرد

ومن ناحيه الجيب فصراحه ما ادري وشو هل هو جي اكس ار او جي اكس


ومن ناحيه التعديل فصراحه سالت الشباب الي في الجيب قالوا عايدي ماهو معدل لانه كان فيه جيوب ربع وفي اكس ار حاولوا يرقون زيه ولكن ما قدروا ومن نفس المكان بعد

ولكن على ماقال خوي الي يسوق قال ان السواق مقطوع سره في طعس

[العليمي]

مشكور و ما قصرت يا هواوي ...

[الحاتمي]

الغالي هواوي .......... السواق له دور كبيرخصوصا بالنفود لكن السياره دوره اكبر ولا اضن ان الجيب الربع التويوتا يعجز يطلع شي يطلعه الgxr او ال vxr بشرط يكون نفس السواق ماتجيب لي واحد اول مره يطب نفود وتعطيه ربع وتقول طعس؟؟ يبي يطعس لك على التنده:D .. والسلاااااااااااام الحااااااااااااااتمي

[هواوي]

لاخ الحاتمي

اي والله انك صادق انه السواق هو المهم انا معي في اكس ار ولكن ماطلعت عشره امتار الا وهو الى الصاجه مغرز

وفيه ربع كان يحاول ولكن ما فيه فايده

فعلا السواق هو تلغيمه للسياره

[الفرعاوي]

مشكور

ولله تستاهل مهوب حديدة الا سبعين طعش مقص و خمسة و مليون نجمة على هالصور الجميلة

لكن ياخوك شكلك ما قعدت في بيتكم هالخميس و الجمعة ؟:D

[هواوي]

اخوي فرعاوي اي والله كنك داري ولكن من يوم الثلثا وانا من بر للثاني كني منحاش من شي

[حـيّرت العيون]

بعد السلام عليكم ورحمته وبركاته ..
كل عام وأنتم بخير بعد الزحمه
ياليت بس ما أكون ثقيل عليكم وخفيف ظل إن شاء الله
وتشرفت بوجودي بينكم
ما ودي أطول عليكم وأجاوب على اسئلتكم
أول شي معك حق يالفرعاوي الربع قوي ويبيله بس سواق
وأفيدكم إن الجيب اللي معي GX_R
ومافيه أي تعديلات شد بلد مافيه مسمار زياده ...
طبعا اللي ساعد على طلوووع الهرم اللي هو النقاء الكبير
المطر له دوور بالموضوع لاتنسون ..
ماودي أطول عليكم
وأحب اقولكم ياليت تشرفون يوم الإربعاء اللي يجي الظهر إلا بعد صلاة العصر
عند الهرم (النقاء الكبير) أبكون موجود ولي الشرف إنكم تصيرون موجودين
وأحرصوا على إنكم تجوووون منها تتسلون ومنها نشوفكم
يالله فمان الله

تحياتي
حيّرت العيون

[حـيّرت العيون]

معليش فيه خطأ مصبعي نستبيحكم عذرا
أنا قلت الفرعاوي والمفروض اقول الحاتمي
ماصار إلا الخير
وعلى فكره ترا مددنا الوقت إلا المغرب



نشوفكم على خير

[الحاتمي]

حيرت العيون الغالي ترفق ترى الكي بورد ماهب طاره........... خطا مصبعي......... على العموم الله يقويك يوم الاربعاء..... والله يستر عليك......... الحااااااااااااااااااااااتمي

[هواوي]

حيرت العيون هنا ؟؟؟

الف مبروك التسجيل والانضمام الى قافله المكشات الرائعه المليئه بالمبدعين


عموما اخلاص تراني في انتظارك يوم الاربعا وباصورك وباركب معكم ((ايه هين )) وانشااء الله بيكون فيه كثير من المنتدى لانه كل اربعا يصير فيه مسابقه للي يطعسون بالدبابات البانشيات والرابترات

اذا الوعد الاربعاء انشااء الله