طبع الرحول هل يتسنع ولا لا 0

[al_shamere]

يالربع نبي نستفيد منكم بهالسالفه انا عندي رحول مجهم خرب طبعه مره وحده اليامني جيت ابي اركبه تقع اما يمين ولا شمال وسنعته ابهالسالفه كل ما وقعت على جهه بالعصا اليما تسنعت والمشكله الثانيه الي مالقيتله حل اني اليا مني ركبته بس تبرك ماتبي الممشى وماتبي تبعد عن العزبه كل ابعدت شوين تقوم تربع راجعه للعزبه وما تطاوع لايمين ولا يسار وراسه قوي رحت للسودانيه الي بالسوق ابيهم ايعسفونه قالوا صعبه مانقدر ايقولون الناقه ان عاندت خلاص تعسف ناقه جديده اسهل من انك اتعسفه اما الخصي لا طبعه ايتسنع والحين انا امجوعه ابيه تضف غدي راسه يلين شوي وما اعطيه العلف الا بالمفلا واذا عندكم طريقه زينه يالربع لا تبخلون علينا 0

[عين الداب]

اسمع وانااخوك لا تذوق شي لمده ثلاث ايام واربط رسنها في الا رض واسحبه لين تصقع لحيا نها في الارض وبيتها خلا لا تشوف العزبه واركب الرحول كل يوم وتمش عليها ولا انسدحت لا تنز لين هي تتعب وتمل وتقوم واشعبها الظهر لين تنقطع وترا مايطرح راس المطيه الا الجوع والضرب ماينفع يجننها زياده ان نشاء الله تبا تصلح

[al_shamere]

الله يعطيك العافيه انا الي ابي اتاكد منه بس انه هي اتسنع ولا كلام السوداني صحيح خلاص ان عاندت عاندت 0

[al_shamere]

والله ياخوك كل شي سويت فيها جوعتها مو ثلاث ايام خمس ايام ودقيت راسها بالقاع وقمت اطلع عليها لاكن طبعه مره وحده ماله نيه اتسنع واخرته فكيت رسنها واشداده وهديته مع البل والله يعين ابي ادورلي رحولن غيره 0