مقناص فارس2007

[محمد الفهيد]

السلام عليكم ورحمة الله وبركاته
بتوفيق من الله قنصنا ايران قبل عيد الاضحى اانا وواحد من الربع الي اعتبره اكثر من صديق

مانطول عليكم
هذا قبل الرحله بيوم في ابوظبي

طيري الجير ( اهداء الى عشاق الجير - خاصه قنيص غبر) كل الأعتماد بعد الله على هذا الطير حيث ان واحد من الطيور مات قبل السفر بكم يوم ( شناذره وهو مريض = اجازه مدى الحياه

http://www.up.00op.com/data/visitors/2008/05/12/storm_272414727_689071218.jpg


وهذي صوره جماعيه تحدي لأهل الوحوش ههههههههههههههههههههههه



http://www.up.00op.com/data/visitors/2008/05/12/storm_1067949331_709340786.jpg


وتم السفر ثاني يوم عن طريق مطار دبي وكان ابو تميم قبلي موجود هناك ايتخر في الطيور وايضبط الوضع

والحمدالله تم شراء فرخ وقرناس هواا _ طبعا انا الي حجزته واعلنت معاه التحدي بكل قوه

وانا طالع من الباص راكب الطياره قبل الاقلاع بربع ساعه جاني اتصال من بوتميم الي كان المفروض يستقبلني في المطار لأن المنطقه الي انا نازل فيها مايتكلمون عربي ولا انجليزي ( يعني أشر بيدك وصفر لهم )ههههه
المهم كلمني وقال ان الفرخ ضاع منهم الصبح ( الخبر كدر خاطري وقلت له لاتجيني المطار الي طبعا يبعد عنهم ساعتين تقريبا ، قلت خلك لين تحصله
وركبت الطياره والاقلاع كان الساعه 8 الصبخ وأخوكم من البارحه معنوياته عاليه صاحي من 4
المهم طلعت الطياره وانا ادعي الله ايعقل الطير
وبعد ساعه وربع وصلنا ايران ( المشوار المفروض 35 دقيقه بس الطياره بمراوح وعكس الهوا ، اسمع الحنه هههههههه)

وصلنا ايران والربع الي هناك كلوا واحد ما وعيت الا هو داخل علي قال محمد قلت نعم قال اركب . قلت ليش ، ماعرف ايرد ، قلت بس قضيه امنيه الله يستر ( طلع شيعي ومايتكلم عربي والربع تلوناتهم مسكره _ المهم عرفت انهم وصوه وركبت معاه بعد ماضيفني

اخليكم مع الصور

هذا صوره جنب المطار تبين المواقع ، بيعرف مكانا الي راح لها
http://www.up.00op.com/data/visitors/2008/05/12/storm_1303996961_1463757168.jpg


وهذي صوره لبرك الماي عندهم .. سبحان الله في عز الصيف بارده والي سافر لهم هناك بيشوفها بكثره

http://www.up.00op.com/data/visitors/2008/05/12/storm_1278500992_2000190072.jpg


وهذي اللوحه صورتها وهي تخص منطقه عربيه فيها بعض القبايل العربيه الي لازالت موجوده ومنهم قبيلت بني تميم ، والله ونعم استضافونا وكأن حنا في بيوتنا وعند اهلنا ( بيض الله وجوههم - والقارئ)

http://www.up.00op.com/data/visitors/2008/05/12/storm_1880086269_1759854128.jpg


لحظة الوصول ( تم بحمد الله مسك الطير ) واخليكم مع الصور وهذا الفرخ

http://www.up.00op.com/data/visitors/2008/05/12/storm_1665758633_1238797939.jpg


وصوره اخرى له

http://www.up.00op.com/data/visitors/2008/05/12/storm_61181530_2037749663.jpg



وهذا قرناس الهواااا .... ايراني ومدور

اسمحولي الصلاه

بأذن الله احاول انزلها في القريب العاجل

[محمد الفهيد]

المقطع الثاني

هذا قرناس الهوا 16 عرض طول 15,5
http://www.up.00op.com/data/visitors/2008/05/12/storm_1084793320_1804707303.jpg


طبعا وصلت تقريبا على الظهر والتعب كان له دور.

المهم
الجماعه سواا العشا وتعشينا وخويكم مافيه صبر
فسحبني واحد وقال تعال لك شي خاص

شوفوا
http://www.up.00op.com/data/visitors/2008/05/12/storm_400864853_1345669235.jpg


هذي مصيوده يمكن في رمضان وكانت تنباع للي بيعلم طيره تقريبا كانت اسعارها 800 درهم

واخر الوقت باعوها على 200-150

وهذا صوره خاااصه
http://www.up.00op.com/data/visitors/2008/05/12/storm_1003463372_728169538.jpg



وهذا ثاني يوم الصبح طلعنا بس بدون الطيور انشوف القاع الي حولنا
والحمدالله بعد ربع ساعه طاروا قدامنا 4 حباري وشوف الربكه وكان معانا سلاح وقال واحد بيرميها قل لا ذا ماترمى يانصيدها بطير ولا تروح عبور للربع ههههههههههههه
الحمدالله خليناها بس المشكله انهن عبرن الوادي يعني ساعتين لين توصل لها
وخذينا معنا فرخ شاهين ولا حصلناهن
وبعد مارجعنا الطير كان عند واحد والحمدالله بشرنا بها صاد منها وحده والباقي ماحصلهن

وهذي صورتها طايره اي هي اخر وحده زين لحقتها الكاميرا



ورحنا ورمينا بعده حجل فيه مقطع فيديو بس ماعرفت انزله
وهذي صورته طبعا هذا بوتميم ، سني بس يوم رحت ايران تبين العكس ( امزح )
http://www.up.00op.com/data/visitors/2008/05/12/storm_1652297181_1728840282.jpg
والحمدالله الله رزقنا بـ15 كروان في اول يوم وصدنا منها الي قدرنا
هذي اللحظه بالذات لآلالا يسواها اي متعه صراحه


http://www.up.00op.com/data/visitors/2008/05/12/storm_1151708343_1432206259.jpg

وهذا الاعطال لابد منها في المقناص
الله يذكر النيسان بالخير له مواقف لاتنسى

http://www.up.00op.com/data/visitors/2008/05/12/storm_1527147805_2132665021.jpg

[محمد الفهيد]

اسف على التأخير
هذا طبعا في اليوم الثاني تعب معانا قرناس الهوى وريحناه والفرخ ايربب وتوه يهدد له
قلنا بنروح منطقه كان بينا وبين صاحبها اتصال الصبح وذكر لنا انه شاف عشر حباري الصبح الساعه 6 مع بعض . عزمنا وتوكلنا على الله والمسافه بينا وبينهم حول ال5 ساعات قلنا نغير جو ونشوف القاع عشان نقنصها في المستقبل وصلنا عنده تقريبا على العصر تغدينا وطلعنا للقاع نشوفهاوكنا ندور
وجذب نظري شي راح احط له موضوع خاص في المستقبل وأتمنى انه محد سبقني عليه
محباله للحباري ___ هذا الشي هو الي خلاها تنقطع عنا ويوم توصل لنا توصل قليله من كثر الصيد

اخليكم مع الصور

http://www.up.00op.com/data/visitors/2008/05/13/storm_313858219_1727076897.jpg

وتفاجأنا بأن الحباري ماكانت موجوده وكنا نحصل ريشها لألأسف تبين انها مرميه بسلاح وحصلنا مكان ثلاث منهم مصيودات والباقي ماله اثر ، تعرفون من الي رماها واحد صاحب حراثه يحرث الارض وينثر الحنطه عشان يزرعها والحبارى ترعى وراه وتاكل الحنطه موالفه الجرار ومابينها وبين اثر التاير الى متر ايمد الشوزن ويرميها

الله يعوض

المهم عزمنا وسرينا في ليلنا وحصلنا هذاعالطريق
قلنا نوصله معانا

http://www.up.00op.com/data/visitors/2008/05/13/storm_2130084581_22645489.jpg

ورجعنا لمحلنا بعدها

وطلعنا ثاني يوم وللأسف نسيت الكاميرا ماخذيتها معانا وكان واحد من الربع هاد الصبح على وحده بفرخ شاهين فصيل والحمدالله توفق فيها

واحنا كملنا وحصلنا لنا كروان وتوفقنا الحمدالله وعزلناه حي للفرخ علومه لايفوتك الحجم

http://www.up.00op.com/data/visitors/2008/05/13/storm_1090903028_1370488466.jpg



وهذا القرناس ايبين عليه التعب

http://www.up.00op.com/data/visitors/2008/05/13/storm_544778064_113009943.jpg


بدون تعليق ......

http://www.up.00op.com/data/visitors/2008/05/13/storm_1139370066_1143870759.jpg



أكبر كروان مر علي في حياااااتي

http://www.up.00op.com/data/visitors/2008/05/13/storm_138564198_737064616.jpg

[محمد الفهيد]

وهذي الصور الاخيره
بضيفها

طبعا انا صار عندي ظرف ورجعت بدري. وكانت فعلا رحله قنص ماتنسى
والحمدالله

هذي صورة بوتميم . ألا يحلل الحبارى بنفسه ههههههههههههههه
زين ماشرب منها بعد وكانت خربه اثنين ماشالله عليها
شوف الفرحه
http://www.up.00op.com/data/visitors/2008/05/13/storm_1662588233_308850003.jpg



http://www.up.00op.com/data/visitors/2008/05/13/storm_1471457536_1618680007.jpg


اتمنى ان الله وفقني في طرح ماهو ممتع واسمحوا لنا على الاطاله والسرد وذلك عشان ( تعيشون الجو )


تقبلوا تحياتي اخوووكم
محمد

[أبو فيصل]

بيض الله و جهك يا محمد وأنت الصادق الصلاه الظاهر التوقيت واحد

[جارح العين]

الله يعطيك العافيه عالصور الحلوه
لاكن بعد الصلاة تجبلنا باقي الصوررر

[المان العرب]

مشكوووووور على الصور الطيبه وفي انتظارك
تقبل مروري

[501]

ما قصرت ما بعد التعب الا الراحه و وساعة الصدر
يعطيك الف عافيه

501

[قلب شاهين]

بيض الله وجهك ،،

وكفو والله يامحمد ،،

في أنتضار باقي الصور ،،

تحياتي / قلب شاهين ،،

[ابو وافي00]

السلام عليكم ورحمة الله وبركاته
بيض الله وجهك على الصور000

[المان العرب]

يامحمد كمل صور ياخي تراك حمستنا ههههههه مشكووووووور على الصور الطيبه ونحتري الصور صيد اطيورك
تقبل تحياتي

[محمد الفهيد]

بأذن الله باكر بنزل الصور الباقيه
لأني انشغلت
تقبلوا تحياتي

[عين النداوي]

الله لايهينك يامحمد عزالله اني عشت الجو مع الصور والشرح

وبارك الله فيك وتستاهل النوماس

تحياتي لك

[الزعـبي]

يا خوي اخلص علينا ما يصلح صور بالاقصاد عطنا كاش

.................

[نايف الخالدي]

هلا والله يابوجاسم
حي ذا العين من شوقك وشوف المطوع لكم وحشه والله
صور طيبه من رجال اطيب
بيض الله وجهك

ولاتتاخر علينا بالباقي

[فارس 74]

صور اكثر من رائعه

ونطمع بالمزيد

شكرا لك

[وحيشان]

بيض الله وجهك علىى الصور الرائعة موفق خير انشالله

[فرخ الشياهين]

يعطيك ألف عافيةوبيض الله وجهك ومشكور وماقصرت وتقبل مروري

[بو هاشم]

يعطيك العافيه كفو والله من اهلها
والله يرزقنا

[طيرحوران]

بيض الله وجهك يامحمد على هذا التقرير الشيق
وخاصه انك اثنيت على بنو تميم في ايران
مشكور

[راعي ام عشر]

تستاهل الخير00من هالفال وأطيب يارب00
وعقبال مانروح لهالديار الطيبه000

[أبو رداد]

وعليكم السلام ورحمة الله وبركاته


مقناص طيب
وصور حلوه
وسرد رائع
في انتظار باقي السالفه والمقناص
تراك عذبتنا يابوجاسم :mad:

[المري]

الله يعودكم على الصيد والفيد...

وصحيح ايران مكان كثرة الحبارى بس ....!! الله يستر

اخوك -بومعيض

[محمد الفهيد]

ابوفيصل : ووجهك ابيض انشالله
ألمان العرب : شاكر مرورك
جارح العين : شاكر مرورك
قلب شاهين : ووجهك ابيض
501 : يعافيك ربي
ابو وافي : الله يبيض وجهك

[محمد الفهيد]

عين النداوي : تعمدت الشرح والصور التفصيل الممل عشان تندمجون شوي
الزعبي : أبشر بأذن الله قريب
نايف الخالدي : يامرحبا يابو أحمد ، تمنيتك والله معانا ومعاوض خير انشالله
شايف خير : مرحبا وابشر انشالله
وحيشان :شاكر مرورك الكريم
فرخ الشاهين :الله يعطيك العافيه
بو هاشم : ماعليك زود الله يطول عمرك
طير حوران : ووجهك ابيض ، كل واحد يمدح مايواجه وعزالله تنشرى معرفتهم
راعي ام عشر :شاكر مرورك الكريم
ابو رداد :شاكر مرورك وأبشر بالخير

[كاتم الشكوى]

صور أكثر من رائعة بارك الله فيك

[همس الرعد]

مشكور اخوي والصراحه موضوع متميز وبيض الله وجهك

[المزروعي]

بيض الله وجهك على هذا التقرير الممتع .

[قرناس ارامكو]

بيض الله وجهك على هذا التقرير الممتع واصور الحلوة

واللة يرزقكم الصيد الوافر أنشاءاللة
تقبل مروري

[نايف الخالدي]

يعطيك الف عافيه بو جاسم
احجزلي معك الزمان الجاي الضاهر اني فاضي
ونشتريلنا فرخ من هناك
ومشكووووووووووووور على الموضوع وماقصرت وسلملي على نفسك وعلى المطوع يابوجاسم

[ذراع الذيب]

صايد وفايد ماشالله تبارك الله
حنى في انتظارك.........

[المان العرب]

ماشاء الله تبارك الرحمن مشكووووووور على الصور الطيبه

[قعقاع التميمي]

الله يعطيك العافيه

[بن غريبي]

ماشاء الله تبارك الله بيض الله وجهك على الصور ومشكور وماقصرت

[al7ur al29eel]

صور اروع من الرائعة وتعليق احلى من الحلو وشكرا علىالموضوع الطيب مثل راعية

[محمد الفهيد]

كاتم الشكوى : شاكر لك مرورك
المزروعي : ووجهك ابيض
نايف الخالدي : لنا الشرف يا بو أحمد لك بارز أول الوقت خوتك تنشرى، سلامك وصل يالغالي
قرناس ارامكو : وجهك ابيض انشالله
المري : شاكر مرورك يابو معيض
ذراع الذيب :حياك الله وشاكر مرورك
المان العرب :شرفتني متابعتك الدائمه
قعقاع التميمي :يعفيك
بن غريبي : حاضرين طال عمرك
الحر : يامرحبا وماتشوف شر سلامات

[أبو رداد]

عاشت ايدك يابوجاسم
سرد رائع وصور ولااحلى
وهذا الكروان صحيح غريب
يمكنه مهجن هههههههههه
http://www.up.00op.com/data/visitors/2008/05/13/storm_138564198_737064616.jpg
تم تجميع الصور في الصفحه الاولى
ليتك تحمل الصور على مركز مكشات علشان نضع للموضوع رابط مع المقانيص المتميزه

[الفيتو]

بسم الله الرحمن الرحيم
السلام عليكم ورحمة الله وبركاته
صباح الخير ياخوي / محمد الفهيد
مــــــــــــــــــــــــشــــــــــــــــــــــــ ــــــــــــــــــــــــكـــــــــــــــــــــــــ ــــــــــــور
على ما امتعتنا به ... مقناص زين وراعيه وزين وربعه زينين وفي ارض زينه
وش ردك بدري يوم زان المقناص وأنت ترد الله يهديك .. ضيقت صدري
هالوحش لازم تخاويه على الأقل شهر ..الهديه عزالله جت في
وقتها حباري;) عارفين لك :D وفرخ الشياهين
غرض روق عقب صاد ماجا مثله في مقانيص
الخوف طيري موتي ..عيشتنا الجو
مافيه شك لدرجه إني
تخيلت فرخ الحر على يدي اتفقد ريشه أول الوصول
وتخيلت نفسي سواق الحراثه
حتى خراب النيسان كني عارفه بغيت اقول شوفوا الطرمبه
وهاوشت اللي زاد الكبسه ماء الله يهديه ما عبر الماء زين من البدايه
والحباري ضقت من اللي ذبحها ليه ما ذبحها تحت الفرخ والا القرناس
والا خلى الفرخ الشاهين تغارمها ...
جعل الأيام الزينه تعود سنين وسنين عليك وانت طيب ومتعافي
*
والسلام
الفيتو
الحجاز
10/5/1429هـ

[ســـــــنافي]

يعطيك العافيه مقناص ولااحلى

[أبوتركي]

كفو والله ...

[محمد الفهيد]

ابو ردااد : مرحبا مليون وشاكر لك ترتيبك للموضوع ، والله مشكله اذا الكراوين ماسلمت من التهجين بالنسبه للتحميل ما اعرف كيف ارتب تحميل الصور على مكشات ( مانستغني عن خدماتك)
الفيتو : هههههههههههه العين ماتعلى على الحاجب ، وبخصوص الكبسه في بدايتها والطرمبه سليمه وبالنسبه للحراثه بنتخاشر فيها.
سنافي : شاكر مرورك
ابو تركي : يامرحبا

[ابو عايد]

السلام عليكم ورحمة الله وبركاته

تشكر على الموضوع الرائع في السرد والتقاط الصور الرائعه

تسلم يالغالي وسعت صدرنا في هذه الموضوع الطيب يعطيك ألف عافية

ولا تنسانا من مواضيعك الطيبة

[مغرم مقناص]

محمد الفهيد بيض الله جهك على هذه الصور الرائعه والتقرير الجميل

[قناص الفيافي]

ما شاء الله مقناص طيب

[محمد الفهيد]

بو عايد : حياك الله وشاكر مرورك الطيب
قناص الفيافي :شاكر مرورك
مغرم مقناص : ووجهك ابيض يالغالي

[مخاوي الخير]

جزاك الله خير

موفق بإذن الله