عله في طير00ماحلها برأيك؟؟؟؟

[راعي ام عشر]

السلام عليكم00
من الطيب يكون معك طير طيب يعني يشفي غليلك لاهديته
لكن اذا كان هالطير فيه عله لاتحتمل ألا وهي (الوقه)الصيحه000
برأيكم لها علاج أو لا0000
أتمنى طرح آرائكم 000وشكرا00

[وهاج90]

يعطيك العافيه ياراعي ام عشرالصيحه انواع وفي اوقات يصيح فيها الطير ياليت توضح متى يصيح الطير عشان نقدر نفيدك اذا كان عندنا علم

[المان العرب]

انا ياطويل العمر ان كان طير سبوق ويلحق ماعندي مشاكل في صيحه
هذا راي
تقبل مروري

[نبع الدموع]

و عليكم السلام و رحمة الله وبركاتة

في علاج بسيط يمكن يفيدك و هوا بخاخ الماء كل ما جيتة و قربت العلف و
شفت الطير عندة نية للصيحة (صاير خبير صياح) رشة بالماء فترة استمر
على هالحال و ان شاء الله انة بيعقل.

اسلفك طير من الي تصيح عندي عشان تحمد الله على طيرك؟؟ ههههههههه

[al7ur al29eel]

انا رايي من راي نبع الدموع و مشكور ع الموضوع وما تقصر

[راعي ام عشر]

اشكر الجميع على تفاعلكم0000
الصيحه عند بعض الطيور تكون ملازمه له دائما000 عند العلف00
اذا قربت منه وهو على الوكر00 في السياره00

[alajmi110]

والله يا الربع انا اتوقع ان الصيحه طبع في بعض الطيور
وهذي الطبيعه ما اظنها تتغير الا ما رحم الله

[وهاج90]

انا اقترح انك تحاول انك ماتخلي الطير مفرع الى بوقت المقناص واذا كنت تبي تهده لان مالها علاج الى انك تنسيه الصيحه وماراح ينساها وهو كل يوم يصيح والله اعلم

[قلب شاهين]

ياهلا فيك يالغالي ،،

شوف طال عمرك الصيحه لها أسباب :

1- اذا كنت حاط طيرك مع طير ثاني صياح بيخرب طبع طيرك ويصيح .

2- اذا كنت مروع طيرك من شي او تسحب منه العلف بدون ماتعزل للطير .

3- اذا جوعت الطير زياده عن اللزوم خصوصا الشياهين .

فحاول انك تتجنب هذي الأشياء ،،

وبالنسبه لطيرك هالوقت ذا خله يصيح لين يشبع لكن لانقلته حاول كل مايصيح بخ عليه مويه ، وانشاء الله تفيد ،،

تحياتي / قلب شاهين ،،

[عين النداوي]

السلام عليكم ,,


الله لايهينكم يالربع


وانا اوافق اخوي قلب شاهين في كلامه

نعم الطير مايصيح الي من هاذي الاسباب وعندك صيحه الولف وهي مهي صيحه يسمونا كرك بس لتوصيل المعلومه

وكركه الولف حتى لاصار طيرك على يدك مبرقع وناقله تلقاه يكرك وعلى حسب معلوماتي ان الكركه هاذي مالها علاج

لاكن اذ1 كانت صيحه خوف اليامنه خلص قرناسه انقله وكثف النقل عليه ون شاء الله انها تبي تروح عنه

والله اعلم

تحياتي لك

[قشاع الرمث]

السلام عليكم ورحمة الله وبركاتهمساكم الله بالخير والله يا اخوك ما ودي اضيق صدركولاكن لا تتعب روحك اسباب الصياح معروفه وهي تنزيل عدة الطير بالحيل وسحب العلف واذا تروع الطير ( يعني انظرب ) وبعض الطيور سبب صيحته البساس ( القطاوه ) ...طبعا اتكلم عن الاصايل مهو التفاريخ .ولاكن جواب سؤالك للاسف اي طير يصيح ماله علاجابدا ابدا ابدا وممكن تخف شي بسيط مايذكر اذا احسنالتعامل مع الطير لاكن سالفة انها تروح مستحيل .ولاكن مدام طيرك طيب بلحيل مالك الا واحد من اثنين يا تشري سدادات اذان ويعينك الله يا تقلعة تفتك من شرهلان الطير الي يصيح يفشلك عند الناس وطبعا يعدي الطيور الي حوله .وعسى الله يعين ...

[المان العرب]

عطاك العلم اخوي قشاع الرمث وغير اقصور بااخوانا الاعضاء

تقبل تحياتي

[راعي ام عشر]

يعطيكم العافيه يالربع على آرائكم كلا بأسمه0000

[حمدان؟]

صبحك الله بالخير نصيحه لاتعب نفسك اسئل مجرب ولا تسئل طبيب لاتحاول كان الطير غالى الله يعينك على صياحه وكانه كيف انت كيف حالك صل فى امراحه وتقبل مرورى ................. اخوك حمدان

[قنيص غبر]

انا رايي من راي قلب شاهين في اسباب الصيحه ..
وانا واعوذ بالله من كلمة انا . لو جاني طير صياح . ماشيله اطرشه لاي حد او اني ابيعه . اعتقد ان هذي الصيحه غير مرغوبه في البرزه ومجالس الصقاقير . بحيث يووم تجلس عند عرب وكلن شايل طيره ومفرع عنه وراكد . وجيت بينهم وفرعت عن طيرك او حتا بدون ماتفرع بدى يصيح ! بيتضايقون اللي حولك . لان هذي ممكن اتعلم طيورهم الصيحه ..

هذا رايي

وشكرا

[بو هاشم]

والله انك جبتها على الجرح
عندي طير فاعل وسبوق وصايد
بس انه مجنني في الصياح
واول الوقت ماهمني صيحته بدامه صايد وسبوق
بس البلا ان الطيور الثاني قامت تصيح مثله ويمكن اني افرط فيه بسبت ها لصيحه
مع انا جاء وقت انقطعت هالصيحه وانا قانص بس يوم رجعت ارجعت معه

[بعيد الشوح]

اركد عليه بل حيل مثل الشيبان اذا جو يهدون واذا جو يبرقعون واذا جو يعزلون واذا جو يكرمون بوز الطير
"انا من وجهت نضري لونه صفارت انذار ويلحق معلي منه"

[bo jara7]

السلام عليكم
الصيحه في بعض الطيور طبع وانا عندي طير طياره طيب وفعله طيب ولكنه يصيح عالعلف
بس وقت النقل ينساها اما الحين في المربط عز الله من يشوفني مقبل عليه صاح
اذا فعله طيب خله ترا ماتضر ولكن بعض الصقاره ما تحب الصيحه

[أبو فهد العيد]

والله اذا الطير (فعله زين ومسكت).
ماتهمني صيحته..

[سنجااار]

اخوي نادر من الطيور الي تعافى من اصيحه وعاد الله يعينك اما نك تحمل ولا السوق ينتظره
والله يعوضك بأخير منه

[ذراع الذيب]

الرياجيل الله يعطيهم
العافيه ماقصرو.........