المساعد الشخصي الرقمي

مشاهدة النسخة كاملة : تقطيع الحبال الصوتيه عندلطير الصيوح


ابوفارس 5350
13/05/2008, 01:57 AM
السلام عليكم و رحمه الله وبركاتة

انا مر علي العام الماضي طيرين وكانوعلى كلام اهلهم فيهم صيحه وبعد عمليه تقطيع الحبال الصوتيه في مستشفى الطيور في الامارات راحت الصيحه انا شفت الطيور وكان الطير يفتح البوز بيصيح ويخرج هواء فقط وبدون صوت نهائي كان اشكل غريب على فتعجبت فحاولت معرفت الطريقه بضبط من له معرفه فلايبخل علينا وخاص الاخوان في الامارات وهل فعلن تجراء عمليه لي تقطيع الحبال الصوتيه لطير
alajmi110
13/05/2008, 02:00 AM
يا مرحبا يا ابو فارس حنا نسمع هذي العمليه من زمان
وقالو ان المستشفى اللي في الرياض يسويها ايظا
ولكن ما ادري وش اضرارها
الوايلي100
13/05/2008, 02:32 AM
السلام عليكم

اخواني هل هو جائز شرعاً مطلب مهم
فارس 74
13/05/2008, 02:45 AM
شكرا علي الموضوع و ياليت اللي عنده فكره عن الموضوع يعلمنا
ابوفارس 5350
13/05/2008, 11:24 AM
يا مرحبا يا ابو فارس حنا نسمع هذي العمليه من زمان
وقالو ان المستشفى اللي في الرياض يسويها ايظا
ولكن ما ادري وش اضرارها
مرحبابك اناكلمت مستشفى فهد بن سلطان الصقورمافدون بشي فاذكرت السلفه لدكتور فقل ممكن في ابو ضبي
الشقب1
13/05/2008, 11:32 AM
السلام عليكم اشكرك على الموضوع ....
بس مااا يضر الطير الصيحه يضر الفعل وخلقت ربي احسن من انا نعذبه بقطع صوته اذاً قطعت صوته حكمت عليه بالوحده وعدم التكاااثر في الطبيعه في المستقبل . هذا راااي
بو هاشم
13/05/2008, 11:46 AM
والله ياليت تعطون خبر يا اهل الخبره تكفون
انا عندي طير مسكت وسبوق وصايد الثلاث بس عيبه الصيحه
قشاع الرمث
13/05/2008, 11:50 AM
السلام عليكم ورحمة الله وبركاته

صحيح شفنا طير قبل اربع سنين
يفكفك ببوزه يبي يصيح لاكن ما له صوت
وسالنا قالو مقطعة حباله الصوتية .

وانا ما اعتقد ان فيه شي زي كذا ...
قنيص غبر
13/05/2008, 12:49 PM
صراحه اشرفلي اني افك سبوقه ولا اني اقطع احباله الصوتيه . واسمحولي هذا اللي يسوي هذي السوايا قليل حيله وقلة معرفه .. يا ناس وشوو خانة الطير اذا ماسمعت صووته لما تجيه تقوول يرحبك . او انه يفتن لما اطير حباري من قدامه اتقوول يتوعد .. استغفر الله اقطع احباله !! وش باقي بيجيكم يووم بيسوون عمليات تجميل وسيلكون للشكل الخارجي ! او تشقير !
501
13/05/2008, 01:02 PM
يا خوي ويش ها الحيل فيه الف شغله وشغله لصياح الطير
خل عنك قطع الاحبال
و
السوالف هاذي الطير الي ما ينقل مضبوط وما ينصقر
ويش انت هاقي منه تبيه اول ما تقربه ساكت اكيد راح يكفخ ويصيح
الطير يبي له نقل وتدهيل مظبوط
لا قطع احبال ولا خرابيط

وانا مع قنيص غبر

ويا اخوي جرب وشوف النتيجه بنفسك
حنا مرت علينا طيور مصقوره تمام التمام بس من قل نقل الطير والمسح عليه تقول وحش
ويصيح

تقبل ردة فعلي

501
الفيتو
13/05/2008, 01:19 PM
بسم الله الرحمن الرحيم
السلام عليكم ورحمة الله وبركاته
مساء الخير ياخوي / ابوفارس 5350
تصدق أقرا ما كتبت وانا حزين على وضع الطيرين اللي تقول ..وفي نفس الوقت
خايف تنتشر هالثقافه السيئه بين الصقاقير ..وينفذونها ضعاف النفوس
من المستشفيات ..
أشكر كل من شجب هالطريقه
وعلى قول اخوي قنيص غبر ( أفكه ولااسوي هالسواه )
وأخوي 501 كلامه عين العقل .. اما اللي يقطع حبال الصوتيه هذا مفلس
ويذكرني.. بانظمه تكميم الأفواه ويبدو آثرت على بعض الشعوب حتى
طبقوها على الحيوانات والطيور,,,,,
*
والسلام
الفيتو
الحجاز
8/5/1429هـ
أبو رداد
13/05/2008, 02:18 PM
وعليكم السلام ورحمة الله وبركاته

1 / ماعندي فكره عن موضوع تقطيع الحبال الصوتيه
2 / الصياح عذروب ويخرب باقي الطيور
3 / افضل علاج مثل ماتفضلوا الاخوه التدهيل ثم التدهيل ثم التدهيل ولاتضعف الطير وتكرهه في حياته وتخليه يصيح
4 / مشكور على الموضوع
راعي عساف
13/05/2008, 06:41 PM
انا ضد هالشيء مع اني شفت طير مقطعين احباله الصوتيه ,ولكن الموضوع يبي له فتوى والله اعلم
ابوفارس 5350
13/05/2008, 06:42 PM
حياكم الله
كلن بسمه وشكرتفاعلكم مع الموضوع لكن هل فعلن موجوده هذي العمليات ننتضر ردودكم
يشرفني مروركم جميع
راعي عساف
13/05/2008, 06:58 PM
حياكم الله
كلن بسمه وشكرتفاعلكم مع الموضوع لكن هل فعلن موجوده هذي العمليات ننتضر ردودكم
يشرفني مروركم جميع
حياك الله ابوفارس نعم الشي هذا موجود وانا شفت طير واحد من الربع قبل اكثر من عشر سنوات

ماخذه من الامارات
المان العرب
13/05/2008, 08:45 PM
اضم صوتي مع اخوي قنيص غبر عزالله صدق

تقبلوووو تحياتي
نبع الدموع
13/05/2008, 08:54 PM
يعطيك العافية و انا مع اخوي قنيص غبر
أبو فهد العيد
13/05/2008, 09:04 PM
يااخوي، انا بصراحه مثل هالأمور تضيق الصدر،ومهوب حل انك تقطع الحبال الصوتيه،هذا أولا"،
ثانيا":مايجوز شرعا مثل هالشي.
وبيني وبينك اللي يحب الطير وعاز شانه.مهوب مطاوعه قلبه يقطع الحبال الصوتيه.يطلقه ولايوذي الطير.
هذا الي يحب الطير.
اما الي ماخذها هوايه ومجرد تسليه.فهو مهوب محسب للطير والشي الي يوذي الطير.
أبو فهد العيد
13/05/2008, 09:10 PM
يااخوي، انا بصراحه مثل هالأمور تضيق الصدر،ومهوب حل انك تقطع الحبال الصوتيه،هذا أولا"،
ثانيا":مايجوز شرعا مثل هالشي.
وبيني وبينك اللي يحب الطير وعاز شانه.مهوب مطاوعه قلبه يقطع الحبال الصوتيه.يطلقه ولايوذي الطير.
هذا الي يحب الطير.
اما الي ماخذها هوايه ومجرد تسليه.فهو مهوب محسب للطير والشي الي يوذي الطير.
المزروعي
14/05/2008, 09:03 AM
وعليكم السلام ورحمة الله وبركاته ....

مستشفى أبوظبي للصقور لا يقوم بقطع الحبال الصوتيه للطير مهما كانت الأسباب و لن يفعلها أبدا !!!!!
أما صيحة الطير فلها أسبابها و أعتقد ممكن معالجتها . و أعتقد أكثر أسباب صيح الطير بسببين !!
ألاول . إنزال وزنه بطريقه كبيره !! وبعدها متى شاف الطير العلف يبدأ بالصياح بسبب الجوع
الثاني . كثرت إمساك الطير وإعطائه الأدويه او الحبوب للعلاج با الفم بالقوة . وهذه حادثه رأيتها بنفسي !

طبعا أنا أتكلم من واقع تجربتي !!
وقاااااد
14/05/2008, 10:45 AM
اول مره اسمع بتقطيع الحبال الصوتيه
وانشاءالله ماتكون صحيحه
وبصراحه ضاق صدري على شان الطيور اللي تقولون مقطعه عندها الحبال الصوتيه
والطير له مكانته وله حقوق واللي يبخصه وفعلا صقار مستحيل يسوي هالشي فيه
تقبل مروري
وقااااااد
ابوفارس 5350
15/05/2008, 01:29 AM
حياكم الله
كلن بسمه وشكرتفاعلكم مع الموضوع وانا معكم ضدهذي الطريقه البشعه
وشكركم على الغيره القويه على الطيور الله يعطيكم العافيه جميع وعسى فالكم الطيور الطيبه