الإكستريما 2

[mutleb]

السلام عليكم ورحمة الله وبراته


ياشباب أبشركم شريت الجزلة الإكستريما والحمد لله من أفضل ماجربت

لكن قال لي واحد من الشباب لازم ترهمه علشان تطلع مضبوطة

وأنا خايف عليه صراحة

وش رايكم هل الترهيم مناسب أو يضر البندق ؟؟

تحياتي لكم

[الضاحي]

مبرووووووووك الشيخة وعساها في الشحم والله يطعمك من صيدها ويكفيك شرها

نصيحة لوجه الله .... لالالالالالالالالالالا ترهم اي شي فيها

هي شيخة من غير ترهيم ولاتخسر فلوسك او لاقدر الله عمرك

استمتع بها وانا اخوك وخلها شد بلادها

[ردن]

الف مبروك

الترهيم من اي ناحيه

عمومآ الاكستريما 2

مايحتاج ترهمها
بس روح للهدف واشترى اجراب لها
قيمته 120 ريال :good:

ومبروووك

[سليمان السرحاني]

مبروكه انشالله عليك ويعطيك من خيرها ويكفيك شرها ويزقك الشحم فيها
وانت من وين انت ممكن وكم سعرها اذا انت قريب مني ابي لي وحده وكم انش هي
هل هي خشب او فيبر
تقبل مرورررررررررررررررررررررررررررررررررري

[ابوفهيدان]

ابتعد عن الترهيم دامها جديدة وانا خابر الاكستريما مايمكن تترهم باي شي
والترهيم خله للبنادق القديمة والمكسورة والخربانه وخاصتا اللي مالها قطع غيار

[sal7]

الف ألف مبروك

لكن اللي نصحك ما بغالك الخير أو أنه جاهل

الاكستريما2 من أفضل البنادق رمي هذا من ناحيه و كذالك ما تترهم بسبب أنها غازيه
وإذا رهمت فصعب أنه يتقن التركيب

و الناس تشتريها عشان انها ما تبغى ترهيم

[mutleb]

مبرووووووووك الشيخة وعساها في الشحم والله يطعمك من صيدها ويكفيك شرها

نصيحة لوجه الله .... لالالالالالالالالالالا ترهم اي شي فيها

هي شيخة من غير ترهيم ولاتخسر فلوسك او لاقدر الله عمرك

استمتع بها وانا اخوك وخلها شد بلادها



الله يبارك فيك وانا أخوك

مشكور على المرور والنصيحة

[mutleb]

الف مبروك



الترهيم من اي ناحيه


عمومآ الاكستريما 2


مايحتاج ترهمها
بس روح للهدف واشترى اجراب لها
قيمته 120 ريال :good:



ومبروووك




الله يبارك فيك

الجراب شاريه قبل ماآخذه ;) ;) ;)
(( مجهز العصابة قبل الفلقة ))

مشكور على مرورك أخوي

[mutleb]

مبروكه انشالله عليك ويعطيك من خيرها ويكفيك شرها ويزقك الشحم فيها

وانت من وين انت ممكن وكم سعرها اذا انت قريب مني ابي لي وحده وكم انش هي
هل هي خشب او فيبر

تقبل مرورررررررررررررررررررررررررررررررررري




مشكور على مرورك يالغالي

بالنسبة لي أنا من القصيم بس ساكن بالخرج

سعره (( 10500 ريال )) غالية بس ماعليه تستحق

الإنش 30 إنش وتقدر تحطه 32 إنش
بس نصيحة للجميع لاتحط لأني عرفتله خلاص تعودت عليه
والشباب ماقصرو

بالنسبة لللشكل الخارجي أنا كنت أدور الشكل الي يسمونه (( الكاموفلاج ))
وأبشرك لقيته علشان كذا غالية ومعه جميع معداته وأغراضة .
شكله يكون مزخرف بطريقة عجيبة وجميلة مب بني ولا أسود مدري وشلون لونه
لاني ماأعرف بالألوان كثير .......... هههههههه

بالنسبة لطلبك أخوي شقاوي الشمال
الصراحة أنا موصي واحد من الشباب يجيبه لي وبعد جهد جهيد وافق
وقال لي لاتعلم أحد من وين جبته علشان كذا
اسمحلي ماأقدر ...... اسمحلي أخوي

تقبل خالص تحياتي أخوي (( لاتزعل ))

[mutleb]

ابتعد عن الترهيم دامها جديدة وانا خابر الاكستريما مايمكن تترهم باي شي
والترهيم خله للبنادق القديمة والمكسورة والخربانه وخاصتا اللي مالها قطع غيار


صدقت أبو فهيدان

مشكور على مرورك يابعدي

[mutleb]

الف ألف مبروك

لكن اللي نصحك ما بغالك الخير أو أنه جاهل

الاكستريما2 من أفضل البنادق رمي هذا من ناحيه و كذالك ما تترهم بسبب أنها غازيه
وإذا رهمت فصعب أنه يتقن التركيب

و الناس تشتريها عشان انها ما تبغى ترهيم


مشكور مشرفنا على طلتك ونصيحتك
لكن مابغالي الخير وجاهل أحسه قوية شوي
الرجال قال اللي يعرفه وماقصر ويوم قلتله قال لي صدق الترهيم
يضر البندق ؟؟؟ قاله وهو مندهش

مشكور على طلتك وإبداء رأيك

[الرادار الاسود]

اخوي بلا ترهيم وخرابيط
اسمع كلام الشباب كانك تطيع وتسمع الشور

(الكلام الي يقولون عنه تروح يمين او يسار او فوق اوتحت بعد 30 متر من السبطانه ماركبت على المكينه صح او فيها انحراف في السبطانه من جهة المكينة )هذا كلام فاضي

خذالعلم من اخوك انا عندي مموهه 30 انس

شف كانك ترمي باليمن عدل الاخمس ال DX

وكانك ترمي باليسار عدل الاخمس ال SX

اذا كنت تعرف الاخمس حلو

وان ماعرفته رد

وتقبل تحياتي

[mutleb]

ما أعرفه وشو

[سماء نجد]

طيب موضوع حلووو
يالربع انا ناوي وحده بس واش افضل نوع فيها ؟؟؟؟
يقولون الفيبر وناس يقولون لا الخشب احسن بالله وش الافضل لاهنتم جميعا.

[أبوقزاز]

مبررررررررررررررررررررروك والله يطعمك خيرهااا ويكفيك شرهااااااا


وتستاهل كل خيررررررر

[قسوره2006]

ما شاء الله تبارك الله


الله يطعمك من خيرها ويكفيك شرها


ولا انصحك تركب جراب

اذا انت كثير رمي وتقنص بها وترمي طيار

لا تركب جراب

ركب جراب على من اسفل البندق وجاي حتى الحذوه

لأن الجربا راح يسكر عليك الجسر

وحلات الرمي وتحديد الوقع واصابة الهدف

بمشاهد الجسر واسأل الرمايه

وانت بكيفك

جربناها بجراب وادك تمزعه واقت الرمي يقهرك

واسأل من جرب


ولا ترهم بها شي ولا يهمك احد البريتا شيخه وملكة الشوازن

ومهما حط فيها من دراهم تستاهل


اذا ناوي تركب وتبي السوق


ركب تشك (( اكسترا فل )) وشف السوق

وخابر لك اضوق من الأكسرا فل السبشل 660 ضيق جدا


والله يكل على مافيه خير لك

[ممتر البران]

لا ترهم شي يمكنه يقصد البنلي السوبر او ان اللي معك سوبر وهذا شي ثاني
تحيتي لكم
ابو سعد

[صامل الهدات]

ماشاء الله الله يطعمك من خيرها ويكفيك شرها

وبالنسبه للترهيم جميع الغازيات ماترهم ومن ضمنها

الأكستريما

يعني الي قال لك رهم ماعندة سالفه وأتوقع أنه مايعرف الغازية والعادية هذا يسمع بالترهيم
وتقبل مروري

[النداوي HZ2AF]

مبروك والله يعطيك من خيرها ويكفيك شرها

[mutleb]

سماء نجد
مشكور على طلتك يابعدي
بالنسبة للنوع أنا اللي أخذته يسمونه الكاموفلاج يعني لا هب فيبر ولا خشب مدري وشي ..ههههه
تلقى شكله بموضوع(( طريقة تنظيف الإكستريما 2 بالصور )) هي مثل اللي معي
...............................................
أبو قزاز
مشكور على طلتك والله يبارك فيك
..............................................
قسورة 2006
مانب مركب جراب لاتخاف
ولنب مرهم لانه يضر البندق
............................................
ممتر البران
صدقت يابعدي
مشكور على طلتك
..............................................
صامل الهدات
مشكور على طلتك
...........................................
النداوي hz2af
مشكور على طلتك

[وصل وجفا]

مبرووووووووووووووووووك الجزلة

يعني الحين انا وانت ماخذين من نفس القبيله ياعديلي

الله يعطيك من خيره ويكفيك شره

اخوك (( وصل وجفا ))

[بن عيد1]

السلام عليكم
تدرون كثير من الشباب يذمون مايمدحون البنادق الجديده مثل البنلي والاكستريما على وجه الخصوص .. وهو مايمتلكها وعذره ان الناس يقولون .. وصرنا إمعات خيرا فخير وشرا فشر ..
ومن قال ان الاكستريما تروح يمين ويسار ... واللي يقول الماصوره بارده واللي يقول ركب شوك ضيق .. واللي يقول أبعد عن الغاز يبي تنضيف ... واللي يقول البنلي بارده .... واللي يقول الايطاليات تهفي .... ومن هالكلام الفاضي اللي ماله سنع أبد ..
ياناس البرتا ( الاكستريما ) والبنلي ماهيب أي صناعه .. والا مثل هالروسيات والصينيات اللي مالهن سنع ...
واحد من ربعي يقول شريت بنلي وتحذف يمين شبر ... قلت له فيه هوا قال يعني هوا حليو مادرى ان الهوا يحذف الحلبي ... لا وقال واحد له مايعرف وش السلاح .. غير ماصورتك تراها تزم وبارده ..؟؟ ( حمد لله )
ولما سألته : رميت على جدار وشفت وين الحلبي رايح ؟
قال والله ماعمري رميت على جدار ... بس أرمي طيار وبس ؟؟ وش رايكم فيه ؟
واللي ناوي يشري بنلي يقولك مالقيت ماصورة بلجيك وإذا لقيت ماصوره بشتري بنلي ..!! ( وش حادك )
أشتر بلجيك وريح راسك ..
واللي يقول البلاجيك القديمه أطيب أقول ماعندك سالفه ... ووش عذره : أن البلجيك من سنوات وهي مع الشياب ولاخربت الا اليوم ...
وأنا أقول ان الشياب يخرب رصاصهم وهم مارموا فيها مخزنينها ... ويوم جا هالجيل التالي وراحوا فيها للساحل بانت عواكيسها وخوابيرها اللي تكسر وأخشابها اللي تصدع وياعين لاتبكين ... مايمشون الا ومعه ابرة - خوابير _ لهاة ... وغيرها من القطع .. ولا أقتنعوا بالبنادق الجديده ؟؟
والثاني يقول ادفع 4 الاف عشان تضبط بندقك ورهم ماصورة بلجيك .. ( ليه البلجيك اللي لها 60 سنه أطيب من هالشركات العالميه )
أنا أمتلك ( بنلي ريفاليو ) بدون شوكات ... وتعتبر أضوق المواصير وأضوق من البلجيك وأصعب البنادق .. وعجزت اعرف لها من ضوقها ... وفكرت ابيعها لأني ما أتقنتها .. لكن صبرت عليها ودققت في الرمي وصرت أصيب وأعرف المناسب من الفشق والحمد لله ... وأعرف عيارات الاخمس واشوف وش يناسبني وأركبه والحمد لله ))
والبنادق الجديده يجي معها ( عيارات الاخمس ) وهذي يجهلها كثير من الناس ... تصدقون أعرف واحد عنده بنلي وتزم فووووق ... ولما سألته عن العيارات اللي تركب لها ( عيارات الاخمس ) قال والله ما أدري عندي في الدالوب ولما غيرنا العيار المناسب صارت من أبدع مايكون ... فوصلنا للجهل في عدد بنادق الصيد .. وكيف انها تصلح لأي شي فيها قطع يركب للرمي البعيد وشي للقريب وغيرها تركب في الاخمس ( العاقب ) بين الخشب والماصوره وداخل الخشب ..
الشاهد .. اننا لم نصل لمرحلة التثقيف في البنادق الحديثه .. وكيف نتعرف على اسرارها وعياراتها ... واذا أخطا واحد منا قاله خويه غير الماصوره ؟؟ وش رايكم ..
هل نقدر نقارن Bmw بــــ Lada أو هونداي كوريه ...
لذلك انتبهوا من الترهيم .. واسمه ترهيم يعني تمشية حال ... ناس صار رزقهم في الترهيم ...
البنلي هي أكثر البنادق ترهيم ... سعرها 10 الاف واروح أرهم ... تخيل Bmw مركب لها مساعدات استراليه ... هل يدوم حالها .. ؟؟
أرجوا من الجميع سعة صدورهم ... واني لا أذم بندقيه أو شي لكن متى ماعرفنا طريقة البندقية الصحيحه وعيارتها راح تتغير مفاهيم كثيرة .. والبلجيك كانت في السابق هي ملكة الساحه ومافيه الا هي أم خمس .. صحيح .. لكن جا للساحه أطيب منها وكثير من الماركات ..( لولا اختلاف الاراء لبارت السلع )
تطورت البلجيك الان وجاءنا منها ( الفيوجن - والفيوجن أفيلوب ) وهي قمه ورائعه .. لأنها تطورت ..
واليوم كثرت البنادق وصنعت بدقه ومواد عالية الجوده ( فهل يعقل أن القديم أفضل من الحديث في التقنيه وخاصة السلاح )
أرجوا زيادة الاطلاع لأنه نصف الابداع .. وتقبلو تحياتي ..

[Abu Saad]

ياسلام عليك يالمنجور ..
كلامك ذهب.

[بن عيد1]

شكرا لك يابو سعد ..كلامي واقعي وأنظر من حولك وتسمع الهوايل من الناس اللي تضيع بعضها بعض .. هذي تزم وهذي ماصورتها بارده وهذي حارة وهذي طويله وهذي قصيره ...
وكل السلاح طيب لكن للفاهم الباخص بتقنيات السلاح .. وكثرة التجربه تبين العيوب والمزايا ..

[بن عيد1]

البواردي هو من يطوع السلاح ..

[الرادار الاسود]

ما أعرفه وشو

هي عباره عن حلقه بيضاويه الشكل تجي مع البندق اربع قطع 2- حديد و2- بلاستيك اسود

القطعه الحديديه تركب في حذوه البندق ( افتح الكك اوف وتشوفها مربوطه بالصاموله) ام البلاستيك فيركب بين الفيبر والمكينه من الخلف محل الاصبع الابهام وانت ترمي ويسمي ( الاخمس )
1- ركب الحديده رقم DX-55 في الاعلى
2- ركب البلاستيك في الخمس DX-55 في الاعلى

بعد ذلك ارمي ويكون الرمي في قلب الهدف

[الرادار الاسود]

ما أعرفه وشو

اخوي

شف فيه موضوع بأسمي يتكلم عن الاخمس في نفس الخيمه

وتقبل تحياتي

[EFI.4500]

وش ترهم لا لا لاتحبرشبه
ممامثله شد بلده
عاد شف كل الاخوان ماوافقوك الراي
واحسن شي انك شاورت قبل تسوي اي شي
ماااااخاب من استشاااااااار
تقبل مروري

[mutleb]

وصل وجفا

من نفس القبيلة ويمكن نكون من نفس الفخذ بعد .... ههههه
مشكور على طلتك
.................................................. ..........
المنجور
مشكور على النصيحة الطويلة
شاكر لك مرورك
.................................................. ..........
abu saad
مشكور على طلتك
الله يبارك فيك
.................................................. ......
الشروكي 2
مشكور أخوي على التوضيح
الله يعطيك العافية
.................................................. ........
EFi.4500
مكور على المرور والنصيحة