أستفسار عن ثلاجة الطمرة

[كويس]

السلام عليكم ورحمة الله وبركاته انا شريت ثلاجة من شركة راشد الطمره 50 لتر اكترونية طبعآ ولكن فيه لمبه حمراء بس تشر على طول وعلامتها ان البطاريه ليست كافيه كلمت المهندس حق الطمره قالي كم امبير عندك بطارية السياره قلت 70 امبير قالي لازم تركب فوق 90 امبير وانا شفت الشباب اصحاب الثلاجات شغاله معهم تمام على 70 امبير هل احد لديه خبره يا اهل مكشات ترا ما نستغني وتحيااااتي للجميع000

[فهد-بوعبدالله]

والله انا عندي نفس المشكله وكلمت المهندس ورد علي نفس الكلام لازم بطاريه اكثر من 90 امبير لاكن الشباب يستعملونها على 70 امبير ......
يعني نفس مشكلتك بضبط ويليت احد يفيدنا لانه الثلاجه والله طايحه في البيت وصرت ماستعملها واخذ ثلاجه عاديه وثلج يليت احد يفيدنا

[ممتر البران]

جرب تركب البطاريه وشف والحق الكذاب لباب بيته وصكو على مهندسهم

[كويس]

صباح الخير للجميع يا فهد طيب ليش ما ذهبت الي نفس الشركه وشفت وش الخلل انا كلمت اهل الموزع بجدة قالي جبها لي اشوفها ولكن انا بعيد من موقعهم وكلمت المهندس في الرياض قالي ركب 95 اذا كانك قريب منهم اذهب لهم وافدنا الله يبارك فيك يا ممتر البران البطاريات غاليه ليش اشتري بطاريه وانا عندي 70ممتازه والي خلاني ما اغير بطاريه كثير من الشباب مركبها على 70 امبير وتحياتي للجميع

[سفير الجزيرة]

انا عندي الطمرة الإلمانية أم فرار شاريها قبل شهرين ومظبوطة والحمد لله ولا تصرف كهرب ابد وأنا بطاريتي 70 امبير
ومرة من المرات في البر وقبل لا أرقد قصرت على البرودة إلى 2 ولما جاء الفجر توقعت البطارية فاضية لكن الحمد لله على أول نتشه يعني ماتسحب شي يسوى

[مبسوط]

اخوي كويس

انا معي نفس ثلاجتك بالضبط ومشغلها على بطاريه احتياطية 40 امير بس وشغاله زي الحلاوه بس اذا جيت انام احطها على على 3 او 2 ولا فيها اي مشكله بس البطارية ما عليها اي شي من لمات او اجهزة ثانية غير الثلاجة.

واي استفسار حنا حاضرين
اخوك مبسوط

[غيانا]

احم احم اخوي كويس والاخوان
العلم عندي وانا غيانا
السبب الكيبل اللي مركبينة من البطارية
رحت للطمرة واشكو لهم
ويطمر ذاك الفلبيني ويقول ( جيب 120 ريال انا خلي شغل كويس)
قلت وش لون قام طلع كيبل تقل حية
وتذبحني القعاطة ( اخوكم يحلب النمل) هههههه
واكلم واحد من العيال عنده نفس المشكلة
واخلي الطقة في راسه ( قعيطي محترف )
ويركب كيبل اللهم كافنا من البطارية الاضافية (70) امبير
الى الثلاجة كيبل ( 8 ملم كهرب ) عمى تقول مكيف فريون
ويروح للقميري ويحط الثلاجة على رقم (3) وتثلج وماشي ستتة ايام
وآخر حلاوة0
هاه وش رايكم
اتمنى خدمتكم

[كويس]

يامبسوط عساك مبسوط دنيا وآخره هل يوجد لها لمبه حمراء تأشر انا قريت في كتلوجها الانجليزي ان اذا اشرت المبه الحمراء يعني البطارية غير كافية وتحياااتي للجميع0000 (انا كلمت المهندس الي في الرياض قا لي لازم بطارية فوق 90 امبير اوكي

[منصور ع]

احم احم اخوي كويس والاخوان
العلم عندي وانا غيانا
السبب الكيبل اللي مركبينة من البطارية
رحت للطمرة واشكو لهم
ويطمر ذاك الفلبيني ويقول ( جيب 120 ريال انا خلي شغل كويس)
قلت وش لون قام طلع كيبل تقل حية
وتذبحني القعاطة ( اخوكم يحلب النمل) هههههه
واكلم واحد من العيال عنده نفس المشكلة
واخلي الطقة في راسه ( قعيطي محترف )
ويركب كيبل اللهم كافنا من البطارية الاضافية (70) امبير
الى الثلاجة كيبل ( 8 ملم كهرب ) عمى تقول مكيف فريون
ويروح للقميري ويحط الثلاجة على رقم (3) وتثلج وماشي ستتة ايام
وآخر حلاوة0
هاه وش رايكم
اتمنى خدمتكم
معلومة قيمة جدا الله يجزاك الف خير خذوها في الاعتبار ياأخوان

[فهد-بوعبدالله]

مرحبا في الاخوان
اخوي كويس انا بعيد عن الرياض ولا اقدر امرهم ......... ويعطيك العافيه
طيب ياشباب الكيبل جاي معها كيف مايتحمل ولازم اركب كيبل اكبر يعني المهندس افضل من المصنع
واخوي مبسوط يقول انا مركبها على 40 امبير
يعني نغير البطاريه ولا الكيبل ولا الثلاجه والله موعارف شسوي لو غيرنا البطاريه تدرون سعرها ارتفع وخسره لانه البطاريه الي عندي 70 امبير جديده .
ولو غيرنا الكيبل نبغى الطريقه من وين التوصيل من البطاريه على طول وكيف بدايه السلك من الثلاجه كيف يكون التوصيل ويليت يفيدنا فيه اخوي غيانا..................................

[غيانا]

الطريقه من وين التوصيل من البطاريه على طول وكيف بدايه السلك من الثلاجه كيف يكون التوصيل ويليت يفيدنا فيه اخوي غيانا..................................


اخوي ابوعبد الله
الطريقة بارك الله فيك اللي سويناها
السلك يثبت في البطارية ونهايته على كيفك فيش الثلاجة
(او طريقتنا فيش انثى ؟؟ وحق الثلاجة تقصره وتحط له فيش ذكر ؟؟ )
بس لاتنسى الكيبل يكون يوصل الكهرب زين عرييييييض

[فهد-بوعبدالله]

مشكور اخوي غيانا على الرد ويعطيك العافيه
بس كم لازم يكون طول الكيبل ولا مافيه تأثير على طول الكيبل وهل تعرف نوعيه او اسم للكيبل خاص ولا عادي اي نوع .....................ومشكور

[فهد-بوعبدالله]

ثقلت عليك اخوي غيانا بالاسئله تحملني شوي
يليت تفيدني بطريقه الازرار الموجوده عند مدخل الكهرباء لثلاجه في هاي ولو ومديم low -high- med
وزر الثاني الي هو off - on

[غيانا]

بارك الله فيك يا ابوعبدالله كللك خفيف وش ثقلت
يعلي ما اربح لو ما رديت على الطيبين امثالك0
السؤال الاول
كم لازم يكون طول الكيبل والا مافيه تأثير من طول الكيبل وهل تعرف نوعيه او اسم للكيبل خاص ولا عادي اي نوع ؟
الجواب :_
الطول عندنا من البطارية حقت جيب لاندكروز الكيبل ماشي في الكبوت من جنب وداخل للموتر وماشي لين آخر السيارة
هذا اللي عندنا وعليه قس0
النوعية سلك كهرب مقاس (8ملم )
السؤال الثاني؟
عن طريقه الازرار الموجوده عند مدخل الكهرباء الثلاجه فيه هاي ولو ومديم low -high- med
والزر الثاني الي هو off - on
الجواب:_
طريقه الازرار الموجوده عند مدخل الكهرباء الثلاجه -high
والزر الثاني الي هو on
هاه
اتمنى افدتك
اي اسئلة حاضر

[كويس]

مساء الخير للجميع مالك لوا طريقه الازرار الموجوده عند مدخل الكهرباء الثلاجه -med
والزر الثاني الي هو of حسب قرأتي للكتلوج تحياااااتي للجميع

[فهد-بوعبدالله]

يعطيك العافيه يا غيانا وبيض الله وجهك على الردود .......وترى اي استفسار راح نرجعلك فيه مالنا غنا عنك الله يطول بعمرك
ومشكور يا كويس على الموضوع استفدنه منه الكثير ............

[قناص متقاعد]

يا اخواني


خلوكم من الطمره وثلاجاته


فيه عند العمران ثلاجه ممتازة وتفوق ثلاجات الطمره .


وعندهم جميع قطعها وتصنع في الرياض


وكذلك تشتغل على بطاريه السياره بدون اي تحويل
اما سعتها التخزينيه فحدث ولا حرج
ويكفي ان جهازها كامل كمبروسور فقط يعني بحجم كرتون شاهي ربيع .


نصيحتي لك خذوها واسالو مجرب .

[براوننق]

ابى صار لي نفس المشكله رحت اناضر كم البطاريه به لقيته مصفره الا شوي رح لاقرب محل بطاريات خله يشوف البطاريه كم به

[عبـــد الله]

تحية طيبة للجميع :

نفس المشكلة صارت معي

لكن إذا حطيت الزر اللي تحت عى on يشبك الكمبرسر على طول يعني ما يراعي البطارية

حسب التجربة أنا أشغلها على الهاي و أشغل التيربو هذا إذا صرت أمشي و إذا صرت واقف أطفي التيربو

و أحطها على اللو وكذا ما تولع اللمبة الحمرء.

ملاحظة إذا ثلجة لأخر شيء أقصرة تريح الثلاجة والبطارية ولاتنسى الجراب ركبلها جراب عازل يفصله

محل اليوسف في حيى الريان طريق الأبراج بـ 120 ريال وحط بين الجراب الموكيت حق الفرشات على

جدران الثلاجة وشف كيف تثلج .

آسف على الإطالة . دمتم بخير.

[ساريا]

السلام عليكم ورحمة الله وبركاته لوسمحتوا افضل بطاريه كل ماركبت بطاريه سحبتها الثلاجه

[محمد العبدالسلام]

السؤال هل يكون السلك للموجب بس ولا لابد اسحب حتى السالب من البطاريه ولا يكتفى بالتأريض في بدي السيارة والشكر لصاحب الموضوع والذين اثروا الموضوع بالفوائد

[المال]

أنا عندي بعض المعلومات من واقع التجربه أتمنى إنها تفيدكم

أولا يجب التأكد من صلاحية البطارية لأنها إذا كانت في نهاية عمرها تسبب هذي المشكله
ثانيا التأكيد من سلك الماص حق البطارية الإضافية لأنه مهم جداجدا وكان مسبب لي مشاكل غلين حليته بسلكين 10 ملم واحد على الشاصي وواحد على المأكينه
ثالثا يستحسن تركيب مروحة تبريد حقة كمبيوتر

* وللمعلوميه أنا أركبها على الولاعه مغير سلك الولاعه بسلك 6 ملم من البطارية الإضافية
اما بالنسبة لكلام مهندس الطمره ما عنده سالفه لأنه قالي نفس الكلام لأن هذي المشكل صارت عندي وعند كل شلتي ويوم صلحت اللي قلت لكم صارت تمام ولله الحمد

أتمنى أن أكون أفدتكم
وتقبلوا تحياتي

[المميـز]

السلام عليكم ورحمة الله

أنا املك ثلاجة الطمره 50 لتر واواجه نفس المشكله
لمبه حمرا تأشر وهذا يدل على انو في خلل في الكهرباء الي يوصل لثلاجه
مع العلم انو الغيت سلك البلد الي هو الاسود حق الولاعه وركبة سلك 8 مل وقمت بفك الثلاجه وتلحيم الاسلاك بالاسلاك مباشر ولاكن نهايه السلك فيش ولاعه
ولازلت اعاني من نفس المشكه المبه الحمراء والثلاجه ماتبرد
مع العلم انا ثلاجتي مافيها 220 فيها12 فولت بس الي هو فيش الولاعه
وقمت بتوصيلها على 220 عن طريق جهاز يحول من 220 الى 12 فولت وماشاء الله ماتاخذ ربع ساعه الا وتثلج جوانب الثلاجه ومع العلم ان العلامه الحمراء تروح

لاكن انا الان ابي اجرب اني اقوم بتوصيله مباشره من البطاريه الي بالسياره وعسى الله يوفق

اما بخصوص الازارير الي تحت بالثلاجه الي هي on of

اذا حطيته على of هذا اسلم طريقه لانك تستخدم الوحه الالكترونيه

واذا حطيته على on فأنك تلغي الوحه الالكثروني الي بالثلاجه من فوق والافضل انك ماتشغل اللوحه اذا كنت حاط الثلاجه على on من الزر الي بأسفل الثلاجه لانو يخلي الكمبرسر شغال بأقوى حيله وفي ثلاث خيارت جانب الزر of on الي هول متوسط وعالي حط على المتوسط اذا انت ماتبي اللوحه تشتغل

والله يوفق اتمنى اني وصلت الفكره

[سرهيد]

السلام عليكم ورحمة الله

أنا املك ثلاجة الطمره 50 لتر واواجه نفس المشكله
لمبه حمرا تأشر وهذا يدل على انو في خلل في الكهرباء الي يوصل لثلاجه
مع العلم انو الغيت سلك البلد الي هو الاسود حق الولاعه وركبة سلك 8 مل وقمت بفك الثلاجه وتلحيم الاسلاك بالاسلاك مباشر ولاكن نهايه السلك فيش ولاعه
ولازلت اعاني من نفس المشكه المبه الحمراء والثلاجه ماتبرد
مع العلم انا ثلاجتي مافيها 220 فيها12 فولت بس الي هو فيش الولاعه
وقمت بتوصيلها على 220 عن طريق جهاز يحول من 220 الى 12 فولت وماشاء الله ماتاخذ ربع ساعه الا وتثلج جوانب الثلاجه ومع العلم ان العلامه الحمراء تروح

لاكن انا الان ابي اجرب اني اقوم بتوصيله مباشره من البطاريه الي بالسياره وعسى الله يوفق

اما بخصوص الازارير الي تحت بالثلاجه الي هي on of

اذا حطيته على of هذا اسلم طريقه لانك تستخدم الوحه الالكترونيه

واذا حطيته على on فأنك تلغي الوحه الالكثروني الي بالثلاجه من فوق والافضل انك ماتشغل اللوحه اذا كنت حاط الثلاجه على on من الزر الي بأسفل الثلاجه لانو يخلي الكمبرسر شغال بأقوى حيله وفي ثلاث خيارت جانب الزر of on الي هول متوسط وعالي حط على المتوسط اذا انت ماتبي اللوحه تشتغل

والله يوفق اتمنى اني وصلت الفكره

هلا وغلا باخوي الكريم

اللمبة الحمراء اذا ولعت بعد تشغيل السيارة هذا الامر طبيعي ، وبعد دقايق ترجع تطفى من حالها ... لان حالة تشغيل السيارة يجعل السلف يسحب كمية كبيرة من الكهرباء مما يعني للثلاجة ان البطارية بدأت تنقص فتعطي الاشارة الحمراء ...

وانا الحقيقة موصل البطارية مباشرة بدون ولاعة ، لكن نفس المشكلة وهي انها اثناء التشغيل تولع وبعد ثواني تطفي مباشرة ...

يعني طبيعي ...

واذا ولعت بامكانك ان تطفي الثلاجة من اللوحة الرئيسية وتشغل على طول ، وبتلقى اللمبة طفت ..

وعلى العموم مؤشر اللمبة الحمراء ايجابي لانه يوضح ان كهرباء البطارية ضعيفة ، هذا في حالة استمرار اضاءته ، لكن في الحالة الطبيعي انه يطفي بعد دقائق .

واي خدمة انا حاضر واي استفسار .

تقبلوا احترامي

[ابوسند9]

اخوي الاخوان ما قصرو ,,
لكن احب اضيف ان الثلاجه ما فيه شي وانا متاكد 100%
الخلل من البطاريه وجرب اشبكها على سياره اخرى
واذا كانت البطاريه عندك ايس ديلكو حتى لو كانت 100 امبير فا الخلل منها لا نها صارت مع كم واحد اعرفه ,,
بعدين يفضل انك تشبك الثلاجه مباشره من البطاريه لان اسلاك الولاعه في بعض السيارات ضعيفه,
الشي الاخر ما ا نصح الجميع ب اي بطاريه اكترونيه لان الاجهزه سواء ثلاجه او كنود يستهلك ماء البطاريه,,
اخير نظام زر التيربو (التبريد السريع) يستخدم لربع ساعه فقط وذلك حسب كتلوج الثلاجه,,
واخير اي خدمه حاضرين,,

[فتى القاع]

انا توني مشتري ثلاجة الطمرة مقاس 50زر اكتروني
وش رايكم فيها

[الدهريز]

السلام عليكم ورحمة الله وبركاته .
نفس المشكله حصلت معي ومع بعض الشباب طبعاً مع ثلاجات متنوعة الكترونية وعادية لكن قبل كل شي ألغي فيش الولاعة حق الثلاجة وركب فيش كهرب حق المنازل ذكر وأنثى بعدين قم بفتح الكبوت وتوصيل الثلاجة دايركت بالبطارية وشف اذا زانت فإن المشكلة بالأسلاك الموصلة إما أنها غير سميكة ( عريضه ) أو أنها طويلة وهذا يضعف الكهرباء وإذا المشكلة موجوده فالبطارية ضعيفة أو هناك خلل في الثلاجة . ودمتم بحفظ الله ورعايته .

[هبوب الشمااال]

السلاااام عليكمم بخصوص انكم تهرجون بثلاجة الطمره حبيت اسال سوال
وين احصل الثلاجه ولا رقم الوكيل ولا المحل الي يبيع الله يعطيكم الف عاااااااااااااافيه

[هـــ؟؟؟ـــدد]

السلاااام عليكمم بخصوص انكم تهرجون بثلاجة الطمره حبيت اسال سوال
وين احصل الثلاجه ولا رقم الوكيل ولا المحل الي يبيع الله يعطيكم الف عاااااااااااااافيه
نفس كلام اخوي

[Al_zenad]

أخوي هدد الثلاجة شايفها قبل كم يوم عند عروق الشمال ببريدة ام فرار 40 لتر بـ 3650 وعندهم 35 لتر تحكم يدوي
تحياتي