صوت الهواء مع الابواب ازعجني

[AMAZ]

السلام عليكم : -
عندي gxr 2006 صوت الهواء مع الابواب ازعجني مع العلم بانني وزنت الابواب عند الوكاله وقالي مهندس بالوكاله قبل الوزن ترى ماريح يتغير عندك شي لان الابواب عندك تمام والسبب يقول انه كل السيارات الجديد زي كذا . ارجو من الاخون من لديه فكره حتى افتك من الصوت الى ازعجني وخاصه اذا كانت السرعة فوق 110

[بواسامه]

طبيعي يشكي منها 98 وغيره الى 2007
فكس او جكس كلهم شكو منها
سبق طرح في المنتدى عن هذه المشكله
وانا ممن عانى منها
ولكني غيرت السياره باخرى
ولكن مهنا حل جذري يذكر
واذا وصلك حل فبلغنا لنستفيد جميعا

[مساير الليل]

ورشة النوويصر عندهـ حل لها

[راعي ام عشر]

الحل بسيط جدا 00 انا عانيت مثلك00 الحل رح لمحل الزينه وأطلب منه يحط لاصق عريض
اذا فتح الباب 000بعشرة ريالات00 وتبي تدعي لي انشاءالله

[AMAZ]

وين ورشة النويصر
انا بالقصيم ممكن اي ورشة بالقصيم .
انا سبق وان ركبت على الابواب من الداخل ربل حصلت بنقاله يبيعونه بالشارع عند محلات الزينه لكن صوت الهواء زاد وفكيته .
امل من الاخوان من لديه تجربه بهذا الموضوع يعطينا نصيحه الله يجزاكم خير .

[a6lak_wa7ed]

السلام عليكم
الحل عندي وانا اخوك , بس يبي له واحد مروق وراعي شغل

الحل سهل جدا وامكن مايكلف 15 ريال , ابيك ياطويل العمر تمر حقين ادوات السباكة وتشتري من عندهم لفة كاملة ليات مكيف صحراوي وبعدين مر اي بقالة على طريقك واشتر لك علك ابو نص :D:D امزح اشتر لك علبة فيري او زيت سيارات أو زيت طبخ أو زيت صدأ أو أي شي يسبب التزليق:p:p
بعدين رح للبيت وتقهوا وضبط المزاج وروق اخر ترويه

عقب ماتروق نبدأ الشغل (الله الله على الجد والجد الله الله عليه):cool::cool:

شف ياطويل العمر الربلات حقت الباب تلقى فيهن مجرى بوسطهن اقطع لك قطعه بسيطة من الربلة علشان تدخل اللي فيه
يعني اللي حق الصحراوي تبي تمدده داخل الربلات في المجرى طبعا المجرى ضيق ويالله يالله يدخل اللي علشان كذا استخدم الصابون او الزيت بس عاد الله يعينك :mad::mad::mad:
انا من وجهه نظري ان اهم شي البابين اللي قدام لانهن هن اللي يقابلن الهوا اما اللي ورا مايصير فيهن تنسيم واجد واذا جيت تحط الربلات مهب لازم يصيرن دار مادار على كل الباب اللي يهمك بس اللي فوق حول الدريشة.

ملاحظة : الباب بيفرق معك اذا جيت تسكره بيصير اثقل من اول بشوي

هذا والله اعلم

[التعـ King ـديل]

طال عمرك الموتر اللي معك وارد عبداللطيف بلا شك لان كل مواتره خنبقه

الحل طال عمرك تمر على وكاله البازعي ويوزون لك الباب وراح تشوف الفرق

[AMAZ]

فعلا من عند ابو جميل(الفوضه) حتى الدرج من يوم اخذته من عندهم وهو مايل .

[بواسامه]

جميل ولا اليحي ولا البازعي كلها تهرب هوااااااااااااااااااااااااااء

[altheeeb79]

بسم الله الرحمن الرحيم

السلام عليكم جميعا00

إسمع إخوي amaz أنا حقيقه أتفق مع الاخa6lak_wa7ed بس في إختلاف صغير ألا وهو بدلا من الليات حقات المكيفات الصحراويه جبلك إسفنج مبروم لونه أبيض وإنتبه ترى فيه مقاسات وهو الاسفنج المستعمل في البلاط بالسطوح والحوش ويوضع بين البلاط علشان التمدد بالصيف والانكماش بالشتاء بالنسبه للبلاط يعني يستخدمه المبلط اذا جاء الصيف وتمدد البلاط مايضغط على بعضه ويتقوس على فوق ويخرب وإنما يضغط على الاسفنج براحته والبلاط متساوي مايخرب وإذا جاء الشتاء يرجع البلاط لحالته الطبيعيه بدون أية ضرر بفضل الله ثم بإستعمال هالاسفنج وكذلك البعض يستخدمه لإغلاق فتحات الفريون على الجوانب حتى لايدخل غبار أو بعارصى (جمع بعرصي أو ضاطور)0 وهو أكثر مرونه من الليات حقات الصحراوي 0 والله أعلم000 أتمنى أني أكون قد أفدتك 0 وبارك الله بالجميع0

[رفيع الشأن]

بسم الله الرحمن الرحيم



السلام عليكم جميعا00



إسمع إخوي amaz أنا حقيقه أتفق مع الاخa6lak_wa7ed بس في إختلاف صغير ألا وهو بدلا من الليات حقات المكيفات الصحراويه جبلك إسفنج مبروم لونه أبيض وإنتبه ترى فيه مقاسات وهو الاسفنج المستعمل في البلاط بالسطوح والحوش ويوضع بين البلاط علشان التمدد بالصيف والانكماش بالشتاء بالنسبه للبلاط يعني يستخدمه المبلط اذا جاء الصيف وتمدد البلاط مايضغط على بعضه ويتقوس على فوق ويخرب وإنما يضغط على الاسفنج براحته والبلاط متساوي مايخرب وإذا جاء الشتاء يرجع البلاط لحالته الطبيعيه بدون أية ضرر بفضل الله ثم بإستعمال هالاسفنج وكذلك البعض يستخدمه لإغلاق فتحات الفريون على الجوانب حتى لايدخل غبار أو بعارصى (جمع بعرصي أو ضاطور)0 وهو أكثر مرونه من الليات حقات الصحراوي 0 والله أعلم000 أتمنى أني أكون قد أفدتك 0 وبارك الله بالجميع0

يعطيك العافية اخوي الذيب بس ليتك وضحك شوي عن هذا الاسفنج وين نلقاه وكيف طريقة تركيبه وشكرا لك سلفا

[المحترف800]

نصيحه لا تحط الربل الاسود اللي بالغرابي ويقلون يخفف صوت الهواء ترا خرطي ويخرب وزنيت الأبواب
أعوف وأحد حط الربل ويقول خربت علي وزنيت الأبواب ...

[النشمي11]

نصيحه لا تحط الربل الاسود اللي بالغرابي ويقلون يخفف صوت الهواء ترا خرطي ويخرب وزنيت الأبواب
أعوف وأحد حط الربل ويقول خربت علي وزنيت الأبواب ...

نفس الكلام صار معي بالضبط

لا عاده الله من بنقالي

[تلسكوب 1]

وانت ماشي وتسمع صوت الهواء جرب ان تنزل الزجاج حاجه بسيطه يعني ماتكون على الآخر للأعلى وراح يخف صوت الهواء بصوره كبيرة وقد يختفي

دمت بصحة واتم عافية

[((( الحر)))]

ماشاء الله تبارك الله احيي الجميع على افكارهم ومشاركاتهم التي اثرت الموضوع.

حقيقة استفدت من هذا الموضوع كثير وخاصة رد اخي a6lak_wa7ed واخي altheeeb79الله يعطيهم العافيه

ولا انسى التنبيه من البنقاليه وغيرهم من العماله الدواجه في الغرابي ..لان ضررهم اكثر من نفعهم.

شكرا للجميع هذا الطرح المميز

وبانتظار افكار جديده

تحياتي

[monsixnet]

نفس الكلام صار معي بالضبط

لا عاده الله من بنقالي



اضم صوتى الى صوت الاخوان

[ابرق العزاف]

شكرا اخوي والاسفنج تلزقه بالغراء على مشل الباب كله ويمسك عنك الغبار
كله والاسفنج لانه يتحمل ضغط الابواب ولا يخربها شكرا لك ويكون الاسفنج
ضغط 40 يباع بالاسواق وبرضه ضغط 80 ممتاز

[altheeeb79]

الاسفنج يباع لدى محلات المواد الصحيه ومواد البناء000

[saudiman]

اشكركم على الافادة

[ابووولجين]

الانتباه اشد الانتباه من العماله اللي بالغرابي لا حتى ابو مصير يسوي الشغلة هذي

[ابو رتال]

الله يعطيكم العافيه