هل ربط الطير على وكره افضل من الطلق....كلام شايب

[أبو فهد العيد]

السلام عليكم ورحمة الله وبركاته,
يا اخوان انا محتار جدا جدا..
لاني جلست مع شايب كبير في السن وصقار وله فتره مع الطيور وباخصها.
وجا طاري المقيض, فقال ان ربط الطير على وكره ازين من انه يكون مقيضه طلق!!!!

واللي اشوفه انا ان اغلب الصقاره يربطون في مرابط طلق..
فقلت اطرح هالموضوع واشوف الردود عشان نستفيد............................................ ...............



http://www.mekshat.com/pix/upload/sign/images/mk33257.gif

[بو هاشم]

والله يوخي اثنين عندي نفس الشي بس يختلاف شي بسيط
هو ان الطلق افضل من الوكر سبب واحد ان الطير بيكون فيه شويت لياقه
بس في نظري انه خطر على الريش يتفضخ في الطيار
والشباب انشاء الله بيفيدونا الي اكثر خبره مني
تقبل مروري

[الحر01]

السلام عليكم
انا وجهت نظري ان الطلق احسن يعطي الطير لياقه شوي والله يستر على طيرك انشا الله تقبل مروري

[hawwamT]

السلام عليكم ورحمة الله وبركاته,
يا اخوان انا محتار جدا جدا..
لاني جلست مع شايب كبير في السن وصقار وله فتره مع الطيور وباخصها.
وجا طاري المقيض, فقال ان ربط الطير على وكره ازين من انه يكون مقيضه طلق!!!!

واللي اشوفه انا ان اغلب الصقاره يربطون في مرابط طلق..
فقلت اطرح هالموضوع واشوف الردود عشان نستفيد............................................ ...............



http://www.mekshat.com/pix/upload/sign/images/mk33257.gif



ياخي العزيز مافيه وجه مقارنه أبد..نفسيا للطير وصحيا المقيض الطلق افضل

[بوعوف]

وعليكم السلام ورحمه الله وبركاته...

والله انا يااخوي من وجهة نظري البسيطه ان الطلق افضل اولا يعطي الطير لياقه وحاله نفسيه جيده ويرتاح الطير اكثر

بس يمكن الشايب له وجه نظر....

شكرا

[جارح العين]

مثل مقال ابو هاشم

[وَسَام!]

السلام عليكم ورحمة الله وبركاته,
يا اخوان انا محتار جدا جدا..
لاني جلست مع شايب كبير في السن وصقار وله فتره مع الطيور وباخصها.
وجا طاري المقيض, فقال ان ربط الطير على وكره ازين من انه يكون مقيضه طلق!!!!

واللي اشوفه انا ان اغلب الصقاره يربطون في مرابط طلق..
فقلت اطرح هالموضوع واشوف الردود عشان نستفيد............................................ ...............



http://www.mekshat.com/pix/upload/sign/images/mk33257.gif
بس ياليت ياولد حنيظل انك سالته عن السبب يمكن له وجهة نظر صحيحه ماندري عنها!وعلى العموم مع احترامي لكبار السن البعض منهم يحبون كل شي بالطريقه القديمه مايحبون التغيير!

[amur kestrel]

ما ازيد عن كلام اخوي بو هاشم

[عبدالرحمن الخالدي]

أنت أبخص يابوفهد !

[نبع الدموع]

انا اتوقع ان السبب في كلامة هوا الي قالة اخوي وسام11 و انهم ما يبون
يغيرون عن الطرق القديمة.

[شهاب بن عساف]

السلام عليكم ورحمة الله وبركاته,
يا اخوان انا محتار جدا جدا..
لاني جلست مع شايب كبير في السن وصقار وله فتره مع الطيور وباخصها.
وجا طاري المقيض, فقال ان ربط الطير على وكره ازين من انه يكون مقيضه طلق!!!!

واللي اشوفه انا ان اغلب الصقاره يربطون في مرابط طلق..
فقلت اطرح هالموضوع واشوف الردود عشان نستفيد............................................ ...............



http://www.mekshat.com/pix/upload/sign/images/mk33257.gif
هلا اخوي ولد حنيظل 0

ياليت تسئل الشايب ليه الربط على الوكر افضل مع اني متاكد ان رده راح يقولك ازين وبس ولا تكثر الحكي 00

شيبانا والنعم فيهم بس من شب على شي شاب عليه 0

الطلق مافيه مقارنه مع ربط الطير بالارض او على الوكر 00
1-- ماعمرنا سمعنا ان طير طلق اللتف على صياده السبق 0
2--ماعمرنا سمعنا ان طير طلق معدته مليانه تراب اعزكم الله 0
3-ماعمرنا سمعنا ان طيرطلق ياكل مروشه بعد ما يعلق في علفه 00
4-ماعمرنا سمعنا ان طير طلق جاه حفاة او مسمار مثل الطير المربوط وقلة حركته وكثرة الظغط المستمر على باطن الرجل 0000
والاسباب كثيره وصحيح ان الطلق له بعض السلبيات ولكن لا تقارن بسلبيات الطيور المربوطه على الارض او الوكر 00

وتقبل تحياتي

[بن طلق]

يخوي :)
اذا مكان المقيض مجهز
وأرضيته رمل خاليه من الغبار
وأبعاده زينه مهوب ضيق
فالطلق تراه زين
يقوي عصب الطير
ويخلف ريشه بسرعة
مع ملاحظه مهمة
لا تخلط الحرار بالشواهين
لانها تهد عليها
أربط الحر وهد الشاهين

أما اذا مكانك مهوب مجهز ززين
فاربطه بالوكر ازين

اتمنى اكون افدتك ولو بالشي القليل

[ذيب الاثافي]

أنا جربت على الوكر وعندي ممتاز

[قلب ذيب]

حياكم الله
ماتحدث عنه الشايب صحيح ! حيث ان ربط الطير له مميزات كثيره منها
1 - عدم كسر اي من ريشه عندما يحصل له ذلك وهو طليق , او انفضاخ الامواس
2 - عدم تعرضه للشبك مع الطيور الاخرى
3 - عدم تعرضه للضياع
4 - مراقبة الطير عن قرب ومراقبة محط الطير وتغيره !
5 - محافظة الطير على طباعه وعدم اكتسابه بعض العذاريب .
والشايب يتكلم عن ربطة طير واحد او ثنين ولايتكلم على المقيض الجماعي لمجموعه من الطيور 0
فيما يتعلق بالاطلاق لابد ان يكون ( الهنقر ) مرتفع وكبير يستطيع الطير او الطيور ان يحوم ويرتفع , اما كما شاهنا عند بعض اصحاب الربطه ( يجيب 20 طير ويهدها في غرفه 15×10 متر ويقول عندي مقيض مطلق فيه الطيور ) !! فذلك لايتناسب مع مفهوم الهدد في المقيض . وفي تلك الحاله احسن للطير الربطه 0

[الوايلي100]

السلام عليكم

الطلق له ميزه وهي لياقة الطير

وبنفس الوقت له عيب وهو عدم التمكن من مراقبة الطير عن قرب ( الكلام على المربط الي فيه طيور كثيره ويكون كبير ) ولو قدر الله ومرض الطير ماينكشف الا متاخر ويكون المرض قد تمكن فيه . وقد صارة في مربط في السعوديه ومرض بعض الطيور وماتت .

* ولي يبي يربط طيره طلق لازم يحرص على ذوي الخبره في مجال الطلق ويكون راعي المربط حريص على الطيور ويمرهن كل شوي . ولكم اجمل تحيه ,,,,,,,,,,,,,,,,,,,,,,,,,,,,,,,,,,,,,,,,,,,,,,,,

[رتقاوي]

السلام عليكم ورحمة الله وبركاته
حبينا نشارك مع اخواني الصقاره بالموضوع
بعد احترامي لآراء الربع وراي شايبنا له طولت العمر والصحه والعافيه وخبرتهم
اشوف انه الوكر افضل من حيث:
راحت الطير الجسمانيه
ملاحظتك للطير
هداوت الطير وركادته ( عكسها تماما من الطلق)طبعه
آمن على الريش
آمن من المشابط

( كافي ان استضقت إلا شوفته من قريب تسرك)

واللياقه امرها هيين ملواحين باليوم لمدة اسبوع إلا الطير تقول خلوي

من راي ولكم الخبره والاحترام والتقدير

[المان العرب]

اضم صوتي مع الاعضاء الي قالو طلق افضل

[أبو فهد العيد]

مشكورين ياالربع ماقصرتو ..
وأنا سألت الشايب فقال:أصح للريش . وحفاظا على طبع الطير وخصوصا ركادته..

وانا من رايي الشخصي. ان ربط الطير طلق عندي افضل من ربطه على وكره. وخصوصا اذا صار المربط عندي..ولا فيه طيور واجده

imghttp://www.mekshat.com/pix/upload/sign/images/mk33257.gif
][/img]

[أبو رداد]

موضوع طيب بطرحه وردود الاخوان
مشكوراخوي
وان شاء الله نضع له رابط مع مواضيع المقيظ المفيده

[صارووم]

والله أنا أشوف المربط الأرضي أفضل من ناحية أنك تلاحظ الطير فقط
أما الطلق عندي أفضل ( بالذات لاصارت الطيور قليله )
تقدر تسيطر عليها

[خير المزن]

هلا بأبو فهد إن شاء الله السنة الجاية أبربط حلوة عندي وأبسوي نفس شيبان الكويت لا مكيف لا برد وأبشوف التغيرات التي تحدث وسنوافيكم بالأخبار مجددا
ولكم من التقدير والاعتزاز
]http://www.mekshat.com/pix/upload/sign/images/mk30126.gif

[ذراع الذيب]

السلام عليكم ورحمته الله وبركاته
الطلق ازين من الربطه بشرط ان يكون متكامل على اكمل وجه
من حيث وسعه وارتفاعه على حسب عدد الطيور....................