ساعدوني نافارا أو ددسن غمارتين ..!!

[شقردي]

السلام عليكم


يا شباب مكشات أنا ناوي أشتري سيارة للديرة وللبر


على أن لا يتجاوز السعر 65000 ريال
خمس وستون ألف ريال



وتحيرت بين نافارا نصف فل غمارتين

http://upload.moldova.org/auto/Nissan/2007_Nissan_Frontier_Navara.jpg


http://www.direct-vehicle-leasing.net/images/car_images/nissan%20navara%20pickup.jpg



http://www.mekshat.com/pix/upload02/images70/mk75124_navara-d40-4dr.jpg


أو ددسن جي أل غمارتين

http://www.mekshat.com/pix/upload02/images70/mk75124_c0b1af7096.jpg




الرجاء التصويت على الذي تراه مناسبا مع ذكر السبب


ورجاء لا أحد يقول زدها شوي وأشتري كذا وكذا


ورجاء لا أحد يقول أشتر جيب مستعمل تظيف


مسموح فقط بديل للسيارتين بنفس المبلغ على أن تكون مناسبة للبر والديرة ..

[ذئب المراقيب]

نافارا نصف فل غمارتين

والله يمدحونها وشكلها حلوى
واحسن شئ ان صداماتها حديد ماهيب مثل الهلي
بس انحش عن الديزل واللون الاسود لسباب الديزل ردي
بعد فترة من الزمن واللوان الغامقه ماتنفع مع جونا الحلوى
الله يكتب الخير والخيرة والله يعطيك من خيرها ويكفيك شرها

[EZname]

انا ارشح نافارا لان شكله اجمل ولا علم لي بالنسبة للتحمل..

[Magellan]

هلا أخوي يظل الخيارات المطروحة جذابة خصوصا النفارا الجديد
إلا أن تصويتي كان فيإتباع خيار آخر مفضل ومحبّب لدي وسيارة مناسبة بالسعر وهي الهايلوكس 2008 ،،
أعتقد أكثر مناسبة لي من الددسن والنفارا
تمنياتي لك بالتوفيق وحسن الإختيار

[.* المثنى *.]

أخوي نصيحه خذ لك باثفندر 2004 أو 2005 قير عادي والله موتر وسعره معقول جداً يعني من الـ 58 ألف إلى 67 ألف نضيف 2005 تماتيك طبعاً التماتيك أغلا سعر

وأتمنى لك التوفيق

[.أبوعبدالرحمن]

شكل النافارا حلو


واعتقد انك لو تاخذ تماتيك اريح لك يكون افضل


وراى انه الافضل من الددسن والهايلكس

[ابووولجين]

إذا قدرت تصبر شوي ويصير عندك زيادة فلوس فالهايلوكس أحلى وهو عند البيع ابيع وعند القوة اقوى وأكثر شعبية ......... وشوري عليك بلإستخارة مع تمنياتي لك وجميع المسلمين بالتوفيق ؛؛؛؛

[فارس العمور]

طبعا نافااااارا

ماني مادحها لك ان روح للمعارض وشفهن جنب بعض وبتعرف الفرق بالقوة والهيبه والفخامة والمنظر فرق فررررررررررق

وانا اعرف لك واحد شاريها اقصاد يبي يبيعها كاااااش فل كاااااااااااااااااااامل بيكون ارخص لك يعني من 65 الى 67الف

اذا تبي كلمني خااااص

[االديحاني]

ددسن جي ال

[مواسي الطعوس]

اخوي مايقدر الواحد يجاوبك حتى يعرف بعض المعلومات مثل :
اذا كنت شخص طويل اطول من 170 سم ماتصلح لك السياره لان اللي يركب وراء يصير ضيق عليه
** بالنسبه اذا كنت راعي خطوط عليك بالنفارا ( اوسع / اريح / اكبر صندوق / افضل ديكور داخلي)
*** ميزة الداتسن : الاقتصاد في البنزين يعني تمشي 160 او 140 قريب من بعض السيارات الثانيه اذا مشيت 160 طار البنزين بسرعه
**** لو تصبر وتشتري نافارا ديزل دبل افضل لك سعرها في الامارات (71000) الف

[معترض الشعيب]

إذا بغيت تشتري النافارا
-إسأل عن قطع غيارها
-هل متوفر بالشمالية وبشرقيه أو الجنوبيه
-إسأل مجربينها
.
.
الددسن لو غلا مشراها __ تبقى بنفوس النشاما ركيزه
.
.
الشيء اللي ماهوب معروف بالسوق لا تحرص عليه

[شقردي]

نافارا نصف فل غمارتين

والله يمدحونها وشكلها حلوى
واحسن شئ ان صداماتها حديد ماهيب مثل الهلي
بس انحش عن الديزل واللون الاسود لسباب الديزل ردي
بعد فترة من الزمن واللوان الغامقه ماتنفع مع جونا الحلوى
الله يكتب الخير والخيرة والله يعطيك من خيرها ويكفيك شرها

أشكرك على رأييك

بارك الله فيك

[شقردي]

انا ارشح نافارا لان شكله اجمل ولا علم لي بالنسبة للتحمل..
من البدايه النفارا متفوقه للمرة الثانية

شكرا لك

[شقردي]

هلا أخوي يظل الخيارات المطروحة جذابة خصوصا النفارا الجديد
إلا أن تصويتي كان فيإتباع خيار آخر مفضل ومحبّب لدي وسيارة مناسبة بالسعر وهي الهايلوكس 2008 ،،
أعتقد أكثر مناسبة لي من الددسن والنفارا
تمنياتي لك بالتوفيق وحسن الإختيار


هلا بك

قلناعلى أن لا يتجاوز السعر 65000 ريال
خمس وستون ألف ريال

ومشكلة الهايلكس 2008 غالي

إلا إذا تجيبه لي بنفس سعر النافارا ..!!!

[شقردي]

أخوي نصيحه خذ لك باثفندر 2004 أو 2005 قير عادي والله موتر وسعره معقول جداً يعني من الـ 58 ألف إلى 67 ألف نضيف 2005 تماتيك طبعاً التماتيك أغلا سعر

وأتمنى لك التوفيق

هلا بك

قلنا لا للمستعمل

[شقردي]

شكل النافارا حلو


واعتقد انك لو تاخذ تماتيك اريح لك يكون افضل


وراى انه الافضل من الددسن والهايلكس

ما أحب التماتيك

شكرا لك

[شقردي]

طبعا نافااااارا

ماني مادحها لك ان روح للمعارض وشفهن جنب بعض وبتعرف الفرق بالقوة والهيبه والفخامة والمنظر فرق فررررررررررق

وانا اعرف لك واحد شاريها اقصاد يبي يبيعها كاااااش فل كاااااااااااااااااااامل بيكون ارخص لك يعني من 65 الى 67الف

اذا تبي كلمني خااااص
كفو يالشقردي

ويامال العافية...

خويك سيارته هذي عادي أو تماتيك ..؟؟

وتراها تصلح لي

بس ارسل لي رقمك على الخاص أنا ما أقدر ارسل ..

[رجه]

تقارن نفارا بالددسن
النفارا اكييد
اعرف واحد من اخوياي عنده نفارا 2010 ويمدح فيها ماتخرب بسسرعه..
اما الدسسن خرابها كثثيرر
اخووك
خالد

[رجه]

وخذلك عادي قير عادي لاتاخذ اتوماتيك
اذا تبيها بالبلد خذ اتوماتيك اذا للطلعات والصصيد خذلك قير عادي..

[* ابو باسل *]

دون الهايلكس لاتدور وانا خوك والنافارا تراك بكره تبلش بقطع غيارها وغير كذا الحمراني من ارداء وكلا السيارات في بلدنا وخلك على تويوتا في كل قريه ماهي مدينه تحصل الي يشتغلها وتحصل قطعها في كل محل .
نصيحه ترى النيسان يبلشك بقطع غياره واذا معزم والله الدسسن معروفه وقطع غيارها متوفره انا جربت النيسان مرتين ولاعاد اقرب لمه وسياراتي كلها اطلعها وكاله شريت سفاري 2003 فيتك واوديه للوكاله مايحصولن قطع غيار له وابلش لازم الف على الموزعين ويالله احصلها واذا وديته لصيانه قالو لي اسبوع وفي بعض الوكالات ماياخذون 45 دقيقه وبعدها شريت التيما 2006 والله لايعيد مشتراها تقطعت علي جلدة الباب وصار الهوى يدخل والسبب من عندهم قفلو على المفتاح داخلها في صيانة الالف داخلها وراحو وفتحوها بمسمار وقطعو الجلدة وصار الهواء يدخل معها وصوتها مزعج وجلسو شهر على شان يطلبون الجلده طبعا على ضمانهم لانهم هم السبب والله ياخوك اني جلست احتري بعدها ونسيت السالفه الين كانت واقفه في شارع وجاء واحد وصدمها وهي واقفه بعد 3 شهور من مشتراها وراحت تشليح هي وجلدها وكانت على التأمين وبعد حوالي 4 شهور من يوم راحت السياره تشليح الا والشباب يدقون علي خيو ايجت قطع لعنا مطلوبه لائلك لسيارتك الالتيما المهم اخذ واعطي معهم قلت طيب كيف تركبونها قالي اصلها عازمان عنا ونركبها لك بس تيجي في صيانة 20 الف ونصلها لائلك لاني قلت انها ماشيه الحين 16 الف وهو الي سألني قلت لا ابي اركبها بدون صيانه قال حتاخد من اسبوع لعشره ايام خيو قلت طيب خلها عند وابي اجيك خلال هالسبوع وقفلت ومن يومها ماعاد دق علي خيو ياخي تركيب جلد انا ابي اخذها وفك الاوله عندهم قدام الوكاله وركبها يقول لي اسبوع لو السياره باقي معي قدامهم ابي اركبها كلها كلبسات وركب الجديده وبعدها قلت ماعاد اقرب يم النيسان ابد وانت بكيفك الحين واشوف الهايلكس احسن لك والا الددسن اما النافارا شكله وانا خوك اخو الالتيما تبلش بقطع غياره بكره .

[الصارم7]

توكل على الله وخذ نافارا عندي واحد ماشاء الله عزمة حلو اخذته جديد قير عايدي 6 نمر وعز ومكيف ماشاء الله مايحتاج

[فهد الميهوبي]

دددددددددددددددددددددددددددددددددددددددددددددددددد دددددددددددددددددددددددددددددددددددددددددددددددددد دددددددددددددددددددددددددددددددددددددددددددددددددد دددددددددددددددددددددددددددددددددددددددددددددددددد دددددددددددددددددددددددددددددددددددددددددددددددددد دددددددددددسن فل كااااااااااااااااااامل ورررررررررررح تدعيلي
نفوود طر الكفرات 15 والمحل اللي تبي ترووح

[رجه]

نفارا وبس..

[الغاااااطي]

جربت ددسن غمارة 2009
أقسم بالله كسر ظهري من المطامر
مدري هل الغمارتين مثلها أو لا؟؟

أما النافارا حلو شكله وقوي ومريح لكن مثل ماقالوا الشباب القطع غير متوفرة بالسوق

والوكيل الحمراني أردى وأردى

يالغلا إذا كنت ماتهتم بالسرعة والقوة خذ هايلوكس غمارتين 2010 قوة المكينة 2000 بنزين سعره 62000 ألف

ولا خذ هايلوكس2010 غمارتين بنزين سياحي ب67000ألف

ولا زدها شوي واشتر هايلوكس بريمي 2010 جي إل إكس 72000 ألف

ويالغالي أهم شي عند الناس أن السيارة مرغوبة في كل ديرة وتمسك سعرها يعني يكون لها شعبية قوية

عموما الله يرزقك يالغالي

[دحيم الفزعة]

انا اشور عليك تاخذ ددسن لكن ما يمنع تسأل عن توفر قطع غيار النافارا وسعرها جديد وتشليح وتسأل اهل الخبره وش تشتكي منه النافارا منه دوما حتى تكون في الصوره وبالتوفيق
تحياتي =====

[ساري 111]

1هايلوكس
2ددسن

النفارا مامدحوها مشاكله واجد من كهرباء وحراره

[ابو طلال8666]

يا غالي ما لك با الددسن الدبل انا اشوفه من افضل ماطلعت شركة نيسان اخوي معه وحده مديل 2006 ابورفرف اسود كده كد الويل خطوط ديره نفود رادميات رضم الى الحين معه زي اللوز ولا تصرف بالخط وعزمه طيب وممشاه با النفود ممشى جيب ونت استخر والله يوفقك

[بيق مان]

نافارا
سيارة عملية وجميلة وتنفع لجميع الاغراض
عندي وحدة فل كامل تماتيك بنزين 2010 فاكها بحول 80000 ريال
انا من رأيي اذا نص الفل بحدود مبلغك توكل على الله.
موفق بإذن الله.
تحياتي.

[t505]

السلام عليكم
انا صاحب نافارا 2010 وقبل لا اشتريها احترت بين الددسن وا النافارا
اول شي النافارا ارفع من الددسن وهاذا الشي راح يساعدك فالبر
ثاني شي قيرها رياضي ست تعشيقات متقاربه
حوضها وسيع يتسع لعزبة بر كامله
الدخليه اوسع من الددسن وا بشكل كبير
اذا تبي نصيحتي خذ الستاندر السياحي
لان الجنوط تجيك هلل
والشباب الي يقولون اخذ هايلوكس ترا النافارا اقوى من الهايلوكس ونا طلعت مع صاحب هايلوكس 2010 غماره في الطعوس ماشالله على النافارا ما غرزت وصاحب الهايلوكس غرز مع انه سواق
بس الهلي نازله وا على طول تتعلق
وا عزم النافارا مثل عزم الهايلوكس
وترا الخط الخليجي افضل من الخط السعودي

انشالله اني اكون افتدك يا الغالي تقبل مروري

[الهاجس 354]

أنا أرشح نافارا
توكل على الله

[فيتامين]

السلام عليكم

الموضوع قديم جدا

انظروا إلى التاريخ !

[الهشمي]

السلام عليكم ورحمة الله وبركاته
استخير وتوكل على الله
اما عن رايي الشخصي فانا ارشح ددسن بما انها
تحتفض بسمات القوه والصلابه وانها يابانيه 100%100

[اهل الردات]

نفارا او هلي

[راعي النياسين]

اخوي واحد من الزملاء مع نافارا 2008 ماشيه حول 160 الف عالكها عللك مهوب صاحي وماشي معه زي الحلاوه ماغير فيها الا فلاتر وفحمات وزيت

ماشاء الله وانا جربتها بنفسي اريح من الددسن والهايلوكس بمرااحل وقيادتها ممتعه

استخر ربك وانا اخوك وتوكل على الله

والله يوفقك يالغالي

[روحي شمالية]

اقوول اخوي انا كنت مثلك محتار بين النافارا والددسن
استشر ناس قالو النافارا مهيب زينه ولا بعد قطع الغيااار غاليه ومهي متوفره واخذت ددسن 2010 تايلنديه
لاكن اقوولك الددسن اسئل ناس معرووفه الددسن بالتحمل وهي الا الان اصبر سياره على الاطلاق وانصح تاخذ ددسن

[أبـو عــزام]

اعتقد النافارا اجمل وافضل

[قصمي]

الموتر جميل ويستهل من يدفع كاشششششششششششش

[قصمي]

http://www.mekshat.com/pix/upload04/images189/mk189038_43.gif

[راع الحشه]

انصحك بالددسن اصبر وابيع

[ذيب اللابه]

اخوي نصيحة مني اذا عندك نية في النفارا تماتيك خذ 6 سلندر ولد عمي اخذ تماتيك 4 سلندر وندمان يقول مره ضعيف اما الـ6 سلندر قوي

وتبي نصيحتي دامك تبي القوة والدبل والراحة خذ الجمس الحوض غماره ونص شكل فخامة راحة كل اللي تبيه فيه
واذا تبي خذ دينالي سييرا هذا كلام ثاني

والله يوفقك ويرزقك واستخير وانا اخوك

[كشف 111]

شف مقطع الفيديو على اليوتيوب
http://www.youtube.com/watch?v=8zy_zG6Jof0

[عبدالرحمن1980]

الموضوع من 2008!!!!!!!!

[هلي ديزل]

نافااااااااااااااااااارا

[ffaa1100]

أخوي الكريم عليك بالنفارا لوما يجي منها الإ المرتبة الخلفية وسيعة للعايلة يكفي هذا, أما الددسن عيبه ضيق , وخاصة المرتبة الخلفية والله يعين العايلة , ولو إنك مجرب المرتبة الخلفية للددسن كان حسيت بمعاناة العوايل والأطفال

[ريشه صقر]

مع ان الموضوع قديم لكن المثل يقول اسال مجرب ولا تسأل طبيب

النافارا لو ما اشتريتها انا والله لندم عليها

الحمد لله مع المطانيج كأني بزفلت ولا اصوات ولا شي

جربت الددسن وجربت الهايلكس واحمد الله اني اخذت النافارا

[ابو عضب]

مالك الا الددسن

[كومبو]

هايلوكس غمارتين جي ال

[أبوسعد111]

السلام عليكم

رأيي

أحد الزملاء أشترى نافارا ومايمدح عزمه
والبر يحتاج سيارة عزمها ممتاز

وإذا أنت حادتك الظروف على الددسن
فلا تأخذ إلا دفرنسين دبل علشان البر
وحط ببالك أن العزم عزم 4 سلندر يعني بيعطيك عزم على حسب قدرته
هذا والله أعلم

[حاتم العمر]

استخر واعتقد ان الددسن افضل

[محب النياق]

شوفوا التاريخ

[جمس القنص]

النافارا اريح لك واوسع والبر ما جربته بس اتوقع نسم 10 وماعليك

[ابونبيل]

خذلك هايلكس حتى لو مستعمل اوسع من الددسن واقوى منه والنفارا فيها مشاكل على كلام احد الاعضاء

[ذيب بيشة]

هلي غماره
احسنلك

[العرض داري]

ناااااااااااافاررر
ولا يهون الددسن

[باترولي]

النافار جدا مريحه وقويه وكنت امشي عليها 180 وجدا مريحه ولاتسمع اصوات ومع البر قويه جدا.
الددسن ممتازه بس عيبها ماغير منوقز وحنه .....................................

[ابونبيل]

فلوسك تجيب لك هلي 2011 قطري قزاز تماتيك وقير عادي وعداد ليزر احمر

فخامه وقوه بالبر ومريحه بالخطوط بالاضافه الى السعه بالحوض والغماره

بالمعرض لاقيها ماشيه 26الف فقط ب 65,500ريال
بالساحه 62الف

[أمير العجمان]

انحش عن النافارا وانا اخوك

مع واحد من العيال تعلق بها على راس طعس
قعدنا خمس ساعات عجزنا نسحبها
الين جاء موتر ثاني , يعني ما سحبناها الا بموترين
لانها ثقيييييييلة

نصيحه :-
على قد فلوسك دور هايلكس مستعمل نظيف
و الله ما تندم ابد

[راعي الهدد1]

انا اشوف الددسن اجمل وافضل من ناحية شكل ومن ناحية ميتغير شكله له الحين 10 سنوات متغير شكلة

[ددسن 2008]

شوفوا التاريخ


هههه ما بالحمض احد:D

[ابو سلطان س]

نافار تتفوق علي الددسن بالشكل ولاكن لا تتفوق علي الهايلكس في التحمل ومعرف واجهة نيسان في كثرة الصرصره في البر

[مكشاتي تربة]

خذلك نافارا
ولالا تهوووووون ام عزيز

[fahd_shamary]

عليك بالددسن

[_TOYOTA_]

خذ الدقسن ارغب

[راعي الشاص 10]

انا كان معي نيفارا فل تماتيك تقيمي لها فوق الممتاز وحسب وجهة نضري انها افضل من الددسن بكثييير يميز الددسن عنها شيء واحد وهو لحضة البيع الددسن شيك

من مميزات النيفارا

المرتبة الخلفية اوسع من الددسن وهذي مشكلة يعاني منها اصحاب الدداسن
القير العادي يجي 6 غيارات اما الددسن 5 غيارات ومن مديل 5 وطالع تنقص مكينة الددسن نقص مزعج
توفر اكثر من لون لداخل وخارج النيفارا اما الددسن ابيض ومن داخل احمر

[البعير المغوار]

انتظر شوي جمع فلوس الين مايطلع الشكل الجديد للنافارا.

[الـجـذع]

انا انصحك بالددسن بحكم تجربتي لها

فوق 4 اسنين وانا كارفها كرف ولا اشتكت من شي

[جمس 19]

اسوزو ديماكس سعر مناسب ادا جيد

[غالي ثمن]

اخوي انحش عن النفارا والله لتخليك تشحذ مالك الي الدقسن

[شاووش]

تم التصويت للنافارا .. :)
وعلى فكره النافارا فئه اعلى من الددسن

[super benelli]

الموضوع له اربع سنوات ! ..

[وجعين]

نصيحة لا تقرب الددسن 2009 عند اقريب لي وخرب قيره ما تحمل مثل الهلي

[AMAZ]

الرجال شكله الان معاه رنج 2012 الموضوع له اربع سنوات وانتوا دوبكم تردون ؟

[الطبيب]

هههههههه

الشباب مستعجلين بالفزعه ...

أرجو إغلاق الموضوع ..

هذا والله أعلم
والسلام ختام

[وهج الحياة]

بالعكس ليش يغلق الموضوع الفائدة ليست لشخص واحد للجميع

[عقاااب]

اذا متاخذلك ربع رلا شاص مينفع

[مفضخ الشري]

تاريخ الموضوع : 18/05/2008
تاريخ اليوم : 21/04/2014
ماله داعي ترفعون مواضيع قديمه ياشباب

[ابوعبدالله199]

بها القيمه تجيب هايلكس 2014 من قطر طبعا جديد

وهو افضل خيار

[(ابو عبدالله)]

هل يجي نافار اتماتيك 6 سلندر دبل

[أنصر نبيك]

هل يجي نافار اتماتيك 6 سلندر دبل

ياسلالالالالالام لو كان يجي لكن للأسف لا اللي اعرفه يجي 6 سلندر ديزل

[المحتار111111]

ددسن.................

[مسير عليكم]

ههههههه الضاهر الرجال شرا وباع ونتم للحين ترفعون الموضوع الا علي الطاري وينه راعي الموضوع

[شقردي]

ههههههههه

وين يا شباب الموضوع قديم مرة

وشريت باترول ستاندر في وقتها

شكرا لكم

[مسير عليكم]

ومتعب الشباب ست سنوات وهم يتشاورون بددسن ولا نفارا وتسحب وتاخذ باترول:mad: ههههههه قويه كذا مالك داعي وتعب السنين:D

اتمني احد المشرفين يقفل الموضوع

[مطر وربيع]

بعد تجربة النافارا لسنوات
هي افضل من الددسن في الراحة والرساوة والوسع والمواصفات والقوة والتحميل لكن الددسن اجود وصيانتها اسهل وقطع غيارها اكثر توفر من النافارا !!

[فتك واحد]

هلا اخوي والله عليك بالنفارا لاددسن ولاهلكس افضل من داخل اوسع وراء وعزم كذالك لكن قطع غياره ماهي مثل الددسن لكن ميزته مريحه وبه نمره 6 واهم شي الاستخاره وتوكل على الله

[المحتار111111]

نيفارا وبس

[شمس الخليج]

السلام عليكم



يا شباب مكشات أنا ناوي أشتري سيارة للديرة وللبر


على أن لا يتجاوز السعر 65000 ريال
خمس وستون ألف ريال



وتحيرت بين نافارا نصف فل غمارتين


http://upload.moldova.org/auto/Nissan/2007_Nissan_Frontier_Navara.jpg



http://www.direct-vehicle-leasing.net/images/car_images/nissan%20navara%20pickup.jpg




http://www.mekshat.com/pix/upload02/images70/mk75124_navara-d40-4dr.jpg



أو ددسن جي أل غمارتين


http://www.mekshat.com/pix/upload02/images70/mk75124_c0b1af7096.jpg




الرجاء التصويت على الذي تراه مناسبا مع ذكر السبب


ورجاء لا أحد يقول زدها شوي وأشتري كذا وكذا


ورجاء لا أحد يقول أشتر جيب مستعمل تظيف



مسموح فقط بديل للسيارتين بنفس المبلغ على أن تكون مناسبة للبر والديرة ..

مرحبا اخي الكريم
نصيحتي اشتري لك نيسان داتسون دفرنشين لانه موتر مجرب ومعروف ومبروك في تصليحاته وصيانته بالنسبه للنيفارا جميل شكله لاكن قطعه نار مثال شخص اعرفه عنده نيفارا جديد ماتهنى فيه سنه الا والحذاف حق الماكينه منكسر ولما راح بيشتريه قالوا له محلات قطع الغيار ان سعره 3000 وعليها كسور فنصيحتي اشتر المجرب
وتقبل تحياتي