عبدالعزيز الدباسي
08/12/2003, 03:00 PM
تعرفون إن كل واحد له أطباع وصفات عادة ما تكون ملازمة له ، ونمط معين لشخصيته دائماً ما تسيطر عليه .
واللي يهمنا في مكشات أطباع وصفات بعض الشخصيات اللي من الممكن ان يصادفها الواحد في كشتة او يرافقها في سفرة
وسبق أن كتب اكثر من واحد صفات الشخص اللي كل واحد يتمنى انه يكشت معه ، وهو طبعاً (( الشقردي )) النشمي ، القرم ، هاب الريح ، وعادةً اغلب هذه الصفات تجتمع في شخص واحد .
واللي نبي نعرج عليهم في موضوعنا هم بقية الشخصيات وأنماطها وطريقة عمل صاحبها في الكشته ، والصفات اللي تغلب عليهم واسمحوا لي أني سميتهم بمسميات قد لا تكون معروفة عند بعضكم لكن اشتهرت بين الشباب وصارت معروفة عند الكثيرين ،،،، فعندنا سلمكم الله.
الزول / هذا الشخص متشرب الكسل والعجز ( حتى أخمص قدميه ) ودايم تلقاه جالس وإلا منسدح ( يتفنجل ) واقرب كلمة بالسانة (( لا دامك واقف )) جب لي ، وحط لي ، وما عمرك شفته تولى الشاهي وإلا القهوة وإلا ساعد بتقطيع البصل او تنظيف الجلسه .
النقاد / هذا الشخص فيه من الصفات السابقة ما يلبي حاجاته وما يشبع رغباته (الزولية ) ولكن يتميلح بالنقد لكل شى يشوفه حتى انه ما يسلم منه اللي يطبخ ، كل شوي يفتح القدر ويذوق ،، وهذا زايد ملحه ، وهذا ماسخ ،،، واذا غسّل المعاميل واحد من (الشقردية) وصب الدله قام يعفط براطمه ويميل خشته وبدأ ( يتنيذخ ) – قهوتك صايده –
البزِّيع / هذا النوع اللي يبزع برأيه حتى ولو كان خطاً ويتعبك بالمرة عند اختيار المكان ، هذا طامن وهذا ما بوه ذرا ، واللي يميز هالشخص انه سريع الانفعال يا تأخذ برايه والا يقعد يصارخ عليك ، وطبعاً ما يسلم اللي يسولف من مقاطعة هذا الرجل ومن مداخلاته الغبية ، واذا كنتم سامرين (ونار الشيوخ شابه) كل شوي يقعد يحبرش ويحرك النار الين تثعور دخان .
التطلي / هذا يا عيني عليه ناعم الى درجة انه ما يقرب للنار يخاف (يموع) والتطلي طبعاً تعرفونها مثل الجلي ، ترقرق مع كل هزة ، وتلقى هالشخص مهنا اكثر من اغراضه ،، معه اربع اشناط وكل وحده فيها اغراض ولوازم ( المعرسه ) تهون وتتنازل عن بعضهن ، واللي يميزه انه صاحب اكبر فراش للنوم في الطلعة .
الجدلي / هذا من النوع اللي يقرق من اول الكشته الين آخرها وكلن يجادله وكلن يحاجه وكل الناس عنده ،، ماعندهم سالفه ، ومن حبه للجدل تلقاه يفتح موضوع للنقاش علشان يتجادل معهم ، وتلقى الربع تروح ليلتهم في نقاشات مال امها داعي .
المطهبل / هذا تلقاه إحركه وما يخلي مكان حول الكشته الا يروح لمه ، ولا يخلي السيارة ترتاح ابد ، كل اشوي مشغل وماخذ لفه ، ولازم يروح مع اماكن غريبه ، وعادة ما يكون متهور بالقيادة ولا عنده باحد ، ودايم يحط نفسه في مواقف محرجه مع الناس .
الدبره / هذا من كثر ما يتليقف ( اللقافة ) تبرت منه ، ودايم ما يسوي نفسه فاهم ويعرف كلّش ، ومهنا درب الا يقول رحت معه ، ولا هنا مكان الا طبه ، واذا جيت تشيك على الاغراض قبل ما تمشون تلقاه ينط بحلقك (كلشن معنا ) بس امشوا ، ومسوي نفسه امير الرحلة من غير إمارة .
الملول / هذا يمل من عمره ويزهق من روحه ، وما يمديك تنزّل الاغراض وترتاح الا يقول ما ودكم نمشي ، ما تلاحظون اننا صيفنا ، وكل شوي متأفف ( افففففف) يعني ما لقيتو احسن من هالمكان ، ويخليك تمل من الطلعة وتزهق منها ، من كثرة ما يزن على راسك .
الطمل / من اول الرحلة الى آخرها بلبس واحد ماقدر غير شىء ، ودايم تلقاه وسخ ولا يهتم بنظافته ، وريحة شرابه تصرع الطير ، ويتميز انه اذا قضى من العشى والوقت براد على طول يلتفت للنار ويتقهوا من دون ما يغسل ، واذا شاف بياله نصفها حليب حطها مع سطل المعاميل بدون ما يكب اللي فيها .
الضرس / هذا الله يكافينا انتبه لا يعضك كل شوي يبي ياكل وكل شوي جوعان ولازم تاخذ معك اربع وجبات وخمس سناك (ٍ snack ) وما يمديك تغسل من الغداء ، الا يسأل متى تبي تتعشون ، وكل ما وقفت عند محطة تعبي بنزين تلقاه سابقك للبقالة وقاعد يدور على شىء ياكله .
القعيطي / هذا يطلع معك وينبسط ويسفهل ، وما عندك احسن منه ، واذا جاء وقت القطة ، قام يطلّع عيونه عليك ما جازله سواليفك ويسأل وش له كل هالمبلغ وش حنا شارين ، وبعدين وش له كل هالفسقة اللي انتم جايبين ، واذا قلت له ودنا نتنعم وندلع ارواحنا ، قال (( اخشوشنو فان النعم لا تدوم )) اعن ابو دارك وين الخشونه قبل ما نضف العفش راجعين .
المتمشيخ / هذا ما يلمس شى في الكشته وطول وقته ما غير يـتأمر على الشباب ، وحاط نفسه شيخ العشيرة وعند نفسه انه متنزل يوم طلع معكم ، وحاسب نفسه مع اكبارية القوم ، وجهابذة الديره ، وانه معطيكم فرصة علشان تتعلمون من خبراته وصولاته وجولاته .
الذروق / وهذا من الخوف اللي نافضن قلبه ما ينام اذا صار مافيه خيمة وتلقاه سهران طول الليل من شىء يمكن يجيه ولازم تفتح اللمبه طول الجلسلة ، ولا يمكن يتشوطر بعيد عن المكان اذا بغى يروح ومعه بريق الماء ، وما تنزل من سيف نفود الا شهق تقلن روحه اطلعت ، ولا تدخل شعيب بُه ماء ، ما تدري الا راسه عندك قدام يبي يشوف عنك ، وما يخلي كلمة في قاموس الطوارىء الا قالها - انتبه ، شف ، وش ذا ، لا تتعلق ، لا تطب بجفره ، وما ودك الا تنزل وتقول له تعال سق .
وطبعاً ياشباب ما فيه شله ما يكون فيها بعض هالنوعيات السيئة واكيد انه في ناس عندهم شلل وراعين بران فيهم صفات حميدة ونفس الشى سيئة ، واسمحولي على القصور ،،، ونسيت اقولكم صفات صاحب الشخصية الجميلة في الكشتة ، طبعا هو مهوب شقردي لكن ما لك غناة عنه ،،، وهو
السولفجي / وهذا ما يخليك تمل من سواليفه ، والقصايد والنكت وكل علمن غانم ، ومن مميزاته ان الجلسه تنتقل للمكان اللي هو جالسن به ، فاذا كان جالس عند النار تلقى كل الربع حوله ، واذا كان جالس عند اللي يطبخ ( طبعاً هو ما يطبخ) تلقى كل الربع عند القدر ، وما تحلى الروحه الا معه والا تزين الجلسه الا بسواليفه ، ومستعدين بعض الشباب انهم يقطّون عنه ( محفول مكفول ) بس تعال ، وعادةً صاحب هذه الصفات يميل الى السمنه والوزن الزايد
واللي يهمنا في مكشات أطباع وصفات بعض الشخصيات اللي من الممكن ان يصادفها الواحد في كشتة او يرافقها في سفرة
وسبق أن كتب اكثر من واحد صفات الشخص اللي كل واحد يتمنى انه يكشت معه ، وهو طبعاً (( الشقردي )) النشمي ، القرم ، هاب الريح ، وعادةً اغلب هذه الصفات تجتمع في شخص واحد .
واللي نبي نعرج عليهم في موضوعنا هم بقية الشخصيات وأنماطها وطريقة عمل صاحبها في الكشته ، والصفات اللي تغلب عليهم واسمحوا لي أني سميتهم بمسميات قد لا تكون معروفة عند بعضكم لكن اشتهرت بين الشباب وصارت معروفة عند الكثيرين ،،،، فعندنا سلمكم الله.
الزول / هذا الشخص متشرب الكسل والعجز ( حتى أخمص قدميه ) ودايم تلقاه جالس وإلا منسدح ( يتفنجل ) واقرب كلمة بالسانة (( لا دامك واقف )) جب لي ، وحط لي ، وما عمرك شفته تولى الشاهي وإلا القهوة وإلا ساعد بتقطيع البصل او تنظيف الجلسه .
النقاد / هذا الشخص فيه من الصفات السابقة ما يلبي حاجاته وما يشبع رغباته (الزولية ) ولكن يتميلح بالنقد لكل شى يشوفه حتى انه ما يسلم منه اللي يطبخ ، كل شوي يفتح القدر ويذوق ،، وهذا زايد ملحه ، وهذا ماسخ ،،، واذا غسّل المعاميل واحد من (الشقردية) وصب الدله قام يعفط براطمه ويميل خشته وبدأ ( يتنيذخ ) – قهوتك صايده –
البزِّيع / هذا النوع اللي يبزع برأيه حتى ولو كان خطاً ويتعبك بالمرة عند اختيار المكان ، هذا طامن وهذا ما بوه ذرا ، واللي يميز هالشخص انه سريع الانفعال يا تأخذ برايه والا يقعد يصارخ عليك ، وطبعاً ما يسلم اللي يسولف من مقاطعة هذا الرجل ومن مداخلاته الغبية ، واذا كنتم سامرين (ونار الشيوخ شابه) كل شوي يقعد يحبرش ويحرك النار الين تثعور دخان .
التطلي / هذا يا عيني عليه ناعم الى درجة انه ما يقرب للنار يخاف (يموع) والتطلي طبعاً تعرفونها مثل الجلي ، ترقرق مع كل هزة ، وتلقى هالشخص مهنا اكثر من اغراضه ،، معه اربع اشناط وكل وحده فيها اغراض ولوازم ( المعرسه ) تهون وتتنازل عن بعضهن ، واللي يميزه انه صاحب اكبر فراش للنوم في الطلعة .
الجدلي / هذا من النوع اللي يقرق من اول الكشته الين آخرها وكلن يجادله وكلن يحاجه وكل الناس عنده ،، ماعندهم سالفه ، ومن حبه للجدل تلقاه يفتح موضوع للنقاش علشان يتجادل معهم ، وتلقى الربع تروح ليلتهم في نقاشات مال امها داعي .
المطهبل / هذا تلقاه إحركه وما يخلي مكان حول الكشته الا يروح لمه ، ولا يخلي السيارة ترتاح ابد ، كل اشوي مشغل وماخذ لفه ، ولازم يروح مع اماكن غريبه ، وعادة ما يكون متهور بالقيادة ولا عنده باحد ، ودايم يحط نفسه في مواقف محرجه مع الناس .
الدبره / هذا من كثر ما يتليقف ( اللقافة ) تبرت منه ، ودايم ما يسوي نفسه فاهم ويعرف كلّش ، ومهنا درب الا يقول رحت معه ، ولا هنا مكان الا طبه ، واذا جيت تشيك على الاغراض قبل ما تمشون تلقاه ينط بحلقك (كلشن معنا ) بس امشوا ، ومسوي نفسه امير الرحلة من غير إمارة .
الملول / هذا يمل من عمره ويزهق من روحه ، وما يمديك تنزّل الاغراض وترتاح الا يقول ما ودكم نمشي ، ما تلاحظون اننا صيفنا ، وكل شوي متأفف ( افففففف) يعني ما لقيتو احسن من هالمكان ، ويخليك تمل من الطلعة وتزهق منها ، من كثرة ما يزن على راسك .
الطمل / من اول الرحلة الى آخرها بلبس واحد ماقدر غير شىء ، ودايم تلقاه وسخ ولا يهتم بنظافته ، وريحة شرابه تصرع الطير ، ويتميز انه اذا قضى من العشى والوقت براد على طول يلتفت للنار ويتقهوا من دون ما يغسل ، واذا شاف بياله نصفها حليب حطها مع سطل المعاميل بدون ما يكب اللي فيها .
الضرس / هذا الله يكافينا انتبه لا يعضك كل شوي يبي ياكل وكل شوي جوعان ولازم تاخذ معك اربع وجبات وخمس سناك (ٍ snack ) وما يمديك تغسل من الغداء ، الا يسأل متى تبي تتعشون ، وكل ما وقفت عند محطة تعبي بنزين تلقاه سابقك للبقالة وقاعد يدور على شىء ياكله .
القعيطي / هذا يطلع معك وينبسط ويسفهل ، وما عندك احسن منه ، واذا جاء وقت القطة ، قام يطلّع عيونه عليك ما جازله سواليفك ويسأل وش له كل هالمبلغ وش حنا شارين ، وبعدين وش له كل هالفسقة اللي انتم جايبين ، واذا قلت له ودنا نتنعم وندلع ارواحنا ، قال (( اخشوشنو فان النعم لا تدوم )) اعن ابو دارك وين الخشونه قبل ما نضف العفش راجعين .
المتمشيخ / هذا ما يلمس شى في الكشته وطول وقته ما غير يـتأمر على الشباب ، وحاط نفسه شيخ العشيرة وعند نفسه انه متنزل يوم طلع معكم ، وحاسب نفسه مع اكبارية القوم ، وجهابذة الديره ، وانه معطيكم فرصة علشان تتعلمون من خبراته وصولاته وجولاته .
الذروق / وهذا من الخوف اللي نافضن قلبه ما ينام اذا صار مافيه خيمة وتلقاه سهران طول الليل من شىء يمكن يجيه ولازم تفتح اللمبه طول الجلسلة ، ولا يمكن يتشوطر بعيد عن المكان اذا بغى يروح ومعه بريق الماء ، وما تنزل من سيف نفود الا شهق تقلن روحه اطلعت ، ولا تدخل شعيب بُه ماء ، ما تدري الا راسه عندك قدام يبي يشوف عنك ، وما يخلي كلمة في قاموس الطوارىء الا قالها - انتبه ، شف ، وش ذا ، لا تتعلق ، لا تطب بجفره ، وما ودك الا تنزل وتقول له تعال سق .
وطبعاً ياشباب ما فيه شله ما يكون فيها بعض هالنوعيات السيئة واكيد انه في ناس عندهم شلل وراعين بران فيهم صفات حميدة ونفس الشى سيئة ، واسمحولي على القصور ،،، ونسيت اقولكم صفات صاحب الشخصية الجميلة في الكشتة ، طبعا هو مهوب شقردي لكن ما لك غناة عنه ،،، وهو
السولفجي / وهذا ما يخليك تمل من سواليفه ، والقصايد والنكت وكل علمن غانم ، ومن مميزاته ان الجلسه تنتقل للمكان اللي هو جالسن به ، فاذا كان جالس عند النار تلقى كل الربع حوله ، واذا كان جالس عند اللي يطبخ ( طبعاً هو ما يطبخ) تلقى كل الربع عند القدر ، وما تحلى الروحه الا معه والا تزين الجلسه الا بسواليفه ، ومستعدين بعض الشباب انهم يقطّون عنه ( محفول مكفول ) بس تعال ، وعادةً صاحب هذه الصفات يميل الى السمنه والوزن الزايد