ندا لاصحاب الدداسن القديمه أرجو المساعده

[alse7es]

ياشباب أنا عضو جديد في المنتدى وأرجو المساعده في بعض الشغلات
أنا مدرس وتخبرو حال المدرسين صحاري وردميات وحالتهم حاله ماينفعلهم إلى ونيت أو جيب
وعندي ددسن 86 ألله يستر عليه ماشي حالو
المكينه 2000 سي سي حقت ددتسن والقير 4نمر أروح وأجي في حول 300 كيلو ليك عليها وحرام أشتري موتر جديد وأعدمو في هل خبوت
أول مشكله في مايمشي أكثر من 130
ثاني مشكله أبغ أغير القير خمسه نمر قالولي قير سيدرك طيب
ثالث مشكله طلعت اليوم صوت الدفرنس سار عالى وأبغي أغيرو بس طلما إني مغيرو أبغى رأيكم بأيش أغيرو

وياشباب أبغ الموتر على الأقل يوصل 160 140 مرررررررررررررررررره طيب وزين ومايتعن خاشو في الطلعات (يعني لمن تجي طلعه يموت) تقفه لا تبخلو بأرائكم

ومعليش على الإطاله

[ممتر البران]

وعليكم السلاام
اول شي ما معي ددسن
لكن ابا اساعدك
اول شي ددسن مديل 86 وتبي تمشي 160 واجد وخاصه في بر وردميه
وبعدين 130 كافيه جدا
وبالنسبه للقير لا تلعب به خله لا يطلع لك مشاكل انت بغنى عنها
وبعدين الدفرنس غيره بمثله من التشليح
وهذا اللي عندي
تحيتي لكم
ابو سعد

[NissaN 1990]

بالنسبه للدفرنس حاول تزينه وتجيب له قطع غيار أصلي وهو أزين من اللي يجي مستعمل ومجدد وما يخذ معك شهر إلا ويخرب
ومن ناحية الممشى صفه تصفيه كامله وركبله بواجي وبليتين وأسلاك بواجي وركب مراوح كهرب وشل مروحة بلاده ونزل خشمه شوي وشف كيف يبي يصير طياره إذا المكينه نظيفه ولا فيه شي

وإذا طعت شوري وهذي وجهة نظر بعه بقيمه زينه وزد عليه شي بسيط مره وخذ بقيمته باترول باب واحد سلق موديل من 1988 إلا 1991 نظيف مره أحسن وأخف نفس وأريح مع الخط ويمشي بدون ترهيم 180 بالراحه
هذي وجهة نظر وإذا ما جازلك كلامي قطه بالبحر

آسف على الإطاله وأتمنى أني قدمت معلومه مفيده ،،

[alse7es]

مشكور أبو سعد على الرد المفيد بس أنا أبغ أمشي 160 على الإزفلت

وأخوي نيسان المكينه إنشالله مافيها شي والتتصفيه كل شي مغير وكالله أما بالنسبه للتنزيله بنزلو شويه من قدام
أما بالنسبه للمراوح الكهربه يقولو يضعف الكهربه وبتصير مشاكل ولو غيرت دنمو كبير بيصير حل شويه تنحرق الكتاوت وتصير شغله وكفيت ووفيت

[NissaN 1990]

طيب ممكن السياره ما هي متعوده على المغط فلذلك إذا توك مستلم السياره إصبر عليها ومع كثر المراويح والخطوط راح تفتح البساتم وتصير تمشي أكثر من طلبونها
وأما عن المراوح الكهرب فهي مفيده وإذا بغيت أرسلك على رجال كهربائي ممتاز مره وهو اللي يحدد يا تركب يا ما تركب
وبالنسبه للمراوح الكهرب سعرها ما يتجاوز ال 300 ريال وهي بتعطيك فائدتين
1. إنك ما راح تغير القير إلا سدرك وبتخليه وكاله لأن الحنه المزعجه بتروح مع المروحه وهذا أكيد
2. السياره راح تخف مره بالمشي وبالقومه وبالصرفيه وهذا الكلام من واقع تجربه

إذا بغيت تركب أو ما بغيت تركب هذا الشي راجعلك فلاكن مجرد إقتراح وهو من واقع تجربه


آسف على الإطاله

[alse7es]

لله يعطيك ألف عافيه وللتذكير القير 4 نمر
وأتمنا إني أغير المراوح بس فين إلي تقول عليه وأيش إسم المحل

وإنا إلي أعتذر منك وأشكرك على التواصل والإفاده

[الرويلي22]

اخوي السلام عليكم اول شي انا ابي اعطيك راي غير القير الى 5 غيرات يعني ركب حق سدرك او حق ميتين ال واهم شي غير الدفرنس لان له فوائد كثيره بالممشه والقير لاتنسى لانه يريح المكينه وشكراَ تقبل مروري

[د ك م 586]

للمعلوميه اذا تبي تركب قير 5 نقل
تقدر تركب حق ددسن و 86 بعد لانها تجي من اليابان وتنباع في التشليح اللي في الصناعيه(تشاليح السوريين متخصصين بالقيرات) ولا يحتاج قير سدرك ولا ميتين ال هذا الكلام كان قبل لان ماكان يجينا من تشاليح اليابان
او تشاليح الامارات شي اما الان ماتحتاج الى ترهيم ابد وللمعلوميه الددسن ال86 الخليجي يجي 5نقل