المساعد الشخصي الرقمي

مشاهدة النسخة كاملة : السلام علــيكم ورحــمه الله وبركـــــــاته....!!


سهيل__
19/05/2008, 03:58 AM
السلام علــيكم ورحــمه الله وبركـــــــاته....!!

مساكم الله بالخير ....
والله يالربع انها ساعه مباركه الي اتعرف عليكم ويشرفني اني اكون واحد منكم وانا بصراحه كنت ادخل على هذا المنتدى من زمان لكن ما كنت اعرف اشلون اسجل لان جديد على الكمبيوتر ..
وودي اني أفيد وأستفيد من اخواني الموجودين بما اني من هواه الصقارة والمقناص بشــــكل دائـــــم

وانا ودي بسؤال اذا ماعليكم كلافه؟؟
والسؤال هـــو...!!

-أنا عندي طير قرناس لاحظت فيه شهر 12وشهر 1 أنه يرجع العلف بدون أن ييطحنه كاملاَ ورجع معه كرمكم الله زواع إميل لونه ‘لى الخضار فربطتة بعد شهر واحد والآن ألاحظ عليه أنه مايزوع كرمكم الله ولكن أكله بارد جداَ ((ينتش من العلف)) أرجو الإفاده من كبار الصقارين .......


وتحياتي للجميع
أخوكم سهيل__
قرناس ارامكو
19/05/2008, 04:14 AM
وعلــيكم السلام ورحــمه الله وبركـــــــاته
وصبحك الله بالخير
أخوي سهيل يصعب التنبؤ بمرض الطير لان الامراض تتشابة في أغلبها
لكن فحص المستشفى هو الفيصل
وأنشاءاللة مايشوف شر
تقبل مروري
سهيل__
19/05/2008, 04:35 AM
اخوي قناص أرامكو صبحك الله بالنور والسرور
عندنا مستشفى للحيوانات عرضت عليهم طيري وعطاني علاج مامنه منفعه والظاهر انه مايعالجون الا الكلاب أعزكم الله ورفع شأنكم
ومشكور على الرد الصاروخي صراحه سرعه خيالية
الفيتو
19/05/2008, 05:15 AM
بسم الله الرحمن الرحيم
السلام عليكم ورحمة الله وبركاته
صباح الخير ياخوي / سهيل
حياك الله بين ربعك وتفيد وتستفيد .. وطيرك فيه قلاع داخلي .احياناًَ الطيور
تقاوم القلاع وأحيانا يقضي عليها .. والظاهر طيرك عنده مقاومه
للقلاع لكن يجب تعاونه تروح للبيطري وتقول عطني علاج
الكنكر خاص بالحمام أفضل الكبسوله
تذرها فالعلف المقدار (2) حبتين وبعد سبوع حبه لمدة اسبوع
ثاني .والله يعافيك ويعافيه
*
والسلام
الفيتو
الحجاز
14/5/1429هـ
أبو رداد
19/05/2008, 07:41 AM
الله يحيك يسهيل بين ربعك واخوانك في مكشات
والطير مازاله صح والحمد لله ...
اشوف مافي داعي للعلاج والمستشفى في وقت الربطه
وبخصوص اكله بارد هذا طبيعي لان اكيد الطير (عديد)
اقصر عليه بالعلف يومين ثلاث وبعد ذلك زيد علف تدريجا
وان شاء مافيه غير العافيه ...
واعطه على الاقل اسبوعيا شي فرش (حمام او فري او جربوع او ارنب)
مع ريشه او صوفه ...
علشان يروبج لان الروباجه تساعد الطير على تنظيف الفرسه والتخلص من البكتريا وبقايا الطعام العالقه ...
ويامرحبا
صارووم
19/05/2008, 09:09 AM
وعليكم السلام ورحمة الله وبركاته
أخوي ســـهــيـــــل
عندي سؤال : هل طيرك ( بعد الروباجه ) تلاحظ أنه يرص علف ( يطحن ) ؟
بو هاشم
19/05/2008, 09:35 AM
حياك الله بين اخوانك
ان اقول مثل ماتفضل اخوي الكبير الفيتو
اذا كانت فيه او مافيه ترى هي ماتضره
وترتاح نفسيا
مدرب الطير
19/05/2008, 01:02 PM
المستشفى او خالد العويدي
جارح العين
19/05/2008, 01:14 PM
حياك الله اخوي
افضل لك افحص طيرك احتياط
واذا مابه شي مممكن زي كلام ابو رداد
والله يشفيه انشاء الله
قلب شاهين
19/05/2008, 01:18 PM
حياك الله في المنتدى ،،

والأخوان افادوك ،،

تحياتي / قلب شاهين ،،
سلطان 1
19/05/2008, 01:32 PM
اخوى سهيل انا مع كلام اخوى الفيتو طيرك اقرب ما فيه قلاع داخلى 0 تقبل مرورى 0
أبوإبراهيم1
19/05/2008, 06:00 PM
الشباب وفو وكفو
اذا فيه قلاع داخلي تتغير رائحة الفم المعهودة
ذراع الذيب
20/05/2008, 02:33 AM
السلام عليكم ورحمته الله وبركاته
مرحبابك ياسهيل مثل ماقال اخوي الفيتو قلاع كان عندي طير
نفس طريقه طيرك اعطيته حبوب القلاع البيطرين يسمونه تجبن حبه بعد العلف
ماشالله الطير تشافى بعد يوم وليله ولاتردد وراح تشوف طيرك يطحن العلف طحن.......
سهيل__
20/05/2008, 03:05 AM
صاروم مشكورعلى اهتمامك للموضوع انا لاحظت فيه الشغلى هذي شهر 11 الماضي نوفمبر حتى غاية شهر 2 فبراير
سهيل__
20/05/2008, 03:08 AM
مشكور اخوي الفيتو على أتمامك للموضوع وتقبل خالص تحياتي
المان العرب
20/05/2008, 09:17 AM
افادوك الاعضاء بس افحص طير احتياط
أبو فهد العيد
20/05/2008, 09:41 AM
حياك الله بين ربعك ..
انا اقول مثل ماخوي الفيتو.. ومايشوف شر طيرك..