شباب نبي رايكم (( افضل فشق للقطا )) ؟؟؟

[العليمي]

ابي شوركم في احسن فشق يطرح القطا .. رقم 4 ضغط 36 وش رايكم فيه ...

لا تبخلون بأرائكم الحكيمه ......

[ابو مساعد]

السلام عليكم ورحمة الله وبركاته

الاخ العزيزالعليمي القطا ينقل الصواب يبي فشق خشن رقم 1 ضغط 36 100%

ودام عزك

[القانوص]

السلام عليكم ورحمة الله وبركاته
الاخ العليمى انشاء الله منت اعليمى
القطا بيله فشق قوى ولكن كل ما قربتله احسن واضمن.
القطا بيله ركاده بالرمى والله الموفق.
اخوك القانوص

[العليمي]

مشكورين و ما قصرتوا ، لاكن كان ودي اشوف اراء الشباب الباقين للفائده ...

[جرناس]

انا اقول المتوسع ممتاز حق القطا ورقم 1

[العليمي]

مشكور أخوي جرناس ....

[اسير البر]

السلام عليكم .

ماني مختلف مع الاخوان عن تجربة....

واقول الفشق مع القطا لابد يكون خشن

مثل رقم (1).

تحياتي للجميع.............

[الشاقي]

الفشق المضمون للقطا انشالله هو اللي يسمونه المتوسع (9 حبات حلبي تكون بالفشقة) يليها رقم 1
للمعلومية القطا والبط جلودها قوية ممكن ان الحلبي رقم 6 او رقم 1 يدخلها ثم تطير وتنقل صوابها وتطير مسافة بعيدة وتطيح ويمكن انك ماتشوفها لو طاحت

[العليمي]

مشكورين يا شباب جميعاَ ..

[سهيل واحد]

اللأخ العليمي

زي ما قالك الاخ الشاقي و لا يهونون الباقين.
اللي اوصيك فيه انه اذا القطا موقع في ارض ممكن انك تجلد موترك فيها فا الله الله بإنك تدري با الضبط وينه موقع فيه وتصير عكس الهوى علشان ما ياصل له صوت السياره بسرعه. إذا توفرت لك ها الاشياء. توكل على الله و حط رجلك على الابنص و لا ترمي قبل ما تتأكد إنه على مرماك. و إلا خله لانه ما يبعد إذا ما ذيرته.

وعساك على القوه .

[العليمي]

مشكور على النصيحه يالغالي ...

[المشعاب]

مسيك بالخير ياالعليمي
القطا يبي له فشق جلال ( خشن) اذا كان طاير أما اذا كان موقع نمره (6) يطيحه اذا كان مرماك بحدود 25الى30متر وهذا الشي أنا مجربه قبل يومين وطيحت من فرق (4) جونيات ويوم طار الحقته نمره (1) 3فشقات وطاحن (3) جونيات أهم شي دقة الاصابه :good:

[قتال]

السلام عليكم ورحمة الله وبركاته ،،،

أخوي العليمي .. ولا يهونون الربع ..

صحيح أن الفشق له دور كبير بالصيد وخصوصاً مع القطا .. لكن الأهم هو دقة الإصابة ..

واختيارك للفشق جيد .. بس أحرص على أنه يكون أصلي ما هو مغشوش ..

[العليمي]

مشكورين جميعاَ ، جزاكم الله خير ....

[الأصلع]

السلام عليكم ورحمة الله وبركاته
با النسبه يالعليمي للقطاعموما ماعدا الكدري (الجوني) يبيله تركد برمي وتجيه عكس الهوى ام الفشق ماله دور كبير مره اهم شي الخطه الي قلتك اما الكدري يبيله ( اربيجي) لا نه مايطيح ابدن اذا كان الهوى معاه والصراحه ماانصحك الابلي قلولك الشباب بس انصحك بشي لايقربك المتوسع لا نه يفرش ويبيله رمايه خاصه ...

تحياتي:)

[العليمي]

وصراحه و بدون مجامله توقيعك ماشاء الله رهيب ;)