ياشباب الله يحفظكم ودي تدلوني وتفزعون لي ؟ فأرجوك لاتبخل

[أبوسعد999]

السلام عليكم . ياشباب الله يحفظكم ودي أسأل اللي عنده معلومه عن وين أحصل صاج الكبده . طبعا فيه نوعين نوع خفيف من ناحية السمك والنوع الثاني الطيب اللي يجي ثقيل من ناحية السمك ؟ وتراي ياشباب من سكان الرياض ودي أحد يدلني وين احصله في الرياض .
أنا رحت للبطحاء قريب من سوق العثيم للحوم وماحصلت الثقيل ورحت لإيكيا ومالقيت اللي في بالي ودي والله تدلوني وين أحصله بالرياض وكم سعره وتكفون يالنشامى .

[الخبوبي]

اللي أعرفه يابو سعد أن النوع السميك يفصل تفصيل

وأنا أعرف واحد من الشباب مفصل له وحده ,, بسأله وأعطيك خبر إن شاء الله

أحتمال تلقاها عند حقين الرحلات مثل برق الحيا والبريه

موفق

[أبوسعد999]

الله يعطيكم العافية .

[بن درويش]

ماعرف وين لانى من قطر
.........................................

[سوسة حطب]

أخوي أبو سعد من وجهة نظري تفصله على ذوقك أحسن
* أذكر كان عندي تاوه طايحه أخشبتها ورحت ولفتلها مصوره صغيره وركبت لها ربل بلاستك علشان الحرارة وركبت فيها مسكة للملعقة يعني زي هذه الأشياء تقدر تشغل عمرك وتبتكر ومو شرط تضبط الأولى لكن الثانية راح تضبط .
وجهة نظري الأشياء هذه حلوه وممتعه بنسبة لي

[عبد المجيد]

واللع يابو سعد أنا شاري من إيكيا ترا عندهم أنواع واجد
والله أنا جايزه لي وممتازه بس مشكلتها ضيقه شوي بالنسبه لي

[فارس الصمان1]

يجيك العلم إنشاء الله

[أبوسعد999]

الله يعطيكم العافية بس ودي والله بسرعة لأني مادري من وين أحصلها ؟ ةتبي الحقيقة خرمان كبدة عازمين شباب عليها بعد ماألقاها ؟ فتكفون يالنشامى

[بواسامه]

انت وصلت
بس طول وخل العثيم للحوم على اليمين ووجهك شرق وقبل الاشاره على اليمين محل فيه يماني كبير في السن عنده مقاسات وسماكات وانا شاريها منه قبل 3 سنوات
ولا رح لحراج بن قاسم قسم لمعدات المطاعم المستعمله وبتلقى حاجتك
وفقك الله

[أبوسعد999]

الله يعطيك العافية لكن بالنسبة للموقع اللي عند سوق العثيم انا جيته ودخلت محل اليمني لكن المشكله مالقيت عنده إلا الصاج صاحب الحديد الخفيف ليس سميك ؟ الله يعطيكم ابغى معلومه اكثر .

[مخاوي كشات]

الرابط هذا يدلك أخوي

http://mekshat.com/vb/showthread.php?t=134060

[خوي رجال]

يمكن تلقاه في شارع السبالة إلي في الشميسي والله اعلم لأن الشارع هذا كله ادوات منزلية

[أبوسعد999]

ياشباب بالنسبة للشميسي (اللي عليه الأواني المنزليه ) دخلت بعض المحلات ولم أجدها وجدت النوع الخاص بالمراقيش او المراصيع فقط . ياليت الشباب اللي شاركوا بوضع مواضيع عن المقلقل أو شي فيه صاج يعلمونى من وين شروه . ولايهون الباقي يالأجواد

[أبوسعد999]

افا يذا العلم وين فزعة الشباب والاخوان وين أهل الكيف والصاجات وأهل المقلقل ؟ لاتخيبون الأمل ياشباب والله يعطي العافية اللي شارك معي .

[ابوحماد]

بشارع السباله كل شي فيه

[أبوسعد999]

طيب هل فيه محل آخر غير شارع السباله .

[الصمان]

هلا اخوي شوف عندك محل ذئب الصحراء خلف اسواق العويس شمال
امس ماخذ وحده مقاس كبير 190 ريال وعندهم مقاس صغير 130 ريال
اخوك الصمان

[أبوسعد999]

الله يعطيك العافيه اخوي

[محب الكرك]

اخوى أبوسعد999 انت ذكرت انك مريت المحل اللى فيه اليمانى ترى فيه كم محل غيره بعد الاشاره يسار وانت موجه شرق وقد اخذت قبل 5اشهرواذ ماحصلت عندهم خله يدبره لك لنهم على مضن يجيبونه من جده

[أبوسعد999]

الله يعطيكم العافيه وشكرا لكم . هل من معلومات إضافيه ولايهون اللي شارك معي .

[ابومهنا]

انا ماخذ وحدة من محل برق الحيا اللي في مخرج 15 عندة النوع الستيل الأصلي 100% اللي لا يصدأ ولا ينحك ماخذها وانا اخوك بــ 120 ريال حجم وسط

الوصف \ وانت متجه جهة الجنوب وانت في الدائري خش مع مخرج 15 يسار كأنك متجه لمقبرة النسيم وخشم العان المهم اول ما تخش يسار تبي تجيك اول إشاره تعدها الإشارة الثانية ديور معها وامسك الخدمة يجيك المحل على اليمين بعد كيلو أو أقل

ارجو ان اكون افدتك

[أبوسعد999]

الله يبارك فيكم ويعطيكم العافيه والله مشكورين . هل من مزيد ايضا ؟لكن هل اللي في محل برق الحيا هي نفسها اللي في محل ذئب الصحراء !!!

[عاشق المهره]

ممكن تلقاها في السيف للاواني المنزليه

[أبوسعد999]

الله يعطيكم العافية شباب لكن والله مريت 3 محلات كلها ابحث عن الصاجة من النوع السميك ولالقيتها حتى المحل اللي قالوا بشمال الرياض (ذئب الصحراء ) مالقيتها فيه لقيت النوع الخفيف . الله يعطيكم العافيه لأن النوع الخفيف متواجد في كل محل حجم السمك يمكن حوالي 3 ملم أنا ابغى الشكل الاخر . ومشكور من اللي تفاعل معي وقرأ رسالتي .

[أبوسعد999]

الله يعطيكم العافية شباب لكن والله مريت 3 محلات كلها ابحث عن الصاجة من النوع السميك ولالقيتها حتى المحل اللي قالوا بشمال الرياض (ذئب الصحراء ) مالقيتها فيه لقيت النوع الخفيف . الله يعطيكم العافيه لأن النوع الخفيف متواجد في كل محل حجم السمك يمكن حوالي 3 ملم أنا ابغى الشكل الاخر . ومشكور من اللي تفاعل معي وقرأ رسالتي .

[أبوسعد999]

الله يعطيكم العافية شباب لكن والله مريت 3 محلات كلها ابحث عن الصاجة من النوع السميك ولالقيتها حتى المحل اللي قالوا بشمال الرياض (ذئب الصحراء ) مالقيتها فيه لقيت النوع الخفيف . الله يعطيكم العافيه لأن النوع الخفيف متواجد في كل محل حجم السمك يمكن حوالي 3 ملم أنا ابغى الشكل الاخر . ومشكور من اللي تفاعل معي وقرأ رسالتي .

[أبوسعد999]

الله يعطيكم العافية شباب لكن والله مريت 3 محلات كلها ابحث عن الصاجة من النوع السميك ولالقيتها حتى المحل اللي قالوا بشمال الرياض (ذئب الصحراء ) مالقيتها فيه لقيت النوع الخفيف . الله يعطيكم العافيه لأن النوع الخفيف متواجد في كل محل حجم السمك يمكن حوالي 3 ملم أنا ابغى الشكل الاخر . ومشكور من اللي تفاعل معي وقرأ رسالتي .

[تايتد]

ابو سعد اناشاريه من المدينه المنوره

اذا جاتك فرصه ورحة توجد خلف جبل احد ويفصلوها وانت واقف على الطريقه اللي تبي